|
Iris Oifigiúil |
GA Sraith C |
|
C/2024/4385 |
10.7.2024 |
Foilsiú teachtaireachta maidir le formheas ar leasú caighdeánach ar shonraíocht táirge le haghaidh ainm in earnáil an fhíona, dá dtagraítear in Airteagal 17(2) agus (3) de Rialachán Tarmligthe (AE) 2019/33 ón gCoimisiún
(C/2024/4385)
Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 ón gCoimisiún (1).
FORMHEAS AR LEASÚ CAIGHDEÁNACH A CHUR IN IÚL
‘Formentera’
PGI-ES-A0875-AM03
Dáta teachtaireachta: 8.5.2024
TUAIRISC AR AN LEASÚ FORMHEASTA AGUS CÚISEANNA LEIS
MÉADÚ AR AN TÁIRGEACHT EASTÓSCTHA
Tuairisc:
Méadaíodh an uastáirgeacht eastósctha fíonchaor go fíon ó 65 % go 70 %. Dá bhrí sin, tá méadú tagtha ar an Hl is féidir a tháirgeadh ó gach Ha, ó 55,25 go 59,5 Hl/Ha.
Leasaíodh Ranna 3, 5 agus 7.b den tsonraíocht táirge agus Ranna 5.1 agus 5.2 den doiciméad aonair dá réir.
Is leasú caighdeánach é i gcomhréir le hAirteagal 105 de Rialachán (AE) Uimh. 1308/2013 (an Rialachán maidir le CEM Aonair).
Cúiseanna:
In 2004, suíodh nár cheart níos mó ná 65 lítear fíona in aghaidh gach 100 kg fíonchaor a bheith mar thoradh ar an mbrú iomchuí a úsáid chun úrfhíon a eastóscadh le haghaidh Vino de la Tierra de Formentera, luach a bhí ag teacht le táirgeacht eastósctha fáisceán traidisiúnta ag an am.
Le tabhairt isteach fáisceán a bhaineann úsáid as teicneolaíocht atá cothrom le dáta, fuarthas amach go bhféadfaí an táirgeacht a mhéadú go 70 lítear in aghaidh gach 100 kg fíonchaor, rud a chuireann feabhas ar cháilíocht an fhíona.
Tacaítear leis an toradh sin le staidéar a chuir an grúpa iarrthach isteach, staidéar inar thángthas ar an gconclúid gurb é an toradh ar mhéadú ar eastóscadh úrfhíona, nuair a bhaintear amach é ar bhealach rialaithe, méadú ar leibhéil tainniní agus feanól i bhfíonta, rud a chuireann feabhas ar a n-acmhainneacht aosaithe.
DOICIMÉAD AONAIR
1. Ainm (nó ainmneacha)
Formentera
2. Cineál an táisc gheografaigh
TGFC - Tásc Geografach faoi Chosaint
3. Catagóirí na dtáirgí fíniúna
|
1. |
Fíon |
4. Tuairisc ar an bhfíon (nó ar na fíonta)
1. Fíon geal
TUAIRISC THÉACSÚIL ACHOMAIR
Is fíonta geala iad na fíonta a chuirtear ar fáil lena gcaitheamh, agus tá dea-bholaithe glé glana acu, rud a thugann tuiscint mhaith ar na fíonchaora as a ndéantar iad. Sa bhéal, tá siad blasta, cothrom agus tathagach. Ní thugann aon cheann dá saintréithe ocsaídiú le fios, ach amháin na saintréithe a eascraíonn as aosú cuí. Is é an dea-bholadh agus an blas a bhaineann le haosú is saintréithe do na fíonta a aosaítear.
