|
Iris Oifigiúil |
GA Sraith C |
|
C/2023/374 |
25.10.2023 |
FÓGRA EARCAÍOCHTA PE/296/S
STIÚRTHÓIR (GRÚPA FEIDHME AD, GRÁD 14)
Ard-Stiúrthóireacht na hUachtaránachta — An Stiúrthóireacht um Bainistiú Doiciméad agus um Fhorbairt Sreafaí Digiteacha
(C/2023/374)
1. Folúntas
Tá cinneadh déanta ag Uachtarán Pharlaimint na hEorpa tús a chur leis an nós imeachta chun post mar Stiúrthóir (AD, grád 14) a líonadh laistigh d’Ard-Stiúrthóireacht na hUachtaránachta — an Stiúrthóireacht um Bainistiú Doiciméad agus um Fhorbairt Sreafaí Digiteacha, i gcomhréir le hAirteagal 29(2) de Rialacháin Foirne Oifigigh an Aontais Eorpaigh (1) (dá ngairtear ‘Rialacháin Foirne’ anseo feasta).
Seolfar an nós imeachta roghnúcháin seo, a bhfuil sé d’aidhm aige an rogha is leithne d’iarrthóirí a thabhairt don Údarás Ceapacháin, ag an am céanna leis na nósanna imeachta inmheánacha agus idirinstitiúideacha chun poist a líonadh.
Is ar ghrád AD 14 a dhéanfar an earcaíocht sin (2). Is é EUR 16 569,31 in aghaidh na míosa an buntuarastal. I dteannta an bhuntuarastail, atá faoi réir cáin a théann chun sochair an Aontais agus atá díolmhaithe ó cháin náisiúnta, tá liúntais áirithe a d’fhéadfaí a íoc leis an té a cheapfar, de réir mar a leagtar amach sna Rialacháin Foirne.
Cuirtear in iúl do na hiarrthóirí go bhfuil an post seo faoi réir na rialacha maidir leis an mbeartas soghluaisteachta arna nglacadh ag Biúró Pharlaimint na hEorpa an 15 Eanáir 2018.
Éilítear solúbthacht leis an bpost seo agus go ndéanfar teagmháil go rialta le daoine laistigh den Pharlaimint agus lasmuigh di, go háirithe leis na Feisirí de Pharlaimint na hEorpa. Beidh ar an Stiúrthóir turais ghnó a dhéanamh go minic idir áiteanna oibre na Parlaiminte agus go dtí áiteanna eile lasmuigh díobh.
2. Ionad Fostaíochta
An Bhruiséil. D’fhéadfaí an post seo a aistriú go dtí ceann d’ionaid eile oibre Pharlaimint na hEorpa.
3. Comhionannas Deiseanna
Is fostóir comhionannais deiseanna í Parlaimint na hEorpa agus glacann sí le hiarratais gan idirdhealú a dhéanamh ar fhorais ar bith amhail inscne, eitneacht, dath, bunadh eitneach nó sóisialta, tréithe géiniteacha, teanga, reiligiún nó creideamh, tuairimí polaitiúla nó aon tuairim eile, a bheith ar dhuine de mhionlach náisiúnta, maoin, breith, míchumas, aois, gnéaschlaonadh, stádas sibhialta nó imthosca an teaghlaigh.
4. Cúraimí an phoist
Mar oifigeach sinsearach, beidh an Stiúrthóir freagrach as na dualgais seo a leanas, de réir na dtreoirlínte agus na gcinntí arna leagan síos ag an údarás parlaiminteach agus ag an Ard-Stiúrthóir (3):
|
— |
dea-fheidhmiú roinne móire den Ardrúnaíocht a áirithiú ina bhfuil aonaid éagsúla a chumhdaíonn réimsí freagrachta na Stiúrthóireachta, i gcomhréir le beartais na hinstitiúide, |
|
— |
foirne d’oifigigh a bhainistiú, a mhaoirsiú, a spreagadh agus a chomhordú; an úsáid is fearr is féidir a bhaint as acmhainní na roinne agus caighdeán cáilíochta na seirbhíse (eagrú, bainistiú acmhainní daonna agus buiséid, nuálaíocht etc.) a áirithiú sna réimsí gníomhaíochta, |
|
— |
gníomhaíochtaí na stiúrthóireachta (cuspóirí agus straitéisí a leagan amach) a phleanáil, na cinntí is gá a dhéanamh chun na cuspóirí a leagfar síos a ghnóthú, measúnú a dhéanamh ar na seirbhísí atá ar fáil chun cáilíocht na seirbhísí sin a ráthú, |
|
— |
comhairle a chur ar an Ard-Stiúrthóir, ar an Ard-Rúnaí agus ar Fheisirí de Pharlaimint na hEorpa sna réimsí gníomhaíochta, |
|
— |
comhoibriú leis na stiúrthóireachtaí éagsúla san Ardrúnaíocht, ionadaíocht a dhéanamh ar an institiúid agus conarthaí nó comhaontuithe a chaibidliú ina réimsí gníomhaíochta, |
|
— |
tionscadail shonracha a bhféadfadh freagrachtaí airgeadais a bheith ag gabháil leo a bhainistiú agus a thabhairt chun críche, |
|
— |
feidhmeanna oifigigh údaraithe trí fhotharmligean a fheidhmiú. |
5. Incháilitheacht
Tá an nós imeachta roghnúcháin seo oscailte d’iarrthóirí a chomhlíonann na coinníollacha seo a leanas faoin dáta deiridh chun iarratas a chur isteach:
|
a) |
Coinníollacha ginearálta I gcomhréir le hAirteagal 28 de na Rialacháin Foirne, ní mór duit:
|
|
b) |
Coinníollacha sonracha
Maidir leis na céimeanna, cibé an i mBallstát nó i dtír eile a bhronntar iad, ní mór iad a bheith aitheanta ag comhlacht oifigiúil Ballstáit den Aontas Eorpach, amhail Aireacht Oideachais Ballstáit den Aontas Eorpach. Na hiarrthóirí a bhfuil céimeanna acu a bhronn Ballstát nach Ballstát den Aontas Eorpach é (6), ní mór dóibh coibhéis Eorpach a gcuid céimeanna a cheangal lena n-iarratas. Le haghaidh tuilleadh faisnéise maidir le haitheantas do cháilíochtaí a fuarthas i dtríú tír faoi chuimsiú líonraí ENIC-NARIC, féach an suíomh https://www.enic-naric.net/
|
6. Trialacha
Chun cabhrú leis an Údarás Ceapacháin a rogha a dhéanamh, déanfaidh an Coiste Comhairleach um Oifigigh Shinsearacha a Cheapadh liosta iarrthóirí a dhréachtú agus molfaidh sé do Bhiúró Pharlaimint na hEorpa cé hiad na daoine a nglaofar orthu chun agallaimh. Glacfaidh an Biúró an liosta, agus seolfaidh an Coiste na hagallaimh agus cuirfidh sé a thuarascáil chríochnaitheach faoi bhráid an Bhiúró le haghaidh cinneadh. Ag an gcéim sin, féadfaidh an Biúró na hiarrthóirí a chur faoi agallamh.
Beidh na hagallaimh bunaithe ar an gcur síos ar chúraimí an phoist, mar a shonraítear faoi phointe 4 den fhógra seo iad, agus ar na hinniúlachtaí seo a leanas:
|
— |
bua na straitéise, |
|
— |
cumas bainistíochta, |
|
— |
cumas pleanála chun cinn, |
|
— |
cumas freagairt d’athruithe, |
|
— |
críochnúlacht, |
|
— |
cumas cumarsáide. |
7. Iarratais a chur isteach
Is é an dáta deiridh chun iarratas a chur isteach ná
Dé hAoine 10 Samhain 2023, ar 12.00 (meán lae), am na Bruiséile.
Iarrtar ar na hiarrthóirí litir inspreagtha, i bhformáid pdf agus í dírithe chuig Monsieur le Secrétaire général du Parlement européen, avis de recrutement numéro PE/296/S, mar aon le curriculum vitae i bhformáid Europass (8), a sheoladh trí ríomhphost, agus ar an modh sin amháin, agus tagairt don fhógra seo (PE/296/S) i líne an ábhair, chuig an seoladh ríomhphoist seo a leanas:
PERS-EPSeniorManagement@ep.europa.eu
agus is é dáta agus am seolta an ríomhphoist a bheidh mar fhianú air.
Is faoi na hiarrthóirí a bheidh sé a dheimhniú go mbeidh gach doiciméad scanta inléite.
Ní mór do na hiarrthóirí a gheobhaidh glao chun agallaimh, faoi dháta an agallaimh, na doiciméid tacaíochta a bhaineann lena staidéir, lena dtaithí ghairmiúil agus lena bhfreagrachtaí reatha a thabhairt ar aird, agus na doiciméid sin a bheith i bhfoirm cóipeanna nó fótachóipeanna amháin (9) . Ní thabharfar na doiciméid sin ar ais do na hiarrthóirí.
Déanfar na sonraí pearsanta a chuirfidh na hiarrthóirí in iúl faoin nós imeachta roghnúcháin seo a phróiseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle (10), go sonrach a mhéid a bhaineann le rúndacht agus slándáil na sonraí sin.
(1) Féach Rialachán (CEE, Euratom, CEGC) Uimh. 259/68 ón gComhairle (IO L 56, 4.3.1968, lch. 1), arna leasú le Rialachán (CE, Euratom) Uimh. 723/2004 (IO L 124, 27.4.2004, lch. 1) agus arna leasú go deireanach le Rialachán (AE, Euratom) Uimh. 1023/2013 ó Pharlaimint na hEorpa agus ón gComhairle an 22 Deireadh Fómhair 2013 lena leasaítear Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais Eorpaigh (IO L 287, 29.10.2013, lch. 15).
(2) Earcófar an t-oifigeach sa chéim is iomchuí i gcomhréir le hAirteagal 32 de na Rialacháin Foirne.
(3) Féach an Iarscríbhinn le haghaidh na bpríomhdhualgas.
(4) Is iad seo a leanas Ballstáit an Aontais Eorpaigh: an Bheilg, an Bhulgáir, an Chipir, an Chróit, an Danmhairg, an Eastóin, Éire, an Fhionlainn, an Fhrainc, an Ghearmáin, an Ghréig, an Iodáil, an Ísiltír, an Laitvia, an Liotuáin, Lucsamburg, Málta, an Ostair, an Pholainn, an Phortaingéil, an Rómáin, an tSeicea, an tSlóivéin, an tSlóvaic, an Spáinn, an tSualainn, an Ungáir.
(5) Ní chuirfear an bhliain sin de thaithí san áireamh agus measúnú á dhéanamh ar an taithí ghairmiúil a éilítear sa chéad fhleasc eile den mhír seo.
(6) Glactar le cáilíochtaí/céimeanna a bronnadh sa Ríocht Aontaithe go dtí an 31.12.2020 gan tuilleadh aitheantais. I gcás céimeanna a fuarthas tar éis an dáta sin, tá aitheantas NARIC ag teastáil. Go praiticiúil, ciallaíonn sé sin, i gcás céimeanna a bronnadh sa Ríocht Aontaithe agus a eisíodh ón 1 Eanáir 2021, ní mór doiciméad coibhéiseach, a d’eisigh Ballstát reatha de chuid an Aontais Eorpaigh, a bheith ag gabháil leo.
(7) Is iad teangacha oifigiúla an Aontais Eorpaigh: an Béarla, an Bhulgáiris, an Chróitis, an Danmhairgis, an Eastóinis, an Fhionlainnis, an Fhraincis, an Ghaeilge, an Ghearmáinis, an Ghréigis, an Iodáilis, an Laitvis, an Liotuáinis, an Mháltais, an Ollainnis, an Pholainnis, an Phortaingéilis, an Rómáinis, an tSeicis, an tSlóivéinis, an tSlóvaicis, an Spáinnis, an tSualainnis agus an Ungáiris.
