European flag

Il-Ġurnal Uffiċjali
ta'l-Unjoni Ewropea

MT

Is-serje L


2025/901

20.5.2025

REGOLAMENT TA’ IMPLIMENTAZZJONI TAL-KUMMISSJONI (UE) 2025/901

tad-19 ta’ Mejju 2025

li jistabbilixxi lista ta’ sustanzi li huma essenzjali għat-trattament tal-ispeċijiet ekwini, jew li jġibu benefiċċju kliniku miżjud meta mqabbla ma’ għażliet oħra ta’ trattament disponibbli għall-ispeċijiet ekwini u li għalihom il-perjodu ta’ stennija għall-ispeċijiet ekwini għandu jkun ta’ 6 xhur, u li jħassar ir-Regolament (KE) Nru 1950/2006

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2019/6 tal-Parlament Ewropew u tal-Kunsill tal-11 ta’ Diċembru 2018 dwar prodotti mediċinali veterinarji u li jħassar id-Direttiva 2001/82/KE (1), u b’mod partikolari l-Artikolu 115(5) tiegħu,

Billi:

(1)

Ir-Regolament (UE) 2019/6 jistabbilixxi r-regoli għall-użu tal-prodotti mediċinali veterinarji, inkluż ir-rekwiżit li jintużaw f’konformità mat-termini tal-awtorizzazzjonijiet għall-kummerċjalizzazzjoni tagħhom. Meta l-ebda prodott mediċinali veterinarju ma jkun awtorizzat jew disponibbli fi Stat Membru għall-annimali li jipproduċu l-ikel tal-ispeċijiet ekwini jew għal indikazzjoni, il-veterinarji jistgħu, b’mod partikolari biex jevitaw li jikkawżaw tbatija inaċċettabbli u taħt ir-responsabbiltà diretta tagħhom, jużaw il-prodotti mediċinali barra mit-termini tal-awtorizzazzjonijiet għall-kummerċjalizzazzjoni tagħhom, f’konformità mar-regoli stabbiliti fl-Artikoli 113 u 115 ta’ dak ir-Regolament.

(2)

Sabiex tiżdied id-disponibbiltà tal-prodotti mediċinali għall-annimali li jipproduċu l-ikel tal-ispeċijiet ekwini filwaqt li jiġi żgurat livell għoli ta’ protezzjoni tal-konsumatur, u b’deroga mill-Artikolu 113(1) u (4) tar-Regolament (UE) 2019/6, l-Artikolu 115(5) tar-Regolament (UE) 2019/6 jipprevedi l-istabbiliment, permezz ta’ atti ta’ implimentazzjoni, ta’ lista ta’ sustanzi li huma essenzjali għat-trattament tal-ispeċijiet ekwini, jew li jġibu benefiċċju kliniku miżjud meta mqabbla ma’ għażliet oħra ta’ trattament disponibbli għall-ispeċijiet ekwini u li għalihom il-perjodu ta’ stennija għall-ispeċijiet ekwini għandu jkun ta’ 6 xhur.

(3)

Ir-Regolament tal-Kummissjoni (KE) Nru 1950/2006 (2), kif emendat bir-Regolament (UE) Nru 122/2013 (3), kien stabbilixxa lista ta’ sustanzi essenzjali għall-kura tal-ekwidi u ta’ sustanzi li jġibu benefiċċju kliniku miżjud.

(4)

L-Anness tar-Regolament (KE) Nru 1950/2006 ġie aġġornat l-aħħar fl-2013 permezz tar-Regolament (UE) Nru 122/2013. Għalhekk, l-esperjenza miksuba mill-użu tas-sustanzi elenkati f’dak l-Anness jenħtieġ li sservi bħala bażi biex tiġi stabbilita l-lista msemmija fl-Artikolu 115(5) tar-Regolament (UE) 2019/6, inkluża l-ħtieġa li tiġi aġġornata l-informazzjoni dwar l-użu ta’ dawk is-sustanzi, il-vantaġġi u l-alternattivi tagħhom. Barra minn hekk, jenħtieġ li tiġi kkunsidrata wkoll il-ħtieġa li jiżdiedu sustanzi oħra bħala riżultat ta’ evidenza ġdida disponibbli.

(5)

Sabiex jiġi żgurat livell għoli ta’ protezzjoni tal-konsumatur, jenħtieġ li s-sustanzi jiġu inklużi biss fil-lista stabbilita f’dan ir-Regolament jekk ma joħolqux riskju inaċċettabbli għall-konsumaturi meta jintużaw fl-annimali li jipproduċu l-ikel tal-ispeċijiet ekwini, u jekk jiġi rispettat perjodu ta’ stennija ta’ 6 xhur.

(6)

Sustanza tikkwalifika biss bħala “sustanza essenzjali” meta ma tkun disponibbli l-ebda alternattiva sodisfaċenti għat-trattament jew għad-dijanjożi ta’ indikazzjoni u meta l-kundizzjoni, jekk ma tiġix trattata, toħloq tbatija bla bżonn għall-annimal. Sustanza tikkwalifika biss bħala “li ġġib benefiċċju kliniku miżjud” meta tipprovdi vantaġġ klinikament rilevanti bbażat fuq effikaċja jew sikurezza mtejba jew kontribut ewlieni għat-trattament jew għad-dijanjożi. Dan jista’ jkun ir-riżultat, fost l-oħrajn, tal-modi differenti ta’ azzjoni, tal-profili farmakokinetiċi jew farmakodinamiċi differenti, tat-tulijiet differenti tat-trattament jew tar-rotot differenti tal-amministrazzjoni.

