—

wara li kkunsidra t-talba ta' Mario Borghezio tat-13 ta' Novembru 2018, imħabbra fil-plenarja fil-25 ta' Marzu 2019, imtennija fis-27 ta' Mejju 2021 minn Mario Borghezio u trasferita lill-Kumitat għall-Affarijiet Legali fis-7 ta' Lulju 2021, fid-dawl tal-ħarsien tal-privileġġi u l-immunitajiet tiegħu fil-qafas tal-proċediment kriminali Nru 4975/16 RGNR pendenti quddiem l-Uffiċċju tal-Prosekutur Pubbliku f'Imperia, l-Italja,

—

wara li sema' lil Mario Borghezio, skont l-Artikolu 9(6) tar-Regoli ta' Proċedura tiegħu,

—

wara li kkunsidra l-Artikoli 8 u 9 tal-Protokoll Nru 7 dwar il-Privileġġi u l-Immunitajiet tal-Unjoni Ewropea kif ukoll l-Artikolu 6(2) tal-Att tal-20 ta' Settembru 1976 dwar l-elezzjoni tal-Membri tal-Parlament Ewropew b'suffraġju universali dirett,

—

wara li kkunsidra s-sentenzi mogħtija mill-Qorti tal-Ġustizzja tal-Unjoni Ewropea fil-21 ta' Ottubru 2008, fid-19 ta' Marzu 2010, fis-6 ta' Settembru 2011, fis-17 ta' Jannar 2013 u fid-19 ta' Diċembru 2019 (1),

—

wara li kkunsidra l-Artikoli 5(2), 7 u 9 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali (A9-0015/2022),

A.

billi Mario Borghezio, Membru tal-Parlament Ewropew sat-2 ta' Lulju 2019, talab il-ħarsien tal-immunità parlamentari tiegħu fi proċedimenti kriminali quddiem l-Uffiċċju ta' Imperia;

B.

billi Mario Borghezio allegatament iġġieled ma' impjegat ta' kumpanija ferrovjarja wara li dan irrifjuta li jħallih jivvjaġġa fuq ferrovija minħabba li ma kellux biljett tal-ivvjaġġar validu;

C.

billi Mario Borghezio, fis-seduta ta' smigħ tiegħu fil-Kumitat għall-Affarijiet Legali, ma ddikjara xejn li jista' jwassal għall-konklużjoni li l-ġlieda inkwistjoni kienet tikkonċerna l-espressjoni ta' opinjoni politika min-naħa tal-ex Membru;

D.

billi, għaldaqstant, l-allegat reat ma jittratta ebda opinjoni espressa jew vot mitfugħ fil-qadi tad-dmirijiet ta' Membru tal-Parlament Ewropew skont il-finijiet tal-Artikolu 8 tal-Protokoll Nru 7 dwar il-Privileġġi u l-Immunitajiet tal-Unjoni Ewropea;

E.

billi l-Artikolu 9 tal-Protokoll Nru 7 dwar il-Privileġġi u l-Immunitajiet tal-Unjoni Ewropea huwa applikabbli biss għall-Membri tal-Parlament Ewropew; billi Mario Borghezio kien Membru tal-Parlament Ewropew sat-2 ta' Lulju 2019; billi t-telf tal-istatus ta' Membru tal-Parlament Ewropew konsegwentement jinvolvi t-telf tal-immunità relatata, li t-tul tagħha huwa limitat, skont l-Artikolu 9 tal-Protokoll Nru 7, għal dak il-mandat (2);

F.

billi, minn naħa, il-Parlament ma jistax jitqies bħala qorti u, min-naħa l-oħra, il-Membru ma jistax, fil-kuntest ta' proċedura għat-tneħħija tal-immunità, jitqies bħala “akkużat” (3);

1.

2.