Iris Oifigiúil
an Aontais Eorpaigh
GA
Sraith L
|
|
Iris Oifigiúil |
GA Sraith L |
|
2025/1391 |
16.7.2025 |
RIALACHÁN CUR CHUN FEIDHME (AE) 2025/1391 ÓN gCOIMISIÚN
an 15 Iúil 2025
lena gceartaítear Rialachán Cur Chun Feidhme (AE) 2024/1186 a mhéid a bhaineann leis an tiúchan mheitileoganóil i mbláthola coirte cainéil
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin a bhfuiltear lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán Cur Chun Feidhme (AE) 2024/1186 ón gCoimisiún (2) údaraíodh an tsubstaint bláthola coirte cainéil ó Cinnamomum verum J. Presl mar bhreiseán beathaithe le haghaidh speicis ainmhíocha áirithe ar feadh 10 mbliana. |
|
(2) |
San Iarscríbhinn a ghabhann le Rialachán Cur Chun Feidhme (AE) 2024/1186, tagraítear go hearráideach do thiúchan uasta is incheadaithe an mheitileoganóil i mbláthola coirte cainéil dar luach ‘≥ 0,04 %’, ach de réir na tuairime ón Údarás Eorpach um Shábháilteacht Bia an 27 Meán Fómhair 2022 (3), níor cheart an tiúchan mheitileoganóil i mbláthola coirte cainéil dul thar 0,004 %. |
|
(3) |
Dá bhrí sin, ba cheart Rialachán Cur Chun Feidhme (AE) 2024/1186 a cheartú dá réir. |
|
(4) |
Chun ionchais dhlisteanacha na n-oibreoirí gnólachtaí beatha a chaomhnú, ionchais a cruthaíodh le húdarú earráideach an bhreiseáin beathaithe bláthola coirte cainéil ó Cinnamomum verum J. Presl, ba cheart foráil a dhéanamh maidir le hidirthréimhse ghearr chun ligean do na hoibreoirí sin oiriúnú don cheartúchán a thugtar isteach leis an Rialachán seo. |
|
(5) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Ceartúchán ar Rialachán Cur Chun Feidhme (AE) 2024/1186
San Iarscríbhinn a ghabhann le Rialachán Cur Chun Feidhme (AE) 2024/1186, san iontráil a bhaineann leis an mbreiseán beathaithe bláthola coirte cainéil a shainaithnítear mar ‘2b133-eo’, sa tríú colún ‘Comhdhéanamh, foirmle cheimiceach, tuairisc, modh anailíse’, faoin gceannteideal ‘Sonraíochtaí’, in ionad na fleisce ‘– Meitileoganól: ≥ 0,04 %’, cuirtear ‘- Meitileoganól: ≤ 0,004 %’.
Airteagal 2
Bearta idirthréimhseacha
An breiseán beathaithe bláthola coirte cainéil ó Cinnamomum verum J. Presl, mar a údaraítear é le Rialachán Cur Chun Feidhme (AE) 2024/1186, agus réamh-mheascáin, an bheatha chumaisc agus na hábhair bheatha a bhfuil an breiseán sin iontu, nithe a tháirgtear agus a lipéadaítear roimh an 5 Meán Fómhair 2025 i gcomhréir leis na rialacha is infheidhme roimh an 5 Lúnasa 2025 féadfar leanúint dá gcur ar an margadh agus dá n-úsáid go dtí an 5 Feabhra 2026.
Airteagal 3
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 15 Iúil 2025.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29, ELI: http://data.europa.eu/eli/reg/2003/1831/oj.
(2) Rialachán Cur Chun Feidhme (AE) 2024/1186 ón gCoimisiún an 24 Aibreán 2024 maidir le bláthola coirte cainéil agus bláthola duilleoige cainéil ó Cinnamomum verum J. Presl a údarú mar bhreiseáin bheathaithe le haghaidh speicis áirithe ainmhíocha (IO L, 2024/1186, 25.4.2024, ELI: http://data.europa.eu/eli/reg_impl/2024/1186/oj).
(3) EFSA Journal [Iris EFSA] 2022;20(10):7601, https://doi.org/10.2903/j.efsa.2022.7601.
ELI: http://data.europa.eu/eli/reg_impl/2025/1391/oj
ISSN 1977-0839 (electronic edition)