European flag

Il-Ġurnal Uffiċjali
ta'l-Unjoni Ewropea

MT

Is-serje L


2025/1395

16.7.2025

REGOLAMENT TA’ IMPLIMENTAZZJONI TAL-KUMMISSJONI (UE) 2025/1395

tal-15 ta’ Lulju 2025

li jikkoreġi u jemenda r-Regolament ta’ Implimentazzjoni (UE) 2020/997 fir-rigward tat-termini tal-awtorizzazzjoni tal-bażi tal-L-liżina, likwida, bħala addittiv tal-għalf għall-ispeċijiet kollha tal-annimali

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) u l-Artikolu 13(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti u għall-modifika ta’ din l-awtorizzazzjoni.

(2)

Il-bażi tal-L-liżina, likwida, ġiet awtorizzata għal 10 snin bħala addittiv tal-għalf għall-ispeċijiet kollha tal-annimali bir-Regolament ta’ Implimentazzjoni tal-Kummissjoni (UE) 2020/997 (2).

(3)

F’konformità mal-Artikolu 13(1) tar-Regolament (KE) Nru 1831/2003, il-Kummissjoni talbet lill-Awtorità Ewropea dwar is-Sigurtà fl-Ikel (“l-Awtorità”) biex toħroġ opinjoni dwar jekk l-awtorizzazzjoni tal-bażi tal-L-liżina, likwida, bħala addittiv tal-għalf tibqax tissodisfa l-kundizzjonijiet stabbiliti fl-Artikolu 5 tar-Regolament (KE) Nru 1831/2003, jekk it-termini ta’ dik l-awtorizzazzjoni jiġu modifikati. Il-modifika tikkonsisti fiż-żieda ta’ razza ġdida tal-produzzjoni, Corynebacterium glutamicum NRRL B-68248. Mhux kif previst fl-awtorizzazzjoni attwali, l-addittiv prodott b’dik ir-razza l-ġdida tal-produzzjoni mhuwiex maħsub biex jintuża fl-ilma tax-xorb. Flimkien mat-talba, intbagħtet id-data ta’ sostenn rilevanti.

(4)

Fl-opinjoni tagħha tal-4 ta’ Lulju 2024 (3), l-Awtorità kkonkludiet li l-modifika ġenetika fir-razza tal-produzzjoni Corynebacterium glutamicum NRRL B-68248 ma tqajjem l-ebda tħassib dwar is-sikurezza. Ma nstabet l-ebda ċellola vijabbli jew DNA tar-razza tal-produzzjoni fil-prodott finali. Għalhekk, il-prodott finali ma joħloq l-ebda tħassib dwar is-sikurezza fir-rigward tar-razza tal-produzzjoni. Il-bażi tal-L-liżina prodotta b’Corynebacterium glutamicum NRRL B-68248 ma tirrappreżentax riskju għall-ispeċijiet fil-mira, għall-konsumaturi jew għall-ambjent. L-Awtorità qieset li l-addittiv la huwa irritanti għall-ġilda jew għall-għajnejn, u lanqas huwa sensitizzatur tal-ġilda. Il-bażi tal-L-liżina, likwida, prodotta b’Corynebacterium glutamicum NRRL B-68248 hija meqjusa bħala sors effikaċi tal-aċidu amminiku essenzjali L-liżina għall-ispeċijiet tal-annimali mhux ruminanti. Biex is-supplimentazzjoni tal-L-liżina tkun effikaċi fir-ruminanti daqskemm hi fl-ispeċijiet mhux ruminanti, tkun teħtieġ protezzjoni kontra d-degradazzjoni fil-kirxa. L-Awtorità ma dehrilhiex li hemm il-ħtieġa għal rekwiżiti speċifiċi ta’ monitoraġġ ta’ wara l-introduzzjoni fis-suq.

(5)

Fid-dawl ta’ dan ta’ hawn fuq, il-Kummissjoni tqis li l-bażi tal-L-liżina, likwida, tkun għadha tissodisfa l-kundizzjonijiet previsti fl-Artikolu 5 tar-Regolament (KE) Nru 1831/2003 meta jiġu mmodifikati t-termini tal-awtorizzazzjoni biż-żieda tar-razza l-ġdida tal-produzzjoni Corynebacterium glutamicum NRRL B-68248. Barra minn hekk, mhuwiex meħtieġ li jiġu previsti miżuri protettivi biex jiġu l-evitati effetti negattivi fuq is-saħħa tal-utenti tal-addittiv li jkun prodott b’Corynebacterium glutamicum NRRL B-68248, filwaqt li titqies l-opinjoni tal-Awtorità tal-4 ta’ Lulju 2024.

