|
26.10.2022 |
MT |
Il-Ġurnal Uffiċjali tal-Unjoni Ewropea |
C 410/10 |
Avviż minn qabel ta’ konċentrazzjoni
(Każ M.10800 - AHLSELL / SANISTAL)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2022/C 410/09)
1.
Fil-17 ta’ Ottubru 2022, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Ahlsell Danmark ApS (id-Danimarka, iktar’ il quddiem “Ahlsell”), ikkontrollata minn CVC Capital Partners SICAV-FIS S.A. (il-Lussemburgu, iktar ’il quddiem “CVC”) |
|
— |
Sanistål A/S (id-Danimarka, iktar ’il quddiem “Sanistal”) |
Ahlsell se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħedha ta’ Sanistal.
Il-konċentrazzjoni hija mwettqa permezz ta’ xiri ta’ ishma kif ukoll permezz ta’ offerta pubblika kontabbli fl-24 ta’ Mejju 2022.
2.
L-attivitajiet kummerċjali tal-impriżi kkonċernati huma dawn li ġejjin:|
— |
CVC huwa maniġer tal-investiment globali kbir iffukat fuq l-ekwità privata, is-sekondar u l-kreditu. |
|
— |
Ahlsell hija kumpanija tal-portafoll ta’ fond CVC u bejjiegħ bl-imnut u distributur ta’ prodotti u għodod tal-installazzjoni prinċipalment lil klijenti professjonali fir-reġjun Nordiku. |
|
— |
Sanistal tipprovdi taħlita wiesgħa ta’ prodotti b’enfasi primarja fuq il-plumbing, it-tisħin, il-ventilazzjoni, l-arja kundizzjonata u l-provvisti ta’ għodod, inkluż tagħmir protettiv personali, għall-industrija u l-kostruzzjoni fid-Danimarka u fil-Baltiċi. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil partijiet terzi interessati jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.10800 – AHLSELL / SANISTAL
Il-kummenti jistgħu jintbagħtu lill-Kummissjoni permezz tal-posta elettronika, bil-fax jew bil-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).