(7)

Fuq talba tal-Kummissjoni, l-Aġenzija Ewropea għall-Mediċini (“l-Aġenzija”) wettqet evalwazzjoni xjentifika tas-sustanzi elenkati fl-Anness tar-Regolament tal-Kummissjoni (KE) Nru 1950/2006, kif ukoll tas-sustanzi li ġew identifikati fi stħarriġ fost l-awtoritajiet kompetenti u l-partijiet ikkonċernati rilevanti. Fil-parir xjentifiku tagħha (4), l-Aġenzija tidentifika xi wħud minn dawk is-sustanzi bħala “essenzjali” jew bħala “li jġibu benefiċċju kliniku miżjud” u li għalihom perjodu ta’ stennija ta’ 6 xhur ma joħloqx riskju inaċċettabbli għall-konsumaturi.

(8)

F’konformità mal-parir tal-Aġenzija, jenħtieġ li s-sustanzi rakkomandati bħala essenzjali jew li jġibu benefiċċju kliniku miżjud jintużaw għall-mard jew għall-kundizzjonijiet speċifiċi, u għat-trattament jew għall-ħtiġijiet dijanjostiċi speċifikati fl-Anness ta’ dan ir-Regolament. Barra minn hekk, l-Aġenzija tat parir li jenħtieġ li jitqiesu wkoll l-alternattivi elenkati f’dak l-Anness.

(9)

Is-sustanzi elenkati fit-Tabelli 1 jew 2 fl-Anness tar-Regolament tal-Kummissjoni (UE) Nru 37/2010 (5), jew is-sustanzi pprojbiti għall-użu fl-istockfarming mid-Direttiva tal-Kunsill 96/22/KE (6), ma jikkwalifikawx bħala essenzjali jew li jġibu benefiċċju kliniku miżjud. Għalhekk, fil-każ li s-sustanzi elenkati fl-Anness ta’ dan ir-Regolament jiġu inklużi wkoll fit-Tabelli 1 jew 2 fl-Anness tar-Regolament (UE) Nru 37/2010, jew l-użu tagħhom fl-annimali li jipproduċu l-ikel tal-ispeċijiet ekwini jkun ipprojbit mil-leġiżlazzjoni tal-Unjoni, jenħtieġ li dawn is-sustanzi ma jibqgħux jintużaw għall-finijiet ta’ dan ir-Regolament.

(10)

Il-lista ta’ sustanzi stabbilita fl-Anness ta’ dan ir-Regolament jenħtieġ li tissostitwixxi l-lista prevista skont ir-Regolament tal-Kummissjoni (KE) Nru 1950/2006. Ir-Regolament (KE) Nru 1950/2006 jenħtieġ li jitħassar. Sabiex l-awtoritajiet kompetenti, il-veterinarji u l-indokraturi tal-annimali kkonċernati jkunu jistgħu jadattaw għall-bidliet li jirriżultaw min-nuqqas ta’ inklużjoni fl-Anness ta’ dan ir-Regolament ta’ xi sustanzi jew ta’ indikazzjonijiet elenkati fl-Anness tar-Regolament (KE) Nru 1950/2006, jenħtieġ li jiġi permess perjodu tranżitorju suffiċjenti.

(11)

Sabiex tiżdied id-disponibbiltà tal-prodotti mediċinali għall-annimali li jipproduċu l-ikel tal-ispeċijiet ekwini u tiġi evitata tbatija inaċċettabbli, jenħtieġ li dan ir-Regolament jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Jenħtieġ li dan ir-Regolament japplika wkoll mid-data tad-dħul fis-seħħ tiegħu.

(12)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Prodotti Mediċinali Veterinarji,

ADOTTAT DAN IR-REGOLAMENT:

Artikolu 1

Kamp ta’ applikazzjoni

Il-lista ta’ sustanzi msemmija fl-Artikolu 115(5) tar-Regolament (UE) 2019/6 hija stabbilita fl-Anness ta’ dan ir-Regolament.

Artikolu 2

Regoli dwar l-użu tas-sustanzi elenkati fl-Anness

1.   Is-sustanzi li huma essenzjali għat-trattament tal-ispeċijiet ekwini jistgħu jintużaw għall-indikazzjonijiet speċifikati fl-Anness ta’ dan ir-Regolament, fejn l-ebda prodott mediċinali veterinarju awtorizzat għall-annimali li jipproduċu l-ikel tal-ispeċijiet ekwini jew l-ebda prodott mediċinali msemmi fl-Artikolu 113 tar-Regolament (UE) 2019/6 ma jagħti l-istess riżultati sodisfaċenti fir-rigward tat-trattament b’suċċess tal-annimal jew kif tiġi evitata t-tbatija bla bżonn għall-annimal.

2.   Is-sustanzi li jġibu benefiċċju kliniku miżjud meta mqabbla ma’ għażliet oħra ta’ trattament jistgħu jintużaw għall-indikazzjonijiet speċifikati fl-Anness ta’ dan ir-Regolament u filwaqt li jitqiesu l-alternattivi elenkati f’dak l-Anness, meta jipprovdu vantaġġ klinikament rilevanti bbażat fuq effikaċja jew sikurezza mtejba jew kontribut ewlieni għat-trattament meta mqabbla mal-prodotti mediċinali veterinarji awtorizzati għall-annimali li jipproduċu l-ikel tal-ispeċijiet ekwini jew mal-prodotti mediċinali msemmija fl-Artikolu 113 tar-Regolament (UE) 2019/6.

