2009D0935 — MT — 14.05.2014 — 001.001


Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B

DEĊIŻJONI TAL-KUNSILL 2009/935/ĠAI

tat-30 ta’ Novembru 2009

li tiddetermina l-lista ta’ Stati terzi u organizzazzjonijiet li magħhom il-Europol għandu jikkonkludi ftehimiet

(ĠU L 325, 11.12.2009, p.12)

Emendat bi:

 

 

Il-Ġurnal Uffiċjali

  No

page

date

►M1

Deċiżjoni ta' Implimentazzjoni tal-Kunsill tas-6 ta' Mejju 2014

  L 138

104

13.5.2014




▼B

DEĊIŻJONI TAL-KUNSILL 2009/935/ĠAI

tat-30 ta’ Novembru 2009

li tiddetermina l-lista ta’ Stati terzi u organizzazzjonijiet li magħhom il-Europol għandu jikkonkludi ftehimiet



IL-KUNSILL TAL-UNJONI EWROPEA,

Wara li kkunsidra d-Deċiżjoni tal-Kunsill 2009/371/ĠAI tas-6 ta’ April 2009 li tistabbilixxi l-Uffiċċju Ewropew tal-Pulizija (Europol) ( 1 ) (id-“Deċiżjoni Europol”) u b’mod partikolari l-Artikolu 26(1)(a) tagħha,

Wara li kkunsidra d-Deċiżjoni tal-Kunsill 2009/934/ĠAI tat-30 ta’ Novembru 2009 li’ tadotta r-regoli implimentattivi li jirregolaw ir-relazzjonijiet tal-Europol mal-imsieħba, inkluż l-iskambju ta’ data personali u informazzjoni kklassifikata ( 2 ) u b’mod partikolari l-Artikoli 5 u 6 tagħha,

Wara li kkunsidra l-Opinjoni tal-Parlament Ewropew,

Billi:

(1)

Hija r-responsabbiltà tal-Kunsill, filwaqt li jaġixxi b’maġġoranza kwalifikata wara li jikkonsulta lill-Parlament Ewropew, li jiddetermina, f’lista, l-Istati terzi u l-organizzazzjonijiet imsemmijin fl-Artikolu 23(1) tad-Deċiżjoni Europol li magħhom l-Europol għandu jikkonkludi ftehimiet.

(2)

Hija r-responsabbiltà tal-Bord ta’ Amministrazzjoni li jipprepara dik il-lista.

(3)

Huwa opportun li tkun prevista proċedura li tistabbilixxi l-mod li bih Stati terzi u organizzazzjonijiet addizzjonali jistgħu jiżdiedu mal-lista ta’ Stati terzi u organizzazzjonijiet li magħhom l-Europol għandu jikkonkludi ftehimiet,

IDDEĊIEDA KIF ĠEJ:



Artikolu 1

1.  F’konformità mal-Artikolu 23(2) tad-Deċiżjoni Europol, l-Europol għandu jikkonkludi ftehimiet mal-Istati terzi u l-organizzazzjonijiet li ddaħħlu fil-lista tal-Anness għal din id-Deċiżjoni. L-Europol jista’ jagħti bidu għall-proċedura għall-konklużjoni ta’ ftehim hekk kif l-Istat terz jew l-organizzazzjoni tiddaħħal fil-lista. L-Europol għandu jagħmel dak kollu li jista’ biex jiġi konkluż ftehim ta’ kooperazzjoni ma’ Stati terzi u organizzazzjonijiet li jippermetti l-iskambju ta’ data personali, sakemm ma jkunx ġie deċiż mod ieħor mill-Bord ta’ Amministrazzjoni.

2.  L-Europol għandu jagħti prijorità lill-konklużjoni ta’ ftehimiet ta’ kooperazzjoni ma’ Stati terzi u organizzazzjonijiet li ddaħħlu fil-lista, b’kont meħud tal-bżonnijiet operattivi tal-Europol u r-riżorsi umani u finanzjarji disponibbli. Il-Bord ta’ Amministrazzjoni jista’ jipprovdi lid-Direttur bi kwalunkwe struzzjonijiet oħra dwar in-negozjar ta’ ftehim speċifiku kif iqis meħtieġ.

3.  Id-Direttur għandu jinforma lill-Bord ta’ Amministrazzjoni fuq bażi regolari dwar is-sitwazzjoni attwali tan-negozjati li jkunu għaddejjin ma’ partijiet terzi u kull sitt xhur għandu jippreżenta rapport dwar il-progress.

Artikolu 2

1.  Membru tal-Bord ta’ Amministrazzjoni jew l-Europol jista’ jipproponi li fil-lista jiżdied Stat terz jew organizzazzjoni ġdida. Meta jagħmlu hekk, huma għandhom ifissru fil-qosor il-bżonn operattiv għall-konklużjoni ta’ ftehim ta’ kooperazzjoni ma’ dak l-Istat terz jew organizzazzjoni.

2.  Il-Bord ta’ Amministrazzjoni għandu jiddeċiedi jekk jipproponix lill-Kunsill jew le biex jiżdied fil-lista dak l-Istat terz jew l-organizzazzjoni.

3.  Il-Kunsill għandu jiddeċiedi dwar iż-żieda tal-Istat terz jew l-organizzazzjoni ġdida fil-lista billi jemenda l-Anness għal din id-Deċiżjoni.

Artikolu 3

Din id-Deċiżjoni għandha tidħol fis-seħħ fl-1 ta’ Jannar 2010.

Artikolu 4

Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.




ANNESS

Lista ta’ Stati terzi u organizzazzjonijiet li magħhom l-Europol għandu jikkonkludi ftehimiet:

1. Stati terzi (f’ordni alfabetika):

— Albanija

— Awstralja

— Bolivja

— Bożnja-Ħerzegovina

▼M1

— Brażil

▼B

— Ċina

— L-Ex Repubblika Jugożlava tal-Maċedonja (FYROM)

▼M1

— Emirati Għarab Magħquda

— Ġeorġja

▼B

— Indja

— Iżlanda

— Iżrael

— Kanada

— Kolumbja

— Kroazja

— Liechtenstein

— Marokk

▼M1

— Messiku

▼B

— Moldova

— Monako

— Montenegro

— Norveġja

— Perù

— Russja

— Serbja

— Stati Uniti tal-Amerika

— Turkija

— Ukraina

— Żvizzera

2. Organizzazzjonijiet (f’ordni alfabetika):

— ICPO-Interpol

— Organizzazzjoni Dinjija tad-Dwana

— Uffiċċju tan-Nazzjonijiet Uniti kontra d-Droga u l-Kriminalità (UNODC)



( 1 ) ĠU L 121, 15.5.2009, p. 37.

( 2 ) Ara paġna 6 ta’ dan il-Ġurnal Uffiċjali.