(1)

L-influwenza tat-tjur hija marda virali li tittieħed tat-tjur u għasafar oħrajn tat-trobbija b’impatt sever fuq il-profitabbiltà tat-trobbija tat-tjur li tikkawża xkiel għall-kummerċ intra-komunitarju u għall-esportazzjoni lejn pajjiżi terzi.

(2)

Fil-każ ta’ tifqigħa tal-Influwenza tat-Tjur, hemm ir-riskju li l-aġent tal-marda jista’ jinfirex f’irziezet oħra tat-tjur f’dak l-Istat Membru, imma wkoll fi Stati Membri oħra u f’terzi pajjiżi permezz tal-kummerċ fit-tjur ħajjin jew il-prodotti tagħhom.

(3)

Id-Direttiva tal-Kunsill 2005/94/KEE tal-20 ta’ Diċembru 2005 li tintroduċi l-miżuri tal-Komunità għall-kontroll tal-marda tal-Influwenza li tħassar id-Direttiva 92/40/KEE (2) tat-Tjur tistipula miżuri li f’każ ta’ tifqigħa għandhom jiġu implimentati immedjatament mill-Istati Membri b’urġenza sabiex jiġi evitat aktar tixrid tal-vajrus.

(4)

Id-Deċiżjoni 90/424/KEE tistipula l-proċeduri li jirregolaw il-kontribuzzjoni finanzjarja tal-Komunità għal miżuri veterinarji speċifiċi, inklużi miżuri ta’ emerġenza. Skont l-Artikolu 3a ta’ dik id-Deċiżjoni, l-Istati Membri għandhom jiksbu kontribut finanzjarju lejn l-ispejjeż ta’ ċerti miżuri għall-qerda tal-Influwenza tat-Tjur.

(5)

L-Artikolu 3(3), l-ewwel u t-tieni inċiż tad-Deċiżjoni 90/424/KEE jistabbilixxu regoli dwar il-persentaġġ tan-nefqa mġarrba mill-Istat Membru li tista’ tkun koperta mill-kontribut finanzjarju tal-Komunità.

(6)

Il-ħlas ta’ kontribut finanzjarju tal-Komunità għal miżuri ta’ emerġenza għall-qerda tal-Influwenza tat-Tjur huwa soġġett għar-regoli stipulati fir-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli dwar il-finanzjament Komunitarju ta’ miżuri urġenti u l-kampanja għall-ġlieda kontra ċertu mard tal-annimali skont id-Deċiżjoni tal-Kunsill 90/424/KEE (3).

(7)

Seħħew tifqigħat tal-Influwenza tat-Tjur fid-Danimarka fl-2008. Id-Danimarka ħadet miżuri, f’konformità mad-Direttiva tal-Kunsill 2005/94/KE biex tiġġieled dawn it-tifqigħat.

(8)

Id-Danimarka kienet konformi għal kollox mal-obbligi tekniċi u amministrattivi tagħha kif stipulati fl-Artikolu 3(3) tad-Deċiżjoni 90/424/KEE u l-Artikolu 6 tar-Regolament (KE) Nru 349/2005.

(9)

Fit-13 ta’ Mejju 2008 u l-1 ta’ Lulju 2008, id-Danimarka ppreżentat stima tal-ispejjeż imġarrba fit-teħid tal-miżuri biex tinqered l-Influwenza tat-Tjur.

(10)

Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,