3.   Meta xi waħda mis-sustanzi elenkati fl-Anness ta’ dan ir-Regolament tiddaħħal fit-Tabelli 1 jew 2 tal-Anness tar-Regolament (UE) Nru 37/2010, jew l-użu tagħha fl-annimali li jipproduċu l-ikel tal-ispeċijiet ekwini jkun ipprojbit mil-leġiżlazzjoni tal-Unjoni, din ma għandhiex tibqa’ tintuża għall-finijiet ta’ dan ir-Regolament.

Artikolu 3

Tħassir

1.   Ir-Regolament (KE) Nru 1950/2006 jitħassar b’effett mill-21 ta’ Mejju 2027.

2.   Ir-referenzi għar-Regolament (KE) Nru 1950/2006 mħassar għandhom jiġu interpretati bħala referenzi għal dan ir-Regolament.

Artikolu 4

Dħul fis-seħħ u applikazzjoni

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-21 ta’ Mejju 2025.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-19 ta’ Mejju 2025.

Għall-Kummissjoni

Il-President

Ursula VON DER LEYEN


(1)   ĠU L 4, 7.1.2019, p. 43, ELI: http://data.europa.eu/eli/reg/2019/6/oj.

(2)  Ir-Regolament tal-Kummissjoni (KE) Nru 1950/2006 tat-13 ta’ Diċembru 2006 li jistabbilixxi, skont id-Direttiva 2001/82/KE tal-Parlament Ewropew u tal-Kunsill dwar il-kodiċi tal-Komunità relatat mal-prodotti mediċinali veterinarji, lista ta’ sustanzi essenzjali għall-kura tal-ekwidi u ta’ sustanzi li jġibu benefiċċju kliniku miżjud. ĠU L 367, 22.12.2006, p. 33, ELI: http://data.europa.eu/eli/reg/2006/1950/oj.

(3)  Ir-Regolament tal-Kummissjoni (UE) Nru 122/2013 tat-12 ta’ Frar 2013 li jemenda r-Regolament (KE) Nru 1950/2006 li jistabbilixxi, skont id-Direttiva 2001/82/KE tal-Parlament Ewropew u l-Kunsill dwar il-kodiċi Komunitarju rigward prodotti mediċinali veterinarji, lista ta’ sustanzi essenzjali għat-trattament tal-ekwidi (ĠU L 42, 13.2.2013, p. 1, ELI: http://data.europa.eu/eli/reg/2013/122/oj).

(4)  Parir xjentifiku skont l-Artikolu 115(5) tar-Regolament (UE) 2019/6 għall-istabbiliment ta’ lista ta’ sustanzi li huma essenzjali għat-trattament tal-ispeċijiet ekwini, jew li jġibu benefiċċju kliniku miżjud meta mqabbla ma’ għażliet oħra ta’ trattament disponibbli għall-ispeċijiet ekwini u li għalihom il-perjodu ta’ stennija għall-ispeċijiet ekwini għandu jkun ta’ 6 xhur (EMA/CVMP/159047/2023, it-18 ta’ Lulju 2024).

(5)  Ir-Regolament tal-Kummissjoni (UE) Nru 37/2010 tat-22 ta’ Diċembru 2009 dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwu fl-oġġetti tal-ikel li ġejjin mill-annimali (ĠU L 15, 20.1.2010, p. 1, ELI: http://data.europa.eu/eli/reg/2010/37(1)/oj).

(6)  Id-Direttiva tal-Kunsill 96/22/KE tad-29 ta’ April 1996 li tikkonċerna l-projbizzjoni tal-użu fl-istockfarming ta’ ċerti sustanzi li jkollhom azzjoni ormonika u tirostatika u ta’ beta-agonists u li tħassar id-Direttivi 81/602/KEE, 88/146/KEE u 88/299/KEE (ĠU L 125, 23.5.1996, p. 3, ELI: http://data.europa.eu/eli/dir/1996/22/oj).


ANNESS

Gruppi ta’ sustanzi

I.   Anestetiċi

Sustanza Attiva (1)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Ossibuprokainaa

Anesteżija topika lokali għall-użu fl-għajnejn

Ebda alternattiva mhi identifikata

Esperjenza klinika estensiva

Prilokainab

Anesteżija topika lokali qabel injezzjoni intravenuża jew kateterizzazzjoni

Lidokaina

Fi preparazzjonijiet speċifiċi (taħlita ewtettika ta’ anestetiċi lokali), għal applikazzjoni topika fuq il-ġilda; tista’ tintuża biex tiffaċilita l-injezzjoni intravenuża jew il-kateterizzazzjoni

II.   Analġeżiċi

Sustanza attiva (2)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Bromfenakb

Trattament tal-uveite u tal-infjammazzjoni okulari

Mediċini antinfjammatorji nonsterojdali (NSAIDs, Systemic nonsteroidal anti-inflammatory drugs) sistemiċi (eż. flunissin); ketorolak topiku (okulari)

NSAIDs topiċi jistgħu jirriżultaw f’inqas skumdità għall-pazjenti, infjammazzjoni mnaqqsa wara l-operazzjoni, prevenzjoni tal-mijożi, u titjib fl-akutezza fil-vista fil-perjodu bikri ta’ wara l-operazzjoni

Fentanilb

Approċċ multimodali għal kundizzjonijiet li jikkawżaw uġigħ akut minn moderat sa sever

Butorfanol, morfina

Tipproduċi analġeżija aħjar minn ċerti oppjojdi oħra u tista’ tintuża għal kundizzjonijiet li jikkawżaw uġigħ kbir; valur rikonoxxut għall-użu f’approċċi multimodali

Ketorolakb

Trattament tal-uġigħ u tal-infjammazzjoni fl-għajnejn

Terapija bl-NSAIDs sistemiċi (eż. flunissin)

Ifformulata għal applikazzjoni lokali

Metokarbamolb

Bħala parti mill-protokolli ta’ trattament fi spażmi tal-muskoli li jikkawżaw uġigħ sever jew f’kundizzjonijiet b’infjammazzjoni fil-muskoli severa

NSAIDs sistemiċi (eż. flunissin)

Rilassament qawwi tal-muskoli skeletriċi; azzjoni speċifika fuq l-internewruni tas-sinsla tad-dahar biex jitnaqqsu l-ispażmi akuti tal-muskoli skeletriċi mingħajr alterazzjoni konkomitanti fit-ton muskolari

Morfinab

Analġeżija

Butorfanol, fentanil

Aktar qawwija minn analġeżiċi oħrajn

Aċetonur tat-triamċinolonb

Trattament tal-infjammazzjoni tal-ġogi

Metilprednisolon

Inqas effetti ta’ ħsara fuq il-metaboliżmu tal-qarquċa

III.   Antimikrobiċi

Sustanza attiva (3)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

I.

Antibijotiċi

Amikaċinab

Trattament tas-sepsi fiż-żwiemel u fil-moħor

Ġentamiċina, ċeftijofur

Profil ta’ sikurezza aħjar fl-annimal fil-mira

Ażitromiċinab

Trattament tal-infezzjonijiet mir-Rhodococcus equi suxxettibbli għall-ażitromiċina

Klaritromiċina, eritromiċina, gamitromiċina, tulatromiċina, dossiċiklina

Benefiċċju kliniku miżjud f’każijiet ta’ infezzjonijiet mir-Rhodococcus equi fil-moħor li jistgħu jiġu solvuti bil-monoterapija jew flimkien mad-dossiċiklina

Klaritromiċinab

Trattament tal-infezzjonijiet mir-Rhodococcus equi suxxettibbli għall-klaritromiċina

Ażitromiċina, eritromiċina, gamitromiċina, tulatromiċina, dossiċiklina

Aktar attiva kontra r-Rhodococcus equi in vitro milli huma l-eritromiċina jew l-ażitromiċina; tikseb konċentrazzjonijiet akbar fil-fluwidu tal-inforra epiteljali pulmonari u fil-makrofagi alveolari meta mqabbla mal-eritromiċina jew mal-ażitromiċina, għalkemm in-nofs ħajja hija iqsar

Aċidu fusidikub

Trattament topiku tal-infezzjonijiet fl-għajnejn ikkawżati minn batterji gram-pożittivi suxxettibbli għall-aċidu fusidiku

Oflossaċina, mossiflossaċina

Spettru wiesa’ għat-trattament tal-infezzjonijiet gram-pożittivi; għażla primarja f’ulċeri korneali superfiċjali u mhux ikkumplikati u f’konġuntivite akuta fiż-żwiemel

Mossiflossaċinab

Trattament topiku tal-infezzjonijiet esterni fl-għajnejn ikkawżati minn cocci gram-pożittivi u minn batterji gram-negattivi, atipiċi u anaerobiċi, bħall-Pseudomonas aeruginosa, suxxettibbli għall-mossiflossaċina

Oflossaċina

Profil farmakokinetiku vantaġġjuż; l-ispettru tal-attività jinkludi cocci gram-pożittivi u batterji anaerobiċi li jistgħu jkunu reżistenti għal kinoloni oħra

Oflossaċinab

Trattament tal-infezzjonijiet esterni fl-għajnejn ikkawżati minn mikroorganiżmi gram-pożittivi u gram-negattivi suxxettibbli għall-oflossaċina

Mossiflossaċina

Esperjenza klinika; tippenetra l-kornea kollha sal-kamra anterjuri tal-għajn

Polimissina Bb

Trattament tal-keratite batterika, użu topiku

Oflossaċina, mossiflossaċina

Alternattiva effettiva għal trattamenti sistemiċi; mekkaniżmu ta’ azzjoni differenti għal alternattivi topiċi oħra

II.

Antifungali

Amfoteriċina Ba

Trattament tal-pulmonite fungali, użu sistemiku

Ebda alternattiva mhi identifikata

Trattament tal-għażla

Mikonażolb

Trattament tal-infezzjoni fungali tal-għajn

Natamiċina, nistatina, vorikonażol

Spettru wiesa’ ta’ attività; inqas irritanti meta mqabbla ma’ antifungali topiċi oħra

Nistatinab

Trattament tal-infezzjonijiet fungali u tal-kandidjażi tal-għajn u tal-apparat ġenitali

Mikonażol

Trattament tal-għażla għall-kandidjażi

Vorikonażolb

Trattament tal-keratite fungali, użu topiku

Mikonażol

Spettru wiesa’ ta’ attività

III.

