L_202402749GA.000101.fmx.xml

TREOIR (AE) 2024/2749 Ó PHARLAIMINT NA hEORPA AGUS ÓN gCOMHAIRLE

an 9 Deireadh Fómhair 2024

lena leasaítear Treoracha 2000/14/CE, 2006/42/CE, 2010/35/AE, 2014/29/AE, 2014/30/AE, 2014/33/AE, 2014/34/AE, 2014/35/AE, 2014/53/AE agus 2014/68/AE a mhéid a bhaineann le nósanna imeachta éigeandála le haghaidh measúnú comhréireachta, toimhde chomhréireachta, glacadh sonraíochtaí coiteanna agus faireachas margaidh i ngeall ar éigeandáil sa mhargadh inmheánach

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagail 91 agus 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa (1),

Ag féachaint don tuairim ó Choiste na Réigiún (2),

Ag gníomhú dóibh i gcomhréir leis an ngnáthnós imeachta reachtach (3),

De bharr an mhéid seo a leanas:

(1)

Le Rialachán (AE) 2024/2747 ó Pharlaimint na hEorpa agus ón gComhairle (4), leagtar síos rialacha arb é is aidhm dóibh, le linn géarchéime, gnáthfheidhmiú an mhargaidh inmheánaigh a áirithiú, lena n-áirítear saorghluaiseacht earraí, seirbhísí agus daoine, agus infhaighteacht earraí agus seirbhísí atá ábhartha i gcás géarchéime agus earraí agus seirbhísí atá ríthábhachtach do shaoránaigh, do ghnólachtaí agus d’údaráis phoiblí. Tá feidhm ag an Rialachán sin maidir le hearraí agus seirbhísí araon.

(2)	Le Rialachán (AE) 2024/2747, leagtar síos bearta ar cheart iad atá le himlonnú ar bhealach comhleanúnach, trédhearcach, éifeachtúil, comhréireach agus tráthúil, chun an tionchar géarchéime ar fheidhmiú an mhargaidh inmheánaigh a chosc, a mhaolú agus a íoslaghdú.

(3)	Le Rialachán (AE) 2024/2747, leagtar síos sásra ilsrathach arb é atá ann pleanáil theagmhasach agus faireachas ar an margadh inmheánach agus modhanna éigeandála.

(4)

Chun an creat arna bhunú le Rialachán (AE) 2024/2747 a chomhlánú, comhsheasmhacht a áirithiú agus éifeachtacht an chreata sin a fheabhsú tuilleadh, is iomchuí a áirithiú gur féidir earraí atá ábhartha i gcás géarchéime dá dtagraítear sa Rialachán sin a chur ar an margadh inmheánach go pras chun rannchuidiú le haghaidh a thabhairt ar shuaitheadh sa mhargadh sin agus é a mhaolú.

(5)

Le roinnt gníomhartha dlí earnála de chuid an Aontais, leagtar síos rialacha comhchuibhithe maidir le dearadh, monarú, measúnú comhréireachta agus cur ar an margadh táirgí áirithe. Áirítear ar na gníomhartha dlí sin Treoracha 2000/14/CE (5), 2006/42/CE (6), 2010/35/AE (7), 2014/29/AE (8), 2014/30/AE (9), 2014/33/AE (10), 2014/34/AE (11), 2014/35/AE (12), 2014/53/AE (13) agus 2014/68/AE (14) ó Pharlaimint na hEorpa agus ón gComhairle (‘na Treoracha leasaithe’). Thairis sin, tá an chuid is mó de na gníomhartha dlí sin bunaithe ar phrionsabail an chur chuige nua maidir le comhchuibhiú teicniúil agus tá siad ailínithe freisin leis na forálacha tagartha a leagtar síos le Cinneadh Uimh. 768/2008/CE ó Pharlaimint na hEorpa agus ón gComhairle (15).

(6)

Ní dhéantar foráil leis na forálacha tagartha a leagtar síos le Cinneadh Uimh. 768/2008/CE, ná leis na forálacha sonracha a leagtar síos le reachtaíocht earnála an Aontais um chomhchuibhiú maidir le nósanna imeachta atá ceaptha feidhm a bheith acu le linn géarchéime. Dá bhrí sin, is iomchuí coigeartuithe spriocdhírithe a thabhairt isteach ar na Treoracha leasaithe, lena gceadófar freagairt ar thionchar géarchéimeanna a dhéanann difear do tháirgí arna n-ainmniú mar earraí atá ábhartha i gcás géarchéime i gcomhréir le Rialachán (AE) 2024/2747 agus a chumhdaítear leis na Treoracha leasaithe.

(7)

Is léir ón taithí a fuarthas ó ghéarchéimeanna roimhe seo a rinne difear don mhargadh inmheánach nach bhfuil na nósanna imeachta a leagtar síos i ngníomhartha dlí earnála an Aontais ceaptha chun freastal ar riachtanais na gcásanna freagartha géarchéime agus nach bhfuil an tsolúbthacht rialála is gá ag gabháil leo. Is iomchuí, dá bhrí sin, foráil a dhéanamh maidir le bunús dlí do nósanna imeachta freagartha géarchéime den sórt sin chun na bearta arna nglacadh faoi Rialachán (AE) 2024/2747 a chomhlánú.

(8)

Chun na héifeachtaí a d’fhéadfadh a bheith ag suathadh ar fheidhmiú an mhargaidh inmheánaigh a shárú i gcás géarchéime agus chun a áirithiú, le linn mhodh éigeandála an mhargaidh inmheánaigh, gur féidir earraí comhchuibhithe atá ábhartha i gcás géarchéime a chur ar an margadh go pras, is iomchuí foráil a dhéanamh maidir le ceanglas ar na comhlachtaí um measúnú comhréireachta tosaíocht a thabhairt d’iarratais ar mheasúnú comhréireachta le haghaidh na n-earraí sin thar aon iarratas atá ar feitheamh a bhaineann le táirgí nach bhfuil ainmnithe mar earraí atá ábhartha i gcás géarchéime. I gcomhthéacs na tosaíochta sin, níor cheart cead a bheith ag an gcomhlacht um measúnú comhréireachta costais dhíréireacha bhreise a ghearradh ar an monaróir. Ba cheart na costais bhreise uile a ghearrann comhlacht um measúnú comhréireachta ar an monaróir a bheith i gcomhréir go docht leis na hiarrachtaí breise iarbhír arna ndéanamh ag an gcomhlacht um measúnú comhréireachta chun an tosaíocht a chur chun feidhme agus níor cheart iad a ghearradh ach amháin le linn mhodh éigeandála an mhargaidh inmheánaigh. Ba cheart aistriú costas breise agus comhréireach áirithe a dhéanann na comhlachtaí um measúnú comhréireachta chuig na monaróirí leanúint de bheith eisceachtúil agus ba cheart go léireofaí leis dáileadh cothrom na gcostas i measc na ngeallsealbhóirí uile a bhfuil baint acu leis na hiarrachtaí srian a chur leis an suaitheadh ar fheidhmiú an mhargaidh inmheánaigh. Níor cheart go mbeadh na costais a bhaineann le measúnú comhréireachta ina mbacainn ar mhonaróirí nua ionchasacha, go háirithe fiontair bheaga agus mheánmhéide, teacht isteach ar an margadh agus níor cheart go gcuirfidís srian ar theacht chun cinn táirgí nuálacha. Thairis sin, ba cheart na comhlachtaí um measúnú comhréireachta dá dtugtar fógra faoi na Treoracha leasaithe a spreagadh chun a n-acmhainneacht tástála a mhéadú le haghaidh táirgí arna n-ainmniú mar earraí atá ábhartha i gcás géarchéime agus ar tugadh fógra dóibh ina leith.

(9)

Ba cheart nósanna imeachta éigeandála a leagan síos i dTreoracha 2000/14/CE, 2006/42/CE, 2010/35/AE, 2014/29/AE, 2014/30/AE, 2014/33/AE, 2014/34/AE, 2014/35/AE, 2014/53/AE agus 2014/68/AE. Níor cheart na nósanna imeachta sin a bheith infheidhme ach amháin tar éis mhodh éigeandála an mhargaidh inmheánaigh a ghníomhachtú agus amháin nuair a ainmnítear earra sonrach a chumhdaítear leis na Treoracha sin mar earra atá ábhartha i gcás géarchéime i gcomhréir le Rialachán (AE) 2024/2747 agus nuair a bheidh gníomh cur chun feidhme glactha ag an gCoimisiún lena ngníomhachtaítear na nósanna imeachta sin i gcomhréir leis an Rialachán sin.

(10)

Ina theannta sin, i gcásanna, mar shampla, ina bhféadfadh an suathadh ar fheidhmiú an mhargaidh inmheánaigh difear a dhéanamh do na comhlachtaí um measúnú comhréireachta nó i gcásanna nár leordhóthanach na hacmhainneachtaí tástála le haghaidh táirgí arna n-ainmniú mar earraí atá ábhartha i gcás géarchéime, is iomchuí foráil a dhéanamh maidir leis an bhféidearthacht go n-údaródh na húdaráis náisiúnta inniúla ar bhonn eisceachtúil sealadach táirgí a chur ar an margadh, ar táirgí iad nár cuireadh faoi na gnáthnósanna imeachta um measúnú comhréireachta a cheanglaítear le reachtaíocht earnála an Aontais um chomhchuibhiú faoi seach.

(11)

A mhéid a bhaineann le táirgí a thagann faoi raon feidhme na dTreoracha leasaithe, arna n-ainmniú mar earraí atá ábhartha i gcás géarchéime, ba cheart do na húdaráis náisiúnta inniúla a bheith in ann, i gcomhthéacs éigeandáil leanúnach sa mhargadh inmheánach, a maolú ar an oibleagáid na nósanna imeachta um measúnú comhréireachta a leagtar síos sna Treoracha leasaithe a dhéanamh, i gcás ina bhfuil rannpháirtíocht comhlachta faoina dtugtar fógra éigeantach. I gcásanna den sórt sin, ba cheart na húdaráis sin a bheith in ann údaruithe a eisiúint chun na táirgí sin a chur ar an margadh, agus, de réir mar is infheidhme, a chur i seirbhís, ar choinníoll go n-áiritheofar comhréireacht leis na ceanglais sábháilteachta riachtanacha uile is infheidhme. Ba cheart é a bheith indéanta comhlíonadh na gceanglas sin a léiriú trí mhodhanna éagsúla, lena bhféadfaí tástáil arna déanamh ag na húdaráis náisiúnta ar shamplaí arna gcur ar fáil ag an monaróir a rinne iarratas ar údarú a áireamh leo. Ba cheart tuairisc shoiléir a thabhairt san údarú arna eisiúint ag an údarás náisiúnta inniúil ar na nósanna imeachta sonracha a leanadh chun comhlíonadh agus torthaí na nósanna imeachta sin a léiriú.

(12)

Ós rud é go leanfaidh na ceanglais sábháilteachta riachtanacha arna gcomhchuibhiú leis na Treoracha leasaithe de bheith infheidhme agus gur cheart go mbeadh údarás náisiúnta inniúil in ann an t-údarú a eisiúint chun táirgí a chur ar an margadh gan an mharcáil CE, go heisceachtúil, go sealadach agus de bhreis ar na nósanna imeachta um measúnú comhréireachta a leagtar síos sna Treoracha sin, leanann an Treoir seo d’fheabhas a chur ar na dálaí le haghaidh fheidhmiú an mhargaidh inmheánaigh. Leis an Treoir seo, cuirtear san áireamh an comhthéacs a bunaíodh leis na rialacha lán-chomhchuibhithe a eascraíonn as na Treoracha atá ann cheana agus na rialacha comhlántacha a eascraíonn as na leasuithe a dhéantar orthu leis an Treoir seo. Leis na leasuithe sin, bheadh údaráis náisiúnta in ann údaruithe arna n-eisiúint i mBallstáit eile a aithint agus cheanglófaí ar an gCoimisiún bailíocht na n-údaruithe náisiúnta sin a leathnú ó chríoch aon Bhallstáit amháin go críoch an Aontais, trí bhíthin gníomhartha cur chun feidhme, ar choinníoll go n-áirithítear leis na ceanglais a leagtar amach san údarú comhréireacht leis na ceanglais riachtanacha a leagtar síos sna Treoracha leasaithe sin. Tá údar cuí le scéim údaraithe náisiúnta chomhthreomhar den sórt sin in amanna eisceachtúla géarchéime, chomh maith le nós imeachta um measúnú comhréireachta an Aontais, agus tá sí comhréireach chun an cuspóir dlisteanach maidir le sláinte, beatha agus sábháilteacht daoine a chosaint. Trí gan foráil a dhéanamh maidir le haitheantas frithpháirteach uathoibríoch do gach údarú náisiúnta a mhaolaíonn ó nósanna imeachta um measúnú comhréireachta le linn géarchéime, is é is aidhm don Treoir seo nach dtiocfar timpeall ar an nós imeachta um marcáil CE ná nach mbainfear an bonn de, agus, ar an gcaoi sin, go leanfaidh tomhaltóirí de mhuinín a bheith acu as sábháilteacht táirgí ar mhargadh an Aontais ar a bhfuil an mharcáil CE. Dá bhrí sin, leis na rialacha maolaithe nua sin, níor cheart difear a dhéanamh, a mhéid a chuirtear toirmeasc leo ar ghreamú na marcála CE de tháirgí nach bhfuil formheasta ach ar an leibhéal náisiúnta amháin, don reachtaíocht chomhchuibhithe maidir le táirgí ná do mhuinín na dtomhaltóirí sa mharcáil CE, nach féidir a ghreamú ach amháin i gcás inar urramaíodh na rialacha substainteacha agus na rialacha nós imeachta comhchuibhithe uile. Trí bhealach breise comhthreomhar a sholáthar chun earraí atá ábhartha i gcás géarchéime a chur ar an margadh go heisceachtúil i gcomhthéacs éigeandáil sa mhargadh inmheánach, cuireann na rialacha maolaithe ar chumas monaróirí nua a dtáirgí a chur ar an margadh go tapa gan fanacht go dtabharfar na gnáthnósanna imeachta um measúnú comhréireachta chun críche. Leis an gcur ar an margadh brostaithe agus eisceachtúil sin, chuideofaí leis an méadú tapa ar sholáthar earraí atá ábhartha i gcás géarchéime, agus ag an am céanna, d’éascófaí monaróirí toisc go gceadódh sé dóibh baisceanna tosaigh nó sraith táirgí tosaigh a chur ar an margadh sula gcuirtear na nósanna imeachta um measúnú comhréireachta i gcrích. A luaithe a bheidh na nósanna imeachta um measúnú comhréireachta curtha i gcrích go rathúil, ba cheart baisceanna nó sraith táirgí ina dhiaidh sin a bheith i gcomhréir go hiomlán leis na rialacha ábhartha is infheidhme agus, ar an gcaoi sin, tairbhiú den tsaorghluaiseacht. Ós rud é, le linn éigeandáil sa mhargadh inmheánach, gurb ann do shraith eisceachtúil, maolaithe de rialacha, i dteannta na rialacha is infheidhme de ghnáth, is féidir aistriú go dtí na rialacha is infheidhme de ghnáth, rud a chuireann ar chumas na monaróirí leanúint dá dtáirgí a chur ar an margadh tar éis dhul in éag nó dhíghníomhachtú mhodh éigeandála an mhargaidh inmheánaigh.