(6)

Sabiex ikun hemm iktar kontroll, jenħtieġ li jingħata numru tal-identifikazzjoni ġdid lill-bażi tal-L-liżina, likwida, prodotta b’Corynebacterium glutamicum NRRL B-68248, peress li mhijiex awtorizzata li tintuża fl-ilma tax-xorb, għall-kuntrarju ta’ dak previst fl-awtorizzazzjoni attwali tal-addittiv.

(7)

L-addittiv, bażi tal-L-liżina, likwida, tikkonsisti minn preparat fil-forma ta’ soluzzjoni milwiema li fiha minimu ta’ 50 % ta’ L-liżina bħala s-sustanza attiva. Għalhekk, l-awtorizzazzjoni tal-addittiv jenħtieġ li tispeċifika b’mod espliċitu li tikkonċerna preparat. F’dan ir-rigward, ir-Regolament ta’ Implimentazzjoni (UE) 2020/997 jipprevedi li l-bażi tal-L-liżina, likwida, tista’ titqiegħed fis-suq u tintuża bħala addittiv f’għamla ta’ preparat, iżda dan bi żball ma ġiex rifless kif xieraq fit-termini tal-awtorizzazzjoni, b’mod partikolari fir-rigward tal-kompożizzjoni tal-addittiv. Għalhekk jenħtieġ li r-Regolament ta’ Implimentazzjoni (UE) 2020/997 jiġi kkoreġut kif xieraq.

(8)

Sabiex jiġu ppreservati l-aspettattivi leġittimi tal-operaturi ta’ negozju tal-għalf maħluqa mill-iżball tan-nuqqas ta’ deskrizzjoni tal-addittiv, bażi tal-L-liżina, likwida, bħala preparat, jenħtieġ li jiġi pprovdut perjodu tranżizzjonali biex dawk l-operaturi jkunu jistgħu jadattaw għall-korrezzjoni introdotta b’dan ir-Regolament.

(9)

Il-metodu analitiku stabbilit fir-Regolament ta’ Implimentazzjoni (UE) 2020/997 dwar il-kwantifikazzjoni tal-bażi tal-L-liżina, likwida, fil-premixxeli, fl-għalf kompost u fil-materjali tal-għalf jirreferi għad-dispożizzjonijiet ta’ anness tar-Regolament tal-Kummissjoni (KE) Nru 152/2009 (4). Madankollu, minħabba l-emendi li saru lir-Regolament (KE) Nru 152/2009, ir-referenza għal tali dispożizzjonijiet speċifiċi ma għadhiex xierqa. Meta jitqies li r-Regolament (KE) Nru 152/2009 xorta jista’ jkun is-suġġett ta’ emendi futuri bbażati fuq l-iżviluppi xjentifiċi u teknoloġiċi, il-metodu analitiku rilevanti jenħtieġ li jirreferi biss għar-Regolament (KE) Nru 152/2009 kollu kemm hu. Għall-istess raġuni, ir-referenza għar-Regolament (KE) Nru 152/2009 jenħtieġ li tiġi adattata b’mod simili fir-rigward tal-metodu analitiku għall-addittiv monoidroklorur tal-L-liżina, teknikament pur u l-addittiv sulfat tal-L-liżina, li huma inklużi wkoll fl-Anness tar-Regolament ta’ Implimentazzjoni (UE) 2020/997.

(10)

Għalhekk, jenħtieġ li r-Regolament ta’ Implimentazzjoni (UE) 2020/997 jiġi emendat kif xieraq.

(11)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Korrezzjoni u emenda tar-Regolament ta’ Implimentazzjoni (UE) 2020/997

L-Anness tar-Regolament ta’ Implimentazzjoni (UE) 2020/997 huwa sostitwit bl-Anness ta’ dan ir-Regolament.

Artikolu 2

Miżuri tranżizzjonali

1.   L-addittiv tal-għalf, bażi tal-L-liżina, likwida, bin-numru tal-identifikazzjoni 3c320, prodotta b’Corynebacterium glutamicum NRRL B-67439 jew b’Corynebacterium glutamicum NRRL B-67535, kif awtorizzat bir-Regolament ta’ Implimentazzjoni (UE) 2020/997, u l-premixxeli li fihom dan l-addittiv, li jiġu prodotti u ttikkettati qabel il-5 ta’ Frar 2026 f’konformità mar-regoli applikabbli qabel il-5 ta’ Awwissu 2025 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti.

2.   L-għalf kompost u l-materjali tal-għalf li fihom l-addittiv tal-għalf imsemmi fil-paragrafu 1, li jiġu prodotti u ttikkettati qabel il-5 ta’ Awwissu 2026 f’konformità mar-regoli applikabbli qabel il-5 ta’ Awwissu 2025 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet ikkonċernati jekk ikunu maħsubin għall-annimali li jipproduċu l-ikel.

3.   L-għalf kompost u l-materjali tal-għalf li fihom l-addittiv tal-għalf imsemmi fil-paragrafu 1, li jiġu prodotti u ttikkettati qabel il-5 ta’ Awwissu 2027 f’konformità mar-regoli applikabbli qabel il-5 ta’ Awwissu 2025 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet ikkonċernati jekk ikunu maħsubin għall-annimali li mhumiex intiżi għall-produzzjoni tal-ikel.

Artikolu 3

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta’ Lulju 2025.

Għall-Kummissjoni

Il-President

Ursula VON DER LEYEN


(1)   ĠU L 268, 18.10.2003, p. 29, ELI: http://data.europa.eu/eli/reg/2003/1831/oj.

(2)  Ir-Regolament ta’ Implimentazzjoni tal-Kummissjoni (UE) 2020/997 tad-9 ta’ Lulju 2020 dwar l-awtorizzazzjoni tal-bażi tal-L-liżina, likwidu, tas-sulfat tal-L-liżina u tal-monoidroklorur tal-L-liżina, teknikament pur, bħala addittivi tal-għalf għall-ispeċijiet kollha tal-annimali (ĠU L 221, 10.7.2020, p. 90, ELI: http://data.europa.eu/eli/reg_impl/2020/997/oj).

(3)   EFSA Journal, 22(7), e8950. https://doi.org/10.2903/j.efsa.2024.8950.

(4)  Ir-Regolament tal-Kummissjoni (KE) Nru 152/2009 tas-27 ta’ Jannar 2009 li jistabbilixxi l-metodi ta’ teħid ta’ kampjuni u analiżi għall-kontroll uffiċjali tal-għalf (ĠU L 54, 26.2.2009, p. 1). ELI: http://data.europa.eu/eli/reg/2009/152/oj.


ANNESS

Numru tal-identifikazzjoni tal-addittiv tal-għalf

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija ta’ annimal

Età massima

Kontenut minimu

Kontenut massimu

Dispożizzjonijiet oħrajn

Tmiem il-perjodu tal-awtorizzazzjoni

mg/kg ta’ għalf komplet b’kontenut ta’ ndewwa ta’ 12 %

Kategorija: addittivi nutrittivi. Grupp funzjonali: aċidi amminiċi, l-imlieħ u l-analogi tagħhom

3c320

bażi tal-L-liżina, likwida

Kompożizzjoni tal-addittiv:

Preparat tal-L-liżina b’kontenut minimu ta’ 50 % ta’ L-liżina - Soluzzjoni milwiema

---------------------------------

Karatterizzazzjoni tas-sustanza attiva:

L-liżina prodotta mill-fermentazzjoni b’Corynebacterium glutamicum NRRL B-67439 jew

Corynebacterium glutamicum NRRL B-67535

Formula kimika: NH2-(CH2)4-CH(NH2)-COOH

Numru CAS: 56-87-1

-----------------------------------

Metodi analitiċi  (1):

Għall-kwantifikazzjoni tal-liżina fl-addittiv tal-għalf u fil-premixxeli li fihom aktar minn 10 % ta’ liżina:

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS/FLD) – EN ISO 17180

Għall-kwantifikazzjoni tal-liżina fil-premixxeli, fl-għalf kompost u fil-materjali tal-għalf:

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS), ir-Regolament tal-Kummissjoni (KE) Nru 152/2009

Għall-kwantifikazzjoni tal-liżina fl-ilma:

—

kromatografija bi skambju tal-joni abbinata ma’ derivatizzazzjoni postkolonna u detezzjoni ottika (IEC-VIS/FLD)

L-ispeċijiet kollha

-

-

-

1.

Il-kontenut tal-liżina għandu jkun indikat fuq it-tikketta tal-addittiv.

2.

Għall-utenti tal-addittiv u tal-premixxeli, l-operaturi tan-negozju tal-għalf għandhom jistabbilixxu proċeduri operazzjonali u miżuri organizzattivi biex jindirizzaw ir-riskji potenzjali mill-inalazzjoni, u għall-ġilda u l-għajnejn. Meta dawk ir-riskji ma jkunux jistgħu jiġu eliminati jew imnaqqsa kemm jista’ jkun permezz ta’ proċeduri u miżuri bħal dawn, l-addittiv u l-premixxeli għandhom jintużaw b’tagħmir ta’ protezzjoni personali, inkluż il-protezzjoni tal-għajnejn u tal-ġilda.

3.

L-addittiv jista’ jintuża wkoll permezz tal-ilma tax-xorb.

4.

Id-dikjarazzjonijiet li jridu jidhru fuq it-tikketti tal-addittiv u tal-premixxeli: “Is-supplimentazzjoni bl-L-liżina, partikolarment permezz tal-ilma tax-xorb, jenħtieġ li tqis l-ammino aċidi essenzjali u kundizzjonalment essenzjali kollha sabiex jiġu evitati l-iżbilanċi.”

30.7.2030

3c320ii

bażi tal-L-liżina, likwida

Kompożizzjoni tal-addittiv:

Preparat tal-L-liżina b’kontenut minimu ta’ 50 % ta’ L-liżina - Soluzzjoni milwiema

---------------------------------

Karatterizzazzjoni tas-sustanza attiva:

L-liżina prodotta mill-fermentazzjoni b’Corynebacterium glutamicum NRRL B-68248

Formula kimika: NH2-(CH2)4-CH(NH2)-COOH

Numru CAS: 56-87-1

-----------------------------------

Metodi analitiċi  (1):

Għall-kwantifikazzjoni tal-liżina fl-addittiv tal-għalf u fil-premixxeli li fihom aktar minn 10 % ta’ liżina:

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS/FLD) – EN ISO 17180

Għall-kwantifikazzjoni tal-liżina fil-premixxeli, fl-għalf kompost u fil-materjali tal-għalf:

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS), ir-Regolament tal-Kummissjoni (KE) Nru 152/2009

L-ispeċijiet kollha

-

-

-

1.

Il-kontenut tal-liżina għandu jkun indikat fuq it-tikketta tal-addittiv.

2.

Id-dikjarazzjonijiet li jridu jidhru fuq it-tikketti tal-addittiv u tal-premixxeli: “Is-supplimentazzjoni bl-L-liżina jenħtieġ li tqis l-ammino aċidi essenzjali u kundizzjonalment essenzjali kollha sabiex jiġu evitati l-iżbilanċi.”

30.7.2030

3c322

monoidroklorur tal-L-liżina, teknikament pur

Kompożizzjoni tal-addittiv:

Trab tal-monoidroklorur tal-L-liżina b’minimu ta’ 78 % ta’ L-liżina u kontenut massimu ta’ ndewwa ta’ 1,5 %.

-----------------

Karatterizzazzjoni tas-sustanza attiva:

Monoidroklorur tal-L-liżina prodott mill-fermentazzjoni bi

Corynebacterium glutamicum NRRL-B-67439 jew

Corynebacterium glutamicum NRRL B-67535 jew

Corynebacterium glutamicum CGMCC 7.266.

Formula kimika: NH2-(CH2)4-CH(NH2)-COOH

Numru CAS: 657-27-2

Metodi analitiċi  (1):

Għall-identifikazzjoni tal-monoidroklorur tal-L-liżina fl-addittiv tal-għalf:

—

Il-monografija tal-Food Chemical Codex “L-lysine monohydrochloride monograph”

Għall-kwantifikazzjoni tal-liżina fl-addittiv tal-għalf u fil-premixxeli li fihom aktar minn 10 % ta’ liżina:

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS/FLD) – EN ISO 17180.

Għall-kwantifikazzjoni tal-liżina fil-premixxeli, fl-għalf kompost u fil-materjali tal-għalf:

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS), ir-Regolament tal-Kummissjoni (KE) Nru 152/2009

Għall-kwantifikazzjoni tal-liżina fl-ilma:

—

kromatografija bi skambju tal-joni abbinata ma’ derivatizzazzjoni postkolonna u detezzjoni ottika (IEC-VIS/FLD); jew

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS).

L-ispeċijiet kollha

-

-

-

1.

Il-kontenut tal-liżina għandu jkun indikat fuq it-tikketta tal-addittiv.

2.

Il-monoidroklorur tal-L-liżina, teknikament pur, jista’ jiġi introdott fis-suq u jintuża bħala addittiv f’għamla ta’ preparat.

3.