Antivirali

Aċiklovirb

Trattament tal-każijiet ta’ infezzjoni tal-virus tal-erpete ekwina assoċjati ma’ kumplikazzjonijiet, użu topiku biss

Ganċiklovir

Trattament tal-għażla għall-ulċeri okulari meta l-implikazzjoni ta’ patoġenu virali tkun suspettata

Ganċiklovirb

Trattament tal-każijiet ta’ infezzjoni tal-virus tal-erpete ekwina assoċjati ma’ kumplikazzjonijiet, użu topiku

Aċiklovir, valaċiklovir

Rikkezza ta’ evidenza għat-trattament ta’ tipi differenti ta’ virus li jikkawżaw infezzjonijiet erpetiċi

Valaċiklovirb

Trattament tal-każijiet ta’ infezzjonijiet tal-virus tal-erpete ekwina, użu orali

Aċiklovir

Profil farmakokinetiku aħjar u rotta differenti ta’ amministrazzjoni

IV.   Sustanzi għad-disturbi respiratorji

Sustanza attiva (4)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Ambrossolb

Stimulazzjoni ta’ aġent tensjoattiv f’moħor prematuri

Sterojdi, bromeżina, dembreżina, trasferiment ta’ aġent tensjoattiv minn donatur b’saħħtu

Għażla klinika ppreferuta għal moħor prematuri

Flutikażonb

Kontroll ta’ mard pulmonari allerġiku inklużi każijiet ħfief għal moderati ta’ ażma ekwina u sottotipi permezz tal-inalazzjoni

Beklometażon

L-inalazzjoni twassal għal inqas soppressjoni adrenokortikali, ritorn għan-normal aktar mgħaġġel wara t-tmiem tat-terapija u inqas effetti sekondarji sistemiċi meta mqabbla mat-terapija kortikosterojde sistemika minħabba l-assorbiment sistemiku limitat tagħha; indikat b’mod speċjali għall-kontroll ta’ ażma ħafifa għal moderata u ta’ ażma severa rifrattarja kif ukoll għal terapija ta’ manutenzjoni fit-tul

Bromur tal-ipratropjub

Bħala bronkdilatur fiż-żwiemel b’ażma ħafifa għal moderata

Klenbuterol

Azzjoni antikolinerġika, bħala alternattiva għall-beta-agonisti

Ossimetażolinab

Trattament tal-edema nażali

Fenilefrina

Agonista alfaadrenoċettur bi proprjetajiet vażokostrettivi qawwija u b’effett li jdum jaħdem aktar

Fenilefrinab

Trattament tal-edema nażali

Ossimetażolina

Tnaqqas il-ħtieġa li jiddaħħlu tubi nażali waqt l-irkupru

V.   Sustanzi għall-kardjoloġija

Sustanza attiva (5)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Amjodaronb

Trattament sistemiku u orali tal-fibrillazzjoni atrijali u tat-takikardija sopraventrikolari u ventrikolari

Sulfat/glukonat tal-kinidina, sotalol, verapamil

Mod differenti ta’ azzjoni: aġent antiaritmiku tal-klassi III

Propafenonb

Trattament tat-takikardija ventrikolari u tat-takjaritmija ventrikolari

Sulfat/glukonat tal-kinidina

Mod differenti ta’ azzjoni: antagonista tal-kanal tas-sodju li jnaqqas l-eċċitabbiltà tal-qalb

Kinaprila

Trattament tal-insuffiċjenza kardijaka; protezzjoni kardjovaskulari fiż-żwiemel b’fibrillazzjoni atrijali (AF, atrial fibrillation) jew b’rifluss mitrali (MR, mitral regurgitation)

Ebda alternattiva mhi identifikata

Mod differenti ta’ azzjoni: inibitur tal-enzima ta’ konverżjoni tal-anġjotensina (ACE, angiotensin-converting-enzyme)

Sulfat/glukonat tal-kinidinab

Trattament tal-aritmiji

Amjodaron, sotalol, verapamil

Trattament tal-għażla għall-fibrillazzjoni atrijali

Sotalolb

Trattament fit-tul tal-aritmiji

Amjodaron, sulfat/glukonat tal-kinidina

Aktar adattati fiż-żwiemel li jeħtieġu terapija antiaritmika fit-tul; eventi inqas avversi meta mqabbla mal-amjodaron

Verapamilb

Trattament tal-aritmiji sopraventrikolari

Amjodaron, sulfat/glukonat tal-kinidina, sotalol

Mod differenti ta’ azzjoni: antagonista tal-kalċju

VI.   Sustanzi għall-proċeduri dijanjostiċi

Sustanza attiva (6)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Sulfat tal-barjua

Viżwalizzazzjoni mtejba tal-kanal gastrointestinali waqt l-eżamijiet radjografiċi

Ebda alternattiva mhi identifikata

L-ebda trattament alternattiv sodisfaċenti għall-viżwalizzazzjoni mtejba tal-kanal gastrointestinali waqt l-eżamijiet radjografiċi

Fluworexxeinab

Dijanjożi tal-keratite jew tal-ulċerazzjoni korneali, użu topiku

Roża bengala

Għodda dijanjostika tal-għażla meta wara tkun meħtieġa kultura virali

Joeżola

Aġent ta’ kuntrast għar-radjografija, l-artrografija, il-mjelografija, is-sinografija jew il-fistulografija, u d-dakrjoċistografija tal-kanal saflieni tal-awrina