(13)

I gcás ina ndearna an Coimisiún bailíocht údaraithe arna eisiúint ag Ballstát a leathnú chuig críoch an Aontais ina iomláine trí bhíthin gníomh cur chun feidhme, níor cheart feidhm a bheith ag na coinníollacha maidir leis na hearraí lena mbaineann a chur ar an margadh ach amháin maidir leis na hearraí sin a chuirfear ar an margadh tar éis dháta theacht i bhfeidhm an ghnímh cur chun feidhme sin. D’fhéadfaí foráil a dhéanamh leis an ngníomh cur chun feidhme sin maidir le tairbhe na saorghluaiseachta a dheonú freisin d’earraí atá curtha ar an margadh cheana féin ar bhonn údaruithe atá ann cheana. Na húdaruithe uile atá ann cheana arna n-eisiúint ag na Ballstáit roimh theacht i bhfeidhm gnímh cur chun feidhme ón gCoimisiún, ba cheart dóibh scor de bhunús dlí a thabhairt do na hearraí a chur ar an margadh tar éis theacht i bhfeidhm an ghnímh cur chun feidhme ón gCoimisiúin maidir leis na hearraí céanna, agus ba cheart do na Ballstáit na bearta is gá a dhéanamh chuige sin. Maidir le hearraí a cuireadh ar an margadh cheana ar bhonn údarú arna ghlacadh ag Ballstát sular glacadh gníomh cur chun feidhme ón gCoimisiún, níor cheart gur ghá iad a tharraingt siar nó a aisghairm mura rud é gur sainaithníodh ábhair shonracha imní sábháilteachta maidir leis na hearraí sin a bhfuil gá le gníomhaíochtaí ceartaitheacha nó sriantacha mar thoradh orthu a bheidh le déanamh ag an gCoimisiún trí bhíthin gníomh cur chun feidhme eile.

(14)

Bailíocht na n-údaruithe uile, arna n-eisiúint le linn mhodh gníomhach éigeandála an mhargaidh inmheánaigh i gcomhréir leis na nósanna imeachta éigeandála a bhunaítear leis an Treoir seo, chun táirgí arna n-ainmniú mar earraí atá ábhartha i gcás géarchéime a chur ar an margadh, ba cheart go rachadh an bhailíocht sin in éag go huathoibríoch ar dháta éaga nó dhíghníomhachtaithe mhodh éigeandála an mhargaidh inmheánaigh. Mar sin féin, ba cheart go bhféadfaí údaruithe a eisiúint a bhfuil bailíocht níos giorra acu. A luaithe a bheidh údarú imithe in éag, níor cheart earraí atá ábhartha i gcás géarchéime a chur ar an margadh a thuilleadh ar bhonn an údaraithe sin. Mar sin féin, níor cheart, mar thoradh ar dhul in éag údaraithe, oibleagáid a ghníomhachtú go huathoibríoch earraí a cuireadh ar an margadh cheana ar bhonn an údaraithe sin a tharraingt siar nó a aisghairm. I gcásanna inar cuireadh ar an margadh iad de shárú ar na coinníollacha a leagtar síos san údarú nó i gcás ina bhfuil cúiseanna leordhóthanacha ann lena chreidiúint go mbaineann riosca do shláinte nó do shábháilteacht daoine leis na hearraí a chumhdaítear faoin údarú sin, ba cheart go mbeadh na húdaráis náisiúnta um fhaireachas margaidh i dteideal na gníomhaíochtaí ceartaitheacha agus sriantacha uile atá ar fáil dóibh a dhéanamh i gcomhréir leis na Treoracha leasaithe agus Rialachán (AE) 2019/1020 ó Pharlaimint na hEorpa agus ón gComhairle (16). Chun coinníollacha aonfhoirmeacha a áirithiú maidir le cur chun feidhme na nósanna imeachta éigeandála earnála, ba cheart go dtabharfaí de chumhacht don Choimisiún rialacha a leagan síos maidir leis na gníomhaíochtaí leantacha atá le déanamh agus na nósanna imeachta atá le leanúint i ndáil leis na hearraí a chuirtear ar an margadh i gcomhréir leis na nósanna imeachta earnála éigeandála ábhartha.

(15)

Chun comhroinnt thráthúil faisnéise a áirithiú agus chun go mbeidh na Ballstáit uile in ann freagairt, ba cheart an Coimisiún agus na Ballstáit eile a chur ar an eolas láithreach faoi aon chinneadh a dhéantar ar an leibhéal náisiúnta chun earraí atá ábhartha i gcás géarchéime a údarú. Leis an gCóras Faisnéise agus Cumarsáide maidir le Faireachas Margaidh (ICSMS) dá bhforáiltear i Rialachán (AE) 2019/1020, soláthraítear na feidhmeanna is gá cheana chun gur féidir fógra a thabhairt go tapa faoi chinntí riaracháin agus, dá bhrí sin, ba cheart do na Ballstáit a bheith in ann é a úsáid chun na críche sin. Ina theannta sin, ba cheart faisnéis faoi gach gníomhaíocht cheartaitheach nó shriantach a chomhroinnt freisin. De bhun Rialachán (AE) 2019/1020, ní mór an fhaisnéis a bheith inrochtana in ICSMS gan beann ar cibé acu is gá nó nach gá fógra a thabhairt faoi na gníomhaíochtaí sin sa chóras Safety Gate mar gheall ar na táirgí a bhfuil riosca tromchúiseach ag baint leo. Seachnófar iontráil dhúbailte tríd an gcomhéadan sonraí idir an córas Safety Gate agus ICSMS, comhéadan a choinneoidh an Coimisiún ar bun i gcomhréir le Rialachán (AE) 2019/1020.

(16)

Ba cheart a chur sna húdaruithe uile arna n-eisiúint ag na Ballstáit chun earraí atá ábhartha i gcás géarchéime a chur ar an margadh, ar a laghad, faisnéis áirithe a thacaíonn leis an measúnú go gcomhlíonann na hearraí lena mbaineann na ceanglais riachtanacha is infheidhme agus ba cheart gnéithe áirithe a bheith iontu lena n-áirithítear inrianaitheacht. Ba cheart a áireamh ar na heilimintí a bhaineann le hinrianaitheacht ceanglais shonracha maidir leis an lipéadú, na doiciméid a ghabhann leis nó aon mhodh breise chun a áirithiú go sainaithnítear na hearraí lena mbaineann agus chun gur féidir iad a rianú feadh an tslabhra soláthair. Chun cur chun feidhme aonfhoirmeach agus comhleanúnach na gceanglas inrianaitheachta a áirithiú ar fud an Aontais, ba cheart na ceanglais choiteanna inrianaitheachta a shonrú freisin i ngníomhartha cur chun feidhme ón gCoimisiún lena ndéantar bailíocht údaruithe arna n-eisiúint ag Ballstát a fhadú. Ba cheart a áireamh ar na ceanglais sin na socruithe sonracha maidir leis an tásc gur ‘earra atá ábhartha i gcás géarchéime’ é an táirge lena mbaineann. Ba cheart go dtabharfaí de chumhacht don Choimisiún, trí ghníomhartha cur chun feidhme, a luaithe a rachaidh modh éigeandála an mhargaidh inmheánaigh in éag nó a luaithe a dhíghníomhachtófar é, aon choigeartuithe is gá a ghlacadh ar na ceanglais inrianaitheachta le haghaidh earraí atá ábhartha i gcás géarchéime agus atá curtha ar an margadh cheana féin ar bhonn údarú arna eisiúint ag Ballstát.

(17)

I gcás ina dtiocfaidh méadú as cuimse ar an éileamh ar tháirgí áirithe mar thoradh ar éigeandáil sa mhargadh inmheánach, agus chun tacú le hiarrachtaí oibreoirí eacnamaíocha freastal ar an éileamh sin, is iomchuí sásra a bhunú chun tagairtí teicniúla a sholáthar, ar cheart do mhonaróirí a bheith in ann a úsáid chun earraí atá ábhartha i gcás géarchéime a dhearadh agus a tháirgeadh, ar earraí iad a chomhlíonann na ceanglais riachtanacha sláinte agus sábháilteachta is infheidhme.

(18)

Le roinnt gníomhartha reachtacha earnála comhchuibhithe de chuid an Aontais, déantar foráil maidir leis an bhféidearthacht do mhonaróir a bheith in ann tairbhiú de thoimhde chomhréireachta má chomhlíonann a tháirge caighdeán comhchuibhithe. Mar sin féin, i gcásanna nach ann do chaighdeáin den sórt sin nó ina bhféadfadh sé go mbeadh sé ródheacair iad a chomhlíonadh mar gheall ar an suaitheadh a tharla de dheasca na géarchéime, is iomchuí foráil a dhéanamh maidir le sásraí malartacha freagartha ar ghéarchéimeanna.

(19)

Maidir le Treoracha 2006/42/CE, 2014/29/AE, 2014/30/AE, 2014/33/AE, 2014/34/AE, 2014/35/AE, 2014/53/AE agus 2014/68/AE, ba cheart do na húdaráis náisiúnta inniúla a bheith in ann a thoimhdiú, maidir le táirgí a mhonaraítear i gcomhréir le caighdeáin Eorpacha, caighdeáin náisiúnta ábhartha is infheidhme de chuid na mBallstát, nó caighdeáin idirnáisiúnta ábhartha is infheidhme arna bhforbairt ag comhlacht idirnáisiúnta aitheanta um chaighdeánú, atá aitheanta ag an gCoimisiún mar bheith oiriúnach chun comhréireacht a bhaint amach agus lena n-áirithítear leibhéal cosanta atá coibhéiseach leis an leibhéal a thairgtear leis na caighdeáin chomhchuibhithe, go gcomhlíonann siad na ceanglais riachtanacha ábhartha agus is infheidhme. Táirgí a chuirtear ar an margadh ar bhonn na toimhde comhréireachta arna suí tríd an sásra éigeandála a bhunaítear leis an Treoir seo, níor cheart iad a tharraingt siar go huathoibríoch nuair a scoirfidh an gníomh cur chun feidhme ina liostaítear na caighdeáin Eorpacha nó na caighdeáin ábhartha náisiúnta nó idirnáisiúnta is infheidhme d’fheidhm a bheith aige. I gcásanna ina bhfuil ábhair imní ann maidir le comhlíontacht táirge chomhchuibhithe arna ainmniú mar earra atá ábhartha i gcás géarchéime, agus a cuireadh ar an margadh le linn mhodh éigeandála an mhargaidh inmheánaigh ar bhonn toimhde chomhréireachta arna bhunú trí ghníomh cur chun feidhme den sórt sin, ba cheart do na húdaráis um fhaireachas margaidh a bheith in ann na gníomhaíochtaí ceartaitheacha agus sriantacha uile is gá a dhéanamh ar an leibhéal náisiúnta dá bhforáiltear faoi Rialachán (AE) 2019/1020 agus faoin reachtaíocht earnálach faoi seach. Tar éis do ghníomh cur chun feidhme den sórt sin scor d’fheidhm a bheith aige, níor cheart, le comhlíonadh na gcaighdeán ábhartha náisiúnta nó idirnáisiúnta nó Eorpach is infheidhme, go léireofaí a thuilleadh gurbh ionann an comhlíonadh sin agus toimhde chomhréireachta leis na ceanglais riachtanacha is ábhartha agus is infheidhme.

(20)

Thairis sin, maidir le Treoracha 2006/42/CE, 2014/29/AE, 2014/30/AE, 2014/33/AE, 2014/34/AE, 2014/35/AE, 2014/53/AE agus 2014/68/AE, ba cheart an deis a bheith ag an gCoimisiún sonraíochtaí coiteanna a ghlacadh, trí bhíthin gníomhartha cur chun feidhme, ar cheart na monaróirí a bheith in ann brath orthu chun tairbhe a bhaint as toimhde chomhréireachta leis na ceanglais riachtanacha is infheidhme. Ba cheart go leanfadh an gníomh cur chun feidhme lena leagtar síos na sonraíochtaí coiteanna sin de bheith infheidhme ar feadh ré mhodh éigeandála an mhargaidh inmheánaigh. Táirgí a chuirtear ar an margadh ar bhonn na toimhde comhréireachta arna suí trí chomhlíonadh na sonraíochtaí coiteanna sin a léiriú, níor cheart iad a tharraingt siar go huathoibríoch nuair a scoirfidh an gníomh cur chun feidhme lena leagtar síos na sonraíochtaí coiteanna sin d’fheidhm a bheith aige. I gcásanna ina bhfuil ábhair imní ann maidir le comhlíontacht táirge arna ainmniú mar earra atá ábhartha i gcás géarchéime agus a chuirtear ar an margadh le linn mhodh éigeandála an mhargaidh inmheánaigh, ar bhonn na toimhde comhréireachta arna suí trí chomhlíonadh sonraíochtaí coiteanna a léiriú, ba cheart do na húdaráis um fhaireachas margaidh a bheith in ann na gníomhaíochtaí ceartaitheacha agus sriantacha uile is gá a dhéanamh ar an leibhéal náisiúnta dá bhforáiltear faoi Rialachán (AE) 2019/1020 agus faoin reachtaíocht earnálach faoi seach. Tar éis don ghníomh cur chun feidhme lena leagtar síos na sonraíochtaí coiteanna scor d’fheidhm a bheith aige, níor cheart a thuilleadh gurbh ionann léiriú gur comhlíonadh na sonraíochtaí coiteanna sin agus toimhde chomhréireachta leis na ceanglais riachtanacha is ábhartha agus is infheidhme.

(21)

Chun a áirithiú nach gcuirfear i mbaol an leibhéal sábháilteachta a sholáthraítear leis na táirgí comhchuibhithe, is gá foráil a dhéanamh maidir le rialacha d’fhaireachas margaidh feabhsaithe, go háirithe i ndáil le hearraí arna n-ainmniú mar earraí atá ábhartha i gcás géarchéime, lena n-áirítear trí chomhar níos dlúithe agus tacaíocht fhrithpháirteach níos dlúithe a chumasú i measc na n-údarás um fhaireachas margaidh.

(22)

I gcomhréir le forálacha ábhartha na dTreoracha leasaithe, ba cheart do na Ballstáit rialacha a leagan síos maidir leis na pionóis is infheidhme i ndáil le sáruithe a dhéanann oibreoirí eacnamaíocha agus comhlachtaí um measúnú comhréireachta ar fhorálacha náisiúnta arna nglacadh de bhun na dTreoracha sin, lena n-áirítear de bhun na bhforálacha nua a thugtar isteach leis an Treoir seo. Ba cheart do na Ballstáit a áirithiú freisin go ndéanfaidh na húdaráis náisiúnta inniúla, lena n-áirítear na húdaráis faoi seach a thugann fógra, na rialacha sin a fhorfheidhmiú.

(23)	I gcomhréir lena chleachtas seanbhunaithe, ba cheart don Choimisiún dul i gcomhairle go córasach leis na geallsealbhóirí earnála ábhartha i gcomhthéacs luathchéimeanna ullmhúcháin na ndréachtghníomhartha cur chun feidhme uile lena leagtar síos sonraíochtaí coiteanna.

(24)	Dá bhrí sin, ba cheart Treoracha 2000/14/CE, 2006/42/CE, 2010/35/AE, 2014/29/AE, 2014/30/AE, 2014/33/AE, 2014/34/AE, 2014/35/AE, 2014/53/AE agus 2014/68/AE a leasú dá réir,

TAR ÉIS AN TREOIR SEO A GHLACADH:

Airteagal 1

Leasuithe ar Threoir 2000/14/CE

Leasaítear Treoir 2000/14/CE mar a leanas:

(1)

in Airteagal 3, cuirtear na pointí seo a leanas leis:

‘(g)	ciallaíonn “earraí atá ábhartha i gcás géarchéime” earraí atá ábhartha i gcás géarchéime mar a shainmhínítear in Airteagal 3, pointe (6), de Rialachán (AE) 2024/2747 ó Pharlaimint na hEorpa agus ón gComhairle (*1);

(h)	“ciallaíonn modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*1) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj).’;"

(2)

cuirtear na hAirteagail seo a leanas isteach:

‘Airteagal 17a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 17b, 17c agus 17d den Treoir seo a thrasuí ach amháin más rud é gur ghlac an Coimisiún gníomh cur chun feidhme de bhun Airteagal 28 de Rialachán (AE) 2024/2747 i ndáil leis an trealamh a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 17b, 17c agus 17d den Treoir seo a thrasuí ach amháin maidir le trealamh dá dtagraítear in Airteagal 2(1) den Treoir seo arna n-ainmniú mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 17b, 17c agus 17d den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 17c(7) den Treoir seo le linn mhodh éigeandála an mhargaidh inmheánaigh agus tar éis a dhul in éag nó a dhíghníomhachtaithe.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta i ndáil le trealamh dá dtagraítear in Airteagal 2(1) agus a chuirtear ar an margadh nó a chuirtear i seirbhís i gcomhréir le hAirteagal 17c. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 18(2).

Airteagal 17b

Tosaíocht a thabhairt don mheasúnú comhréireachta ar threalamh arna n-ainmniú mar earraí atá ábhartha i gcás géarchéime

1. Tá feidhm ag an Airteagal seo maidir le trealamh a liostaítear sa ghníomh cur chun feidhme dá dtagraítear in Airteagal 17a(1) atá faoi réir na nósanna imeachta um measúnú comhréireachta i gcomhréir le hAirteagal 14 lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar threalamh dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 17a.

3. Ní bheidh aon chostais dhíréireacha bhreise ar na monaróirí a thaisc na hiarratais sin mar thoradh ar thosaíocht a thabhairt d’iarratais ar mheasúnú comhréireachta ar threalamh de bhun mhír 2.

4. Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú le haghaidh trealamh dá dtagraítear i mír 1 ar tugadh fógra dóibh ina leith.

Airteagal 17c

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach comhlachta faoina dtugtar fógra

1. De mhaolú ar Airteagal 14, féadfaidh Ballstát, ar iarraidh a bhfuil údar cuí léi a fháil ó oibreoir eacnamaíoch, a údarú go gcuirfear ar an margadh nó go gcuirfear i seirbhís laistigh de chríoch an Bhallstáit sin, trealamh sonrach dá dtagraítear in Airteagal 12 agus a liostaítear sa ghníomh cur chun feidhme dá dtagraítear in Airteagal 17a(1) agus nach bhfuil na nósanna imeachta um measúnú comhréireachta dá dtagraítear in Airteagal 14 lena gceanglaítear rannpháirtíocht éigeantach comhlachta faoina dtugtar fógra dá dtagraítear in Airteagal 14 curtha i gcrích ina leith ach ar léiríodh ina leith go gcomhlíonann sé na ceanglais uile is infheidhme a leagtar síos sa Treoir seo maidir le hastaíocht torainn sa chomhshaol i gcomhréir leis na nósanna imeachta dá dtagraítear san údarú sin.

2. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais is infheidhme a leagtar síos sa Treoir seo maidir le hastaíocht torainn sa chomhshaol, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an trealamh sonrach a chur ar an margadh nó a chur i seirbhís. Agus an dréachtghníomh cur chun feidhme á ullmhú aige, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Glacfar an gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 18(2).

Beidh ar an trealamh atá faoi réir leathnú na bailíochta dá dtagraítear sa chéad fhomhír an fhaisnéis go gcuirfear ar an margadh é mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3. Ar mhórfhorais práinne a bhfuil údar cuí leo agus a bhaineann leis an ngá sláinte agus sábháilteacht daoine a chothú, déanfaidh an Coimisiún gníomhartha cur chun feidhme atá infheidhme a ghlacadh láithreach i gcomhréir leis an nós imeachta dá dtagraítear in Airteagal 18(3).

4. Fad nach nglacfar gníomh cur chun feidhme amhail dá dtagraítear i mír 2 nó 3, ní bheidh an t-údarú arna dheonú ag údarás inniúil náisiúnta i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh bailíocht an údaraithe sin a aithint.

5. Dearbhóidh monaróirí trealaimh atá faoi réir an nós imeachta um údarú dá dtagraítear i mír 1 ar a bhfreagracht féin amháin go gcomhlíonann an trealamh lena mbaineann na ceanglais uile is infheidhme a leagtar amach sa Treoir seo maidir le hastaíocht torainn sa chomhshaol agus beidh siad freagrach as na nósanna imeachta uile um measúnú comhréireachta arna sonrú ag an údarás inniúil náisiúnta a chomhlíonadh.

6. Aon údarú arna eisiúint de bhun mhír 1, leagfar amach leis na coinníollacha agus na ceanglais faoina bhféadfar an trealamh a chur ar an margadh nó a chur i seirbhís. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta trínar léiríodh go raibh ceanglais infheidhme na Treorach seo maidir le hastaíocht torainn sa chomhshaol á gcomhlíonadh;

(b)	aon cheanglas sonrach maidir le hinrianaitheacht an trealaimh lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá le measúnú comhréireachta leanúnach a áirithiú i ndáil leis an trealamh lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh i ndáil leis an trealamh lena mbaineann atá curtha ar an margadh nó curtha i seirbhís.

7. De mhaolú ar Airteagail 6 agus 11, ní bheidh an mharcáil CE ar threalamh ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 6 maidir leis.

8. Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis an trealamh sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*2) agus faoin Treoir seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

9. Ní dhéanfaidh úsáid an nós imeachta údaraithe a leagtar amach i míreanna 1 go 4 den Airteagal seo difear do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 14 ar chríoch an Bhallstáit lena mbaineann.

Airteagal 17d

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh le haghaidh trealamh a liostaítear sa ghníomh cur chun feidhme dá dtagraítear in Airteagal 17a(1) den Treoir seo. Éascóidh an Coimisiún comhordú iarrachtaí tosaíochta den sórt sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2. Áiritheoidh údaráis fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála don trealamh a liostaítear sa ghníomh cur chun feidhme dá dtagraítear in Airteagal 17a(1).

(*2) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’;"

(3)

Cuirtear an méid seo a leanas in ionad Airteagal 18:

‘Airteagal 18

Nós imeachta coiste

1. Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle (*3).

2. I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

3. I gcás ina ndéantar tagairt don mhír seo, beidh feidhm ag Airteagal 8 de Rialachán (AE) Uimh. 182/2011, i gcomhar le hAirteagal 5 de.

(*3) Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’."

Airteagal 2

Leasuithe ar Threoir 2006/42/CE

Leasaítear Treoir 2006/42/CE mar a leanas:

(1)

in Airteagal 2, an dara mír, cuirtear isteach na pointí seo a leanas:

‘(n)	ciallaíonn “earraí atá ábhartha i gcás géarchéime” earraí atá ábhartha i gcás géarchéime mar a shainmhínítear in Airteagal 3, pointe (6), de Rialachán (AE) 2024/2747 ó Pharlaimint na hEorpa agus ón gComhairle (*4);

(o)	“ciallaíonn modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*4) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (OJ L, 2024/2747, 8.11.2024, ELI: http://data.europa.eu/eli/reg/2024/2747/oj).’;"

(2)

cuirtear na hairteagail seo a leanas isteach:

‘Airteagal 21b

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 21c go 21f den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le hinnealra a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 21c go 21f den Treoir seo a thrasuí ach amháin maidir le hinnealra a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 21c go 21f den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 21d(7) den Treoir seo le linn mhodh éigeandála an mhargaidh inmheánaigh agus tar éis a dhul in éag nó a dhíghníomhachtaithe.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta i ndáil le hinnealra a chuirtear ar an margadh nó a chuirtear i seirbhís i gcomhréir le hAirteagail 21d agus 21e. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 22(3).

Airteagal 21c

Tosaíocht a thabhairt don mheasúnú comhréireachta ar innealra arna n-ainmniú mar earraí atá ábhartha i gcás géarchéime

1. Tá feidhm ag an Airteagal seo maidir le hinnealra a liostaítear sa ghníomh cur chun feidhme dá dtagraítear in Airteagal 21b(1) atá faoi réir na nósanna imeachta um measúnú comhréireachta dá dtagraítear in Airteagal 12 lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar innealra dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 21b.

3. Ní bheidh aon chostais dhíréireacha bhreise ar na monaróirí a thaisc na hiarratais sin mar thoradh ar thosaíocht a thabhairt d’iarratais ar mheasúnú comhréireachta ar innealra de bhun mhír 2.

4. Déanfaidh na comhlachtaí faoina dtugtar fógra iarrachtaí réasúnta chun a n-acmhainneachtaí tástála a mhéadú le haghaidh innealra dá dtagraítear i mír 1 ar tugadh fógra dóibh ina leith.

Airteagal 21d

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach comhlachta faoina dtugtar fógra

1. De mhaolú ar Airteagal 12, féadfaidh Ballstát, ar iarraidh a bhfuil údar cuí léi a fháil ó oibreoir eacnamaíoch, a údarú go gcuirfear ar an margadh nó go gcuirfear i seirbhís laistigh de chríoch an Bhallstáit sin, innealra sonrach a liostaítear sa ghníomh cur chun feidhme dá dtagraítear in Airteagal 21b(1) agus nach bhfuil na nósanna imeachta um measúnú comhréireachta dá dtagraítear in Airteagal 12 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíontar na ceanglais riachtanacha sláinte agus sábháilteachta uile is infheidhme a leagtar síos sa Treoir seo i gcomhréir leis na nósanna imeachta dá dtagraítear san údarú sin.

2. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais riachtanacha sláinte agus sábháilteachta is infheidhme a leagtar amach in Iarscríbhinn I, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an t-innealra sonrach a chur ar an margadh nó a chur i seirbhís. Agus an dréachtghníomh cur chun feidhme á ullmhú aige, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Glacfar an gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 22(3).

Beidh ar an innealra atá faoi réir leathnú na bailíochta dá dtagraítear sa chéad fhomhír an fhaisnéis go gcuirfear ar an margadh é nó go gcuirfear i seirbhís é mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3. Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme atá infheidhme a ghlacadh láithreach i gcomhréir leis an nós imeachta dá dtagraítear in Airteagal 22(4).

4. Fad nach nglacfar gníomh cur chun feidhme dá dtagraítear i mír 2 nó 3, ní bheidh an t-údarú arna dheonú ag údarás inniúil náisiúnta i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis inniúla náisiúnta bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh bailíocht an údaraithe sin a aithint.

5. Déanfaidh monaróirí innealra atá faoi réir an nós imeachta um údarú dá dtagraítear i mír 1 a dhearbhú, ar a bhfreagracht féin amháin, go gcomhlíonann an t-innealra lena mbaineann na ceanglais riachtanacha sláinte agus sábháilteachta uile is infheidhme a leagtar amach in Iarscríbhinn I agus beidh siad freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

6. Aon údarú arna eisiúint de bhun mhír 1, leagfar amach leis na coinníollacha agus na ceanglais faoina bhféadfar an t-innealra a chur ar an margadh nó a chur i seirbhís. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta, trínar léiríodh go rathúil go gcomhlíontar na ceanglais riachtanacha sláinte agus sábháilteachta is infheidhme a leagtar amach in Iarscríbhinn I a ghabhann leis an Treoir seo;

(b)	aon cheanglais shonracha maidir le hinrianaitheacht an innealra lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá le measúnú comhréireachta leanúnach a áirithiú i ndáil leis an innealra lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh i ndáil leis an innealra lena mbaineann atá curtha ar an margadh nó curtha i seirbhís.

7. De mhaolú ar Airteagail 6 agus 16, ní bheidh an mharcáil CE ar an innealra ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 6.

8. Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis an innealra sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*5) agus faoin Treoir seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

9. Le húsáid an nós imeachta údaraithe a leagtar amach i míreanna 1 go 4 den Airteagal seo, ní dhéanfar difear do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 12 ar chríoch an Bhallstáit lena mbaineann.

Airteagal 21e

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh innealra mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh an innealra sin chun na ceanglais riachtanacha sláinte agus sábháilteachta is infheidhme a leagtar amach in Iarscríbhinn I a ghabhann leis Treoir seo a chumhdach sna cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear na ceanglais riachtanacha ábhartha sláinte agus sábháilteachta is infheidhme a leagtar amach in Iarscríbhinn I a ghabhann leis an Treoir seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 ó Pharlaimint na hEorpa agus ón gComhairle (*6) agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán (AE 2024/2747 mar thoradh air, srian suntasach ar na féidearthachtaí atá ag monaróirí úsáid a bhaint as na caighdeáin chomhchuibhithe lena gcumhdaítear na ceanglais riachtanacha sláinte agus sábháilteachta is infheidhme a leagtar amach in Iarscríbhinn I a ghabhann leis an Treoir seo agus ar foilsíodh tagairtí ina leith cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

2. Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun toimhde chomhréireachta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach nó aon chaighdeán ábhartha náisiúnta nó idirnáisiúnta, féadfar sonraíochtaí coiteanna a bhunú leis na gníomhartha cur chun feidhme sin.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 22(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura leasófar nó mura n-aisghairfear na gníomhartha cur chun feidhme sin i gcomhréir le mír 7 den Airteagal seo.

4. Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha arna mbunú faoin Treoir seo agus rachaidh sé i gcomhairle go cuí leis na geallsealbhóirí ábhartha uile.

5. Gan dochar d’Airteagal 7, toimhdeofar go bhfuil innealra atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha ábhartha sláinte agus sábháilteachta a leagtar amach in Iarscríbhinn I a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí in ann brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 21b(3), an chéad fhomhír mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis an innealra a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar an t-innealra atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh nó curtha i seirbhís a bheith i gcomhréir leis na ceanglais riachtanacha ábhartha sláinte agus sábháilteachta a leagtar amach in Iarscríbhinn I tar éis dul in éag nó aisghairm gnímh cur chun feidhme arna ghlacadh de bhun mhír 3 den Airteagal seo agus tar éis dhul in éag nó dhíghníomhachtú mhodh éigeandála an mhargaidh inmheánaigh.

7. Nuair a mheasann Ballstát nach gcomhlíonann caighdeán nó sonraíocht choiteann amhail dá dtagraítear i mír 1 na ceanglais riachtanacha ábhartha sláinte agus sábháilteachta a leagtar amach in Iarscríbhinn I ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, sé an gníomh cur chun feidhme lena liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 21f

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh le haghaidh innealra a liostaítear sa ghníomh cur chun feidhme dá dtagraítear in Airteagal 21b(1) den Treoir seo. Éascóidh an Coimisiún comhordú iarrachtaí tosaíochta den sórt sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála don innealra a liostaítear sa ghníomh cur chun feidhme dá dtagraítear in Airteagal 21b(1).

(*5) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1)."

(*6) Rialachán (AE) Uimh. 1025/2012 ó Pharlaimint na hEorpa agus ón gComhairle an 25 Deireadh Fómhair 2012 maidir le caighdeánú Eorpach, lena leasaítear Treoir 89/686/CEE agus Treoir 93/15/CEE ón gComhairle agus Treoracha 94/9/CE, 94/25/CE, 95/16/CE, 97/23/CE, 98/34/CE, 2004/22/CE, 2007/23/CE, 2009/23/CE agus 2009/105/CE ó Pharlaimint na hEorpa agus ón gComhairle agus lena n-aisghairtear Cinneadh 87/95/CEE ón gComhairle agus Cinneadh Uimh. 1673/2006/CE ó Pharlaimint na hEorpa agus ón gComhairle (IO L 316, 14.11.2012, lch. 12).’;"

(3)	in Airteagal 22, cuirtear an mhír seo a leanas isteach: ‘4. I gcás ina ndéantar tagairt don mhír seo, beidh feidhm ag Airteagal 8 de Rialachán (AE) Uimh. 182/2011, i gcomhar le hAirteagal 5 de.’.

Airteagal 3

Leasuithe ar Threoir 2010/35/AE

Leasaítear Treoir 2010/35/AE mar a leanas:

(1)

in Airteagal 2, cuirtear na pointí seo a leanas leis:

‘(27)

ciallaíonn “earraí atá ábhartha i gcás géarchéime” earraí atá ábhartha i gcás géarchéime mar a shainmhínítear in Airteagal 3, pointe (6), de Rialachán (AE) 2024/2747 ó Pharlaimint na hEorpa agus ón gComhairle (*7);

(28)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*7) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj).’;"

(2)

cuirtear an chaibidil seo a leanas isteach:

‘Caibidil 5a

Nósanna imeachta éigeandála

Airteagal 33a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 33b, 33c agus 33d den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le brú-threalamh iniompartha a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 33b, 33c agus 33d den Treoir seo a thrasuí ach amháin maidir le brú-threalamh iniompartha a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 33b, 33c agus 33d den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 33c(7) den Treoir seo le linn mhodh éigeandála an mhargaidh inmheánaigh agus tar éis a dhul in éag nó a dhíghníomhachtaithe.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir le brú-threalamh iniompartha a chuirtear ar an margadh i gcomhréir le hAirteagal 33c. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 38a(2).

Airteagal 33b

Tosaíocht a thabhairt don mheasúnú comhréireachta ar bhrú-threalamh iniompartha a ainmnítear mar earraí atá ábhartha i gcás géarchéime

1. Tá feidhm ag an Airteagal seo maidir le brú-threalamh iniompartha a liostaítear sa ghníomh cur chun feidhme dá dtagraítear in Airteagal 33a(1) atá faoi réir na nósanna imeachta um measúnú comhréireachta dá dtagraítear Airteagal 12 lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar bhrú-threalamh iniompartha dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 33a.

3. Ní bheidh aon chostais dhíréireacha bhreise ar na monaróirí a thaisc na hiarratais sin mar thoradh ar thosaíocht a thabhairt d’iarratais ar mheasúnú comhréireachta ar bhrú-threalamh iniompartha de bhun mhír 2.

4. Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú le haghaidh brú-threalamh iniompartha dá dtagraítear i mír 1 ar tugadh fógra dóibh ina leith.

Airteagal 33c

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach an chomhlachta faoina dtugtar fógra

1. De mhaolú ar Airteagal 12, ar iarraidh a bhfuil údar cuí léi a fháil ó oibreoir eacnamaíoch, féadfaidh Ballstát a údarú go gcuirfear ar an margadh laistigh de chríoch an Bhallstáit sin brú-threalamh iniompartha sonrach a liostaítear sa ghníomh cur chun feidhme dá dtagraítear in Airteagal 33a(1) agus nach bhfuil na nósanna imeachta um measúnú comhréireachta dá dtagraítear in Airteagal 12 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sé na ceanglais uile is infheidhme a leagtar amach sna hIarscríbhinní a ghabhann le Treoir 2008/68/CE agus sa Treoir seo i gcomhréir leis na nósanna imeachta dá dtagraítear san údarú sin.

2. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais is infheidhme a leagtar amach sna hIarscríbhinní a ghabhann le Treoir 2008/68/CE agus sa Treoir seo, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an brú-threalamh sonrach iniompartha a chur ar an margadh. Agus an dréachtghníomh cur chun feidhme á ullmhú aige, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Glacfar an gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 38a(2) den Treoir seo.

Beidh ar an mbrú-threalamh iniompartha atá faoi réir leathnú na bailíochta dá dtagraítear sa chéad fhomhír an fhaisnéis go gcuirfear ar an margadh é mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

4. Fad nach nglacfar gníomh cur chun feidhme amhail dá dtagraítear i mír 2 nó 3, ní bheidh an t-údarú arna dheonú ag údarás inniúil náisiúnta i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis inniúla náisiúnta bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh bailíocht an údaraithe sin a aithint.

5. Dearbhóidh monaróirí agus allmhaireoirí brú-threalaimh iniompartha atá faoi réir an nós imeachta um údarú dá dtagraítear i mír 1 den Airteagal seo, ar a bhfreagracht féin amháin, go gcomhlíonann an brú-threalamh iniompartha lena mbaineann na ceanglais uile is infheidhme a leagtar amach sna hIarscríbhinní a ghabhann le Treoir 2008/68/CE agus sa Treoir seo agus beidh siad freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

6. Aon údarú arna eisiúint de bhun mhír 1, leagfar amach leis na coinníollacha agus na ceanglais faoina bhféadfar an brú-threalamh iniompartha a chur ar an margadh. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta, trínar léiríodh go rathúil go gcomhlíontar na ceanglais is infheidhme a leagtar amach sna hIarscríbhinní a ghabhann le Treoir 2008/68/CE agus sa Treoir seo;

(b)	aon cheanglas sonrach maidir le hinrianaitheacht an bhrú-trealaimh iniompartha lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá le measúnú comhréireachta leanúnach a áirithiú i ndáil leis an mbrú-trealamh iniompartha lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh i ndáil leis an mbrú-threalamh iniompartha lena mbaineann atá curtha ar an margadh.

7. De mhaolú ar Airteagail 14 agus 16, ní bheidh an comhartha Pi ar an mbrú-threalamh iniompartha ar deonaíodh údarú ina leith i gcomhréir le mír 1 den Airteagal seo agus ní bheidh feidhm ag Airteagal 16.

8. Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis an mbrú-threalamh iniompartha sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*8) agus faoin Treoir seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

Airteagal 33d

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh le haghaidh brú-threalamh iniompartha a liostaítear sa ghníomh cur chun feidhme dá dtagraítear in Airteagal 33a(1) den Treoir seo. Éascóidh an Coimisiún comhordú iarrachtaí tosaíochta den sórt sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála don bhrú-threalamh iniompartha a liostaítear sa ghníomh cur chun feidhme dá dtagraítear in Airteagal 33a(1).

(*8) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’;"

(3)

cuirtear an t-airteagal seo a leanas isteach:

‘Airteagal 38a

Nós imeachta coiste

1. Déanfaidh an coiste um iompar earraí contúirteacha arna bhunú le hAirteagal 9 de Threoir 2008/68/CE cúnamh a thabhairt don Choimisiún. Beidh an coiste sin ina choiste de réir bhrí Rialachán (AE) Uimh. 182/2011 ó Pharlaimint na hEorpa agus ón gComhairle (*9).

2. I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

3. I gcás ina ndéantar tagairt don mhír seo, beidh feidhm ag Airteagal 8 de Rialachán (AE) Uimh. 182/2011, i gcomhar le hAirteagal 5 de.

(*9) Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).’."

Airteagal 4

Leasuithe ar Threoir 2014/29/AE

Leasaítear Treoir 2014/29/AE mar a leanas:

(1)

in Airteagal 2, cuirtear na pointí seo a leanas leis:

‘(18)

(19)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*10) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj).’;"

(2)

cuirtear an chaibidil seo a leanas isteach:

‘Caibidil 5a

Nósanna imeachta éigeandála

Airteagal 38a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 38b go 38e den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le soithí a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 38b go 38e den Treoir seo a thrasuí ach amháin maidir le soithí a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag na bearta a dhéanfar chun Airteagail 38b go 38e den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 38c(7) den Treoir seo le linn mhodh éigeandála an mhargaidh inmheánaigh agus tar éis a dhul in éag nó a dhíghníomhachtaithe.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta i ndáil le soithí a chuirtear ar an margadh i gcomhréir le hAirteagail 38c agus 38d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 39(3).

Airteagal 38b

Tosaíocht a thabhairt don mheasúnú comhréireachta ar shoithí arna n-ainmniú mar earraí atá ábhartha i gcás géarchéime

1. Tá feidhm ag an Airteagal seo maidir le soithí a liostaítear sa ghníomh cur chun feidhme dá dtagraítear in Airteagal 38a(1), atá faoi réir na nósanna imeachta um measúnú comhréireachta dá dtagraítear in Airteagal 13, lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar shoithí dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 38a.

3. Ní bheidh aon chostais dhíréireacha bhreise ar na monaróirí a thaisc na hiarratais sin mar thoradh ar thosaíocht a thabhairt d’iarratais ar mheasúnú comhréireachta ar shoithí de bhun mhír 2.

4. Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú le haghaidh soithí dá dtagraítear i mír 1 ar tugadh fógra dóibh ina leith.

Airteagal 38c

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach an chomhlachta faoina dtugtar fógra

1. De mhaolú ar Airteagal 13, féadfaidh Ballstát, ar iarraidh a bhfuil údar cuí léi a fháil ó oibreoir eacnamaíoch, a údarú go gcuirfear ar an margadh laistigh de chríoch an Bhallstáit sin soithí sonracha a liostaítear sa ghníomh cur chun feidhme dá dtagraítear in Airteagal 38a(1) agus nach bhfuil na nósanna imeachta um measúnú comhréireachta dá dtagraítear in Airteagal 13 lena gceanglaítear rannpháirtíocht éigeantach comhlachta faoina dtugtar fógra dá dtagraítear in Airteagal 14 curtha i gcrích ina leith ach ar léiríodh ina leith go gcomhlíonann siad ceanglais riachtanacha sábháilteachta uile na Treorach seo i gcomhréir leis na nósanna imeachta dá dtagraítear san údarú sin.

2. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar ceanglais riachtanacha sábháilteachta is infheidhme na Treorach seo, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an soitheach sonrach a chur ar an margadh. Agus an dréachtghníomh cur chun feidhme á ullmhú aige, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Glacfar an gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 39(3).

Beidh ar an soitheach atá faoi réir leathnú na bailíochta dá dtagraítear sa chéad fhomhír an fhaisnéis go gcuirfear ar an margadh é mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

5. Dearbhóidh monaróirí soithí atá faoi réir an nós imeachta um údarú dá dtagraítear i mír 1, ar a bhfreagracht féin amháin, go gcomhlíonann na soithí lena mbaineann ceanglais riachtanacha sábháilteachta uile is infheidhme na Treorach seo agus beidh siad freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

6. Aon údarú arna eisiúint de bhun mhír 1, leagfar amach leis na coinníollacha agus na ceanglais faoina bhféadfar an soitheach a chur ar an margadh. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta, trínar léiríodh go rathúil go gcomhlíontar na ceanglais riachtanacha sábháilteachta is infheidhme atá sa Treoir seo;

(b)	aon cheanglas sonrach maidir le hinrianaitheacht an soitheach lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá le measúnú comhréireachta leanúnach a áirithiú i ndáil leis an soitheach lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh i ndáil leis an soitheach lena mbaineann atá curtha ar an margadh.

7. De mhaolú ar Airteagail 5, 15 agus 16, ní bheidh an mharcáil CE ná na hinscríbhinní CE dá bhforáiltear i bpointe 1 d’Iarscríbhinn III ar shoithí ar deonaíodh údarú ina leith i gcomhréir le mír 1 den Airteagal seo agus ní bheidh feidhm ag Airteagal 5.

8. Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis na soithí sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*11) agus faoin Treoir seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

Airteagal 38d

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh soithí mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh soithí den sórt sin chun ceanglais riachtanacha sábháilteachta na Treorach seo a chumhdach i gceachtar de na cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear ceanglais riachtanacha sábháilteachta na Treorach seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán (EU) 2024/2747, mar thoradh air, srian suntasach ar na féidearthachtaí atá ag monaróirí úsáid a bhaint as na caighdeáin chomhchuibhithe lena gcumhdaítear ceanglais riachtanacha sábháilteachta na Treorach seo agus ar foilsíodh tagairtí ina leith cheana Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

2. Leis na gníomhartha cur chun feidhme dá dtagraítear i mír 1, leagfar amach an réiteach teicniúil malartach is iomchuí chun toimhde chomhréireachta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach nó aon chaighdeán ábhartha náisiúnta nó idirnáisiúnta is infheidhme, féadfar sonraíochtaí coiteanna a bhunú leis na gníomhartha cur chun feidhme sin.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 39(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh de bheith gníomhach lena linn, mura leasófar nó mura n-aisghairfear na gníomhartha cur chun feidhme sin i gcomhréir le mír 7 den Airteagal seo.

