|
14.9.2011 |
MT |
Il-Ġurnal Uffiċjali tal-Unjoni Ewropea |
C 271/9 |
DEĊIŻJONI TAL-KUMMISSJONI
tat-12 ta’ Settembru 2011
dwar il-finanzjament tas-sena 2011 ta' bosta miżuri meħtieġa biex tiġi żgurata l-applikazzjoni tar-Regolament (KE) Nru 882/2004
2011/C 271/05
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej (1) (minn hawn ’il quddiem imsejjaħ ir-‘Regolament Finanzjarju’), u b’mod partikolari l-Artikolu 75 tiegħu,
Wara li kkunsidrat ir-Regolament tal-Kummissjoni (KE, Euratom) Nru 2342/2002 tat-23 ta’ Diċembru 2002 li jippreskrivi regoli ddettaljati għall-implimentazzjoni tar-Regolament tal-Kunsill (KE, Euratom) Nru 1605/2002 fuq ir-Regolament Finanzjarju li jgħodd għall-baġit ġenerali tal-Komunitajiet Ewropej (2) (minn hawn ’il quddiem ir-‘Regoli ta' Implimentazzjoni'), u b’mod partikolari l-Artikolu 90 tiegħu,
Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex tiġi żgurata l-verifika tal-konformità tal-liġi tal-għalf u tal-ikel, mas-saħħa tal-annimali u mar-regoli dwar il-welfare tal-annimali (3) u partikolarment, l-Artikolu 66(1)(c) tiegħu,
Billi:
|
(1) |
Skont l-Artikolu 75 tar-Regolament Finanzjarju u l-Artikolu 90(1) tar-Regoli ta' Implimentazzjoni, l-impenn ta’ nefqa mill-baġit tal-Unjoni għandu jkollu qablu deċiżjoni ta' finanzjament li tistabbilixxi l-elementi essenzjali tal-azzjoni li tinvolvi n-nefqa u li tiġi adottata mill-istituzzjoni jew mill-awtoritajiet li s-setgħat tagħhom ġew delegati mill-istituzzjoni. |
|
(2) |
Ir-Regolament (KE) Nru 882/2004 jistabbilixxi regoli ġenerali għat-twettiq tal-kontrolli uffiċjali biex jivverifikaw il-konformità mar-regoli mmirati, partikolarment, biex jipprevjenu, jeliminaw jew inaqqsu għal livelli aċċettabbli r-riskji lill-bnedmin u lill-annimali, kemm direttament jew mill-ambjent jew billi jiggarantixxu prassi ġusta fil-kummerċ tal-għalf jew tal-ikel u jipproteġu l-interessi tal-konsumatur, inkluż it-tikkettjar tal-għalf u tal-ikel u forom oħra ta' informazzjoni għall-konsumatur. |
|
(3) |
Skont l-Artikolu 66(1)(c) tar-Regolament (KE) Nru 882/2004, l-appropjazzjonijiet meħtieġa għall-iffinanzjar ta' miżuri oħrajn meħtieġa biex tkun żgurata l-applikazzjoni ta' dan ir-regolament għandhom jiġu awtorizzati kull sena fil-qafas tal-proċedura baġitarja. Il-miżuri msemmija fl-Artikolu 66 jinkludu partikolarment l-organizzazzjoni tal-istudji, il-pubblikazzjoni tal-informazzjoni u l-organizzazzjoni ta' laqgħat u konferenzi. |
|
(4) |
Skont ir-Regolament (KE) Nru 2160/2003 tal-Parlament Ewropew u tal-Kunsill tas-17 ta' Novembru 2003 fuq il-kontroll tas-Salmonella u aġenti żoonotiċi oħra speċifiċi li jkun hemm ġewwa l-ikel (4), il-miri tal-Unjoni għat-tnaqqis tal-prevalenza tagħhom tista' tiġi stabbilita u l-Istati Membri għandhom jistabbilixxu programmi ta' kontroll nazzjonali sabiex jiksbu dawn il-miri. L-Awtorità Ewropea dwar is-Sigurtà fl-Ikel (EFSA), fid-9 ta' Diċembru 2009 adottat opinjoni xjentifika dwar il-kwantifikazzjoni tar-riskju ġġenerat mil-laħam tal-broiler lill-kampilobatterjosi tal-bniedem fl-Unjoni Ewropea (5). Skont l-opinjoni, il-kampilobatterjosi hija infezzjoni li tingħadda mill-ikel li tiġi rrappurtata l-aktar fl-Unjoni Ewropea (possibbilment 20 miljun każ ta' kampilobatterjosi klinika fis-sena). L-EFSA adottat ukoll, fil-11 ta' Marzu 2010, opinjoni xjentifika dwar il-kwantifikazzjoni tal-valutazzjoni tar-riskju mikrobijoloġiku tas-Salmonella fil-ħnieżer tal-qatla u tat-trobbija (6) li, skontha, bejn l-10 u l-20 % tal-infezzjonijiet tal-Salmonella tal-bniedem fl-Unjoni jistgħu jiġu attribwiti lill-ħnieżer b'mod ġenerali. Qabel ma tiġi definita mira għat-tnaqqis tal-prevalenza ta' dawn iż-żoonosi speċifiċi fl-Unjoni Ewropea, l-Artikolu 4(4)(a) tar-Regolament (KE) Nru 2160/2003 jitlob li ssir analiżi tal-kostijiet u l-benefiċċji mistennija. |
|
(5) |
Skont l-Artikolu 6(4) tar-Regolament Nru 853/2004 tal-Parlament Ewropew u tal-Kunsill tad-29 ta' April 2004 li jistabbilixxi ċerti regoli speċifiċi ta' iġjene għall-ikel li joriġina mill-annimali (7), l-operaturi tan-negozju tal-ikel li jimpurtaw ikel li fih kemm prodotti ġejjin mill-pjanti u kemm prodotti pproċessati li joriġinaw mill-annimali jridu jiżguraw li l-prodotti pproċessati li joriġinaw mill-annimali u li huma preżenti f'dan l-ikel jissodisfaw ir-rekwiżiti rilevanti tar-Regolament. Aktar minn hekk, waqt il-kontrolli uffiċjali jridu jkunu f'qagħda li jippruvaw li dan għamluh. Minħabba l-potenzjal tal-impatt għoli ta' dawn ir-regoli, l-arranġamenti tranżizzjonali li jibbenefikaw minn deroga minn uħud minnhom u li huma validi sal-31 ta' Diċembru 2013 ġew stipulati fir-Regolament tal-Kummissjoni (KE) Nru 1162/2009 (8) u hija meqjusa l-possibbiltà li tiġi mmodifikata d-dispożizzjoni ta' hawn fuq tar-Regolament (KE) Nru 853/2004. Għandhom jiġu eżaminati l-impatti fuq l-operaturi u fuq il-kontrolli uffiċjali ta' dawn ir-regoli ġodda possibbli wara li jintemmu l-arranġamenti tranżizzjonali. |
|
(6) |
Ir-Regolament tal-Kummissjoni (KE) Nru 2073/2005 tal-15 ta' Novembru 2005 dwar il-kriterji mikrobijoloġiċi għall-prodotti tal-ikel (9) jimplimenta l-miżuri iġjeniċi ġenerali u speċifiċi msemmija fl-Artikolu 4 tar-Regolament (KE) Nru 852/2004 tal-Parlament Ewropew u tal-Kunsill tad-29 ta' April 2004 dwar l-iġjene tal-oġġetti tal-ikel (10). Ir-Regolament (KE) Nru 2073/2005 jistipula metodu ta' referenza analitiku għall-individwazzjoni tal-istamini f'ċerti prodotti tas-sajd li jridu jintużaw fil-qafas tal-kontrolli uffiċjali. L-impatt ta' dan il-metodu ta' referenza fuq is-sensittività u l-ispeċifiċità għandu jiġi analizzat fl-isfond tal-istandard AOAC 977.13 tal-Codex Alimentarius (11). Dan l-istudju għandu jsir miċ-Ċentru Konġunt għar-Riċerka (il-JRC). |
|
(7) |
Trid tiġi indirizzata l-possibbiltà li jiġu riveduti r-regoli attwali dwar l-ispezzjoni tal-laħam stipulati fir-Regolament (KE) Nru 854/2004 tal-Parlament Ewropew u tal-Kunsill tad-29 ta’ April 2004 li jippreskrivi regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum uman (12). Fl-2011 għandha tiġi organizzata sensiela ta' konferenzi u laqgħat ikkomplementati bi studji biex jiġi stmat ir-riżultat tal-istudji bi prova, u dan bil-għan li din il-kwistjoni tiġi diskussa mal-awtoritajiet kompetenti tal-istati membri u tal-pajjiżi terzi, ir-rappreżentanti tal-partijiet interessati u l-organizzazzjonijiet xjentifiċi internazzjonali. |
