|
28.4.2023 |
MT |
Il-Ġurnal Uffiċjali tal-Unjoni Ewropea |
L 113/48 |
DEĊIŻJONI TAL-KUMITAT POLITIKU U TA’ SIGURTÀ (PESK) 2023/871
tas-27 ta’ April 2023
dwar il-ħatra tal-Kap tal-Missjoni ta' Sħubija tal-Unjoni Ewropea fil-Moldova (EUPM Moldova) (EUPM Moldova/1/2023)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,
Wara li kkunsidra d-Deċiżjoni tal-Kunsill (PESK) 2023/855 tal-24 ta’ April 2023 dwar Missjoni ta' Sħubija tal-Unjoni Ewropea fil-Moldova (EUPM Moldova) (1), u b'mod partikolari l-Artikolu 8 tagħha,
Billi:
|
(1) |
Permezz tad-Deċiżjoni (PESK) 2023/855, il-Kunsill awtorizza lill-Kumitat Politiku u ta' Sigurtà, f'konformità mal-Artikolu 38 tat-Trattat dwar l-Unjoni Ewropea, biex jieħu d-deċiżjonijiet rilevanti dwar il-kontroll politiku u d-direzzjoni strateġika tal-Missjoni ta' Sħubija tal-Unjoni Ewropea fil-Moldova (EUPM Moldova), inkluż id-deċiżjonijiet dwar il-ħatra tal-Kap tal-Missjoni. |
|
(2) |
Fl-24 ta’ April 2023, ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà ppropona li s-Sur Cosmin DINESCU jinħatar bħala Kap tal-Missjoni ta’ EUPM Moldova sal-24 ta’ April 2024. |
|
(3) |
Jenħtieġ tittieħed deċiżjoni dwar il-ħatra tal-Kap tal-Missjoni ta’ EUPM Moldova mill-25 ta’ April 2023 sal-24 ta’ April 2024, |
ADOTTA DIN ID-DEĊIŻJONI:
Artikolu 1
Is-Sur Cosmin DINESCU huwa b'dan maħtur Kap tal-Missjoni ta' Sħubija tal-Unjoni Ewropea fil-Moldova (EUPM Moldova) mill-25 ta’ April 2023 sal-24 ta' April 2024.
Artikolu 2
Din id-Deċiżjoni għandha tapplika mill-25 ta’ April 2023.
Magħmul fi Brussell, is-27 ta’ April 2023.
Għall-Kumitat Politiku u ta' Sigurtà
Il-President
D. PRONK