5. Gan dochar d’Airteagal 12, toimhdeofar go bhfuil soithí atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir le ceanglais riachtanacha sábháilteachta na Treorach seo a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí in ann brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 38a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis na soithí a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar na soithí atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir le ceanglais riachtanacha sábháilteachta na Treorach seo tar éis dul in éag nó a aisghairm gnímh cur chun feidhme arna ghlacadh de bhun mhír 3 den Airteagal seo agus tar éis dhul in éag nó a dhíghníomhachtú mhodh éigeandála an mhargaidh inmheánaigh.

7. Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha sábháilteachta na Treorach seo ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 38e

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh i gcás soithí a liostaítear sa ghníomh cur chun feidhme dá dtagraítear in Airteagal 38a(1) den Treoir seo. Éascóidh an Coimisiún comhordú iarrachtaí tosaíochta den sórt sin trí Líonra an Aontais um Chomhlíonadh Táirgí arna bhunú faoi Airteagal 29 de Rialachán (AE) 2019/1020.

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála do shoithí a liostaítear sa ghníomh cur chun feidhme dá dtagraítear in Airteagal 38a(1).

(*11) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’."

Airteagal 5

Leasuithe ar Threoir 2014/30/AE

Leasaítear Treoir 2014/30/AE mar a leanas:

(1)

in Airteagal 3(1), cuirtear isteach na pointí seo a leanas:

‘(26)

(27)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*12) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj)’;"

(2)

cuirtear an chaibidil seo a leanas isteach:

‘Caibidil 5a

Nósanna imeachta éigeandála

Airteagal 40a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 40b agus 40c den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le gairis a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 40b agus 40c den Treoir seo a thrasuí ach amháin i leith gairis a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 40b agus 40c den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir leis na gairis a chuirtear ar an margadh i gcomhréir le hAirteagal 40b. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 41(2a).

Airteagal 40b

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh gairis mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh gairis den sórt sin chun na ceanglais riachtanacha a leagtar amach in Iarscríbhinn I a ghabhann leis an Treoir seo a chumhdach sna cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear na ceanglais riachtanacha a leagtar amach in Iarscríbhinn I a ghabhann leis an Treoir seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán EU 2024/2747 mar thoradh air, srian suntasach ar na féidearthachtaí atá ag monaróirí úsáid a bhaint as na caighdeáin chomhchuibhithe a chumhdaíonn na ceanglais riachtanacha a leagtar amach in Iarscríbhinn I a ghabhann leis an Treoir seo agus ar foilsíodh tagairtí ina leith cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

2. Leagfar amach sna gníomhartha cur chun feidhme dá dtagraítear i mír 1 an réiteach teicniúil malartach is iomchuí chun toimhde chomhréireachta a sholáthar i gcomhréir le mír 5. Chuige sin, féadfar tagairtí i leith caighdeáin Eorpacha nó tagairtí i leith caighdeáin ábhartha náisiúnta nó idirnáisiúnta is infheidhme a fhoilsiú sna gníomhartha cur chun feidhme sin nó, murab ann d’aon chaighdeán Eorpach nó aon chaighdeán ábhartha náisiúnta nó idirnáisiúnta is infheidhme, féadfar sonraíochtaí coiteanna a bhunú leis na gníomhartha cur chun feidhme sin.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 41(2) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura ndéanfar na gníomhartha cur chun feidhme sin a leasú nó a aisghairm i gcomhréir le mír 7 den Airteagal seo.

4. Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Treoir seo agus rachaidh sé i gcomhairle go cuí leis na geallsealbhóirí ábhartha uile.

5. Gan dochar d’Airteagal 13, toimhdeofar go bhfuil gairis atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha a leagtar amach in Iarscríbhinn I a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí ábalta brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 40a(3), mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis na gairis a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar na gairis atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha a leagtar amach in Iarscríbhinn I tar éis do ghníomh cur chun feidhme arna ghlacadh de bhun mhír 3 den Airteagal seo a dhul in éag nó a aisghairm agus tar éis do mhodh éigeandála an mhargaidh inmheánaigh a dhul in éag nó a dhíghníomhachtú.

7. Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha a leagtar amach in Iarscríbhinn I ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 40c

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh i gcás gairis a liostaítear sa ghníomh cur chun feidhme dá dtagraítear in Airteagal 40a(1) den Treoir seo. Déanfaidh an Coimisiún comhordú na n-iarrachtaí tosaíochta sin a éascú trí Líonra an Aontais um Chomhlíonadh Táirgí a bhunaítear faoi Airteagal 29 de Rialachán (AE) 2019/1020 ó Pharlaimint na hEorpa agus ón gComhairle (*13).

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás gairis a liostaítear sa ghníomh cur chun feidhme dá dtagraítear in Airteagal 40a(1).

(*13) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’;"

(3)	in Airteagal 41, cuirtear an mhír seo a leanas isteach: ‘2a. I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.’

Airteagal 6

Leasuithe ar Threoir 2014/33/AE

Leasaítear Treoir 2014/33/AE mar a leanas:

(1)

in Airteagal 2, cuirtear na pointí seo a leanas leis:

‘(22)

(23)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*14) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj)’;"

(2)

cuirtear an chaibidil seo a leanas isteach:

‘Caibidil Va

Nósanna imeachta éigeandála

Airteagal 41a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 41b go 41e den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le hardaitheoirí agus comhpháirteanna sábháilteachta le haghaidh ardaitheoirí a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 41b go 41e den Treoir seo a thrasuí ach amháin i leith ardaitheoirí agus comhpháirteanna sábháilteachta le haghaidh ardaitheoirí a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 41b go 41e den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 41c(8) den Treoir seo le linn mhodh éigeandála an mhargaidh inmheánaigh agus tar éis dó a dhul in éag nó a dhíghníomhachtú.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir le hardaitheoirí agus comhpháirteanna sábháilteachta le haghaidh ardaitheoirí a chuirtear ar an margadh i gcomhréir le hAirteagail 41c agus 41d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 42(3).

Airteagal 41b

Tosaíocht a thabhairt don mheasúnú comhréireachta ar ardaitheoirí agus comhpháirteanna sábháilteachta le haghaidh ardaitheoirí a ainmnítear mar earraí atá ábhartha i gcás géarchéime

1. Tá feidhm ag an Airteagal seo i leith ardaitheoirí agus comhpháirteanna sábháilteachta le haghaidh ardaitheoirí a liostaítear sa ghníomh cur chun feidhme dá dtagraítear in Airteagal 41a(1), atá faoi réir na nósanna imeachta um measúnú comhréireachta dá dtagraítear in Airteagail 15 agus 16 lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar ardaitheoirí agus comhpháirteanna sábháilteachta le haghaidh ardaitheoirí dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 41a.

3. Mar thoradh ar thosaíocht a thabhairt d’iarratais ar mheasúnú comhréireachta ar ardaitheoirí agus comhpháirteanna sábháilteachta le haghaidh ardaitheoirí de bhun mhír 2, ní bheidh costais dhíréireacha bhreise ar na suiteálaithe ná ar na monaróirí a rinne na hiarratais sin a thaisceadh.

4. Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú i gcás ardaitheoirí agus comhpháirteanna sábháilteachta le haghaidh ardaitheoirí dá dtagraítear i mír 1 ar tugadh fógra dóibh ina leith.

Airteagal 41c

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach comhlachta faoina dtugtar fógra

1. De mhaolú ar Airteagal 15, féadfaidh Ballstát, ar iarraidh chuí-réasúnaithe a fháil ó oibreoir eacnamaíoch, a údarú go gcuirfear ar an margadh laistigh de chríoch an Bhallstáit sin, comhpháirt sábháilteachta shonrach le haghaidh ardaitheoirí a liostaítear sa ghníomh cur chun feidhme dá dtagraítear in Airteagal 41a(1) agus nach bhfuil na nósanna imeachta um measúnú comhréireachta dá dtagraítear in Airteagal 15 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sí na ceanglais riachtanacha sláinte agus sábháilteachta uile is infheidhme a leagtar síos sa Treoir seo i gcomhréir leis na nósanna imeachta dá dtagraítear san údarú sin.

2. De mhaolú ar Airteagal 16, féadfaidh Ballstát, ar iarraidh chuí-réasúnaithe a fháil ó oibreoir eacnamaíoch, a údarú go gcuirfear ar an margadh laistigh de chríoch an Bhallstáit sin, ardaitheoir sonrach a liostaítear sa ghníomh cur chun feidhme dá dtagraítear in Airteagal 41a(1) agus nach bhfuil na nósanna imeachta um measúnú comhréireachta dá dtagraítear in Airteagal 16 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sé na ceanglais riachtanacha sláinte agus sábháilteachta uile is infheidhme a leagtar síos sa Treoir seo i gcomhréir leis na nósanna imeachta dá dtagraítear san údarú sin.

3. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú a dheonaítear i gcomhréir le mír 1 nó 2 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais riachtanacha sláinte agus sábháilteachta is infheidhme a leagtar amach in Iarscríbhinn I, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 nó 2 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an t-ardaitheoir sonrach nó comhpháirteanna sábháilteachta sonracha le haghaidh ardaitheoirí a chur ar an margadh. Agus an dréachtghníomh cur chun feidhme á ullmhú, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha maidir leis an measúnú teicniúil a sholáthar arbh é an bonn é don údarú dá dtagraítear i mír 1 nó 2 den Airteagal seo. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 42(3).

Beidh ar na hardaitheoirí nó ar na comhpháirteanna sábháilteachta le haghaidh ardaitheoirí atá faoi réir leathnú na bailíochta dá dtagraítear sa chéad fhomhír an fhaisnéis go bhfuil siad curtha ar an margadh mar “earraí atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

4. Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme is infheidhme a ghlacadh láithreach i gcomhréir leis an nós imeachta dá dtagraítear in Airteagal 42(4).

5. Fad nach nglacfar gníomh cur chun feidhme amhail dá dtagraítear i mír 3 nó i mír 4, ní bheidh an t-údarú arna dheonú ag údarás náisiúnta inniúil i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh i dtaobh bhailíocht an údaraithe sin a aithint.

6. Maidir le suiteálaithe ardaitheoirí nó monaróirí comhpháirteanna sábháilteachta le haghaidh ardaitheoirí atá faoi réir an nós imeachta um údarú dá dtagraítear i mír 1 nó i mír 2, dearbhóidh siad ar a bhfreagracht féin go gcomhlíonann na hardaitheoirí nó na comhpháirteanna sábháilteachta le haghaidh ardaitheoirí lena mbaineann na ceanglais riachtanacha sláinte agus sábháilteachta uile is infheidhme agus beidh siad freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

7. Aon údarú a eisítear de bhun mhír 1 nó mhír 2, leagfar amach leis na coinníollacha agus na ceanglais faoina bhféadfar an t-ardaitheoir nó an chomhpháirt sábháilteachta le haghaidh ardaitheoirí a chur ar an margadh. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta, trínar léiríodh go rathúil go gcomhlíontar na ceanglais riachtanacha sláinte agus sábháilteachta is infheidhme a leagtar amach in Iarscríbhinn I a ghabhann leis an Treoir seo;

(b)	aon ceanglas sonrach maidir le hinrianaitheacht an ardaitheora nó na comhpháirte sábháilteachta le haghaidh ardaitheoirí lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá le measúnú comhréireachta leanúnach a áirithiú maidir leis na hardaitheoirí nó na comhpháirteanna sábháilteachta le haghaidh ardaitheoirí lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh maidir leis na hardaitheoirí nó comhpháirteanna sábháilteachta le haghaidh ardaitheoirí lena mbaineann atá curtha ar an margadh.

8. De mhaolú ar Airteagail 3, 18 agus 19, ní bheidh an mharcáil CE ar ardaitheoirí ná ar chomhpháirteanna sábháilteachta le haghaidh ardaitheoirí ar deonaíodh údarú ina leith i gcomhréir le mír 1 nó mír 2 den Airteagal seo agus ní bheidh feidhm ag Airteagal 3.

9. Maidir leis na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2, 3 agus 5 den Airteagal seo bailí, beidh siad i dteideal, maidir leis na hardaitheoirí nó na comhpháirteanna sábháilteachta sin le haghaidh ardaitheoirí, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*15) agus faoin Treoir seo. Cuirfidh siad an Coimisiún agus údaráis um fhaireachas margaidh gach Ballstáit eile ar an eolas láithreach faoi na gníomhaíochtaí sin.

10. Ní dhéanfaidh an úsáid a bhainfear as an nós imeachta um údarú a leagtar amach i míreanna 1 go 5 den Airteagal seo difear ar chríoch an Bhallstáit lena mbaineann do chur i bhfeidhm na nósanna imeachta ábhartha um measúnú comhréireachta a leagtar síos in Airteagail 15 agus 16.

Airteagal 41d

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh ardaitheoirí agus comhpháirteanna sábháilteachta le haghaidh ardaitheoirí mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh na n-ardaitheoirí agus na gcomhpháirteanna sábháilteachta sin le haghaidh ardaitheoirí chun na ceanglais riachtanacha sláinte agus sábháilteachta is infheidhme a leagtar amach in Iarscríbhinn I den Treoir seo a chumhdach sna cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear na ceanglais riachtanacha sláinte agus sábháilteachta is infheidhme a leagtar amach in Iarscríbhinn I a ghabhann leis an Treoir seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán (AE) 2024/2747 mar thoradh air, srian suntasach ar na féidearthachtaí atá ag suiteálaithe nó monaróirí úsáid a bhaint as na caighdeáin chomhchuibhithe lena gcumhdaítear na ceanglais riachtanacha sláinte agus sábháilteachta is infheidhme a leagtar amach in Iarscríbhinn I a ghabhann leis an Treoir seo agus ar foilsíodh tagairtí ina leith cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 42(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura ndéanfar na gníomhartha cur chun feidhme sin a leasú nó a aisghairm i gcomhréir le mír 7 den Airteagal seo.

4. Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Treoir seo agus rachaidh sé i gcomhairle go cuí leis na geallsealbhóirí ábhartha uile.