|
* |
Uasmhéid SO2: ≤ 200 mg/l i gcás fíonta ina bhfuil cion siúcra ≤ 5 g/l; ≤ 250 mg/l má tá an cion > 5g/l; |
|
* |
Fíonta a aosaíodh > 1 bhliain: uas-aigéadacht sho-ghalaithe 14,33 mEq/l, méadú 1 mEq/l i gcás gach céime de neart alcóil os cionn 11 % de réir toirte. |
|
* |
I gcás teorainneacha nach bhfuil sonraithe, comhlíonfar reachtaíocht iomchuí an Aontais. |
Saintréithe anailíseacha ginearálta
|
— |
Neart alcóil iomlán uasta (in % de réir toirte) - |
|
— |
Neart alcóil iarbhír íosta (in % de réir toirte) 11,5 |
|
— |
Aigéadacht iomlán íosta 4,5 gram in aghaidh an lítir, arna sloinneadh mar aigéad tartarach |
|
— |
Aigéadacht luaineach uasta (i milleachoibhéisí in aghaidh an lítir) 13,33 |
|
— |
Dé-ocsaíd sulfair iomlán uasta (i milleagraim in aghaidh an lítir) - |
2. Fíon rosé
TUAIRISC THÉACSÚIL ACHOMAIR
Is fíonta geala iad na fíonta a chuirtear ar fáil lena gcaitheamh, agus tá dea-bholaithe glé glana acu, rud a thugann tuiscint mhaith ar na fíonchaora as a ndéantar iad. Sa bhéal, tá siad blasta, cothrom agus tathagach. Ní thugann aon cheann dá saintréithe ocsaídiú le fios, ach amháin na saintréithe a eascraíonn as aosú cuí. Is é an dea-bholadh agus an blas a bhaineann le haosú is saintréithe do na fíonta a aosaítear.
|
* |
Uasmhéid SO2: ≤ 200 mg/l i gcás fíonta ina bhfuil cion siúcra ≤ 5 g/l; ≤ 250 mg/l má tá an cion > 5g/l; |
|
* |
Fíonta a aosaíodh > 1 bhliain: uas-aigéadacht sho-ghalaithe 14,33 mEq/l, méadú 1 mEq/l i gcás gach céime de neart alcóil os cionn 11 % de réir toirte. |
|
* |
I gcás teorainneacha nach bhfuil sonraithe, comhlíonfar reachtaíocht iomchuí an Aontais. |
Saintréithe anailíseacha ginearálta
|
— |
Neart alcóil iomlán uasta (in % de réir toirte) - |
|
— |
Neart alcóil iarbhír íosta (in % de réir toirte) 12 |
|
— |
Aigéadacht iomlán íosta 4,5 gram in aghaidh an lítir, arna sloinneadh mar aigéad tartarach |
|
— |
Aigéadacht luaineach uasta (i milleachoibhéisí in aghaidh an lítir) 13,33 |
|
— |
Dé-ocsaíd sulfair iomlán uasta (i milleagraim in aghaidh an lítir) - |
3. Fíon dearg
TUAIRISC THÉACSÚIL ACHOMAIR
Is fíonta geala iad na fíonta a chuirtear ar fáil lena gcaitheamh, agus tá dea-bholaithe glé glana acu, rud a thugann tuiscint mhaith ar na fíonchaora as a ndéantar iad. Sa bhéal, tá siad blasta, cothrom agus tathagach. Ní thugann aon cheann dá saintréithe ocsaídiú le fios, ach amháin na saintréithe a eascraíonn as aosú cuí. Is é an dea-bholadh agus an blas a bhaineann le haosú is saintréithe do na fíonta a aosaítear.
|
* |
Uasmhéid SO2: ≤ 150 mg/l i gcás fíonta ina bhfuil cion siúcra ≤ 5 g/l; ≤ 200 mg/l má tá an cion > 5g/l; |
|
* |
Fíonta a aosaíodh > 1 bhliain: uas-aigéadacht sho-ghalaithe 14,33 mEq/l, méadú 1 mEq/l i gcás gach céime de neart alcóil os cionn 11 % de réir toirte. |
|
* |
I gcás teorainneacha nach bhfuil sonraithe, comhlíonfar reachtaíocht iomchuí an Aontais. |
Saintréithe anailíseacha ginearálta
|
— |
Neart alcóil iomlán uasta (in % de réir toirte) - |
|
— |
Neart alcóil iarbhír íosta (in % de réir toirte) 12,5 |
|
— |
Aigéadacht iomlán íosta 4,5 gram in aghaidh an lítir, arna sloinneadh mar aigéad tartarach |
|
— |
Aigéadacht luaineach uasta (i milleachoibhéisí in aghaidh an lítir) 13,33 |
|
— |
Dé-ocsaíd sulfair iomlán uasta (i milleagraim in aghaidh an lítir) - |
5. Cleachtais fhíoneolaíocha
5.1. Cleachtais fhíoneolaíocha shonracha
Cleachtas saothraithe
Tá an dlús plandaithe teoranta do 5 000 planda ar a mhéad in aghaidh an heicteáir.
Srianadh ábhartha maidir leis na fíonta a dhéanamh
Úsáidtear an brú iomchuí chun an t-úrfhíon a eastóscadh agus chun é a dheighilt ón marc, sa chaoi nach bhfaightear níos mó ná 70 lítear fíona ó gach 100 kg fíonchaora.
5.2. Uastáirgeacht
8 500 cileagram fíonchaor in aghaidh an heicteáir
59,5 heictilítear in aghaidh an heicteáir
6. Limistéar geografach críochaithe
An limistéar táirgthe, próiseála agus buidéalaithe fíonta a chumhdaítear leis an tásc geografach faoi chosaint ‘Formentera’, cuimsítear ann oileán uile Formentera, atá lonnaithe i gComhphobal Uathrialach na nOileán Bailéarach.
7. CINEÁL FÍONCHAOR (NÓ CINEÁLACHA FÍONCHAOR)
|
|
CABERNET SAUVIGNON |
|
|
CHARDONNAY |
|
|
FOGONEU |
|
|
GARNACHA BLANCA |
|
|
MALVASIA AROMÁTICA |
|
|
MERLOT |
|
|
MOLL - PRENSAL |
|
|
MONASTRELL |
|
|
MOSCATEL DE GRANO MENUDO |
|
|
SYRAH |
|
|
TEMPRANILLO |
|
|
VIOGNIER |
8. Tuairisc ar an nasc (nó ar na naisc)
Léirítear sainiúlacht an chreasa táirgthe i saintréithe orgánaileipteacha agus ceimiceacha na bhfíonta, rud a thugann a gcáil dóibh.
Bíonn táirgeadh íseal mar thoradh ar na huaireanta fada gréine, na teochtaí arda agus an ganntanas uisce, rud a chruthaíonn cion ard polaifeanóil agus siúcra agus a tháirgeann fíonta a bhfuil dath dian orthu atá saibhir ó thaobh alcóil de.
Is é an toradh a bhíonn ar ithreacha aolchloiche agus gainmheacha Formentera fíonta geala, troma le dea-bholaithe glana a bhaineann go sonrach leis na cineálacha fíonchaor.
Tá an ghné dhaonna ríthábhachtach chun fíonta a bhfuil na saintréithe sin acu a fháil, go háirithe maidir leis an am buainte is fearr is féidir a roghnú agus leis an táirgeacht fíonóireachta íseal.
9. Coinníollacha breise fíor-riachtanacha (pacáistiú, lipéadú, ceanglais eile)
Creat dlíthiúil:
Sa reachtaíocht náisiúnta
An cineál coinníll bhreise:
Pacáistiú laistigh den limistéar geografach críochaithe
Tuairisc ar an gcoinníoll:
Ní féidir Vino de la Tierra Formentera a chur ar an margadh ach amháin nuair a dhéantar é a bhuidéalú san áit tionscnaimh, chun cáilíocht an táisc gheografaigh faoi chosaint a chosaint, inrianaitheacht a ráthú agus rialú a áirithiú.
Creat dlíthiúil:
Sa reachtaíocht náisiúnta
An cineál coinníll bhreise:
Forálacha breise a bhaineann le lipéadú
Tuairisc ar an gcoinníoll:
Ní mór don chomhlacht cigireachta uimhir rialaithe a thabhairt do gach pacáiste a n-úsáidtear tásc geografach faoi chosaint ‘Formentera’ ar a lipéad.
Nasc chuig an tsonraíocht táirge
https://www.caib.es/sites/qualitatagroalimentaria/ca/vi_de_la_terra_formentera-690/
ELI: http://data.europa.eu/eli/C/2024/4385/oj
ISSN 1977-107X (electronic edition)