Għall-utenti tal-addittiv u tal-premixxeli, l-operaturi tan-negozju tal-għalf għandhom jistabbilixxu proċeduri operazzjonali u miżuri organizzattivi biex jindirizzaw ir-riskji potenzjali li jirriżultaw mill-inalazzjoni. Meta dawk ir-riskji ma jistgħux jiġu eliminati jew jitnaqqsu għal livell minimu permezz ta’ tali proċeduri u miżuri, l-addittiv u l-premixxeli għandhom jintużaw b’tagħmir protettiv personali, inkluż protezzjoni għan-nifs.

4.

L-addittiv jista’ jintuża wkoll permezz tal-ilma tax-xorb.

5.

Id-dikjarazzjonijiet li jridu jidhru fuq it-tikketti tal-addittiv u tal-premixxeli: “Is-supplimentazzjoni bl-L-liżina, partikolarment permezz tal-ilma tax-xorb, jenħtieġ li tqis l-ammino aċidi essenzjali u kundizzjonalment essenzjali kollha sabiex jiġu evitati l-iżbilanċi.”

30.7.2030

3c325

Sulfat tal-L-liżina

Kompożizzjoni tal-addittiv:

Granulat b’kontenut minimu ta’ L-liżina ta’ 52 % u b’kontenut massimu ta’ 24 % ta’ sulfat.

-----------------

Karatterizzazzjoni tas-sustanza attiva:

Sulfat tal-L-liżina prodott mill-fermentazzjoni b’Corynebacterium glutamicum CGMCC 7.266

Formula kimika: C12H28N4O4•H2SO4/[NH2-(CH2)4-CH(NH2)-COOH]2SO4

Numru CAS: 60343-69-3

-----------------

Metodi analitiċi  (1):

Għall-kwantifikazzjoni tal-liżina fl-addittiv tal-għalf u fil-premixxeli li fihom aktar minn 10 % ta’ liżina:

—

kromatografija bi skambju tal-joni abbinata ma’ derivatizzazzjoni postkolonna u detezzjoni fotometrika (IEC-VIS/FLD) – EN ISO 17180

Għall-identifikazzjoni tas-sulfat fl-addittiv tal-għalf:

—

Monografija 20301 tal-Farmakopea Ewropea

Għall-kwantifikazzjoni tal-liżina fil-premixxeli, fl-għalf kompost u fil-materjali tal-għalf:

—

kromatografija bi skambju tal-joni flimkien ma’ derivatizzazzjoni postkolonna u detezzjoni fotometrika (IEC-VIS) – ir-Regolament tal-Kummissjoni (KE) Nru 152/2009

Għall-kwantifikazzjoni tal-liżina fl-ilma:

—

kromatografija bi skambju tal-joni abbinata ma’ derivatizzazzjoni postkolonna u detezzjoni ottika (IEC-VIS/FLD)

L-ispeċijiet kollha

-

-

10 000

1.

Il-kontenut tal-liżina għandu jkun indikat fuq it-tikketta tal-addittiv.

2.

Is-sulfat tal-L-liżina jista’ jiġi introdott fis-suq u jintuża bħala addittiv f’għamla ta’ preparat.

3.

Għall-utenti tal-addittiv u tal-premixxeli, l-operaturi tan-negozju tal-għalf għandhom jistabbilixxu proċeduri operazzjonali u miżuri organizzattivi biex jindirizzaw ir-riskji potenzjali li jirriżultaw mill-inalazzjoni. Meta dawn ir-riskji ma jkunux jistgħu jiġu eliminati jew imnaqqsa għal livell minimu bi proċeduri u miżuri ta’ dan it-tip, l-addittiv u l-premixxeli għandhom jintużaw b’tagħmir ta’ protezzjoni personali, inkluż il-protezzjoni tan-nifs.

4.

L-addittiv jista’ jintuża wkoll permezz tal-ilma tax-xorb.

5.

Id-dikjarazzjonijiet li jridu jidhru fuq it-tikketti tal-addittiv u tal-premixxeli: “Is-supplimentazzjoni bl-L-liżina, partikolarment permezz tal-ilma tax-xorb, jenħtieġ li tqis l-ammino aċidi essenzjali u kundizzjonalment essenzjali kollha sabiex jiġu evitati l-iżbilanċi.”

30.7.2030


(1)  Id-dettalji tal-metodi analitiċi jinsabu fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.


ELI: http://data.europa.eu/eli/reg_impl/2025/1395/oj

ISSN 1977-074X (electronic edition)