—

il-baġit tal-Unjoni għas-sena finanzjarja 2024 ġie adottat definittivament fit-22 ta’ Novembru 2023 (2);

—

fid-19 ta’ Lulju 2024, il-Kummissjoni ppreżentat proposta li fiha l-abbozz ta’ baġit emendatorju Nru 4 għall-baġit ġenerali għas-sena finanzjarja 2024;

—

jeħtieġ li l-Kunsill jipproċedi mingħajr dewmien bl-adozzjoni tal-pożizzjoni tiegħu dwar l-abbozz ta’ baġit emendatorju Nru 4 għall-baġit ġenerali għall-2024, bil-ħsieb li b’mod urġenti (a) jiġi aġġornat n-naħa tad-dħul tal-baġit, (b) tissaħħaħ l-Aġenzija tal-Unjoni Ewropea għaċ-Ċibersigurtà (ENISA); l-Aġenzija tal-Unjoni Ewropea għall-Kooperazzjoni tar-Regolaturi tal-Enerġija (ACER); l-Aġenzija tal-Unjoni Ewropea għall-Programm Spazjali (EUSPA); il-kontribuzzjoni tal-Unjoni għall-Aġenzija Ewropea għall-Mediċini (EMA); l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust); l-Aġenzija tal-Unjoni Ewropea għat-Tmexxija Operattiva ta’ Sistemi tal-IT fuq Skala Kbira fl- Ispazju ta’ Libertà, Sigurtà u Ġustizzja (eu-LISA), u (c) il-proċediment għal tnaqqis ta’ darba fil-persunal u l-kontribuzzjoni tal-UE lill-Awtorità għall-Ġlieda Kontra l-Ħasil tal-Flus (AMLA). Għaldaqstant, hu ġustifikat li tiġi prevista eċċezzjoni mill-perjodu ta’ tmien ġimgħat imsemmi fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-Trattat dwar l-Unjoni Ewropea, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea tal-Enerġija Atomika.