32001R1201



Official Journal L 163 , 20/06/2001 P. 0008 - 0009


Ir-Regolament tal-Kummissjoni (KE) Nru 1201/2001

tat-18 ta' Ġunju 2001

dwar il-klassifikazzjoni ta' ċerti oġġetti fin-Nomenklatura Magħquda

IL-KUMMISSJONI TAL-KOMUNITAJIET EWROPEJ,

Wara li kunsidrat it-Trattat li jistabbilixxi l-Komunità Ewropea,

Wara li kunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar it-tariffa u n-nomenklatura ta' l-istatistika u dwar it-Tariffa Doganali Komuni [1], kif l-aħħar emendat mir-Regolament (KE) Nru 2559/2000 [2], u partikolarment l-Artikolu 9 tiegħu,

Billi:

(1) Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament imsemmi, huwa meħtieġ li jiġu adottati miżuri li jirrigwardaw il-klassifikazzjoni ta' l-oġġetti riferiti fl-Anness ma’ dan ir-Regolament;

(2) Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli wkoll japplikaw għal xi nomenklatura oħra li hija kompletament jew parzjalment ibbażata fuqha jew li żżid xi sud-diviżjoni addizzjonali magħha u li hija stabbilita minn disposizzjonijiet speċifiċi tal-Komunità, bl-intenzjoni li jiġu applikati t-tariffa u miżuri oħra li jirrigwardaw il-kummerċ ta' l-oġġetti;

(3) Skond ir-regoli ġenerali msemmija, l-oġġetti deskritti fil-kolonna 1 tat-tabella mehmuża mar-Regolament preżenti jridu jiġu klassifikati skond il-kodiċijiet tan-NM indikati fil-kolonna 2, skond ir-raġunijiet iddikjarati fil-kolonna 3;

(4) Huwa xieraq li informazzjoni tat-tariffa li torbot maħruġa mill-awtoritajiet doganali ta' l-Istati Membri dwar il-klassifikazzjoni ta' l-oġġetti fin-Nomenklatura Magħquda u li m‘humiex konformi mad-disposizzjonijiet ta' dan ir-Regolament, jistgħu jkomplu jintalbu, skond id-disposizzjonijiet ta' l-Artikolu 12(6) tar-Regolament tal-Kunsill (KEE) Nru 2913/92 tat-12 t'Ottubru 1992 li jistabbilixxi l-Kodiċi Doganali tal-Komunità [3], kif l-aħħar emendat mill-Parlament Ewropew u r-Regolament tal-Kunsill (KE) Nru 2700/2000 [4], għal perjodu ta' tliet xhur mid-detentur;

(5) Il-miżuri li hemm provduti f'dan ir-Regolament huma skond l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna 1 tat-tabella mehmuża huma klassifikati ġewwa n-Nomenklatura Magħquda skond il-kodiċijiet tan-NM indikati fil-kolonna 2 tat-tabella msemmija.

Artikolu 2

L-informazzjoni tat-tariffa li torbot maħruġa mill-awtoritajiet doganali ta' l-Istati Membri li m‘hix konformi mad-disposizzjonijiet ta' dan ir-Regolament tista’ tkompli tintalab skond id-disposizzjonijiet ta' l-Artikolu 12(6) tar-Regolament (KEE) Nru 2913/92 għal perjodu ta' tlett xhur.

Artikolu 3

Dan ir-Regolament jidħol fis-seħħ fl-20 ġurnata wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-18 ta' Ġunju 2001.

Għall-Kummissjoni

Frederik Bolkestein

Membru tal-Kummissjoni

[1] ĠU L 256, tas-7.9.1987, p. 1.

[2] ĠU L 293, tat-22.11.2000, p. 1.

[3] ĠU L 302, tad-19.10.1992, p. 1.

[4] ĠU L 311, tat-12.12.2000, p. 17.

--------------------------------------------------

ANNESS

Deskrizzjoni ta' l-oġġetti | Kodiċi tan-NM | Raġunijiet |

(1) | (2) | (3) |

— zinc pyrithione: | 24-26 |

— ilma: | 75-77 |

— preservattivi antimikrobiotiċi: | 0,5 |

— aġent tal wiċċ attiv: | 0,1 |

Il-Preparazzjoni hija ppreżentata fil-massa u wżata b'konċentrazzjonijiet differenti bħala l-ingredjent attiv (funġiċida) fi prodotti differenti | | 38082080 | Il-klassifikazzjoni hija stabbilita mid-disposizzjonijiet tar-Regoli Ġenerali 1 u 6 għall-interpretazzjoni tan-Nomenklatura Magħquda, u l-kliem tal-kodiċi tan-NM 3808, 380820 u 38082080 Ara wkoll in-Noti ta' Spjegazzjoni tal-HS għall-intestatura 38.08 Il-preparazzjoni ma tistax tiġi kklassfikata f'Kapitolu 29 minħabba illi hija ppreżentata fil-forma ta' sospensjoni ta' sustanza attiva (zinc pyrithione). Mhijiex magħmula għall-użu speċifiċi iżda għall-użu ġenerali u għandha l-karatteristiċi ta' funġiċida. Mhijiex intenzjonata għall-użi terapewtiċi jew profilattiċi, skond kif imfisser fil Kapitolu 30 |

Oġġett magħmul minn pjanċi tal-plastika mhux ċellulari. Id-dimensjonijiet huma 109ċm fit-tul, 45ċm fil-wisa’ u 15ċm fil-fond approssimament. Il-prodott għandu naħa minnhom trasparenti, qafla biż-żip u meta jinfetaħ jieħu il-forma ta' kaxxa kbira. Huwa wżat per eżempju, għall-ħażna tal-ħwejjeġ jew bjankerija tad-dar | 39269091 | Il-klassifikazzjoni hija stabbilita mid-disposizzjonijiet tar-Regoli Ġenerali 1 u 6 għall-interpretazzjoni tan-Nomenklatura Magħquda, u l-kliem tal-kodiċi tan-NM 3926, 392690 u 39269091 Dan l-oġġett flessibli u li jintewa huwa użat biex jinħażnu l-oġġetti fih u mhux biex jiġu trasportati jew ippakkjati |

--------------------------------------------------