|
26.2.2021 |
MT |
Il-Ġurnal Uffiċjali tal-Unjoni Ewropea |
L 69/12 |
DEĊIŻJONI TA’ IMPLIMENTAZZOJNI TAL-KUMMISSJONI (UE) 2021/361
tat-22 ta’ Frar 2021
li tistabbilixxi miżuri ta’ emerġenza għall-movimenti bejn l-Istati Membri u għad-dħul fl-Unjoni ta’ kunsinni tas-salamandri fir-rigward tal-infezzjoni bil-Batrachochytrium salamandrivorans
(notifikata bid-dokument C(2021) 1018)
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikolu 259(1) u 261(1) tiegħu,
Billi:
|
(1) |
Il-Batrachochytrium salamandrivorans (Bsal) huwa fungus patoġenu tas-salamandri li jaffettwa l-popolazzjonijiet tas-salamandri miżmuma u selvaġġi, u jista’ jikkawża morbidità u mortalità sinifikanti f’dawn il-popolazzjonijiet. Il-Bsal huwa letali għal ċerti speċijiet ta’ salamandri, filwaqt li speċijiet oħra huma kompletament jew parzjalment reżistenti għalih, iżda jistgħu jġorruh fuq ġildhom, u għaldaqstant ikun riżerva u sors ta’ infezzjoni, għal speċijiet oħra ta’ salamandri, jew ta’ kontaminazzjoni għall-ambjent tagħhom. |
|
(2) |
L-infezzjoni bil-Bsal s’issa okkorriet fil-Belġju, fil-Ġermanja, fin-Netherlands, fir-Renju Unit u fi Spanja, kemm fil-popolazzjonijiet tas-salamandri miżmuma kif ukoll f’dawk selvaġġi skont id-data miġbura fil-kuntest tal-proġett Ewropew “Mitigazzjoni ta’ marda infettiva ġdida fis-salamandri biex jiġi miġġieled it-telf tal-bijodiversità Ewropea” (2) u dik li nġabret warajh. Il-Bsal maħsub li oriġina fl-Asja tal-Lvant u li huwa mifrux hemmhekk, peress li huwa endemiku mill-inqas fil-Ġappun, fit-Tajlandja u fil-Vjetnam. Fl-istess ħin, hemm nuqqas ta’ informazzjoni dwar kemm hu mifrux f’partijiet oħra tal-Unjoni u tad-dinja. Il-kummerċ tas-salamandri infettati jew trasportaturi jikkontribwixxi għat-tixrid tal-Bsal u l-marda tirrappreżenta riskju importanti għall-bijodiversità fiż-żoni li tikkolonizza. |
|
(3) |
Id-Deċiżjoni ta’ Implimentazzjoni tal-Kummissjoni (UE) (UE) 2018/320 (3) kif emendata bid-Deċiżjoni ta’ Implimentazzjoni tal-Kummissjoni (UE) 2019/1998 (4) tistabbilixxi l-miżuri għall-protezzjoni tas-saħħa tal-annimali fil-kummerċ intra-Unjoni ta’ kunsinni ta’ salamandri u l-introduzzjoni ta’ dawn il-kunsinni fl-Unjoni. Id-Deċiżjoni ta’ Implimentazzjoni (UE) 2018/320 ġiet adottata abbażi ta’ Opinjoni Xjentifika tal-Awtorità Ewropea dwar is-Sigurtà fl-Ikel tal-25 ta’ Ottubru 2017 (5) (“l-Opinjoni tal-EFSA”) u tal-Assistenza Teknika u Xjentifika tal-Awtorità Ewropea dwar is-Sigurtà fl-Ikel tal-21 ta’ Frar 2017 (6) (“Assistenza Xjentifika u Teknika tal-EFSA”) Dik id-Deċiżjoni tapplika sal-20 ta’ April 2021. |
|
(4) |
L-Opinjoni tal-EFSA u l-Assistenza Teknika tal-EFSA u pubblikazzjonijiet xjentifiċi aktar reċenti (7) enfasizzaw ukoll bosta lakuni u inċertezzi fl-għarfien attwali fir-rigward ta’ ħafna aspetti tan-natura tal-Bsal. L-istandards tal-kummerċ internazzjonali tal-Organizzazzjoni Dinjija tas-Saħħa tal-Annimali (OIE) għadhom mhumiex żviluppati għalkollox fir-rigward tal-metodi tad-dijanjostika tal-Bsal u għadhom ma ġewx riveduti fir-rigward tar-rakkomandazzjonijiet għall-kummerċ internazzjonali tas-salamandri. |
