L_202601858GA.000101.fmx.xml

TÁ COMHAIRLE AN AONTAIS EORPAIGH,

Ag féachaint don Chonradh ar an Aontas Eorpach, agus go háirithe Airteagal 42(4) agus Airteagal 43(2), de,

Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,

De bharr an mhéid seo a leanas:

(1)	An 9 Nollaig 2019, ghlac an Chomhairle Cinneadh (CBES) 2019/2110 (1), lenar bunaíodh Misean Comhairleach CBSC an Aontais Eorpaigh i bPoblacht na hAfraice Láir (EUAM RCA), agus sainordú tosaigh aige go dtí an 8 Lúnasa 2022.

(2)	An 21 Deireadh Fómhair 2024, ghlac an Chomhairle Cinneadh (CBES) 2024/2723 (2), lenar cuireadh síneadh le sainordú EUAM RCA go dtí an 7 Lúnasa 2026.

(3)

An 26 Meitheamh 2026, mhol an Coiste Polaitiúil agus Slándála go gcuirfí síneadh 3 mhí le sainordú EUAM RCA, go dtí an 7 Samhain 2026, chun go bhféadfar an t-athbhreithniú straitéiseach iomlánaíoch ar Mhisean an Aontais Eorpaigh le haghaidh Oiliúint Mhíleata agus ar EUAM RCA i bPoblacht na hAfraice Láir a thabhairt chun críche.

(4)	Ba cheart Cinneadh (CBES) 2019/2110 a leasú dá réir.

(5)	Cuirfear EUAM RCA i gcrích i gcomhthéacs staid a bhféadfadh meath teacht uirthi agus a d’fhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach in Airteagal 21 den Chonradh iad,

TAR ÉIS AN CINNEADH SEO A GHLACADH:

Airteagal 1

Leasaítear Cinneadh (CBES) 2019/2110 mar a leanas:

(1)	in Airteagal 13(1), cuirtear an méid seo a leanas in ionad an tríú fomhír: ‘Is é EUR 23 276 887,05 a bheidh sa mhéid tagartha airgeadais atá beartaithe chun an caiteachas a bhaineann le EUAM RCA a chumhdach don tréimhse ón 1 Samhain 2024 go dtí an 7 Samhain 2026.’ ;

(2)	in Airteagal 17, cuirtear an méid seo a leanas in ionad na habairte deireanaí: ‘Tiocfaidh deireadh le sainordú EUAM RCA an 7 Samhain 2026.’.

Airteagal 2

Tiocfaidh an Cinneadh seo i bhfeidhm ar dháta a ghlactha.