|
Il-Ġurnal Uffiċjali |
MT Is-serje L |
|
2025/2590 |
19.12.2025 |
REGOLAMENT TA’ IMPLIMENTAZZJONI TAL-KUMMISSJONI (UE) 2025/2590
tat-18 ta’ Diċembru 2025
dwar l-awtorizzazzjoni tal-L-valina prodotta b’Corynebacterium glutamicum KCCM 80365 bħala addittiv tal-għalf għall-ispeċijiet kollha tal-annimali
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
|
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ tali awtorizzazzjoni. |
|
(2) |
F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-L-valina prodotta b’Corynebacterium glutamicum KCCM 80365. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(3) |
L-applikazzjoni tikkonċerna l-awtorizzazzjoni tal-L-valina prodotta b’Corynebacterium glutamicum KCCM 80365 bħala addittiv tal-għalf għall-użu fl-għalf u fl-ilma tax-xorb għall-ispeċijiet kollha tal-annimali, bit-talba li dak l-addittiv jiġi kklassifikat fil-kategorija tal-addittivi “addittivi nutrittivi” u fil-grupp funzjonali “aċidi amminiċi, l-imlieħ u l-analogi tagħhom”. |
|
(4) |
Fl-opinjoni tagħha tat-18 ta’ Marzu 2025 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-L-valina prodotta b’Corynebacterium glutamicum KCCM 80365 hija sikura għall-ispeċijiet fil-mira meta tiġi ssupplimentata f’ammonti xierqa għad-dieta skont il-ħtiġijiet nutrizzjonali tagħhom. Madankollu, minħabba r-riskju ta’ żbilanċi nutrizzjonali u raġunijiet iġeniċi, l-Awtorità għandha tħassib dwar l-użu tal-L-valina fl-ilma tax-xorb. L-Awtorità kkonkludiet li l-użu tal-L-valina prodotta b’Corynebacterium glutamicum KCCM 80365 fin-nutrizzjoni tal-annimali huwa sikur għall-konsumaturi u għall-ambjent. Ikkonkludiet ukoll li l-addittiv mhuwiex irritanti għall-għajnejn u għall-ġilda u mhuwiex sensitizzatur tal-ġilda. Barra minn hekk, l-Awtorità kkonkludiet li s-sustanza titqies bħala sors effikaċi tal-aċidu amminiku essenzjali L-valina għall-ispeċijiet mhux ruminanti u li biex is-sustanza tkun effikaċi għalkollox fir-ruminanti, jenħtieġ li tiġi protetta kontra d-degradazzjoni ruminali. L-Awtorità ma dehrilhiex li hemm bżonn ta’ rekwiżiti speċifiċi ta’ monitoraġġ ta’ wara l-introduzzjoni fis-suq. Ivverifikat ukoll ir-rapport dwar il-metodu ta’ analiżi tal-addittiv tal-għalf fl-għalf, li tressaq mil-Laboratorju ta’ Referenza stabbilit bir-Regolament (KE) Nru 1831/2003. |
|
(5) |
Fid-dawl ta’ dan ta’ hawn fuq, il-Kummissjoni tqis li l-L-valina prodotta b’Corynebacterium glutamicum KCCM 80365 tissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003. Għaldaqstant, jenħtieġ li l-użu ta’ dik is-sustanza bħala addittiv tal-għalf jiġi awtorizzat. Il-Kummissjoni tqis li l-użu sikur ta’ dan l-aċidu amminiku fl-ilma tax-xorb, fir-rigward tar-riskji iġeniċi possibbli, għandu jitqies fl-ambitu tar-Regolament (KE) Nru 183/2005 li jistipula r-rekwiżiti għall-iġene tal-għalf (3). Meta tiġi mitmugħa lir-ruminanti, l-L-valina prodotta b’Corynebacterium glutamicum KCCM 80365 jenħtieġ li tiġi protetta mid-degradazzjoni fil-kirxa. Jixraq li l-utent jiġi mwissi biex iqis il-provvista djetetika bl-aċidi amminiċi essenzjali u kundizzjonalment essenzjali kollha, b’mod partikolari fil-każ tas-supplimentazzjoni bl-L-valina permezz tal-ilma tax-xorb. |
|
(6) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
Is-sustanza speċifikata fl-Anness, li tifforma parti mill-kategorija tal-addittivi “addittivi nutrittivi” u mill-grupp funzjonali “aċidi amminiċi, l-imlieħ u l-analogi tagħhom”, hija awtorizzata bħala addittiv fin-nutrizzjoni tal-annimali, soġġett għall-kundizzjonijiet stipulati f’dak l-Anness.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Diċembru 2025.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29, ELI: http://data.europa.eu/eli/reg/2003/1831/oj.
(2) EFSA Journal, 23(4), e9348, https://doi.org/10.2903/j.efsa.2025.9348.
(3) Ir-Regolament (KE) Nru 183/2005 tal-Parlament Ewropew u tal-Kunsill tat-12 ta’ Jannar 2005 li jistabbilixxi l-ħtiġijiet għall-iġjene tal-għalf (ĠU L 35, 8.2.2005, p. 1, ELI: http://data.europa.eu/eli/reg/2005/183/oj).
ANNESS
|
Numru tal-identifikazzjoni tal-addittiv tal-għalf |
Isem l-addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||||||||||||||||
|
mg/kg ta’ għalf komplet b’kontenut ta’ ndewwa ta’ 12 % |
||||||||||||||||||||||||||
|
Kategorija: addittivi nutrittivi. Grupp funzjonali: aċidi amminiċi, l-imlieħ u l-analogi tagħhom |
||||||||||||||||||||||||||
|
3c374i |
L-valina |
Kompożizzjoni tal-addittiv L-valina b’kontenut minimu ta’ 98 % (fuq il-bażi ta’ materja niexfa). Forma solida. Karatterizzazzjoni tas-sustanza attiva L-valina prodotta b’Corynebacterium glutamicum KCCM 80365 Isem IUPAC: Aċidu (2S)-2-ammino-3-metilbutanojku Formula kimika: C5H11NO2 Numru CAS: 72-18-4 Metodu analitiku (1) Għall-identifikazzjoni tal-L-valina fl-addittiv tal-għalf:
Għad-determinazzjoni tal-valina fl-addittiv tal-għalf:
Għad-determinazzjoni tal-valina fil-premixxeli u fl-għalf kompost:
Għad-determinazzjoni tal-valina fl-ilma tax-xorb:
|
L-ispeċijiet kollha tal-annimali |
- |
- |
- |
|
It-8 ta’ Jannar 2036 |
||||||||||||||||||
(1) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.
(2) Ir-Regolament tal-Kummissjoni (KE) Nru 152/2009 tas-27 ta’ Jannar 2009 li jistabbilixxi l-metodi ta' teħid ta' kampjuni u analiżi għall-kontroll uffiċjali tal-għalf (ĠU L 54, 26.2.2009, pp. 1, ELI: http://data.europa.eu/eli/reg/2009/152/oj).
ELI: http://data.europa.eu/eli/reg_impl/2025/2590/oj
ISSN 1977-074X (electronic edition)