3.5.2018   

MT

Il-Ġurnal Uffiċjali tal-Unjoni Ewropea

C 155/13

1.

Fil-25 ta’ April 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

3I, FSI u Hermes jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ Scandlines.

Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma:

—   3i: investitur internazzjonali u negozju għall-ġestjoni tal-investiment iffokat fuq ekwità privata ta’ impriża midmarket, investimenti fl-infrastruttura;

—   FSI: diviżjoni tal-ġestjoni tal-assi tal-Commonwealth Bank tal-Awstralja;

—   Hermes: maniġer ta’ investiment fir-Renju Unit li tispeċjalizza fl-iżvilupp ta’ ekwità privata personalizzata u diversifikata u portafolli tal-infrastruttura f’isem il-klijenti tagħha;

—   Scandlines: il-provvista ta’ servizzi bil-laneċ għall-passiġġieri u l-merkanzija fuq żewġ rotot qosra bejn il-Ġermanja u d-Danimarka.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont in-Notifika tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fin-Notifika.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata:

M.8895 — 3i/FSI/Hermes/Scandlines

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: