|
Iris Oifigiúil |
GA Sraith L |
|
2024/1050 |
5.4.2024 |
RIALACHÁN CUR CHUN FEIDHME (AE) 2024/1050 ÓN gCOMHAIRLE
an 4 Aibreán 2024
lena gcuirtear chun feidhme Rialachán (AE) 2020/1998 a bhaineann le bearta sriantacha in aghaidh sáruithe agus mí-úsáidí tromchúiseacha ar chearta an duine
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2020/1998 ón gComhairle an 7 Nollaig 2020 a bhaineann le bearta sriantacha in aghaidh sáruithe agus mí-úsáidí tromchúiseacha ar chearta an duine (1), agus go háirithe Airteagal 14(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 7 Nollaig 2020, ghlac an Chomhairle Rialachán (AE) 2020/1998. |
|
(2) |
An 4 Aibreán 2024, ghlac an Chomhairle Cinneadh (CBES) 2024/1034 (2), lena leasaítear Cinneadh 2020/1998 chun díolúine a thabhairt isteach le haghaidh cúnamh daonnúil agus gníomhaíochtaí eile a thacaíonn le riachtanais bhunúsacha an duine, díolúine is infheidhme maidir le gníomhaithe áirithe (‘an díolúine’). Tá an díolúine bunaithe ar mhír 1 de Rún ó Chomhairle Slándála na Náisiún Aontaithe 2664 (2022), a glacadh an 9 Nollaig 2022. |
|
(3) |
Chun aird a thabhairt ar chásanna ina bhfuil riosca níos airde ann go mbainfí mí-úsáid as cistí nó acmhainní eacnamaíocha a sholáthraítear chun críocha eile seachas cúnamh daonnúil, is iomchuí cur i bhfeidhm na díolúine a eisiamh a mhéid a bhaineann le daoine nádúrtha agus dlítheanacha, eintitis nó comhlachtaí áirithe arna n-ainmniú, agus a liostaítear in Iarscríbhinn I a ghabhann le Rialachán (AE) 2020/1998. |
|
(4) |
Dá bhrí sin, ba cheart Rialachán (AE) 2020/1998 a leasú dá réir, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) 2020/1998 ón gComhairle i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis dáta a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 4 Aibreán 2024.
Thar ceann na Comhairle
An tUachtarán
H. LAHBIB
(1) IO L 410 I, 7.12.2020, lch. 1.
(2) Rialachán (AE) 2024/1034 an 4 Aibreán lena leasaítear Rialachán 2020/1998 ón gComhairle an 7 Nollaig 2020 maidir le bearta sriantacha in aghaidh sáruithe agus mí-úsáidí tromchúiseacha ar chearta an duine (IO L, 2024/1034, 4.4.2024, ELI: http://data.europa.eu/eli/reg/2024/1034/oj).
IARSCRÍBHINN
Leasaítear Iarscríbhinn I a ghabhann le Rialachán (AE) 2020/1998 (‘Liosta de na daoine nádúrtha nó dlítheanacha, na heintitis agus na comhlachtaí dá dtagraítear in Airteagal 3’) mar a leanas:
|
(1) |
leasaítear roinn A (Daoine nádúrtha) mar a leanas;
|
|
(2) |
leasaítear roinn B (Daoine dlítheanacha, eintitis agus comhlachtaí) mar a leanas:
|
ELI: http://data.europa.eu/eli/reg_impl/2024/1050/oj
ISSN 1977-0839 (electronic edition)