Ebda alternattiva mhi identifikata

Aġent ta’ kuntrast mhux joniku solubbli fl-ilma

Fenilefrinaa

Dijanjożi tad-diżawtonomija ekwina

Ebda alternattiva mhi identifikata

Approċċ dijanjostiku anċillari għall-polinewropatija tad-diżawtonomija ekwina

Roża bengalab

Dijanjożi tal-keratite jew tal-ulċerazzjoni korneali, użu topiku

Fluworexxeina

Għodda dijanjostika tal-għażla għad-dijanjożi tal-keratite/ulċeri tal-għajnejn

Tireotropinaa

Dijanjożi tad-disfunzjoni tal-pars intermedia tal-glandola pitwitarja

Ebda alternattiva mhi identifikata

L-ebda alternattiva sodisfaċenti għad-dijanjożi tad-disfunzjoni tal-pars intermedia tal-glandola pitwitarja

VII.   Sustanzi għad-disturbi gastrointestinali

Sustanza attiva (7)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Metokloprammidb

Trattament tal-ileus wara l-operazzjoni

Sostituzzjoni tal-fluwidu intravenuż, mediċini kontra l-uġigħ (eż. flunissin), lidokaina

Prodott mediċinali prokinetiku

Misoprostolb

Trattament tal-marda glandolari gastrika u tal-kolite

Omeprażol, sukralfat

Superjuri għall-omeprażol għat-trattament tal-marda glandolari gastrika ekwina

Fenilefrinaa

Trattament tal-intrappolament nefrospleniku

Ebda alternattiva mhi identifikata

Valur kliniku fir-riżoluzzjoni tal-intrappolament nefrospleniku; tikkawża kontrazzjoni splenika dipendenti fuq id-doża

Ranitidinab

Trattament tal-ulċeri gastriċi fin-neonati morda fi stat kritiku, użu intravenuż

Omeprażol

Ir-rotta ta’ amministrazzjoni intravenuża ġġib benefiċċju kliniku miżjud fuq medikazzjonijiet orali oħra kontra l-ulċeri

Sukralfatb

Trattament u prevenzjoni tal-ulċeri gastriċi fiż-żwiemel

Omeprażol

Mod differenti ta’ azzjoni meta mqabbla mal-omeprażol (aderenti mal-mukoża), li tipprovdi stabilizzazzjoni tal-leżjonijiet fiżiċi

VIII.   Sustanzi għad-disturbi metaboliċi

Sustanza attiva (8)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Insulinab

Bħala għajnuna fit-trattament tal-iperlipidemija li ma tkunx reattiva għat-terapija bil-glukożju jew tal-iperlipidemija severa, tintuża flimkien mal-glukożju u ma’ terapiji oħra

Dijanjożi tad-disturbi metaboliċi (eż. reżistenza għall-insulina assoċjata mas-sindromu metaboliku ekwin jew mad-disfunzjoni tal-pars intermedia tal-glandola pitwitarja)

L-eparina ta’ piż molekulari baxx tista’ tintuża għal każijiet ta’ iperlipidemija

L-insulina hija l-għażla klinika ppreferuta

IX.   Sustanzi għad-disturbi muskuloskeletali

Sustanza attiva (9)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Atrakurjub

Induzzjoni tal-paraliżi muskolari taħt anesteżija ġenerali

Ċisatrakurju, gwajfeneżina

Iġġib benefiċċju kliniku miżjud fiż-żwiemel taħt anesteżija ġenerali f’każijiet meta jkun meħtieġ aktar rilassament tal-muskoli bħal kirurġiji oftalmiċi, ċerti tiswijiet ortopediċi u meta jkun hemm il-bżonn li jintlaħqu partijiet fil-fond tal-kavità addominali.

Ċisatrakurjub

Induzzjoni tal-paraliżi muskolari taħt anesteżija ġenerali

Atrakurju, gwajfeneżina

Iġġib benefiċċju kliniku miżjud fiż-żwiemel taħt anesteżija ġenerali f’każijiet meta jkun meħtieġ aktar rilassament tal-muskoli bħal kirurġiji oftalmiċi, ċerti tiswijiet ortopediċi u meta jkun hemm il-bżonn li jintlaħqu partijiet fil-fond tal-kavità addominali.

Sodju tad-dantrolenb

Prevenzjoni tar-rabdomijoliżi

Prevenzjoni tal-ipertermija malinna waqt l-anesteżija

NSAIDs, fluwidi intravenużi, vitamina E/selenju

Effikaċi bħala preventiva, billi tinibixxi r-rilaxx tal-kalċju mir-retikulu sarkoplażmiku u b’hekk tikkawża dissoċjazzjoni tal-akkoppjament ta’ eċċitazzjoni u ta’ kontrazzjoni

Edrofonjua

Reversibbiltà tal-effetti tal-paraliżi muskolari kkawżat mill-atrakurju

Ebda alternattiva mhi identifikata

Inibitur tal-kolinesterażi, essenzjali għar-reversibbiltà tal-ibblukkar newromuskolari; l-inqas effetti sekondarji mill-inibituri tal-kolinesterażi fiż-żwiemel

Gwajfeneżinab

Induzzjoni u manutenzjoni tal-anesteżija ġenerali f’kundizzjonijiet fuq il-post

Atrakurju, ċisatrakurju

Indikata b’mod partikolari f’kundizzjonijiet fuq il-post (mhux fi sptar) fejn tista’ tkun meħtieġa anesteżija; l-effetti depressivi kardjopulmonari mnaqqsa jiffaċilitaw anesteżija sikura mingħajr tagħmir ta’ monitoraġġ avvanzat jew ta’ ventilazzjoni mekkanika

X.   Sustanzi għad-disfunzjonijiet newroloġiċi

Sustanza attiva (10)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Diażepama

Antikonvulsiv għal żmien qasir għat-trattament tal-attakki

Ebda alternattiva mhi identifikata

Antikonvulsiv tat-tieni ġenerazzjoni

XI.   Sustanzi għall-oftalmoloġija

Sustanza attiva (11)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Aċetażolammidb

Trattament tal-glawkoma, użu orali

Fenilefrina

Il-mekkaniżmu tagħha ta’ azzjoni bħala inibitur tal-anidrażi karbonika

Ċiklopentolatb

Aġent midrijatiku

Atropina, fenilefrina

Tinduċi midrijażi sinifikanti mingħajr ma taffettwa l-produzzjoni tad-dmugħ, il-pressjoni intraokulari, il-funzjoni diġestiva (jiġifieri l-motilità tal-kanal alimentari u l-produzzjoni tal-feċi), jew ir-rata tal-qalb

Ċiklosporina Ab

Trattament tal-mard awtoimmuni tal-għajn

Sterojdi topiċi

Effett immunosoppressiv billi tiġi inibita l-proliferazzjoni tal-linfoċita T u titnaqqas l-espressjoni ġenika taċ-ċitokina

Fenilefrinab

Trattament tal-glawkoma u tal-epifora

Atropina u tropikammid

Ma żżidx (jew iżżid kemxejn biss) il-pressjoni intraokulari

Sinefrinab

Trattament tal-membrani mukużi tal-għajn bħala dekonġestjonant

Fenilefrina, tetriżolina

Effett lokali mgħaġġel; ittejjeb il-penetrazzjoni tat-terapija lokali, billi tipprovdi effetti sinerġistiċi, pereżempju mat-terapija antimikrobika lokali

Tetriżolinab

Trattament tal-membrani mukużi tal-għajn bħala dekonġestjonant

Fenilefrina, sinefrina

Effett lokali mgħaġġel

Maleat tat-timololb

Trattament tal-glawkoma, użu topiku

Aċetażolammid

Il-mod speċifiku ta’ azzjoni tagħha bħala imblokkatur tar-riċetturi Beta mhux selettiv, jipprevedi għażla terapewtika importanti fit-trattament tal-glawkoma

Aċetonur tat-triamċinolonb

Trattament tal-uveite rikorrenti f’każijiet li huma rifrattarji għal trattamenti oħra

Atropina, tropikammid

Trattament effettiv u b’morbidità baxxa f’każijiet li huma rifrattarji għal trattamenti oħra

Tropikammidb

Trattament tal-uveite rikorrenti

Atropina, ċiklopentolat, aċetonur tat-triamċinolon

Bidu tal-azzjoni mgħaġġel

XII.   Sustanzi għas-sedazzjoni u għall-premedikazzjoni (u antagoniżmu)

Sustanza attiva (12)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Aċepromażinab

Għal approċċ multimodali għat-trankwillizzazzjoni u għall-premedikazzjoni flimkien ma’ sedattivi oħra

Detomidina, romifidina, ksilażina, diażepam

Il-mod ta’ azzjoni tal-aċepromażina u l-kwalità unika tagħha ta’ sedazzjoni ma jistgħux jiġu prodotti mill-agonisti alfa-2 jew mill-benżodiażepini

Atipameżola

Reversibbiltà tal-effetti tal-agonisti alfa-2

Ebda alternattiva mhi identifikata

Tneħħi l-effetti sedattivi u analġeżiċi u r-reazzjonijiet kardjovaskulari avversi

Deżmedetomidinab

Sedazzjoni jew anesteżija ġenerali bħala parti minn protokolli ta’ anesteżija intravenuża parzjali jew totali

Detomidina, romifidina, ksilażina, diażepam

L-aktar agonista alfa-2 selettiva; nofs ħajja qasira u ridistribuzzjoni mgħaġġla, li jiffavorixxu b’mod partikolari l-użu tagħha bħala infużjoni b’rata kontinwa

Diażepamb

Premedikazzjoni u induzzjoni tal-anesteżija, trankwillizzazzjoni ħafifa b’effetti sekondarji kardjovaskulari u respiratorji minimi

Aċepromażina, detomidina, romifidina, ksilażina

Il-mod ta’ azzjoni (fuq ir-riċettur tal-aċidu gamma-aminobutirriku (GABA, gamma-aminobutyric acid)) jipprovdi trankwillizzazzjoni unika mingħajr depressjoni kardjorespiratorja li ma tistax tiġi prodotta mill-agonisti alfa-2 (detomidina, romifidina u ksilażina) jew aċepromażina

Flumażenila

Aġent riversiv intravenuż għall-benżodiażepina waqt l-irkupru minn tekniki ta’ Anesteżija Intravenuża Totali (TIVA, Total Intravenous Anaesthesia)

Ebda alternattiva mhi identifikata

Antagonista li tinibixxi b’mod kompetittiv is-sit tal-irbit tal-benżodiażepina fir-riċettur tal-GABA

Nalossona

Reversibbiltà tal-effetti tal-oppjojdi waqt emerġenzi

Ebda alternattiva mhi identifikata

Ebda alternattiva mhi disponibbli

Propofolb

Induzzjoni tal-anesteżija fil-moħor permezz tal-amministrazzjoni intravenuża

Isofluran

Titjib fl-istabbiltà kardjovaskulari u fil-kwalità tal-irkupru meta mqabbla mal-anesteżija inalatorja fil-moħor

