European flag

Il-Ġurnal Uffiċjali
ta'l-Unjoni Ewropea

MT

Is-serje C


C/2025/445

17.1.2025

Notifika minn qabel ta’ konċentrazzjoni

(Kawża M.11809 – ROLLS-ROYCE / CEZ HOLDINGS / ROLLS-ROYCE SMR)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(C/2025/445)

1.   

Fid-9 ta’ Jannar 2025, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

Rolls-Royce Plc (“Rolls-Royce”, ir-Renju Unit),

—

CEZ Holdings B.V. (“CEZ”, ir-Repubblika Ċeka), u

—

Rolls-Royce SMR Limited (“RR SMR”, ir-Renju Unit).

Rolls-Royce and CEZ se jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ RR SMR.

Il-konċentrazzjoni titwettaq permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma li ġejjin:

—

Rolls-Royce huwa parti mill-Grupp Rolls-Royce, li l-attivitajiet prinċipali tiegħu jinvolvu l-iżvilupp u l-manifattura ta’ magni u sistemi tal-enerġija għall-ajruspazju ċivili, id-difiża, l-ibħra u l-applikazzjonijiet tal-ġenerazzjoni tal-enerġija, u

—

CEZ Holdings hija parti mill-Grupp CEZ, grupp Ewropew tal-enerġija, li l-attivitajiet prinċipali tiegħu jinvolvu l-ġenerazzjoni, il-kummerċ bl-ingrossa, id-distribuzzjoni u l-provvista bl-imnut tal-elettriku, il-kummerċ bl-ingrossa u l-provvista bl-imnut tal-gass naturali, u l-forniment ta’ servizzi ta’ inġinerija fir-rigward tal-enerġiji rinnovabbli.

3.   

L-attivitajiet kummerċjali tal-RR SMR huma r-riċerka, l-iżvilupp, u fi żmien debitu l-użu ta’ disinji żgħar ta’ reatturi nukleari modulari.

4.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar trattament issimplifikat għal ċerti konċentrazzjonijiet skont ir-Regolament tal-Kunsill (KE) Nru 139/2004 dwar il-kontroll ta’ konċentrazzjonijiet bejn impriżi (2) għandu jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

5.   

Il-Kummissjoni tistieden lil partijiet terzi interessati biex jissottomettu lill-Kummissjoni l-kummenti li jista’ jkollhom dwar din l-operazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Ir-referenza li ġejja għandha dejjem tiġi speċifikata:

M.11809 – ROLLS-ROYCE / CEZ HOLDINGS / ROLLS-ROYCE SMR

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Indirizz elettroniku: COMP-MERGER-REGISTRY@ec.europa.eu

Indirizz Postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)   ĠU L 24, 29.1.2004, p. 1 (ir-“Regolament dwar l-Għaqdiet”).

(2)   ĠU C 160, 5.5.2023, p. 1.


ELI: http://data.europa.eu/eli/C/2025/445/oj

ISSN 1977-0987 (electronic edition)