(8) https://europa.eu/europass/
(9) Ní bhaineann sé seo le hiarrthóirí atá ag obair do Pharlaimint na hEorpa ar an dáta deiridh le haghaidh iarratais. Is faoi na hiarrthóirí atá sé a áirithiú go mbeidh an comhad iomlán againn a chomhfhreagraíonn dá n-iarratas ag seirbhísí na Parlaiminte (i gcás doiciméid ábhartha gan bheith ar fáil ar an tairseach HRM (Streamline).
(10) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).
IARSCRÍBHINN
Ard-Stiúrthóireacht na hUachtaránachta
An stiúrthóireacht um Bainistiú Doiciméad Agus um Fhorbairt Sreafaí Digiteacha
Príomhchúraimí
(Líon foirne iomlán de 61 ghníomhaire: 42 oifigeach, 3 ghníomhaire shealadacha agus 16 ghníomhaire conarthacha)
11.10.2023
|
— |
Cuidiú leis an Ard-Stiúrthóir a chuid dualgas/a cuid dualgas a chomhlíonadh |
|
— |
Bainistiú, comhordú agus treorú cheithre aonad na Stiúrthóireachta a chur i gcrích i gcomhréir leis na rialacháin agus de mheon na seirbhíse do chustaiméirí d’fhonn cuspóirí na hArd-Stiúrthóireachta a bhaint amach; |
|
— |
Tionscadail a bhainistiú. |
AN TAONAD UM BAINISTIÚ DOICIMÉAD
|
— |
Oibriú i gcomhar le AS ITEC chun an córas leictreonach bainistithe doiciméad PE a bheith ann amach anseo a ullmhú, anailís a dhéanamh ar fheidhmiúlachtaí agus an nasc le húsáideoirí a áirithiú; |
|
— |
Modheolaíocht a bhunú chun bainistiú doiciméad a ionchorprú sa chéad chéim den anailís ar an bpróiseas gnó, mar ullmhúchán dá ndigitiú (an tionscadal SEF Document Management by Design); |
|
— |
Tacaíocht a chur ar fáil do ghníomhaíochtaí an Ghrúpa Stiúrtha Idir-AS um Bainistiú Doiciméad (GIDOC); |
|
— |
Saineolas maidir le bainistiú doiciméad a chur ar fáil do sheirbhísí agus do thionscadail shonracha de chuid na Parlaiminte. |
AN TAONAD UM AN gCARTLANN
|
— |
Cartlanna a láimhseáil chun a sláine agus a n-inléiteacht a chinntiú le himeacht ama: gach doiciméid a shainaithint agus a chódú, comhaid a bhainistiú de réir creat aicmithe, nósanna imeachta a bhaineann le gníomhaíochtaí cartlainne a bhainistiú, pleananna aicmithe a shainmhíniú, éascaíocht cur in iúl agus comhlíonadh na rialachán atá i bhfeidhm, cuimhne Pharlaimint na hEorpa a chaomhnú; |
|
— |
Doiciméid/comhaid a sheoltar chuig na Cartlanna a choinneáil mar fhianaise ar ghníomhaíochtaí Pharlaimint na hEorpa d’fhonn comhlíonadh a cuid oibleagáidí dlíthiúla a shuí: doiciméid a fháil agus glacadh le doiciméid i gcartlanna, spásanna stórála a eagrú agus a bhainistiú chun críocha cothaithe, aistrithe chuig Cartlann Stairiúil an Aontais Eorpaigh a ullmhú, trealamh comhairliúcháin a bhainistiú, post isteach/amach ó Pharlaimint na hEorpa a chartlannú; |
|
— |