|
(5) |
Il-Bsal huwa elenkat fl-Anness II tar-Regolament (UE) 2016/429, u għaldaqstant jaqa’ fid-definizzjoni ta’ marda elenkata għall-finijiet tar-Regolament (UE) 2016/429. Il-Bsal jaqa’ wkoll fid-definizzjoni ta’ marda tal-kategorija D, kif stabbilita fir-Regolament ta’ Implimentazzjoni tal-Kummissjoni (UE) 2018/1882 (8) għall-annimali tal-Ordni Caudata, li tinkludi s-salamandri. Madankollu, ir-regoli tal-Unjoni dwar il-movimenti fl-Unjoni u d-dħul fl-Unjoni ta’ kunsinni ta’ annimali terrestri u ta’ annimali akkwatiċi stabbiliti fl-atti delegati u ta’ implimentazzjoni tal-Kummissjoni adottati skont ir-Regolament (UE) 2016/429 ma japplikawx għall-Caudata, peress li l-Caudata taqa’ fid-definizzjoni ta’ “annimali oħra” f’dan ir-Regolament. Minħabba n-nuqqas attwali ta’ għarfien fir-rigward tal-bosta aspetti tan-natura tal-Bsal kif ukoll in-nuqqas ta’ kwalunkwe linja gwida u rakkomandazzjoni internazzjonali fir-rigward tal-kummerċ f’dawk l-annimali, għadhom ma ġewx adottati atti delegati u ta’ implimentazzjoni tal-Kummissjoni għall-Caudata, filwaqt li ġew adottati għall-annimali terrestri u għall-annimali akkwatiċi. |
|
(6) |
Il-Kummissjoni rrevediet is-sitwazzjoni tas-saħħa tal-annimali fir-rigward tal-Bsal fl-Unjoni u tal-miżuri ta’ protezzjoni tas-saħħa tal-annimali previsti fid-Deċiżjoni ta’ Implimentazzjoni (UE) 2018/320 mal-awtoritajiet kompetenti tal-Istati Membri. Peress li l-miżuri stabbiliti fid-Deċiżjoni ta’ Implimentazzjoni (UE) 2018/320 tqiesu xierqa, l-Istati Membri ma ħadu l-ebda miżuri kummerċjali oħra biex jiġġieldu kontra l-Bsal. Għalkemm it-tifqigħat tal-Bsal jidhru li bħalissa huma limitati għal ċerti reġjuni ta’ ċerti Stati Membri, it-tixrid ulterjuri tal-Bsal permezz tal-kummerċ intra-Unjoni jirrappreżenta riskju sinifikanti. |
|
(7) |
Għaldaqstant, huwa xieraq li jiġu adottati miżuri ta’ emerġenza fuq livell tal-Unjoni biex jiġi evitat it-tixrid tal-Bsal u biex jiġi evitat tfixkil mhux ġustifikat fil-kummerċ tas-salamandri. Meta titqies l-effettività tal-miżuri stabbiliti fid-Deċiżjoni ta’ Implimentazzjoni (UE) 2018/320, huwa xieraq li jiġu adottati miżuri simili dwar il-movimenti fi ħdan l-Unjoni u dwar id-dħul fl-Unjoni ta’ kunsinni tas-salamandri mill-21 ta’ April 2021 għal perjodu limitat ta’ żmien sakemm jiġu adottati miżuri aktar permanenti tas-saħħa tal-annimali, bħal fil-każ ta’ mard li jaffettwa l-annimali terrestri u l-annimali akkwatiċi. |
|
(8) |
Il-Bsal jista’ jiġi trażmess bejn l-ispeċijiet tas-salamandri nattivi ta’ reġjuni differenti u l-kontaminazzjoni kroċjata tista’ sseħħ f’diversi stabbilimenti mmexxija minn operaturi li jżommu u jiskambjaw is-salamandri. Dan iżid ir-riskju tat-trażmissjoni tal-Bsal minn salamandri kkummerċjalizzati jkun xi jkun l-istatus tas-saħħa tal-post tal-oriġini tagħhom u s-sitwazzjoni tas-saħħa tagħhom fl-ambjent naturali. Jenħtieġ għalhekk li l-kunsinni tas-salamandri maħsuba għall-movimenti bejn l-Istati Membri jew għad-dħul fl-Unjoni jkunu soġġetti għal miżuri li jtaffu dak ir-riskju. Jenħtieġ madankollu li dawn il-miżuri ma japplikawx għall-movimenti mhux kummerċjali ta’ salamandri domestiċi, bħal movimenti mhux kummerċjali koperti mir-regoli stabbiliti fir-Regolament (UE) Nru 576/2013 tal-Parlament Ewropew u tal-Kunsill (9). Dawn il-movimenti mhux kummerċjali jikkonċernaw, u huma limitati għall-annimali taħt il-kura ta’ sidhom jew ta’ persuni awtorizzati u li jakkumpanjawhom u li ma jinvolvux it-trasferiment tas-sjieda. Għalhekk, il-movimenti mhux kummerċjali tas-salamandri domestiċi jirrappreżentaw riskju negliġibbli għat-tixrid tal-Bsal għas-salamandri kkummerċjalizzati jew għas-salamandri li jgħixu fl-ambjent naturali. |
|
(9) |
Jenħtieġ li s-salamandri li jiġu skambjati biss bejn stabbilimenti konfinati approvati mill-awtorità kompetenti f’konformità mar-Regolament (UE) 2016/429 ma jkunux suġġetti għall-kwarantina jew għall-ittestjar peress li l-miżuri ta’ bijosigurtà fis-seħħ f’dawk l-istabbilimenti konfinati huma xierqa biex itaffu r-riskju tat-tixrid tal-Bsal. |
|
(10) |
Jenħtieġ li l-kunsinni tas-salamandri li daħlu fl-Unjoni u li diġà għaddew minn kwarantina bi ttestjar b’riżultati negattivi, jew li jkunu rċevew trattament sodisfaċenti fl-Unjoni fi stabbiliment xieraq wara d-dħul tagħhom fl-Unjoni, ma jkunux suġġetti għal kwarantina jew ittestjar ripetuti, jekk huma maħsuba li jiġu mċaqalqa lejn Stat Membru ieħor, dment li żżammew iżolati minn salamandri bi status ta’ saħħa differenti. |
|
(11) |
Hemm nuqqas ta’ informazzjoni dwar il-kapaċitajiet tekniċi tas-servizzi veterinarji u tal-laboratorji madwar id-dinja biex jittestjaw għall-Bsal, filwaqt li bosta korpi fl-Unjoni Ewropea qegħdin fuq quddiem fil-progress tad-dijanjożi u tat-trattament tal-Bsal. Jenħtieġ għalhekk li l-kunsinni tas-salamandri li jidħlu fl-Unjoni jitqiegħdu fi kwarantina fi stabbiliment xieraq, u jiġu ttestjati u ttrattati wara d-dħul tagħhom fl-Unjoni. |
|
(12) |
Jenħtieġ li l-pajjiżi terzi u t-territorji approvati għall-ħruġ ta’ ċertifikati tas-saħħa tal-annimali għad-dħul fl-Unjoni ta’ kunsinni tas-salamandri jiġu limitati għal dawk li huma membri tal-OIE u li b’hekk jiġu obbligati li jħarsu l-istandards internazzjonali għall-ħruġ ta’ ċertifikati tas-saħħa tal-annimali. |
|
(13) |
Jenħtieġ li t-trattamenti jiġu speċifikati u jkunu f’konformità mal-protokolli li diġà huma deskritti fil-letteratura rieżaminata bejn il-pari kif enfasizzata mill-Assistenza Xjentifika u Teknika tal-EFSA jew ma’ oħrajn komparabbli. |
|
(14) |
Jenħtieġ li l-kunsinni tas-salamandri jkunu awtorizzati biss biex jidħlu fl-Unjoni mill-awtorità kompetenti tal-post ta’ kontroll fuq il-fruntiera tad-dħul fl-Unjoni, jekk dik l-awtorità tirċievi attestazzjoni mill-persuna fiżika jew ġuridika responsabbli għall-istabbiliment tad-destinazzjoni li tikkonferma li l-kunsinni se jiġu aċċettati. |
|
(15) |
Jenħtieġ li l-miżuri ta’ emerġenza previsti minn din id-Deċiżjoni japplikaw mid-data tal-applikazzjoni tar-Regolament (UE) 2016/429 u jenħtieġ li jiġu riveduti filwaqt li titqies il-gravità tas-sitwazzjoni epidemjoloġika minħabba żviluppi ġodda u rappurtar annwali mill-awtoritajiet kompetenti tal-Istati Membri. |
|
(16) |
Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Suġġett u kamp ta’ applikazzjoni
Din id-Deċiżjoni tistabbilixxi l-miżuri ta’ emerġenza għall-movimenti tal-kunsinni tas-salamandri bejn l-Istati Membri u għad-dħul fl-Unjoni (10) ta’ dawn il-kunsinni.
Din id-Deċiżjoni ma għandhiex tapplika għall-movimenti mhux kummerċjali ta’ salamandri domestiċi.
Artikolu 2
Definizzjonijiet
Għall-finijiet ta’ din id-Deċiżjoni, għandhom japplikaw id-definizzjonijiet li ġejjin:
|
(a) |
“salamandri” tfisser l-amfibji kollha tal-Ordni Caudata; |
|
(b) |
“Bsal” huwa l-fungus Batrachochytrium salamandrivorans (Renju tal-Fungi, Phylum Chytridiomycota, tal-Ordni Rhizophydiales); |
|
(c) |
“stabbiliment xieraq” huwa bini:
|
|
(d) |
“test dijanjostiku xieraq” huwa assaġġ ta’ reazzjoni katina bil-polimerażi kwantitattiva f’ħin reali (qPCR) li fih primers STerF u STerR speċifiċi skont l-ispeċi biex jamplifikaw framment ta’ DNA tal-Bsal ta’ 119-il nukleotida; |
Artikolu 3
Rekwiżiti dwar is-saħħa tal-annimali għall-movimenti tal-kunsinni tas-salamandri bejn l-Istati Membri
L-Istati Membri għandhom jipprojbixxu li jintbagħtu kunsinni tas-salamandri lil Stat Membru ieħor, ħlief meta dawn il-kunsinni jikkonformaw mal-kundizzjonijiet tas-saħħa tal-annimali li ġejjin:
|
(a) |
is-salamandri jridu jiġu minn popolazzjoni fejn ma hemm:
|
|
(b) |
is-salamandri ma jridux juru sinjali kliniċi jew sintomi tal-Bsal, b’mod partikolari ma għandux ikollhom selħiet jew ulċeri li jidhru fuq il-ġilda meta jiġu eżaminati mill-veterinarju uffiċjali; dak l-eżami jrid isir tul l-aħħar 48 siegħa qabel ma tintbagħat il-kunsinna lejn l-Istat Membru tad-destinazzjoni; |
|
(c) |
il-kunsinna trid tikkonsisti minn salamandri li jikkonformaw ma’ mill-inqas wieħed mis-settijiet ta’ rekwiżiti li ġejjin:
|
|
(d) |
il-kunsinni jrid ikollhom ċertifikat tas-saħħa tal-annimali li jikkonforma mal-mudell taċ-ċertifikat tas-saħħa tal-annimali stabbilit fil-Parti A tal-Anness I; |
Artikolu 4
Rekwiżiti tas-saħħa tal-annimali għad-dħul ta’ kunsinni tas-salamandri fl-Unjoni
L-awtorità kompetenti fil-post ta’ kontroll fuq il-fruntiera tal-wasla fl-Unjoni għandu jawtorizza biss id-dħul fl-Unjoni ta’ kunsinni tas-salamandri minn pajjiżi u territorji terzi, ippreżentati għall-fini ta’ kontrolli uffiċjali kif previst fl-Artikolu 47(1) tar-Regolament (UE) 2017/625 (11) tal-Parlament Ewropew u tal-Kunsill, jekk l-eżitu ta’ dawk il-kontrolli uffiċjali fil-post ta’ kontroll fuq il-fruntiera jkun favorevoli u li dawn il-kunsinni jikkonformaw mar-rekwiżiti li ġejjin:
|
(a) |
iridu jiġu minn pajjiż terz jew territorju ta’ oriġini li hu membru tal-Organizzazzjoni Dinjija għas-Saħħa tal-Annimali (OIE); |
|
(b) |
is-salamandri fil-kunsinna ma jridux juru sinjali kliniċi tal-Bsal, b’mod partikolari ma għandu jkun hemm l-ebda sinjal ta’ selħiet jew ulċeri fil-ġilda meta jsir eżami kliniku mill-veterinarju uffiċjali għall-fini tal-ħruġ ta’ ċertifikat tas-saħħa tal-annimali msemmi fil-punt (d); u dak l-eżami jrid ikun twettaq tul l-aħħar 48 siegħa qabel il-ħin tat-tagħbija għad-dispaċċ tal-kunsinna lejn l-Unjoni; |
|
(c) |
qabel ma jinħareġ iċ-ċertifikat tas-saħħa tal-annimali msemmi fil-punt (d), l-unità epidemjoloġika bis-salamandri fil-kunsinna jeħtieġ li tkun ġiet iżolata minn salamandri oħrajn mhux aktar tard mill-ħin tal-eżami kliniku biex jinħareġ iċ-ċertifikat tas-saħħa msemmi fil-punt (d) u ma jridux ikunu ġew f’kuntatt ma’ salamandri oħra minn dak iż-żmien. |
|
(d) |
irid ikollhom ċertifikat tas-saħħa tal-annimali li jikkonforma mal-mudell taċ-ċertifikat tas-saħħa tal-annimali stabbilit fil-Parti B tal-Anness I; |
Artikolu 5
Attestazzjoni ta’ aċċettazzjoni rigward l-istabbiliment tad-destinazzjoni
L-Istati Membri għandhom jiżguraw li meta l-kunsinni tas-salamandri jkunu maħsuba għas-suq intern, l-operatur responsabbli għall-kunsinna għandu jipprovdi attestazzjoni bil-miktub f’waħda mil-lingwi uffiċjali tal-Istat tal-post ta’ kontroll fuq il-fruntiera u ffirmata minn persuna fiżika jew ġuridika responsabbli għal stabbiliment xieraq tad-destinazzjoni jew għal stabbiliment konfinat, li jkun fiha:
|
(a) |
l-isem, l-indirizz u n-numru tar-reġistrazzjoni tal-istabbiliment tad-destinazzjoni jew in-numru tal-approvazzjoni f’każ ta’ stabbiliment konfinat; |
|
(b) |
f’każ ta’ stabbiliment xieraq tad-destinazzjoni, li dan jikkonforma mal-kundizzjonijiet minimi stabbiliti fl-Anness II; |
|
(c) |
li l-kunsinna tas-salamandri tkun aċċettata għall-kwarantina fl-istabbiliment tad-destinazzjoni jew fl-istabbiliment konfinat. |
Artikolu 6
Regoli ta’ kwarantina għall-kunsinni tas-salamandri li daħlu fl-Unjoni jew fi stabbiliment xieraq tad-destinazzjoni
L-Istati Membri għandhom jassiguraw li:
|
(a) |
l-operatur iżomm fi kwarantina l-kunsinna tas-salamandri fi stabbiliment xieraq tad-destinazzjoni sakemm jiġu rilaxxati minn dan l-istabbiliment mill-veterinarju uffiċjali; |
|
(b) |
veterinarju uffiċjali jispezzjona l-kundizzjonijiet tal-kwarantina fl-istabbiliment xieraq tad-destinazzjoni għal kull kunsinna tas-salamandri, u jeżamina r-rekords tal-mortalità u jagħmel spezzjoni klinika tas-salamandri, filwaqt li jiċċekkja b’mod partikolari għal selħiet jew ulċeri fuq il-ġilda; |