5. Gan dochar d’Airteagal 14, toimhdeofar go bhfuil ardaitheoirí agus comhpháirteanna sábháilteachta le haghaidh ardaitheoirí atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha sláinte agus sábháilteachta is infheidhme a leagtar amach in Iarscríbhinn I a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh suiteálaithe ná monaróirí ábalta brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 41a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis na hardaitheoirí agus leis na comhpháirteanna sábháilteachta le haghaidh ardaitheoirí a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar na hardaitheoirí agus na comhpháirteanna sábháilteachta le haghaidh ardaitheoirí atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha sláinte agus sábháilteachta is infheidhme a leagtar amach in Iarscríbhinn I tar éis do ghníomh cur chun feidhme arna ghlacadh de bhun mhír 3 den Airteagal seo a dhul in éag nó a aisghairm agus tar éis do mhodh éigeandála an mhargaidh inmheánaigh a dhul in éag nó a dhíghníomhachtú.

7. Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha sláinte agus sábháilteachta is infheidhme a leagtar amach in Iarscríbhinn I ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 41e

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh i gcás ardaitheoirí agus comhpháirteanna sábháilteachta le haghaidh ardaitheoirí a liostaítear sa ghníomh cur chun feidhme dá dtagraítear in Airteagal 41a(1) den Treoir seo. Déanfaidh an Coimisiún comhordú na n-iarrachtaí tosaíochta sin a éascú trí Líonra an Aontais um Chomhlíonadh Táirgí a bhunaítear faoi Airteagal 29 de Rialachán (AE) 2019/1020.

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás ardaitheoirí agus comhpháirteanna sábháilteachta le haghaidh ardaitheoirí a liostaítear sa ghníomh cur chun feidhme dá dtagraítear in Airteagal 41a(1).

(*15) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’;"

Airteagal 7

Leasuithe ar Threoir 2014/34/AE

Leasaítear Treoir 2014/34/AE mar a leanas:

(1)

in Airteagal 2, cuirtear na pointí seo a leanas leis:

‘(27)

(28)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*16) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj)’;"

(2)

cuirtear an chaibidil seo a leanas isteach:

‘Caibidil 5a

Nósanna imeachta éigeandála

Airteagal 38a

Nósanna imeachta éigeandála a chur i bhfeidhm

2. Áiritheoidh na Ballstáit nach mbeidh feidhm ag bearta a dhéanfar chun Airteagail 38b go 38e den Treoir seo a thrasuí ach amháin i leith táirgí a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 38b go 38e den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 38c(7) den Treoir seo le linn mhodh éigeandála an mhargaidh inmheánaigh agus tar éis dó a dhul in éag nó a dhíghníomhachtú.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir le táirgí a chuirtear ar an margadh nó a úsáidtear chun críocha an mhonaróra féin i gcomhréir le hAirteagail 38c agus 38d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 39(3).

Airteagal 38b

Tosaíocht a thabhairt don mheasúnú comhréireachta ar tháirgí a ainmnítear mar earraí atá ábhartha i gcás géarchéime

1. Tá feidhm ag an Airteagal seo i leith táirgí a liostaítear sa ghníomh cur chun feidhme dá dtagraítear in Airteagal 38a(1), atá faoi réir na nósanna imeachta um measúnú comhréireachta dá dtagraítear in Airteagal 13, lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar tháirgí dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 38a.

3. Mar thoradh ar thosaíocht a thabhairt d’iarratais ar mheasúnú comhréireachta ar tháirgí de bhun mhír 2, ní bheidh costais dhíréireacha bhreise ar na monaróirí a rinne na hiarratais sin a thaisceadh.

4. Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú i gcás táirgí dá dtagraítear i mír 1 ar tugadh fógra dóibh ina leith.

Airteagal 38c

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach comhlachta faoina dtugtar fógra

1. De mhaolú ar Airteagal 13, féadfaidh Ballstát, ar iarraidh chuí-réasúnaithe a fháil ó oibreoir eacnamaíoch, a údarú go gcuirfear ar an margadh nó go n-úsáidfear chun críocha an mhonaróra féin laistigh de chríoch an Bhallstáit sin, tairge sonrach a liostaítear sa ghníomh cur chun feidhme dá dtagraítear in Airteagal 38a(1) agus nach bhfuil na nósanna imeachta um measúnú comhréireachta dá dtagraítear in Airteagal 13 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sé na ceanglais riachtanacha sláinte agus sábháilteachta uile is infheidhme a leagtar amach in Iarscríbhinn II i gcomhréir leis na nósanna imeachta dá dtagraítear san údarú sin.

2. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais riachtanacha sláinte agus sábháilteachta is infheidhme a leagtar amach in Iarscríbhinn II, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an táirge sonrach a chur ar an margadh nó a úsáid chun críocha an mhonaróra féin. Agus an dréachtghníomh cur chun feidhme á ullmhú aige, féadfaidh an Coimisiún a iarraidh ar údaráis um fhaireachas margaidh náisiúnta faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Glacfar an gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 39(3).

Beidh ar an táirge atá faoi réir leathnú na bailíochta dá dtagraítear sa chéad fhomhír an fhaisnéis go gcuirtear ar an margadh é nó go n-úsáidfear é chun críocha an mhonaróra féin mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3. Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme is infheidhme a ghlacadh láithreach i gcomhréir leis an nós imeachta dá dtagraítear in Airteagal 39(4).

4. Fad nach nglacfar gníomh cur chun feidhme amhail dá dtagraítear i mír 2 nó i mír 3, ní bheidh an t-údarú arna dheonú ag údarás náisiúnta inniúil i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh i dtaobh bhailíocht an údaraithe sin a aithint.

5. Dearbhóidh monaróirí táirgí atá faoi réir an nós imeachta um údarú dá dtagraítear i mír 1, ar a bhfreagracht féin, go gcomhlíonann an táirge lena mbaineann na ceanglais riachtanacha sláinte agus sábháilteachta uile is infheidhme a leagtar amach in Iarscríbhinn II agus beidh siad freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

6. Aon údarú a eisítear de bhun mhír 1, leagfar amach leis na coinníollacha agus na ceanglais faoina bhféadfar an táirge a chur ar an margadh nó a úsáid chun críocha an mhonaróra féin. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta, trínar léiríodh go rathúil go gcomhlíontar na ceanglais riachtanacha sláinte agus sábháilteachta is infheidhme a leagtar amach in Iarscríbhinn II;

(b)	aon cheanglas sonrach maidir le hinrianaitheacht an táirge lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá le measúnú comhréireachta leanúnach a áirithiú maidir leis an táirge lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh maidir leis na táirgí atá curtha ar an margadh nó a úsáidtear chun críocha an mhonaróra féin.

7. De mhaolú ar Airteagail 5, 15 agus 16, ní bheidh an mharcáil CE ar tháirgí ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 5.

8. Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis na táirgí sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*17) agus faoin Treoir seo. Cuirfidh siad an Coimisiún agus údaráis um fhaireachas margaidh na mBallstát uile eile ar an eolas láithreach faoi na gníomhaíochtaí sin.

9. Ní dhéanfaidh an úsáid a bhaintear as an nós imeachta um údarú a leagtar amach i míreanna 1 go 4 den Airteagal seo difear ar chríoch an Bhallstáit lena mbaineann do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 13.

Airteagal 38d

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh táirgí mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh na dtáirgí sin chun na ceanglais riachtanacha sláinte agus sábháilteachta is infheidhme a leagtar amach in Iarscríbhinn II den Treoir seo a chumhdach sna cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear na ceanglais riachtanacha sláinte agus sábháilteachta is infheidhme a leagtar amach in Iarscríbhinn II a ghabhann leis an Treoir seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán (AE) 2024/2747 mar thoradh air, srian suntasach ar na féidearthachtaí atá ag monaróirí úsáid a bhaint as na caighdeáin chomhchuibhithe a chumhdaíonn na ceanglais riachtanacha sláinte agus sábháilteachta is infheidhme a leagtar amach in Iarscríbhinn II a ghabhann leis an Treoir seo agus ar foilsíodh tagairtí ina leith cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 39(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura ndéanfar na gníomhartha cur chun feidhme sin a leasú nó a aisghairm i gcomhréir le mír 7 den Airteagal seo.

4. Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Treoir seo agus rachaidh sé i gcomhairle go cuí leis na geallsealbhóirí ábhartha uile.

5. Gan dochar d’Airteagal 17, toimhdeofar go bhfuil táirgí atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha sláinte agus sábháilteachta is infheidhme a leagtar amach in Iarscríbhinn II a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí ábalta brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 38a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis na táirgí a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar na táirgí atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha sláinte agus sábháilteachta is infheidhme a leagtar amach in Iarscríbhinn II tar éis do ghníomh cur chun feidhme arna ghlacadh de bhun mhír 3 den Airteagal seo a dhul in éag nó a aisghairm agus tar éis do mhodh éigeandála an mhargaidh inmheánaigh a dhul in éag nó a dhíghníomhachtú.

7. Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha sláinte agus sábháilteachta is infheidhme a leagtar amach in Iarscríbhinn II ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 38e

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh i gcás táirgí a liostaítear sa ghníomh cur chun feidhme dá dtagraítear in Airteagal 38a(1) den Treoir seo. Déanfaidh an Coimisiún comhordú na n-iarrachtaí tosaíochta sin a éascú trí Líonra an Aontais um Chomhlíonadh Táirgí a bhunaítear faoi Airteagal 29 de Rialachán (AE) 2019/1020.

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachais margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás táirgí a liostaítear sa ghníomh cur chun feidhme dá dtagraítear in Airteagal 38a(1).

(*17) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’."

Airteagal 8

Leasuithe ar Threoir 2014/35/AE

Leasaítear Treoir 2014/35/AE mar a leanas:

(1)

in Airteagal 2, cuirtear na pointí seo a leanas leis:

‘(15)

(16)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*18) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj).’;"

(2)

cuirtear an chaibidil seo a leanas isteach:

‘Caibidil 4a

Nósanna imeachta éigeandála

Airteagal 22a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 22b agus 22c den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le trealamh leictreach a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 22b agus 22c den Treoir seo a thrasuí ach amháin i leith trealamh leictreach a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 22b agus 22c den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir le trealamh leictreach a chuirtear ar an margadh i gcomhréir le hAirteagal 22c. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 23(2).

Airteagal 22b

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh trealamh leictreach mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh an trealaimh leictrigh sin chun na cuspóirí sábháilteachta dá dtagraítear in Airteagal 3 den Treoir seo agus a leagtar amach in Iarscríbhinn I a ghabhann leis an Treoir seo a chumhdach sna cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear na cuspóirí sábháilteachta dá dtagraítear in Airteagal 3 den Treoir seo agus a leagtar amach in Iarscríbhinn I a ghabhann leis an Treoir seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán (EU) 2024/2747 mar thoradh air, srian suntasach ar na féidearthachtaí atá ag monaróirí úsáid a bhaint as na caighdeáin chomhchuibhithe a chumhdaíonn na cuspóirí sábháilteachta dá dtagraítear in Airteagal 3 den Treoir seo agus a leagtar amach in Iarscríbhinn I a ghabhann leis an Treoir seo agus ar foilsíodh tagairtí ina leith cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 23(2) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura ndéanfar na gníomhartha cur chun feidhme sin a leasú nó a aisghairm i gcomhréir le mír 7 den Airteagal seo.

4. Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Treoir seo agus rachaidh sé i gcomhairle go cuí leis na geallsealbhóirí ábhartha uile.

5. Gan dochar d’Airteagail 12, 13 agus 14, toimhdeofar go bhfuil trealamh leictreach atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na cuspóirí sábháilteachta dá dtagraítear in Airteagal 3 agus a leagtar amach in Iarscríbhinn I a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí ábalta brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 22a(3), mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis an trealamh leictreach a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar an trealamh leictreach atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na cuspóirí sábháilteachta dá dtagraítear in Airteagal 3 agus a leagtar amach in Iarscríbhinn I tar éis do ghníomh cur chun feidhme arna ghlacadh de bhun mhír 3 den Airteagal seo a dhul in éag nó a aisghairm agus tar éis do mhodh éigeandála an mhargaidh inmheánaigh a dhul in éag nó a dhíghníomhachtú.

7. Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na cuspóirí sábháilteachta dá dtagraítear in Airteagal 3 agus a leagtar amach in Iarscríbhinn I ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 22c

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh le haghaidh trealamh leictreach a liostaítear sa ghníomh cur chun feidhme dá dtagraítear in Airteagal 22a(1) den Treoir seo. Déanfaidh an Coimisiún comhordú na n-iarrachtaí tosaíochta sin a éascú trí Líonra an Aontais um Chomhlíonadh Táirgí a bhunaítear faoi Airteagal 29 de Rialachán (AE) 2019/1020 ó Pharlaimint na hEorpa agus ón gComhairle (*19).

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás trealamh leictreach a liostaítear sa ghníomh cur chun feidhme dá dtagraítear in Airteagal 22a(1).

(*19) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’;"

Airteagal 9

Leasuithe ar Threoir 2014/53/AE

Leasaítear Treoir 2014/53/AE mar a leanas:

(1)

in Airteagal 2(1), cuirtear isteach na pointí seo a leanas:

‘(27)

ciallaíonn “earraí atá ábhartha i gcás géarchéime”“earraí atá ábhartha i gcás géarchéime” de réir bhrí Airteagal 3, pointe (6), de Rialachán (AE) 2024/2747 ó Pharlaimint na hEorpa agus ón gComhairle (*20);

(28)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*20) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj).’;"

(2)

cuirtear an chaibidil seo a leanas isteach:

‘Caibidil Va

Nósanna imeachta éigeandála

Airteagal 43a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 43b go 43e den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le trealamh raidió a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 43b go 43e den Treoir seo a thrasuí ach amháin i leith trealamh raidió a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

3. Áiritheoidh na Ballstáit nach mbeidh feidhm ag bearta a dhéanfar chun Airteagail 43b go 43e den Treoir seo a thrasuí ach amháin le linn mhodh éigeandála an mhargaidh inmheánaigh a gníomhachtaíodh i gcomhréir le hAirteagal 18 de Rialachán (AE) 2024/2747.

Mar sin féin, beidh feidhm ag Airteagal 43c(7) den Treoir seo le linn mhodh éigeandála an mhargaidh inmheánaigh agus tar éis dó a dhul in éag nó a dhíghníomhachtú.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir le trealamh raidió a chuirtear ar an margadh i gcomhréir le hAirteagail 43c agus 43d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 45(3).

Airteagal 43b

Tosaíocht a thabhairt don mheasúnú comhréireachta ar threalamh raidió a ainmnítear mar earraí atá ábhartha i gcás géarchéime

1. Tá feidhm ag an Airteagal seo i leith trealamh raidió a liostaítear sa ghníomh cur chun feidhme dá dtagraítear in Airteagal 43a(1) atá faoi réir na nósanna imeachta um measúnú comhréireachta dá dtagraítear in Airteagal 17 lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar threalamh raidió dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 43a.