Cartlannú digiteach a dhéanamh chun sláine agus inléiteacht na gcartlann digiteach le himeacht ama a áirithiú: an Chórais TF Cartlainne (CLAVIS) agus a chomhtháthú i gcóras TF Pharlaimint na hEorpa a bhainistiú, cartlanna inrochtana a chur ar fáil ar líne, spásanna stórála digití a bhainistiú, formáidí caomhnaithe a bhainistiú; |
|
— |
Cur le luach na gcartlann trí aon mhodh eile scaipthe doiciméad, eagarthóireachta nó acadúil (foilseacháin, taispeántais, imeachtaí, seisiúin faisnéise), taighde doiciméadach a dhéanamh (doiciméid a sholáthar do na seirbhísí chun críocha inmheánacha agus don tseirbhís atá freagrach as rochtain phoiblí ar dhoiciméid, i gcás iarraidh ó na saoránaigh faoi Rialachán (CE) Uimh. 1049/2001), taighdeoirí a óstáil. |
AN TAONAD UM FHAISNÉIS RÚNAICMITHE
|
— |
Bainistiú a dhéanamh ar gach gné a bhaineann le faisnéis rúnaicmithe a chlárú, a stóráil, rochtain uirthi a bhainistiú, a innéacsú agus a chartlannú lena ceadú; cur i bhfeidhm cinnidh ó Bhiúró Pharlaimint na hEorpa an 15 Aibreán 2013 a áirithiú a mhéid a bhaineann leis na rialacha is infheidhme maidir le láimhseáil faisnéise rúnda ag Parlaimint na hEorpa (dá ngairtear ‘an Cinneadh ón mBiúró’ anseo feasta) agus na gcomhaontuithe idirinstitiúideacha maidir le faisnéis rúnaicmithe a tharchur; |
|
— |
Saoráidí slána a bhainistiú, lena n-áirítear na hoiriúnuithe is gá ar nósanna imeachta slándála oibríochtúla a dhréachtú; |
|
— |
Na bearta slándála éigeantacha le haghaidh faisnéis rúnaicmithe a thíolacadh i gcomhar leis an Aonad um Measúnú Riosca in AS SAFE; |
|
— |
Sonraí a bhailiú d’fhonn staidreamh a tháirgeadh agus an dréacht-tuarascáil bhliantúil a chuireann Ardrúnaí na Parlaiminte faoi bhráid an Bhiúró maidir le cur chun feidhme an chinnidh ón mBiúró a tharraingt suas; |
|
— |
Cúnamh a thabhairt don Ardrúnaí maidir le cur chun feidhme an chinnidh ón mBiúró agus na hoiriúnuithe is gá a mholadh lena gcur ar aghaidh chuig an mBiúró le haghaidh cinnidh; |
|
— |
An tacaíocht a iarradh le linn na caibidlíochta ar chomhaontuithe idirinstitiúideacha agus rialacha maidir le tarchur faisnéise rúnaicmithe a chur ar fáil. |
AN TAONAD UM POST OIFIGIÚIL
|
— |
Déileáil le post oifigiúil na Parlaiminte agus le post an Uachtaráin (clárú, achoimre agus dáileadh, tacaíocht d’úsáideoirí GEDA maidir le post a chlárú); |
|
— |
An post a fháil agus a sheoladh ar aghaidh chuig an Institiúid (fíorú, sórtáil, clárú beartán agus post cláraithe, seirbhís do chustaiméirí); |
|
— |
Post amach a phróiseáil (clárú, frainceáil, luasphost) agus filleadh poist diúltaithe a áirithiú; |
|
— |
An tAonad a bhainistiú; |
|
— |
Rannchuidiú le forbairt príomhuirlisí TF (TrackInside 2, etc.); |
|
— |
An fhaisnéis atá ar fáil do chustaiméirí ar na meáin éagsúla a nuashonrú (PRESnet, INTRANET, Guichets, etc.); |
|
— |
Bainistiú buiséadach an phoist a riar. |
ELI: http://data.europa.eu/eli/C/2023/374/oj
ISSN 1977-107X (electronic edition)