|
17.1.2022 |
GA |
Iris Oifigiúil an Aontais Eorpaigh |
L 10/77 |
CINNEADH (CBES) 2022/59 ÓN gCOISTE POLAITIÚIL AGUS SLÁNDÁLA
an 10 Eanáir 2022
maidir le Ceannasaí Fórsa an Aontais Eorpaigh a cheapadh le haghaidh oibríocht mhíleata an Aontais Eorpaigh sa Bhoisnia agus sa Heirseagaivéin agus lena n-aisghairtear Cinneadh (CBES) 2021/5 (BiH/32/2022)
TÁ AN COISTE POLAITIÚIL AGUS SLÁNDÁLA,
Ag féachaint don Chonradh ar an Aontas Eorpach, agus go háirithe Airteagal 38 de,
Ag féachaint do Ghníomhaíocht Chomhpháirteach 2004/570/CBES ón gComhairle an 12 Iúil 2004 maidir le hoibríocht mhíleata an Aontais Eorpaigh sa Bhoisnia agus sa Heirseagaivéin (1), agus go háirithe Airteagal 6(1) di,
De bharr an mhéid seo a leanas:
|
(1) |
De bhun Airteagal 6(1) de Ghníomhaíocht Chomhpháirteach 2004/570/CBES, d’údaraigh na Chomhairle don Choiste Polaitiúil agus Slándála (PSC) na cinntí ábhartha a dhéanamh maidir le Ceannasaí Fórsa an Aontais Eorpaigh a cheapadh le haghaidh oibríocht mhíleata an Aontais Eorpaigh sa Bhoisnia agus sa Heirseagaivéin (“Ceannasaí Fórsa an Aontais Eorpaigh”). |
|
(2) |
An 15 Nollaig 2020, ghlac PSC Cinneadh (CBES) 2021/5 (2) lena gceaptar an Maor-Ghinearál Alexander PLATZER mar Cheannasaí Fórsa an Aontais Eorpaigh. |
|
(3) |
An 3 Samhain 2021, mhol údaráis mhíleata na hOstaire an Maor-Ghinearál Anton WESSELY a cheapadh i gcomharbacht ar an Maor-Ghinearál Alexander PLATZER mar Cheannasaí Fórsa an Aontais Eorpaigh amhail ón 20 Eanáir 2022. |
|
(4) |
An 25 Samhain 2021, d’aontaigh Coiste Míleata an Aontais Eorpaigh leis an moladh ó údaráis mhíleata na hOstaire. |
|
(5) |
Ba cheart, dá bhrí sin, Cinneadh (CBES) 2021/5 a aisghairm. |
|
(6) |
I gcomhréir le hAirteagal 5 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus leis an gConradh ar Fheidhmiú na Aontais Eorpaigh, ní bhíonn an Danmhairg rannpháirteach i ndréachtú agus cur chun feidhme cinntí agus gníomhaíochtaí de chuid an Aontais a bhfuil impleachtaí acu in ábhair chosanta. |
|
(7) |
An 12 agus an 13 Nollaig 2002, ghlac Comhairle Eorpach Chóbanhávan dearbhú lena ndearbhaítear nach mbeidh feidhm ag socruithe “Berlin Plus” agus a gcur chun feidhme ach amháin maidir leis na Ballstáit sin den Aontas is comhaltaí freisin de ECAT nó páirtithe i “gComhpháirtíocht na Síochána”, agus a bhfuil comhaontuithe déthaobhacha slándála tugtha i gcrích acu le ECAT dá bhrí sin, |
TAR ÉIS AN CINNEADH SEO A GHLACADH:
Airteagal 1
Leis seo, ceaptar an Maor-Ghinearál Anton WESSELY mar Cheannasaí Fórsa an Aontais Eorpaigh le haghaidh oibríocht mhíleata an Aontais Eorpaigh sa Bhoisnia agus sa Heirseagaivéin amhail ón 20 Eanáir 2022.
Airteagal 2
Leis seo, aisghairtear Cinneadh (CBES) 2021/5.
Airteagal 3
Tiocfaidh an Cinneadh seo i bhfeidhm an 20 Eanáir 2022.
Arna dhéanamh sa Bhruiséil, 10 Eanáir 2022.
Thar ceann an Choiste Pholaitiúil agus Slándála
An Cathaoirleach
D. PRONK
(1) IO L 252, 28.7.2004, lch. 10.
(2) Cinneadh (CBES) 2021/5 ón gCoiste Polaitiúil agus Slándála an 15 Nollaig 2020 maidir le Ceannasaí Fórsa an Aontais Eorpaigh a cheapadh le haghaidh oibríocht mhíleata an Aontais Eorpaigh sa Bhoisnia agus sa Heirseagaivéin agus lena n-aisghairtear Cinneadh (CBES) 2019/783 (BiH/31/2020) (IO L 4, 7.1.2021, lch. 8).