(1)

Tugadh i gcrích an Comhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (“an Comhaontú um Tharraingt Siar”) le Cinneadh (AE) 2020/135 ón gComhairle (1) agus tháinig sé i bhfeidhm an 1 Feabhra 2020.

(2)

De bhun Airteagal 171(1) den Chomhaontú um Tharraingt Siar, agus faoi dheireadh na hidirthréimhse a leagtar amach sa Chomhaontú um Tharraingt Siar, bhunaigh an Comhchoiste liosta de 25 dhuine atá toilteanach agus inniúil ar bheith ina gcomhaltaí ar phainéal eadrána. Tá an Comhchoiste chun a áirithiú go ndéanfaidh an liosta na ceanglais a chomhlíonadh tráth ar bith.

(3)

De bhun Airteagal 171(2) den Chomhaontú um Tharraingt Siar, níl daoine atá ina gcomhaltaí, ina n-oifigigh nó ina seirbhísigh eile d’institiúidí an Aontais, de rialtas Ballstáit nó de rialtas na Ríochta Aontaithe le bheith ar an liosta sin.

(4)

Duine de na daoine ar an liosta a mhol an tAontas, ceapadh é ina Abhcóide Ginearálta sa Chúirt Bhreithiúnais agus dá bhrí sin ní chomhlíonann sé a thuilleadh na ceanglais maidir le bheith ina eadránaí faoin gComhaontú um Tharraingt Siar.

(5)

Dá bhrí sin, is gá an duine sin a ionadú le hiarrthóir ó liosta ionadaithe na n-iarrthóirí atá toilteanach agus inniúil ar bheith ina gcomhaltaí de phainéal eadrána de chuid an Aontais faoin gComhaontú um Tharraingt Siar, faoi mar atá in Iarscríbhinn II a ghabhann le Cinneadh (AE) 2020/2232 ón gComhairle (2).

(6)

Is iomchuí an seasamh atá le glacadh thar ceann an Aontais sa Chomhchoiste a bhunú,