|
(8) |
Id-Direttiva 2001/18/KE tal-Parlament Ewropew u tal-Kunsill tat-12 ta' Marzu 2001 dwar ir-rilaxx intenzjonat fl-ambjent ta' organiżmi modifikati ġenetikament (GMOs) (13) u r-Regolament (KE) Nru 1829/2003 tal-Parlament Ewropew u tal-Kunsill tat-22 ta’ Settembru 2003 dwar ikel u għalf modifikat ġenetikament (14) jistabbilixxu l-kundizzjonijiet għall-kummerċjalizzazzjoni u għall-użu tal-GMOs u tal-prodotti li fihom il-GMOs jew li huma derivati minnhom fl-Unjoni Ewropea. Ir-regoli għat-twettiq tal-kontrolli uffiċjali biex jivverifikaw il-konformità mad-dispożizzjonijiet taż-żewġ atti legali huma stabbiliti bir-Regolament (KE) Nru 882/2004. Bejn l-2010 u l-2011 saru żewġ evalwazzjonijiet biex jeżaminaw sa liema punt il-qafas leġiżlattiv kien indirizza l-objettiv tiegħu li jħares is-saħħa tal-bnedmin, tal-annimali, u tal-ambjent kif ukoll l-interessi tal-konsumaturi, u dan filwaqt li jkun żgurat it-tħaddim effettiv tas-suq intern. L-istudji għandhom isiru fuq is-suġġetti li ma kinux ġew studjati fil-fond f'dawn l-evalwazzjonijiet, bħalma hu t-tikkettar li jindika li ma hemmx GMOs fil-prodotti. Għandha tiġi organizzata serje ta' konferenzi biex jiżdied l-għarfien dwar l-implimentazzjoni attwali tal-qafas legali tal-GMO mill-Istati Membri u biex ikun żgurat is-segwitu tar-Rapport tal-Kummissjoni tal-15 ta' April 2011 dwar l-implikazzjonijiet soċjo-ekonomiċi tat-tkabbir tal-GMO (15), kif mitlub mill-Konklużjonijiet tal-Kunsill ta' Diċembru 2008. |
|
(9) |
Ir-Regolament (KE) Nru 1333/2008 tal-Parlament Ewropew u tal-Kunsill tas-16 ta' Diċembru 2008 dwar l-addittivi fl-ikel (16) u r-Regolament (KE) Nru 1334/2008 tal-Parlament Ewropew u tal-Kunsill tas-16 ta' Diċembru 2008 dwar l-aromatizzanti u ċerti ingredjenti tal-ikel bi proprjetajiet aromatizzanti għall-użu fl-ikel u fuq l-ikel (17) kien stabbilixxa regoli ġodda dwar l-addittivi u s-sustanzi għat-togħmiet bil-għan li jiżgura t-tħaddim effettiv tas-suq intern filwaqt li jiżgura livell għoli ta' ħarsien tas-saħħa tal-bniedem u livell għoli ta' ħarsien tal-konsumaturi, inkluż il-ħarsien tal-interessi tal-konsumatur. Mill-20 ta' Jannar 2011, dawn japplikaw, it-tnejn li huma. Il-partijiet interessati u l-konsumaturi għandhom ikunu infurmati bil-qafas legali l-ġdid, bir-regoli tiegħu, bit-tkomplija tal-implimentazzjoni tiegħu u bil-konsegwenzi sabiex ikunu aktar konxji u biex jgħinu fir-riinfurzar ta' dawn ir-regoli l-ġodda. |
|
(10) |
Id-deċiżjoni finanzjarja preżenti tista' tkopri wkoll il-ħlas ta' mgħax dovut għal ħlas tard abbażi tal-Artikoli 83 tar-Regolament Finanzjarju u 106(5) tar-Regoli ta' Implimentazzjoni. |
|
(11) |
Huwa xieraq li jiġi definit it-terminu 'bidla sostanzjali' fl-ambitu tat-tifsira tal-Artikolu 90(4) tar-Regoli ta' Implimentazzjoni għall-applikazzjoni ta' din id-deċiżjoni. |
IDDEĊIDIET KIF ĠEJ:
Artikolu 1
Il-programm ta' ħidma annwali għall-implimentazzjoni tal-Artikolu 66(1)(c) tar-Regolament (KE) Nru 882/2004, kif stabbilit fl-Anness, huwa b'dan adottat.
Il-programm ta' ħidma jikkostitwixxi deċiżjoni ta’ finanzjament fl-ambitu tat-tifsira tal-Artikolu 75 tar-Regolament Finanzjarju.
Artikolu 2
Il-kontribuzzjoni massima awtorizzata b’din id-Deċiżjoni għall-implimentazzjoni tal-Programm hija ta’ EUR 1 095 000 li għandha tiġi ffinanzjata mil-Linji Baġitarji tal-Baġit Ġenerali tal-Unjoni Ewropea għall-2011 li ġejjin:
|
— |
Linja Baġitarja nru 17 04 07 01: EUR 1 095 000. |
Dawn l-approprjazzjonijiet jistgħu jkopru wkoll imgħax dovut għal ħlas tard.
Artikolu 3
Bidliet kumulattivi tal-allokazzjonijiet għall-azzjonijiet speċifiċi koperti mill-programm ta' ħidma li ma jaqbżux l-10 % tal-kontribuzzjoni massima prevista mill-Artikolu 2 ta' din id-Deċiżjoni ma għandhomx jitqiesu bħala sostanzjali fit-tifsira tal-Artikolu 90(4) tar-Regolament (KE, Euratom) Nru 2342/2002, sakemm dawn ma jaffettwawx b'mod sinifikanti n-natura u l-għan tal-programm ta' ħidma.
L-uffiċjal awtorizzanti jista' jadotta tali bidliet skont il-prinċipji ta' ġestjoni finanzjarja soda u dawk ta' proporzjonalità.
Artikolu 4
Din id-Deċiżjoni hija indirizzata lill-uffiċjali ta' awtorizzazzjoni ddelegati.
Magħmul fi Brussell, it-12 ta’ Settembru 2011.
Għall-Kummissjoni
John DALLI
Membru tal-Kummissjoni
(1) ĠU L 248, 16.9.2002, p. 1.
(2) ĠU L 357, 31.12.2002, p. 1.
(3) ĠU L 165, 30.4.2004, p. 1.
(4) ĠU L 325, 12.12.2003, p. 1.
(5) EFSA Journal 2010; 8(1):1437.
(6) EFSA Journal 2010; 8(4):1547.
(7) ĠU L 139, 30.4.2004, p. 55.
(8) ĠU L 314, 1.12.2009, p. 10.
(9) ĠU L 338, 22.12.2005, p. 1.
(10) ĠU L 139, 30.4.2004, p. 1.
(11) http://www.codexalimentarius.net
(12) ĠU L 139, 30.4.2004, p. 206.
(13) ĠU L 106, 17.4.2001, p. 1.
(14) ĠU L 268, 18.10.2003, p. 1.
(15) COM(2011) 214.
(16) ĠU L 354, 31.12.2008, p. 16.
(17) ĠU L 354, 31.12.2008, p. 34.