|
(c) |
il-veterinarju uffiċjali jwettaq eżami, kampjunar, ittestjar u proċeduri ta’ trattament għall-Bsal f’konformità mal-proċeduri msemmija fil-punti 1 u 2 tal-Anness III; |
|
(d) |
il-veterinarju uffiċjali jirrilaxxa biss il-kunsinna tas-salamandri minn dak l-istabbiliment xieraq permezz ta’ awtorizzazzjoni bil-miktub:
|
Artikolu 7
Miżuri li jridu jittieħdu fil-każ ta’ tifqigħa tal-Bsal fi stabbiliment xieraq tad-destinazzjoni
1. L-awtorità kompetenti għandha tiżgura li fejn ikun hemm tifqigħa tal-Bsal f’unità epidemjoloġika, l-istabbiliment xieraq tad-destinazzjoni jieħu l-miżuri li ġejjin :
|
(a) |
is-salamandri kollha fl-istess unità epidemjoloġika jew:
|
|
(b) |
wara li jitlestew il-miżuri msemmijin fil-punt (a), iż-żona fl-istabbiliment xieraq tad-destinazzjoni fejn tkun inżammet l-unità epidemjoloġika titnaddaf u tiġi ddiżinfettata b’mod li jissodisfa lill-awtorità kompetenti. |
2. L-awtorità kompetenti tista’ tirrikjedi l-ittestjar tas-salamandri ttrattati biex tiġi vverifikata l-effettività tat-trattament imsemmi fil-punt 1(a)(i) u tista’ teħtieġ trattamenti ripetuti, skont il-bżonn, biex tipprevjeni t-tifrix tal-Bsal.
Artikolu 8
Rekwiżiti tar-rappurtar annwali
Mhux aktar tard mit-30 ta’ Ġunju ta’ kull sena, dawk l-Istati Membri li jkunu mmaniġġjaw kunsinni tas-salamandri fis-sena preċedenti, għandhom jippreżentaw l-informazzjoni li ġejja għas-sena preċedenti lill-Kummissjoni u jiddistingwu bejn l-informazzjoni marbuta mal-movimenti ta’ dawn il-kunsinni bejn l-Istati Membri u d-dħul ta’ dawn il-kunsinni tas-salamandri fl-Unjoni:
|
(a) |
l-għadd ta’ unitajiet epidemjoloġiċi li kellhom tifqigħa tal-Bsal |
|
(b) |
l-għadd ta’ unitajiet epidemjoloġiċi ttrattati mingħajr tifqigħa tal-Bsal; |
|
(c) |
kull informazzjoni oħra li jqisu bħala rilevanti dwar l-ittestjar, it-trattament jew l-immaniġġjar tal-kunsinni tas-salamandri u dwar l-implimentazzjoni ta’ din id-Deċiżjoni. |
Artikolu 9
Applikabbiltà
Din id-Deċiżjoni għandha tapplika mill-21 ta’ April 2021 sal-31 ta’ Diċembru 2022.
Artikolu 10
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, it-22 ta’ Frar 2021.
Għall-Kummissjoni
Stella KYRIAKIDES
Membru tal-Kummissjoni
(2) http://bsaleurope.com/european-distribution/
(3) Id-Deċiżjoni ta’ Implimentazzjoni tal-Kummissjoni (UE) 2018/320 tat-28 ta’ Frar 2018 dwar ċerti miżuri għall-protezzjoni tas-saħħa fil-kummerċ intra-Unjoni tas-salamandri u l-introduzzjoni ta’ dawn l-annimali fl-Unjoni rigward il-fungus Batrachochytrium salamandrivorans (ĠU L 62, 5.3.2018, p. 18).
(4) Id-Deċiżjoni ta’ Implimentazzjoni tal-Kummissjoni (UE) 2019/1998 tat-28 ta’ Novembru 2019 li temenda d-Deċiżjoni ta’ Implimentazzjoni (UE) 2018/320 fir-rigward tal-perjodu ta’ applikazzjoni tal-miżuri ta’ protezzjoni tas-saħħa tal-annimali għas-salamandri fir-rigward tal-fungus Batrachochytrium salamandrivorans (ĠU L310, 2.12.2019, p. 35).