3. Mar thoradh ar thosaíocht a thabhairt d’iarratais ar mheasúnú comhréireachta ar threalamh raidió de bhun mhír 2, ní bheidh costais dhíréireacha bhreise ar na monaróirí a rinne na hiarratais sin a thaisceadh.

4. Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú i gcás trealamh raidió dá dtagraítear i mír 1 ar tugadh fógra dóibh ina leith.

Airteagal 43c

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach comhlachta faoina dtugtar fógra

1. De mhaolú ar Airteagal 17, féadfaidh Ballstát, ar iarraidh chuí-réasúnaithe a fháil ó oibreoir eacnamaíoch, a údarú go gcuirfear ar an margadh laistigh de chríoch an Bhallstáit sin, trealamh raidió sonrach a liostaítear sa ghníomh cur chun feidhme dá dtagraítear in Airteagal 43a(1) agus nach bhfuil na nósanna imeachta um measúnú comhréireachta dá dtagraítear in Airteagal 17 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann sé na ceanglais riachtanacha ábhartha uile a leagtar amach in Airteagal 3 i gcomhréir leis na nósanna imeachta dá dtagraítear san údarú sin.

2. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais riachtanacha ábhartha sábháilteachta a leagtar amach in Airteagal 3, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an trealamh raidió sonrach a chur ar an margadh. Agus an dréachtghníomh cur chun feidhme á ullmhú aige, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Glacfar an gníomh cur chun feidhme i gcomhréir leis an nós imeachta scrúdúcháin dá dtagraítear in Airteagal 45(3).

Beidh ar an trealamh raidió atá faoi réir leathnú na bailíochta dá dtagraítear sa chéad fhomhír an fhaisnéis go gcuirtear ar an margadh é mar “earra atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3. Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme is infheidhme a ghlacadh láithreach i gcomhréir leis an nós imeachta dá dtagraítear in Airteagal 45(4).

4. Fad nach nglacfar gníomh cur chun feidhme dá dtagraítear i mír 2 nó 3, ní bheidh an t-údarú arna dheonú ag údarás náisiúnta inniúil i mBallstát amháin bailí ach amháin ar chríoch an Bhallstáit sin, agus ar chríocha aon Bhallstáit eile ar aithin a n-údaráis náisiúnta inniúla bailíocht an údaraithe sin sular glacadh an gníomh cur chun feidhme sin. Cuirfidh na Ballstáit an Coimisiún agus na Ballstáit eile ar an eolas faoi aon chinneadh i dtaobh bhailíocht an údaraithe sin a aithint.

5. Dearbhóidh monaróirí trealaimh raidió atá faoi réir an nós imeachta um údarú dá dtagraítear i mír 1, ar a bhfreagracht féin, go gcomhlíonann an trealamh raidió lena mbaineann na ceanglais riachtanacha ábhartha uile a leagtar amach in Airteagal 3 agus beidh siad freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

6. Aon údarú a eisítear de bhun mhír 1, leagfar amach leis na coinníollacha agus na ceanglais faoina bhféadfar an trealamh raidió a chur ar an margadh. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta, trínar léiríodh go rathúil go gcomhlíontar na ceanglais riachtanacha ábhartha a leagtar amach in Airteagal 3 den Treoir seo;

(b)	aon cheanglas sonrach maidir le hinrianaitheacht an trealaimh raidió lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá le measúnú comhréireachta leanúnach a áirithiú maidir leis an trealamh raidió lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh maidir leis an trealamh raidió lena mbaineann atá curtha ar an margadh.

7. De mhaolú ar Airteagail 9, 19 agus 20, ní bheidh an mharcáil CE ar threalamh raidió ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 9.

8. Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis an trealamh raidió sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*21) agus faoin Treoir seo. Cuirfidh siad an Coimisiún agus údaráis um fhaireachas margaidh na mBallstát uile eile ar an eolas láithreach faoi na gníomhaíochtaí sin.

9. Ní dhéanfaidh an úsáid a bhainfear as an nós imeachta um údarú a leagtar amach i míreanna 1 go 4 den Airteagal seo difear ar chríoch an Bhallstáit lena mbaineann do chur i bhfeidhm na nósanna imeachta ábhartha um measúnú comhréireachta a leagtar síos in Airteagal 17.

Airteagal 43d

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh trealamh raidió mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh an trealaimh raidió sin chun na ceanglais riachtanacha ábhartha a leagtar amach in Airteagal 3 den Treoir seo a chumhdach sna cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear na ceanglais riachtanacha ábhartha a leagtar amach in Airteagal 3 den Treoir seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán (EU) 2024/2747 mar thoradh air, srian suntasach ar na féidearthachtaí atá ag monaróirí úsáid a bhaint as na caighdeáin chomhchuibhithe a chumhdaíonn na ceanglais riachtanacha is infheidhme a leagtar amach in Airteagal 3 den Treoir seo agus ar foilsíodh tagairtí ina leith cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 45(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura ndéanfar na gníomhartha cur chun feidhme sin a leasú nó a aisghairm i gcomhréir le mír 7 den Airteagal seo.

4. Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Treoir seo agus rachaidh sé i gcomhairle go cuí leis na geallsealbhóirí ábhartha uile.

5. Gan dochar d’Airteagal 16, toimhdeofar go bhfuil trealamh raidió atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha ábhartha a leagtar amach in Airteagal 3 a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí ábalta brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 43a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis an trealamh raidió a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar an trealamh raidió atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha ábhartha a leagtar amach in Airteagal 3 tar éis do ghníomh cur chun feidhme arna ghlacadh de bhun mhír 3 den Airteagal seo a dhul in éag nó a aisghairm agus tar éis do mhodh éigeandála an mhargaidh inmheánaigh a dhul in éag nó a dhíghníomhachtú.

7. Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 den Airteagal seo na ceanglais riachtanacha ábhartha a leagtar amach in Airteagal 3 ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 43e

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh i gcás trealamh raidió a liostaítear sa ghníomh cur chun feidhme dá dtagraítear in Airteagal 43a(1) den Treoir seo. Déanfaidh an Coimisiún comhordú na n-iarrachtaí tosaíochta sin a éascú trí Líonra an Aontais um Chomhlíonadh Táirgí a bhunaítear faoi Airteagal 29 de Rialachán (AE) 2019/1020.

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás trealamh raidió a liostaítear sa ghníomh cur chun feidhme dá dtagraítear in Airteagal 43a(1).

(*21) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’."

Airteagal 10

Leasuithe ar Threoir 2014/68/AE

Leasaítear Treoir 2014/68/AE mar a leanas:

(1)

in Airteagal 2, cuirtear na pointí seo a leanas leis:

‘(33)

(34)	ciallaíonn “modh éigeandála an mhargaidh inmheánaigh” modh éigeandála an mhargaidh inmheánaigh mar a shainmhínítear in Airteagal 3, pointe (3), de Rialachán (AE) 2024/2747.

(*22) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj).’;"

(2)

cuirtear an chaibidil seo a leanas isteach:

‘Caibidil 5a

Nósanna imeachta éigeandála

Airteagal 43a

Nósanna imeachta éigeandála a chur i bhfeidhm

1. Áiritheoidh na Ballstáit nach mbeidh feidhm ag bearta a dhéanfar chun Airteagail 43b go 43e den Treoir seo a thrasuí ach amháin má tá gníomh cur chun feidhme glactha ag an gCoimisiún de bhun Airteagal 28 de Rialachán (AE) 2024/2747 maidir le brú-threalamh agus cóimeálacha a chumhdaítear leis an Treoir seo.

2. Áiritheoidh na Ballstáit nach mbeidh feidhm ag bearta a dhéanfar chun Airteagail 43b go 43e den Treoir seo a thrasuí ach amháin maidir le brú-threalamh agus cóimeálacha a ainmníodh mar earraí atá ábhartha i gcás géarchéime de bhun Airteagal 18(4) de Rialachán (AE) 2024/2747.

Mar sin féin, beidh feidhm ag Airteagal 43c(7) den Treoir seo le linn mhodh éigeandála an mhargaidh inmheánaigh agus tar éis dó a dhul in éag nó a dhíghníomhachtú.

4. Féadfaidh an Coimisiún gníomhartha cur chun feidhme a ghlacadh maidir leis na gníomhaíochtaí ceartaitheacha nó sriantacha atá le déanamh, na nósanna imeachta atá le leanúint agus na ceanglais shonracha lipéadaithe agus inrianaitheachta maidir le brú-threalamh agus cóimeálacha a chuirtear ar an margadh nó a úsáidtear chun críocha an mhonaróra féin i gcomhréir le hAirteagail 43c agus 43d. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 44(3).

Airteagal 43b

Tosaíocht a thabhairt don mheasúnú comhréireachta ar bhrú-threalamh agus cóimeálacha a ainmnítear mar earraí atá ábhartha i gcás géarchéime

1. Tá feidhm ag an Airteagal seo maidir le brú-threalamh agus cóimeálacha a liostaítear sa ghníomh cur chun feidhme dá dtagraítear in Airteagal 43a(1) atá faoi réir na nósanna imeachta um measúnú comhréireachta dá dtagraítear in Airteagal 14 lena gceanglaítear rannpháirtíocht éigeantach comhlachta faoina dtugtar fógra.

2. Déanfaidh na comhlachtaí faoina dtugtar fógra a ndícheall gach iarratas ar mheasúnú comhréireachta ar bhrú-threalamh agus cóimeálacha dá dtagraítear i mír 1 den Airteagal seo a phróiseáil mar ábhar tosaíochta, gan beann ar cé acu ar taisceadh na hiarratais sin roimh nó i ndiaidh ghníomhachtú na nósanna imeachta éigeandála de bhun Airteagal 43a.

3. Mar thoradh ar thosaíocht a thabhairt d’iarratais ar mheasúnú comhréireachta ar bhrú-threalamh agus cóimeálacha de bhun mhír 2, ní bheidh costais dhíréireacha bhreise ar na monaróirí a rinne na hiarratais sin a thaisceadh.

4. Déanfaidh na comhlachtaí faoina dtugtar fógra iarrachtaí réasúnta ar a n-acmhainneachtaí tástála a mhéadú i gcás brú-threalamh agus cóimeálacha dá dtagraítear i mír 1 ar tugadh fógra dóibh ina leith.

Airteagal 43c

Maolú ar na nósanna imeachta um measúnú comhréireachta lena gceanglaítear rannpháirtíocht éigeantach comhlachta faoina dtugtar fógra

1. De mhaolú ar Airteagal 14, féadfaidh Ballstát, ar iarraidh chuí-réasúnaithe a fháil ó oibreoir eacnamaíoch, a údarú go gcuirfear ar an margadh nó go n-úsáidfear chun críocha an mhonaróra féin laistigh de chríoch an Bhallstáit sin, brú-threalamh sonrach nó cóimeáil shonrach a liostaítear sa ghníomh cur chun feidhme dá dtagraítear in Airteagal 43a(1) agus nach bhfuil na nósanna imeachta um measúnú comhréireachta dá dtagraítear in Airteagal 14 lena gceanglaítear rannpháirtíocht éigeantach comhlachta faoina dtugtar fógra curtha i gcrích ina leith ach ar léiríodh ina leith go gcomhlíonann siad na ceanglais riachtanacha sábháilteachta uile is infheidhme a leagtar amach in Iarscríbhinn I i gcomhréir leis na nósanna imeachta dá dtagraítear san údarú sin.

2. Cuirfidh an Ballstát an Coimisiún agus na Ballstáit eile ar an eolas láithreach faoi aon údarú arna dheonú i gcomhréir le mír 1 den Airteagal seo. Ar choinníoll go n-áirithítear leis na ceanglais a leagtar amach san údarú go gcomhlíontar na ceanglais riachtanacha sábháilteachta is infheidhme a leagtar amach in Iarscríbhinn I, glacfaidh an Coimisiún, gan mhoill, gníomh cur chun feidhme lena ndéanfar bailíocht an údaraithe arna dheonú ag Ballstát i gcomhréir le mír 1 den Airteagal seo a leathnú chuig críoch an Aontais ina iomláine agus leagfaidh sé amach na coinníollacha faoinar féidir an brú-threalamh sonrach nó na cóimeálacha sonracha a chur ar an margadh nó a úsáid chun críocha an mhonaróra féin. Agus an dréachtghníomh cur chun feidhme á ullmhú aige, féadfaidh an Coimisiún a iarraidh ar údaráis náisiúnta um fhaireachas margaidh faisnéis nó barúlacha ábhartha a sholáthar maidir leis an measúnú teicniúil arbh é an bonn é don údarú dá dtagraítear i mír 1 den Airteagal seo. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 44(3).

Beidh ar an mbrú-threalamh nó cóimeálacha atá faoi réir leathnú na bailíochta dá dtagraítear sa chéad fhomhír an fhaisnéis go gcuirtear ar an margadh iad nó go n-úsáidtear chun críocha an mhonaróra féin iad mar “earraí atá ábhartha i gcás géarchéime”. Sonrófar sa ghníomh cur chun feidhme dá dtagraítear sa chéad fhomhír ábhar agus cur i láthair na faisnéise sin. Beidh an fhaisnéis sin, chomh maith le haon lipéadú, soiléir, soléite agus intuigthe agus, i gcás inarb ábhartha, i dteanga is féidir leis na tomhaltóirí agus na húsáideoirí deiridh eile a thuiscint go héasca, teanga a chinnfidh an Ballstát lena mbaineann.

3. Ar mhórfhorais práinne a bhfuil údar cuí leo agus a bhaineann leis an ngá atá le sláinte agus sábháilteacht daoine a chothú, déanfaidh an Coimisiún gníomhartha cur chun feidhme is infheidhme a ghlacadh láithreach i gcomhréir leis an nós imeachta dá dtagraítear in Airteagal 44(4).

5. Dearbhóidh monaróirí brú-threalaimh nó cóimeálacha atá faoi réir an nós imeachta um údarú dá dtagraítear i mír 1 ar a bhfreagracht féin, go gcomhlíonann an brú-threalamh nó an chóimeáil lena mbaineann na ceanglais riachtanacha sábháilteachta uile is infheidhme a leagtar amach in Iarscríbhinn I agus beidh siad freagrach as na nósanna imeachta uile um measúnú comhréireachta arna sonrú ag an údarás náisiúnta inniúil a chomhlíonadh.

6. Aon údarú a eisítear de bhun mhír 1, leagfar amach leis na coinníollacha agus na ceanglais faoina bhféadfar an brú-threalamh nó an chóimeáil a chur ar an margadh nó a úsáid chun críocha an mhonaróra féin. Leagfar amach an méid seo a leanas ar a laghad sna húdaruithe sin:

(a)	tuairisc ar na nósanna imeachta, trínar léiríodh go rathúil go gcomhlíontar na ceanglais riachtanacha sábháilteachta is infheidhme a leagtar amach in Iarscríbhinn I a ghabhann leis an Treoir seo;

(b)	aon cheanglas sonrach maidir le hinrianaitheacht an bhrú-threalaimh nó na cóimeála lena mbaineann;

(c)	dáta deiridh bhailíocht an údaraithe, nach féidir a bheith níos déanaí ná an lá deireanach den tréimhse ar ghníomhachtaíodh modh éigeandála an mhargaidh inmheánaigh ina leith i gcomhréir le hAirteagal 18 de Rialachán (AE) 2024/2747;

(d)	aon cheanglas sonrach maidir leis an ngá atá leis an measúnú comhréireachta leanúnach a áirithiú maidir leis an mbrú-threalamh nó cóimeáil lena mbaineann;

(e)	bearta atá le déanamh ar dhul in éag nó ar dhíghníomhachtú mhodh éigeandála an mhargaidh inmheánaigh maidir leis an mbrú-threalamh nó cóimeáil lena mbaineann atá curtha ar an margadh nó a úsáidtear chun críocha an mhonaróra féin.

7. De mhaolú ar Airteagail 5, 18 agus 19, ní bheidh an mharcáil CE ar bhrú-threalamh nó cóimeálacha ar tugadh údarú ina leith i gcomhréir le mír 1 den Airteagal seo agus ní bheidh feidhm ag Airteagal 5.

8. Na húdaráis um fhaireachas margaidh i mBallstát i gcás ina bhfuil údarú de bhun mhíreanna 1, 2 agus 4 den Airteagal seo bailí, beidh siad i dteideal, maidir leis an mbrú-threalamh nó na cóimeálacha sin, gach gníomhaíocht cheartaitheach agus shriantach a dhéanamh ar an leibhéal náisiúnta dá bhforáiltear faoi Rialachán (AE) 2019/1020 ó Pharlaimint na hEorpa agus ón gComhairle (*23) agus faoin Treoir seo. Cuirfidh siad an Coimisiún agus údaráis um fhaireachas margaidh na mBallstát uile eile ar an eolas láithreach faoi na gníomhaíochtaí sin.

Airteagal 43d

Toimhde chomhréireachta atá bunaithe ar chaighdeáin agus ar shonraíochtaí coiteanna

1. I gcás inar ainmníodh brú-threalamh agus cóimeálacha mar earraí atá ábhartha i gcás géarchéime, tugtar de chumhacht don Choimisiún gníomhartha cur chun feidhme a ghlacadh ina liostaítear caighdeáin iomchuí nó lena mbunaítear sonraíochtaí coiteanna le haghaidh an bhrú-threalaimh agus na gcóimeálacha sin chun na ceanglais riachtanacha sábháilteachta is infheidhme a leagtar amach in Iarscríbhinn I a ghabhann leis an Treoir seo a chumhdach sna cásanna seo a leanas:

(a)

i gcás nár foilsíodh tagairt do chaighdeáin chomhchuibhithe lena gcumhdaítear na ceanglais riachtanacha sábháilteachta is infheidhme a leagtar amach in Iarscríbhinn I a ghabhann leis an Treoir seo in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012 agus nach meastar go bhfoilseofar aon tagairt den sórt sin laistigh de thréimhse réasúnta; nó

(b)

i gcás ina gcuireann suaitheadh tromchúiseach i bhfeidhmiú an mhargaidh inmheánaigh, a raibh gníomhachtú mhodh éigeandála an mhargaidh inmheánaigh i gcomhréir le hAirteagal 18 de Rialachán EU 2024/2747 mar thoradh air, srian suntasach ar na féidearthachtaí atá ag monaróirí úsáid a bhaint as na caighdeáin chomhchuibhithe a chumhdaíonn na ceanglais riachtanacha sábháilteachta is infheidhme a leagtar amach in Iarscríbhinn I a ghabhann leis an Treoir seo agus ar foilsíodh tagairtí ina leith cheana in Iris Oifigiúil an Aontais Eorpaigh i gcomhréir le Rialachán (AE) Uimh. 1025/2012.

3. Déanfar na gníomhartha cur chun feidhme dá dtagraítear i mír 1 den Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 44(3) agus beidh feidhm acu go dtí an lá deiridh den tréimhse ina ngníomhachtófar modh éigeandála an mhargaidh inmheánaigh, mura ndéanfar na gníomhartha cur chun feidhme sin a leasú nó a aisghairm i gcomhréir le mír 7 den Airteagal seo.

4. Sula n-ullmhóidh sé an dréachtghníomh cur chun feidhme dá dtagraítear i mír 1 den Airteagal seo, cuirfidh an Coimisiún an coiste dá dtagraítear in Airteagal 22 de Rialachán (AE) Uimh. 1025/2012 ar an eolas go measann sé go bhfuil na coinníollacha i mír 1 den Airteagal seo comhlíonta. Agus an dréachtghníomh cur chun feidhme sin á ullmhú aige, cuirfidh an Coimisiún san áireamh tuairimí na gcomhlachtaí ábhartha nó na ngrúpaí saineolaithe ábhartha a bhunaítear faoin Treoir seo agus rachaidh sé i gcomhairle go cuí leis na geallsealbhóirí ábhartha uile.

5. Gan dochar d’Airteagal 12, toimhdeofar go bhfuil brú-threalamh nó cóimeálacha atá i gcomhréir leis na caighdeáin nó na sonraíochtaí coiteanna dá dtagraítear i mír 1 den Airteagal seo, nó le codanna díobh, i gcomhréir leis na ceanglais riachtanacha sábháilteachta is infheidhme a leagtar amach in Iarscríbhinn I a chumhdaítear leis na caighdeáin sin, leis na sonraíochtaí coiteanna sin nó le codanna díobh. Ón lá tar éis do mhodh éigeandála an mhargaidh inmheánaigh dul in éag nó a bheith díghníomhachtaithe, ní bheidh monaróirí ábalta brath a thuilleadh ar an toimhde chomhréireachta dá bhforáiltear leis na caighdeáin nó leis na sonraíochtaí coiteanna dá dtagraítear sna gníomhartha cur chun feidhme dá dtagraítear i mír 1 den Airteagal seo.

6. De mhaolú ar Airteagal 43a(3), an chéad fhomhír, mura bhfuil cúis leordhóthanach ann lena chreidiúint go mbaineann riosca do shláinte nó do shábháilteacht daoine leis an mbrú-threalamh agus na cóimeálacha a chumhdaítear leis na caighdeáin nó leis na sonraíochtaí coiteanna dá dtagraítear i mír 1 den Airteagal seo, measfar an brú-threalamh agus na cóimeálacha atá i gcomhréir leis na caighdeáin sin nó leis na sonraíochtaí coiteanna sin agus atá curtha ar an margadh a bheith i gcomhréir leis na ceanglais riachtanacha sábháilteachta is infheidhme a leagtar amach in Iarscríbhinn I tar éis do ghníomh cur chun feidhme arna ghlacadh de bhun mhír 3 den Airteagal seo a dhul in éag nó a aisghairm agus tar éis do mhodh éigeandála an mhargaidh inmheánaigh a dhul in éag nó a dhíghníomhachtú.

7. Nuair a mheasann Ballstát nach gcomhlíonann caighdeán nó sonraíocht choiteann dá dtagraítear i mír 1 na ceanglais riachtanacha sábháilteachta is infheidhme a leagtar amach in Iarscríbhinn I ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, más iomchuí, an gníomh cur chun feidhme ina liostaítear an caighdeán nó lena mbunaítear an tsonraíocht choiteann atá i gceist a leasú nó a aisghairm.

Airteagal 43e

Tosaíocht a thabhairt do ghníomhaíochtaí faireachais margaidh agus do chúnamh frithpháirteach i measc na n-údarás

1. Tabharfaidh na Ballstáit tosaíocht do na gníomhaíochtaí faireachais margaidh i gcás brú-threalamh agus cóimeálacha a liostaítear sa ghníomh cur chun feidhme dá dtagraítear in Airteagal 43a(1) den Treoir seo. Déanfaidh an Coimisiún comhordú na n-iarrachtaí tosaíochta sin a éascú trí Líonra an Aontais um Chomhlíonadh Táirgí a bhunaítear faoi Airteagal 29 de Rialachán (AE) 2019/1020.

2. Áiritheoidh údaráis um fhaireachas margaidh na mBallstát go ndéanfar gach iarracht ar chúnamh a thabhairt d’údaráis eile um fhaireachas margaidh le linn mhodh éigeandála an mhargaidh inmheánaigh, lena n-áirítear trí fhoirne saineolaithe a shlógadh agus a sheoladh chun foireann na n-údarás um fhaireachas margaidh a iarrann cúnamh a threisiú ar bhonn sealadach nó trí thacaíocht lóistíochta a sholáthar, amhail atreisiú na hacmhainneachta tástála i gcás brú-threalamh agus cóimeálacha a liostaítear sa ghníomh cur chun feidhme dá dtagraítear in Airteagal 43a(1).

(*23) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).’."

Airteagal 11

Trasuí

1. Faoin 29 Bealtaine 2026 glacfaidh agus foilseoidh na Ballstáit na bearta is gá chun an Treoir seo a chomhlíonadh. Cuirfidh siad an Coimisiún ar an eolas faoin méid sin láithreach.

2. Cuirfidh siad na bearta sin i bhfeidhm ón 30 Bealtaine 2026.

Nuair a ghlacfaidh na Ballstáit na bearta sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Déanfaidh na Ballstáit na bealaí a ndéanfar tagairtí den sórt sin a leagan síos.

3. A luaithe a thiocfaidh an Treoir seo i bhfeidhm, áiritheoidh na Ballstáit go gcuirfear an Coimisiún ar an eolas, in am trátha chun a bharúlacha a thíolacadh, faoi aon dréachtdhlíthe, rialúcháin nó forálacha riaracháin atá beartaithe acu a ghlacadh sa réimse a chumhdaítear leis an Treoir seo.

Airteagal 12

Teacht i bhfeidhm

Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

Airteagal 13

Seolaithe

Is chuig na Ballstáit a dhírítear an Treoir seo.

Arna déanamh in Strasbourg, an 9 Deireadh Fómhair 2024.

Thar ceann Pharlaimint na hEorpa

An tUachtarán

R. METSOLA

Thar ceann na Comhairle

An tUachtarán

BÓKA J.

(1) IO C 100, 16.3.2023, lch. 95.

(2) IO C 157, 3.5.2023, lch. 82.

(3) Seasamh ó Pharlaimint na hEorpa an 24 Aibreán 2024 (nár foilsíodh fós san Iris Oifigiúil) agus cinneadh ón gComhairle an 26 Meán Fómhair 2024.

(4) Rialachán (AE) 2024/2747 ó Pharlaimint na hEorpa agus ón gComhairle an 9 Deireadh Fómhair 2024 lena mbunaítear creat beart a bhaineann le héigeandáil sa mhargadh inmheánach agus le hathléimneacht an mhargaidh inmheánaigh agus lena leasaítear Rialachán (CE) Uimh. 2679/98 ón gComhairle (Gníomh um Éigeandálaí sa Mhargadh Inmheánach agus Athléimneacht an Mhargaidh Inmheánaigh) (IO L, 2024/2747, 8.11.2024, ELI: http://data.europa.eu/eli/reg/2024/2747/oj).

(5) Treoir 2000/14/CE ó Pharlaimint na hEorpa agus ón gComhairle an 8 Bealtaine 2000 maidir le comhfhogasú dhlíthe na mBallstát i ndáil le hastaíocht torainn sa chomhshaol ó threalamh atá le húsáid lasmuigh (IO L 162, 3.7.2000, lch. 1).

(6) Treoir 2006/42/CE ó Pharlaimint na hEorpa agus ón gComhairle an 17 Bealtaine 2006 maidir le hinnealra, agus lena leasaítear Treoir 95/16/CE (IO L 157, 9.6.2006, lch. 24).

(7) Treoir 2010/35/AE ó Pharlaimint na hEorpa agus ón gComhairle an 16 Meitheamh 2010 maidir le brú-threalamh iniompartha agus lena n-aisghairtear Treoracha 76/767/CEE, 84/525/CEE, 84/526/CEE, 84/527/CEE agus 1999/36/CE ón gComhairle (IO L 165, 30.6.2010, lch. 1).

(8) Treoir 2014/29/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú ar dhlíthe na mBallstát a bhaineann le hárthaí brú simplí a chur ar fáil ar an margadh (IO L 96, 29.3.2014, lch. 45).

(9) Treoir 2014/30/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát a bhaineann le comhoiriúnacht leictreamaighnéadach (IO L 96, 29.3.2014, lch. 79).

(10) Treoir 2014/33/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát i dtaca le hardaitheoirí agus le comhpháirteanna sábháilteachta le haghaidh ardaitheoirí (IO L 96, 29.3.2014, lch. 251).

(11) Treoir 2014/34/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát a bhaineann le trealamh agus córais chosanta atá ceaptha chun úsáid in atmaisféir a d’fhéadfadh a bheith pléascach (IO L 96, 29.3.2014, lch. 309).

(12) Treoir 2014/35/AE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát a bhaineann le trealamh leictreach a chur ar fáil ar an margadh, ar trealamh é a dheartar lena úsáid laistigh de theorainneacha áirithe voltais (IO L 96, 29.3.2014, lch. 357).

(13) Treoir 2014/53/AE ó Pharlaimint na hEorpa agus ón gComhairle an 16 Aibreán 2014 maidir le comhchuibhiú dhlíthe na mBallstát a bhaineann le trealamh raidió a chur ar fáil ar an margadh agus lena n-aisghairtear Treoir 1999/5/CE (IO L 153, 22.5.2014, lch. 62).

(14) Treoir 2014/68/AE ó Pharlaimint na hEorpa agus ón gComhairle an 15 Bealtaine 2014 maidir le comhchuibhiú dhlíthe na mBallstát a bhaineann le brú-threalamh a chur ar fáil ar an margadh (IO L 189, 27.6.2014, lch. 164).

(15) Cinneadh Uimh. 768/2008/CE ó Pharlaimint na hEorpa agus ón gComhairle an 9 Iúil 2008 maidir le comhchreat le haghaidh margú táirgí, agus lena n-aisghairtear Cinneadh 93/465/CEE ón gComhairle (IO L 218, 13.8.2008, lch. 82).

(16) Rialachán (AE) 2019/1020 ó Pharlaimint na hEorpa agus ón gComhairle an 20 Meitheamh 2019 maidir le faireachas margaidh ar tháirgí agus comhlíonadh táirgí agus lena leasaítear Treoir 2004/42/CE agus Rialacháin (CE) Uimh. 765/2008 agus (AE) Uimh. 305/2011 (IO L 169, 25.6.2019, lch. 1).