XIII.   Sustanzi għad-disturbi sistemiċi

Sustanza attiva (13)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Allopurinolb

Dannu tal-iskemija-riperfużjoni neonatali

Vitamina E

Mod differenti ta’ azzjoni fl-inibizzjoni tal-formazzjoni ta’ speċijiet ta’ ossiġenu reattiv (ROS, reactive oxygen species) meta mqabbla mal-vitamina E

Dalteparinab

Antikoagulant

Eparina

Tnaqqis fid-daqs molekulari huwa assoċjat ma’ telf ta’ attività inibitorja tat-trombina, iżda għall-kuntrarju żieda fl-inibizzjoni tal-fattur Xa (FXa) meta mqabbla mal-eparina mhux frazzjonata

Dobutamminab

Ġestjoni tal-ipotensjoni taħt anesteżija ġenerali

Efedrina

Mediċina tal-ewwel linja għat-trattament tal-ipotensjoni f’ekwini adulti taħt anesteżija ġenerali

Dopamminaa

Bħala parti minn protokoll ta’ trattament għal dannu/insuffiċjenza akuta tal-kliewi biss

Ebda alternattiva mhi identifikata

Instab li dożi baxxi jikkawżaw vażodilatazzjoni fil-kliewi, żieda fil-fluss tad-demm fil-kliewi, u żieda fil-produzzjoni tal-awrina mingħajr effetti kardjovaskulari sistemiċi fi żwiemel konxji u b’saħħithom

Efedrinab

Trattament tal-ipotensjoni taħt anesteżija ġenerali

Dobutammina

Tintuża għat-trattament tal-ipotensjoni f’ekwini adulti taħt anesteżija ġenerali meta d-dobutammina tkun ineffettiva. Mod differenti ta’ azzjoni għad-dobutammina b’effett aktar dirett fuq il-kontrattilità kardijaka

Ġelatinpolisuċċinatb

L-indirizzar tal-ipovolemija fit-tul li tirriżulta minn kundizzjonijiet bħal pereżempju l-albumina baxxa

Kristallojdi

Il-kollojdi huma molekuli akbar meta mqabbla mal-kristallojdi, u b’hekk jibqgħu aktar fl-ispazju intravaskulari, li huwa vantaġġ għall-korrezzjoni tal-ipovolemija minn pereżempju l-ipoalbuminemija

Glikopirrolatb

Trattament u prevenzjoni tal-bradikardija

Atropina

Effett ċentrali minimu; adattata għal żwiemel konxji, qabel u wara l-anesteżija

Noradrenalina /

norepinefrinab

Trattament tax-xokk settiku bikri

Appoġġ għall-funzjoni kardjovaskulari f’moħor morda fi stat kritiku

Dobutammina, dopammina

Fil-moħor batuti (morda), din hija ġeneralment l-uniku katekolammina effettiva fit-trattament tal-ipotensjoni

Vasopressinab

Trattament tal-kollass ċirkulatorju fil-moħor u fiż-żwiemel adulti

Epinefrina, dopammina, dobutammina

Alternattiva f’każijiet fejn terapiji standard ta’ katekolammina bħal dopammina, dobutammina u epinefrina jkunu ineffettivi jew jeħtieġu titjib biex jirrestawraw it-ton vaskulari fi stati ta’ xokk vażodilatorju rifrattarju

XIV.   Sustanzi għat-tumuri

Sustanza attiva (14)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Imikimoda

Trattament tas-sarkojdi

Ebda alternattiva mhi identifikata

Ir-riċerka attwali tissuġġerixxi li s-sarkojdi ekwini x’aktarx jirriżultaw minn interazzjoni kumplessa li tinkludi disfunzjoni tas-sistema immunitarja ospitanti

XV.   Diversi

Sustanza attiva (15)

Indikazzjonijiet

Identifikazzjoni tal-alternattivi

Spjegazzjoni tal-użu / vantaġġi speċifiċi

Ċetiriżinab

Trattament tal-kundizzjonijiet fejn titqies meħtieġa l-antistamina

Klorfenammina

Agonisti inversi tar-riċetturi tal-istamina 1 (H1) tat-tieni ġenerazzjoni huma alternattivi b’inqas effetti sekondarji (sedattivi) fuq is-sistema nervuża ċentrali (CNS, central nervous system)

Domperidonb

Trattament tal-agalattja/disgalattja fid-dwieb

Sulpirur

Il-kapaċità tagħha li tistimula s-sekrezzjoni tal-prolattina f’sitwazzjonijiet ta’ inibizzjoni dopamminerġika

Sulpirurb

Trattament tal-agalattja/disgalattja fid-dwieb

Domperidon

Il-kapaċità tagħha li tistimula s-sekrezzjoni tal-prolattina f’sitwazzjonijiet ta’ inibizzjoni dopamminerġika


(1)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(2)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(3)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(4)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(5)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(6)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(7)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(8)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(9)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(10)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(11)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(12)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(13)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(14)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.

(15)  Is-sustanzi attivi identifikati b’“a” huma sustanzi essenzjali. Is-sustanzi identifikati b’“b” huma sustanzi li jġibu benefiċċju kliniku miżjud.


ELI: http://data.europa.eu/eli/reg_impl/2025/901/oj

ISSN 1977-074X (electronic edition)