(5) EFSA Journal 2017;15(11):5071
(6) EFSA Journal 2017;15(2):4739.
(7) http://bsaleurope.com/scientific-publications/
(8) Ir-Regolament ta’ Implimentazzjoni tal-Kummissjoni (UE) 2018/1882 tat-3 ta’ Diċembru 2018 dwar l-applikazzjoni ta’ ċerti regoli għall-prevenzjoni u l-kontroll tal-mard għal kategoriji ta’ mard elenkat u li jistabbilixxi lista ta’ speċijiet u gruppi ta’ speċijiet li jippreżentaw riskju konsiderevoli għat-tixrid ta’ dak il-mard elenkat (ĠU L 308, 4.12.2018, p. 21).
(9) Ir-Regolament (UE) Nru 576/2013 tal-Parlament Ewropew u tal-Kunsill tat-12 ta’ Ġunju 2013 dwar il-movimenti mhux kummerċjali tal-annimali domestiċi u li jħassar ir-Regolament (KE) Nru 998/2003 (ĠU L 178, 28.6.2013, p. 1).
(10) F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, għall-finijiet ta’ din id-Deċiżjoni r-referenzi għall-“Unjoni” jinkludu r-Renju Unit fir-rigward tal-Irlanda ta’ Fuq.
(11) Ir-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali) (ĠU L 95, 7.4.2017, p. 1).
(12) Ir-Regolament (KE) Nru 1069/2009 tal-Parlament Ewropew u tal-Kunsill tal-21 ta’ Ottubru 2009 li jistabbilixxi regoli tas-saħħa li jirrigwardaw prodotti sekondarji tal-annimali jew derivati minnhom mhux maħsuba għall-konsum mill-bniedem u li jħassar ir-Regolament (KE) Nru 1774/2002 (ĠU L 300, 14.11.2009, p. 1).
ANNESS I
Parti A
MUDELL TAĊ-ĊERTIFIKAT TAS-SAĦĦA TAL-ANNIMALI
għall-movimenti tas-salamandri bejn l-Istati Membri
Parti B
MUDELL TAĊ-ĊERTIFIKAT TAS-SAĦĦA TAL-ANNIMALI
għad-dħul fl-Unjoni tas-salamandri
ANNESS II
KUNDIZZJONIJIET MINIMI GĦALL-ISTABBILIMENTI XIERQA TAD-DESTINAZZJONI
|
(1) |
L-istabbiliment xieraq tad-destinazzjoni għandu:
|
|
(2) |
L-operatur tal-istabbiliment xieraq għandu jiżgura li:
|
|
(3) |
L-operatur tal-istabbiliment xieraq tad-destinazzjoni għandu jgħarraf lill-awtoritajiet kompetenti dwar il-mard u l-imwiet tas-salamandri waqt il-kwarantina. |
|
(4) |
L-operatur tal-istabbiliment xieraq tad-destinazzjoni jżomm rekord:
|
ANNESS III
PROĊEDURI TAL-EŻAMI, TAL-KAMPJUNAR, TAL-ITTESTJAR U TAT-TRATTAMENT GĦALL-BSAL
|
(1) |
Tul il-kwarantina s-salamandri jiġu soġġetti għall-proċeduri li ġejjin:
|
|
(2) |
L-ittestjar kollu tal-kampjuni u l-eżami post-mortem li jsiru waqt il-kwarantina jridu jitwettqu fil-laboratorji indikati mill-awtorità kompetenti. |
|
(3) |
It-trattamenti li ġejjin jitqiesu sodisfaċenti:
|
(1) Meta wieħed jippreżumi prevalenza tal-Bsal ta’ 3 % fl-unità epidemjoloġika, tkun garantita rata ta’ affidabbiltà ta’ 95 % biex jiġi identifikat il-Bsal, u s-sensittività tat-test dijanjostiku xieraq tkun ikkalkolata bħala ta' 80 %.