ANNESS
Regolament (KE) Nru 882/2004 – Programm ta’ ħidma għall-2011
1. Introduzzjoni
Dan il-programm jinkludi tmien miżuri ta’ implimentazzjoni għas-sena 2011. Abbażi tal-Artikolu 66(1)(c) tar-Regolament (KE) Nru 882/2004 dwar is-sostenn finanzjarju, mill-Unjoni, tal-miżuri neċessarji biex tkun żgurata l-applikazzjoni tar-Regolament, it-tqassim tal-baġit u l-azzjonijiet ewlenin huma kif ġej:
Għall-akkwisti (implimentati f’maniġment ċentralizzat dirett)
|
— |
Analiżi tal-kostijiet u l-benefiċċji biex jiġu stabbiliti miri għat-tnaqqis tal-Campylobacter u s-Salmonella fl-istadji rilevanti tal-katina alimentari: EUR 200 000 |
|
— |
Studji tal-impatt ta' regoli possibbli ġodda fil-qafas tar-reviżjoni tal-pakkett dwar l-iġjene b'mod partikolari minħabba li jkunu ntemmew l-arranġamenti temporanji b'deroga minn ċerti dispożizzjonijiet tar-Regolament (KE) Nru 853/2004 li jistabbilixxi ċerti regoli speċifiċi ta' iġjene għall-ikel li joriġina mill-annimali: EUR 150 000 |
|
— |
Studju tal-impatt tal-metodu ta' referenza analitiku użat għall-applikazzjoni tal-kriterju tas-sigurtà fl-ikel fir-rigward tal-istamini fir-Regolament (KE) Nru 2073/2005 dwar il-kriterji mikrobijoloġiċi għall-prodotti tal-ikel dwar l-ispeċifiċità u s-sensittività tal-ittestjar ipparagunat mal-istandard AOAC 977.13 tal-Codex Alimentarius: EUR 55 000 |
|
— |
Studji marbuta mar-reviżjoni tar-regoli attwali fejn tidħol l-ispezzjoni tal-laħam: analiżi biex jiġi studjat ir-riżultat tal-istudji bi prova, inklużi l-kostijiet u l-benefiċċji previsti marbuta mal-metodi ġodda għall-ispezzjonijiet iġjeniċi fis-settur tal-laħam kif previst fl-Artikolu 17, il-punt 4(a)(iii) tar-Regolament (KE) Nru 854/2004 li jippreskrivi regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum uman: EUR 100 000 |
|
— |
Konferenzi u laqgħat mal-awtoritajiet kompetenti tal-Istati Membri u tal-pajjiżi terzi, ir-rappreżentanti tal-partijiet interessati u l-organizzazzjonijiet xjentifiċi internazzjonali dwar ir-reviżjoni tar-regoli attwali fejn tidħol l-ispezzjoni tal-laħam stipulata fir-Regolament (KE) Nru 854/2004 li jippreskrivi regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum uman: EUR 100 000 |
|
— |
Studji fuq suġġetti marbuta mal-GMOs: EUR 300 000 |
|
— |
Serje ta' konferenzi dwar l-implimentazzjoni tal-qafas legali tal-GMO u dwar l-implikazzjonijiet soċjoekonomiċi tat-tkabbir tal-GMO: EUR 40 000 |
|
— |
Pakkett informattiv għall-partijiet interessati u l-konsumaturi dwar l-addittivi u s-sustanzi għat-togħmiet (paġna ta' informazzjoni, gwida żgħira, websajt, vidjow, konferenza stampa u/jew stqarrija stampa): EUR 150 000 |
2. Programm ta’ ħidma għall-2011 – L-Akkwisti
L-ammont baġitarju globali riżervat għall-kuntratti tal-akkwist fl-2011 jammonta għal EUR 1 095 000.
2.1. Analiżi tal-kostijiet u l-benefiċċji biex jiġu stabbiliti miri għat-tnaqqis tal-Campylobacter u s-Salmonella fl-istadji rilevanti tal-katina alimentari
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Kuntratt wieħed
IS-SUĠĠETT TAL-KUNTRATTI PREVISTI (JEKK POSSIBBLI)
Analiżi tal-kostijiet u l-benefiċċji biex jiġu stabbiliti miri għat-tnaqqis tal-Campylobacter u s-Salmonella fl-istadji rilevanti tal-katina alimentari skont l-Artikolu 4(4)(a) tar-Regolament (KE) Nru 2160/2003 dwar il-kontoll tas-salmonella u ta' aġenti speċifiċi żoonitiċi oħrajn trażmessi mill-ikel
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 200 000
IL-KUNTRATT SPEĊIFIKU (JEKK APPLIKABBLI)
Konklużjoni ta' kuntratt ta' servizz speċifiku wieħed skont ir-referenza tal-kuntratt ta' qafas SANCO/2008/01/055
2.2. Studju tal-impatt ta' regoli possibbli ġodda fil-qafas tar-reviżjoni tal-pakkett dwar l-iġjene b'mod partikolari minħabba li jkunu ntemmew l-arranġamenti temporanji b'deroga minn ċerti dispożizzjonijiet tar-Regolament (KE) Nru 853/2004 li jistabbilixxi ċerti regoli speċifiċi ta' iġjene għall-ikel li joriġina mill-annimali
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Kuntratt wieħed
IS-SUĠĠETT TAL-KUNTRATTI PREVISTI (JEKK POSSIBBLI)
Studju tal-impatt ta' regoli possibbli ġodda fil-qafas tar-reviżjoni tal-pakkett dwar l-iġjene b'mod partikolari minħabba li jkunu ntemmew l-arranġamenti temporanji b'deroga minn ċerti dispożizzjonijiet tar-Regolament (KE) Nru 853/2004 li jistabbilixxi ċerti regoli speċifiċi ta' iġjene għall-ikel li joriġina mill-annimali
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 150 000
IL-KUNTRATT SPEĊIFIKU (JEKK APPLIKABBLI)
Konklużjoni ta' kuntratt ta' servizz speċifiku wieħed skont ir-referenza tal-kuntratt ta' qafas SANCO/2008/01/055
2.3. Studju tal-impatt tal-metodu ta' referenza analitiku użat għall-applikazzjoni tal-kriterju tas-sigurtà fl-ikel fir-rigward tal-istamini fir-Regolament (KE) Nru 2073/2005 dwar l-ispeċifiċità u s-sensittività tal-ittestjar ipparagunat mal-istandard AOAC 977.13 tal-Codex Alimentarius
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Arranġament amministrattiv wieħed
IS-SUĠĠETT TAL-KUNTRATTI PREVISTI (JEKK POSSIBBLI)
Studju tal-impatt tal-metodu ta' referenza analitiku użat għall-applikazzjoni tal-kriterju tas-sigurtà fl-ikel fir-rigward tal-istamini fir-Regolament (KE) Nru 2073/2005 dwar il-kriterji mikrobijoloġiċi għall-prodotti tal-ikel dwar l-ispeċifiċità u s-sensittività tal-ittestjar ipparagunat mal-istandard AOAC 977.13 tal-Codex Alimentarius
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 55 000
IL-KUNTRATT SPEĊIFIKU (JEKK APPLIKABBLI)
Konklużjoni ta' arranġament amministrattiv wieħed maċ-Ċentru Konġunt għar-Riċerka tal-Kummissjoni (il-JRC)
2.4. Studji marbuta mar-reviżjoni tar-regoli attwali fejn tidħol l-ispezzjoni tal-laħam
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Kuntratt wieħed jew aktar
IS-SUĠĠETT TAL-KUNTRATTI PREVISTI (JEKK POSSIBBLI)
Analiżi tal-ksotijiet u l-benefiċċji previsti u tal-proġetti bi prova marbuta mal-approċċi ġodda għall-ispezzjoni tal-laħam kif previst fl-Artikolu 17, il-punt 4(a)(iii) tar-Regolament (KE) Nru 854/2004 li jippreskrivi regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum uman.
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 100 000
IL-KUNTRATT SPEĊIFIKU (JEKK APPLIKABBLI)
Konklużjoni ta' kuntratt ta' servizz speċifiku wieħed jew aktar skont ir-referenza tal-kuntratt ta' qafas SANCO/2008/01/055
2.5. Konferenzi u laqgħat dwar ir-reviżjoni tar-regoli attwali fejn tidħol l-ispezzjoni tal-laħam
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Kuntratt wieħed jew aktar
IS-SUĠĠETT TAL-KUNTRATTI PREVISTI (JEKK POSSIBBLI)
Konferenzi u laqgħat mal-awtoritajiet kompetenti tal-Istati Membri u tal-pajjiżi terzi, ir-rappreżentanti tal-partijiet interessati u l-organizzazzjonijiet xjentifiċi internazzjonali dwar ir-reviżjoni tar-regoli attwali fejn tidħol l-ispezzjoni tal-laħam stipulata fir-Regolament (KE) Nru 854/2004 li jippreskrivi regoli speċifiċi għall-organizzazzjoni ta' kontrolli uffiċjali fuq prodotti li joriġiniw mill-annimali maħsuba għall-konsum uman
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 100 000
IL-KUNTRATT SPEĊIFIKU (JEKK APPLIKABBLI)
Konklużjoni ta' kuntratt ta' servizz speċifiku wieħed jew aktar skont ir-referenza tal-kuntratt ta' qafas SANCO/2009/A1/005 Lott 2
2.6. Studji fuq suġġetti marbuta mal-GMOs
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Kuntratt wieħed jew aktar, skont ir-riżultati taż-żewġ evalwazzjonijiet li għaddejjin
IS-SUĠĠETT TAL-KUNTRATTI PREVISTI (JEKK POSSIBBLI)
Studji dwar suġġetti li ma kinux ġew eżaminati fil-fond fiż-żewġ evalwazzjonijiet tal-qafas legali tal-GMO tal-UE.
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 300 000
IL-KUNTRATT SPEĊIFIKU (JEKK APPLIKABBLI)
Konklużjoni ta' kuntratt ta' servizz speċifiku wieħed jew aktar skont ir-referenza tal-kuntratt ta' qafas SANCO/2008/01/005
2.7. Serje ta' konferenzi dwar l-implimentazzjoni tal-qafas legali tal-GMO u dwar l-implikazzjonijiet soċjoekonomiċi tat-tkabbir tal-GMO
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Kuntratt wieħed jew aktar, skont il-modalitajiet organizzattivi u loġistiċi.
IS-SUĠĠETT TAL-KUNTRATTI PREVISTI (JEKK POSSIBBLI)
Serje ta' konferenzi dwar l-implimentazzjoni tal-qafas legali tal-GMO u dwar l-implikazzjonijiet soċjo-ekonomiċi tat-tkabbir tal-GMO
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 40 000
IL-KUNTRATT SPEĊIFIKU (JEKK APPLIKABBLI)
Konklużjoni ta' kuntratt ta' servizz speċifiku wieħed jew aktar skont ir-referenza tal-kuntratt ta' qafas SANCO/2009/A1/005 Lott 2
2.8. Pakkett informattiv għall-partijiet interessati u l-konsumaturi dwar l-addittivi u s-sustanzi għat-togħmiet
BAŻI LEGALI
Ir-Regolament (KE) Nru 882/2004, l-Artikolu 66(1)(c)
LINJA BAĠITARJA
Linja tal-baġit: 17 04 07 01
NUMRU INDIKATTIV U TIPI TA’ KUNTRATTI PREVISTI
Ħames kuntratti, kemm-il darba x-xogħol ma jkunx jista' jsir internament
IS-SUĠĠETT TAL-KUNTRATTI PREVISTI (JEKK POSSIBBLI)
Pakkett informattiv għall-partijiet interessati u l-konsumaturi dwar il-listi ġodda tal-addittivi tal-ikel u tas-sustanzi għat-togħmiet awtorizzati u l-kundizzjonijiet għall-użu tagħhom:
|
— |
paġna ta' informazzjoni bil-fatti ewlenin u b'mistqosijiet u tweġibiet, |
|
— |
gwida żgħira biex tgħin lill-konsumaturi jagħrfu l-addittivi huma u jixtru l-ikel, |
|
— |
websajt bil-ħoloq għall-bażijiet tad-dejta, |
|
— |
vidjow biex jagħti pubbliċità lill-websajt, |
|
— |
konferenza stampa u/jew stqarrija stampa għat-tnedija tal-pakkett informattiv għall-partijiet interessati u l-konsumaturi. |
IMPLIMENTAZZJONI
Ċentralizzata diretta
PERJODU TA’ ŻMIEN INDIKATTIV GĦAT-TNEDIJA TAL-PROĊEDURA TAL-AKKWIST
Bejn wieħed u ieħor lejn it-tielet jew ir-raba' kwart tal-2011.
L-AMMONT INDIKATTIV TAS-SEJĦA GĦALL-OFFERTI
EUR 150 000
IL-KUNTRATT SPEĊIFIKU (JEKK APPLIKABBLI)
Mhux applikabbli