|
Il-Ġurnal Uffiċjali |
MT Is-serje C |
|
C/2025/450 |
17.1.2025 |
Notifika minn qabel ta’ konċentrazzjoni
(Kawża M.11813 – CD&R / OPELLA)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(C/2025/450)
1.
Fit-8 ta’ Jannar 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
CD&R Fund XII, L.P. (“CD&R Fund XII”, l-Istati Uniti), ikkontrollata minn Clayton, Dubilier & Rice, LLC (“CD&R”, l-Istati Uniti), |
|
— |
Opella Healthcare SAS (“Opella”, Franza), li tappartjeni għal Sanofi SA (“Sanofi”, Franza). |
CD&R se jakkwista, skont it-tifsira tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Opella kollha kemm hi mingħand Sanofi.
Il-konċentrazzjoni titwettaq permezz tax-xiri ta’ ishma.
2.
L-attivitajiet kummerċjali tal-impriżi kkonċernati huma li ġejjin:|
— |
CD&R Fund XII huwa fond ta’ ekwità privata ġestit minn CD&R, ditta ta’ investiment ta’ ekwità privata li toriġina, tistruttura, u ta’ spiss taġixxi bħala investitur ewlieni ta’ ekwità f’akkwiżizzjonijiet ta’ ġestjoni, investimenti strateġiċi ta’ ekwità minoritarja u investimenti strateġiċi oħra, |
|
— |
Opella hija primarjament attiva fil-livell globali fir-riċerka, l-iżvilupp, il-manifattura u l-kummerċjalizzazzjoni ta’ prodotti farmaċewtiċi mingħajr riċetta, vitamini, minerali, supplimenti tal-ikel, prodotti kożmetiċi, u prodotti oħra għall-kura personali. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil partijiet terzi interessati biex jissottomettu lill-Kummissjoni l-kummenti li jista’ jkollhom dwar din l-operazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:
M.11813 – CD&R / OPELLA
Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:
Indirizz elettroniku: COMP-MERGER-REGISTRY@ec.europa.eu
Indirizz Postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ELI: http://data.europa.eu/eli/C/2025/450/oj
ISSN 1977-0987 (electronic edition)