1.   

An 31 Lúnasa 2023, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—	EP Corporate Group, a.s. (‘EPCG’, an tSeicia),

—	Lausitz Energie Bergbau AG (‘LEB’, an Ghearmáin), faoi rialú comhpháirteach EPCG agus PPF Investments Ltd. (‘PPF’, SAM),

—	Lausitz Energie Kraftwerke AG (‘LEK’, an Ghearmáin), faoi rialú comhpháirteach EPCG agus PPF.

Gheobhaidh EPCG rialú aonair, de réir bhrí Airteagal 3(1)(b) den Rialachán um Chumaisc, ar LEB agus LEK ina n-iomláine.

Baintear an comhchruinniú amach trí bhíthin ceannach scaireanna.

2.   

Is iad seo a leanas gníomhaíochtaí gnó na ngnóthas lena mbaineann:

—	Tá EPCG gníomhach in eastóscadh guail, i dtáirgeadh agus dáileadh leictreachais agus teasa, chomh maith le soláthar leictreachais agus gáis i dtíortha éagsúla laistigh de LEE agus den Ríocht Aontaithe,

—	Tá LEB gníomhach i mianadóireacht agus i soláthar ligníte sa Ghearmáin,

—	Tá LEK gníomhach i nginiúint agus soláthar leictreachais sa Ghearmáin.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.11242 – EP CORPORATE GROUP / LEB / LEK

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË