—

glacadh buiséad an Aontais don bhliain airgeadais 2024 go cinntitheach an 22 Samhain 2023 (2);

—

thíolaic an Coimisiún togra, an 19 Iúil 2024, ina raibh dréachtbhuiséad leasaitheach Uimh. 4 a ghabhann leis an mbuiséad ginearálta don bhliain airgeadais 2024;

—

ní mór don Chomhairle dul ar aghaidh gan mhoill lena seasamh a ghlacadh maidir le dréachtbhuiséad leasaitheach Uimh. 4 a ghabhann leis an mbuiséad ginearálta do 2024, d’fhonn an méid seo a leanas a dhéanamh go práinneach (a) taobh an ioncaim den bhuiséad a nuashonrú, (b) iad seo a leanas a threisiú: Gníomhaireacht an Aontais Eorpaigh um Chibearshlándáil (ENISA); Gníomhaireacht an Aontais Eorpaigh um Chomhar idir Rialálaithe Fuinnimh (ACER); Gníomhaireacht an Aontais Eorpaigh um an gClár Spáis (EUSPA); ranníocaíocht an Aontais leis an nGníomhaireacht Leigheasra Eorpach (EMA); Gníomhaireacht an Aontais Eorpaigh um Chomhar Ceartais Choiriúil (Eurojust); Gníomhaireacht an Aontais Eorpaigh chun Bainistiú Oibríochtúil a dhéanamh ar Chórais Mhórscála TF sa Limistéar Saoirse, Slándála agus Ceartais (eu-LISA), agus (c) dul ar aghaidh le laghdú aonuaire ar an bhfoireann agus ranníocaíocht an Aontais leis an Údarás um an Sciúradh Airgid a Chomhrac (ÚSAC). Dá bhrí sin, tá údar le foráil a dhéanamh maidir le heisceacht ón tréimhse 8 seachtaine dá dtagraítear in Airteagal 4 de Phrótacal Uimh. 1 maidir le ról na bparlaimintí náisiúnta san Aontas Eorpach, a ghabhann leis an gConradh ar an Aontas Eorpach, leis an gConradh ar Fheidhmiú an Aontais Eorpaigh agus leis an gConradh ag bunú an Chomhphobail Eorpaigh do Fhuinneamh Adamhach.