Ismijiet (Trażlitterazzjoni bl-alfabett Latin)

Ismijiet

Informazzjoni ta’ identifikazzjoni

Raġunijiet għall-elenkar

Data tal-elenkar

“134.

Vadim Viktorovich BULGAKOV

magħruf ukoll bħala

Vadym Viktorovych BULHAKOV

Вадим Викторович БУЛГАКОВ

(Ortografija Russa)

Pożizzjoni: Kap tad-Direttorat tas-Servizz Federali Russu tal-Infurzar Penali għar-‘Repubblika tal-Krimea u l-Belt ta’ Sevastopol’

Data tat-twelid: 30.1.1969

Post tat-twelid: Simferopol, Ukraine

Nazzjonalità: Ukrena, Russa

Identità tat-taxxa Ukrena (ДРФО): 2523214611

Identità tat-taxxa Russa (ИНН): 910218275068

Sess: raġel

Indirizz: Simferopol, Autonomous Republic of Crimea, Ukraine

Individwi assoċjati: Arkady Alexandrovich Gostev, Direttur tas-Servizz Penitenzjarju Federali Russu Aleksei Nikolaevich Pikin, Viċi Kap tad-Direttorat tas-Servizz Federali Russu tal-Infurzar Penali għar-‘Repubblika tal-Krimea u l-Belt ta’ Sevastopol’

Minn Novembru 2014, Vadim Bulgakov huwa l-Kap tad-Direttorat tas-Servizz Federali Russu tal-Infurzar Penali għar-‘Repubblika tal-Krimea u l-Belt ta’ Sevastopol.’ Huwa għandu awtorità unika fuq l-attivitajiet tad-Direttorat u, għalhekk, għandu responsabbiltà personali għal, fost affarijiet oħra, l-għoti xieraq ta’ servizzi mediċi lid-detenuti u lill-priġunieri fil-Krimea. F’din il-kapaċità, huwa responsabbli għaċ-ċaħda mifruxa u sistematika ta’ kura medika adegwata u trattament għad-detenuti u l-priġunieri, b’mod partikolari l-priġunieri politiċi. Dan jammonta għal trattament krudili, inuman jew degradanti.

Sa mill-ħatra tiegħu bħala Kap tad-Direttorat fl-2014, ksur mifrux u sistematiku tad-drittijiet tal-bniedem fiċ-ċentri ta’ detenzjoni tal-Krimea ġie ddokumentat min-Nazzjonijiet Uniti u mill-Qorti Ewropea tad-Drittijiet tal-Bniedem. B’mod partikolari, il-prattika amministrattiva tat-trattament ħażin u ċ-ċaħda tal-kura medika lill-priġunieri politiċi, li tikkostitwixxi att ta’ trattament jew pieni krudili, inumani jew degradanti, seħħet ripetutament fiċ-ċentru ta’ detenzjoni ta’ Simferopol fil-Krimea sa mill-ħatra tiegħu. B’mod partikolari, huwa responsabbli għat-trattament ħażin tad-difensuri tad-drittijiet tal-bniedem Iryna Danylovych u Amet Suleymanov, li ġew miċħuda kura medika xierqa għal diversi xhur matul il-priġunerija tagħhom fiċ-ċentru ta’ detenzjoni ta’ Simferopol.

Għalhekk, Vadim Bulgakov huwa responsabbli għal ksur jew abbużi serji tad-drittijiet tal-bniedem, jiġifieri trattament jew pieni krudili, inumani jew degradanti, b’mod partikolari fir-rigward ta’ priġunieri politiċi miżmuma f’ċentri ta’ detenzjoni fil-Krimea.

5.9.2025

135.

Aleksei Nikolaevich PIKIN

magħruf ukoll bħala

Alexey Nikolaevich PIKIN

Алексей Николаевич ПИКИН

(Ortografija Russa)

Pożizzjoni: Viċi Direttur tad-Direttorat tas-Servizz Federali Russu tal-Infurzar Penali għar-‘Repubblika tal-Krimea u l-Belt ta’ Sevastopol’

Data tat-twelid: 9.8.1975

Nazzjonalità: Russa

Sess: raġel

Indirizz: Voronezh, Voronezh Region, Russia

Individwi assoċjati: Arkady Alexandrovich Gostev, Direttur tas-Servizz Penitenzjarju Federali Russu Vadim Viktorovich Bulgakov, Kap tad-Direttorat tas-Servizz Federali Russu tal-Infurzar Penali għar-‘Repubblika tal-Krimea u l-Belt ta’ Sevastopol’

Aleksei Pikin huwa l-Viċi Kap tad-Direttorat tas-Servizz Federali Russu tal-Infurzar Penali għar-‘Repubblika tal-Krimea u l-Belt ta’ Sevastopol’ minn Mejju 2016. F’dik l-istruttura, huwa responsabbli għall-ġestjoni u l-koordinazzjoni tas-sistema penali reġjonali fil-Krimea u Sevastopol, inkluż l-imġiba tal-persunal, il-benesseri tal-priġunieri u l-prevenzjoni ta’ ksur tal-liġi fil-faċilitajiet ta’ detenzjoni. Minħabba dan il-mandat, huwa responsabbli għal kwalunkwe ksur tad-drittijiet tal-bniedem imwettaq kontra individwi kkundannati għal priġunerija fil-Krimea, inkluż abbużi minn persunal, miżuri dixxiplinari illegali, jew nuqqas ta’ prevenzjoni tat-tortura, trattament ħażin jew ċaħda ta’ drittijiet bażiċi fis-sistema penali. Huwa responsabbli għaċ-ċaħda mifruxa u sistematika ta’ kura medika adegwata u l-għoti ta’ trattament lid-detenuti u lill-priġunieri, b’mod partikolari lill-priġunieri politiċi. Dan jammonta għal trattament krudili, inuman jew degradanti.

Sa mill-ħatra tiegħu bħala Viċi Kap fl-2016, ksur mifrux u sistematiku tad-drittijiet tal-bniedem fiċ-ċentri ta’ detenzjoni tal-Krimea ġie ddokumentat min-Nazzjonijiet Uniti u mill-Qorti Ewropea tad-Drittijiet tal-Bniedem. B’mod partikolari, il-prattika amministrattiva tat-trattament ħażin u ċ-ċaħda tal-kura medika lill-priġunieri politiċi, li tikkostitwixxi att ta’ trattament jew pieni krudili, inumani jew degradanti, seħħet ripetutament taħt l-awtorità tiegħu fiċ-ċentru ta’ detenzjoni ta’ Simferopol fil-Krimea sa mill-ħatra tiegħu. B’mod partikolari, huwa responsabbli għat-trattament ħażin tad-difensuri tad-drittijiet tal-bniedem Iryna Danylovych u Amet Suleymanov, li ġew miċħuda kura medika xierqa għal diversi xhur matul il-priġunerija tagħhom fiċ-ċentru ta’ detenzjoni ta’ Simferopol.

Għalhekk, Aleksei Pikin huwa responsabbli għal ksur jew abbużi serji tad-drittijiet tal-bniedem, jiġifieri trattament jew pieni krudili, inumani jew degradanti, b’mod partikolari fir-rigward ta’ priġunieri politiċi miżmuma f’ċentri ta’ detenzjoni fil-Krimea.

5.9.2025.”