(1)

Il-Ftehim Qafas dwar Sħubija u Kooperazzjoni bejn l-Unjoni Ewropea u l-Istati Membri tagħha, minn naħa waħda, u l-Mongolja, min-naħa l-oħra (1) (“il-Ftehim”), daħal fis-seħħ fl-1 ta’ Novembru 2017.

(2)

L-Artikolu 56(1) tal-Ftehim jistabbilixxi Kumitat Konġunt biex jiżgura l-implimentazzjoni u l-funzjonament adatt tal-Ftehim (il-“Kumitat Konġunt”).

(3)

L-Artikolu 56(6) tal-Ftehim jipprevedi li l-Kumitat Konġunt jadotta r-regoli ta’ proċedura tiegħu stess u l-Artikolu 56(4) tal-Ftehim jipprevedi li jista’ jwaqqaf gruppi ta’ ħidma speċjalizzati bil-għan li jgħinuh fit-twettiq tal-kompiti tiegħu.

(4)

L-Artikolu 28(1) tal-Ftehim jistabbilixxi Sottokumitat dwar il-Kummerċ u l-Investiment.

(5)

L-Artikolu 28(3) tal-Ftehim jipprevedi li s-Sottokumitat dwar il-Kummerċ u l-Investiment jistabbilixxi r-regoli ta’ proċedura tiegħu.

(6)

Sabiex tiġi żgurata l-implimentazzjoni effettiva tal-Ftehim, jenħtieġ li r-regoli ta’ proċedura tal-Kumitat Konġunt u s-Sottokumitat dwar il-Kummerċ u l-Investiment jiġu adottati malajr kemm jista’ jkun.

(7)

Huwa xieraq li tiġi stabbilita l-pożizzjoni li għandha tittieħed f’isem l-Unjoni fil-Kumitat Konġunt u s-Sottokumitat dwar il-Kummerċ u l-Investiment.

(8)

Il-pożizzjoni tal-Unjoni fil-Kumitat Konġunt u s-Sottokumitat dwar il-Kummerċ u l-Investiment għandha għalhekk tkun ibbażata fuq l-abbozz tad-Deċiżjonijiet mehmużin tal-Kumitat Konġunt u tas-Sottokumitat dwar il-Kummerċ u l-Investiment,