8.7.2022   

GA

Iris Oifigiúil an Aontais Eorpaigh

C 263/22


Réamhfhógra faoi chomhchruinniú

(Cás M.10787 – SONY / HONDA / JV)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 263/08)

1.   

An 1 Iúil 2022, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Baineann an fógra seo leis na gnóthais seo a leanas:

—

Sony Group Corporation (“Sony”, an tSeapáin),

—

Honda Motor Co., Ltd. (“Honda”, an tSeapáin),

—

Cuideachta nuachruthaithe (“JV”, an tSeapáin).

Gheobhaidh Sony agus Honda rialú comhpháirteach ar an JV de réir bhrí Airteagail 3(1)(b) agus 3(4) den Rialachán um Chumaisc.

Baintear an comhchruinniú amach trí bhíthin ceannach scaireanna i gcuideachta nuachruthaithe ar comhfhiontar í.

2.   

Is iad seo a leanas gníomhaíochtaí gnó na ngnóthas lena mbaineann:

—

Tá Sony gníomhach ar fud an domhain sna gnóthlachtaí le haghaidh táirgí leictreonaice, cluichí (e.g. consóil cluichí agus bogearraí), seirbhísí siamsaíochta, agus seirbhísí airgeadais,

—

Tá Honda gníomhach ar fud an domhain i gceithre phríomhréimse: gluaisteán, gluaisrothair, seirbhísí airgeadais, agus táirgí cumhachta.

—

Is comhfhiontar úrnua é an JV a dhéanfaidh feithiclí ceallra-leictreacha ard-bhreisluacha a dhearadh, a fhorbairt, a tháirgeadh, a mhargú agus a dhíol.

3.   

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart ar tugadh fógra ina leith a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i ndáil le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara gur cás é seo ab fhéidir a chóireáil faoin nós imeachta a leagtar amach san Fhógra.

4.   

Iarrann an Coimisiún ar thríú páirtithe leasmhara aon bharúlacha a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:

M.10787 – SONY / HONDA / JV

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  IO L 24, 29.1.2004, lch. 1 (an “Rialachán um Chumaisc”).

(2)  IO C 366, 14.12.2013, lch. 5.