|
3.2.2009 |
MT |
Il-Ġurnal Uffiċjali ta’ l-Unjoni Ewropea |
L 33/8 |
REGOLAMENT TAL-KUMMISSJONI (KE) Nru 98/2009
tat-2 ta’ Frar 2009
li jdaħħal ċerti denominazzjonijiet fir-reġistru tad-denominazzjonijiet protetti tal-oriġini u tal-indikazzjonijiet ġeografiċi protetti (Aceite de La Alcarria (DPO), Radicchio di Verona (IĠP), Zafferano di Sardegna (DPO), Huîtres Marennes Oléron (IĠP))
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 510/2006 tal-20 ta' Marzu 2006 dwar il-protezzjoni tal-indikazzjonijiet ġeografiċi u tad-denominazzjonijiet tal-oriġini tal-prodotti agrikoli u l-oġġetti tal-ikel (1) [traduzzjoni mhux uffiċjali], u b'mod partikolari l-ewwel subparagrafu tal-Artikolu 7(4) tiegħu,
Billi:
|
(1) |
Skont l-Artikolu 6(2), l-ewwel subparagrafu, u b'applikazzjoni tal-Artikolu 17(2) tar-Regolament (KE) Nru 510/2006, it-talba ta’ Spanja għar-reġistrazzjoni tad-denominazzjoni “Aceite de La Alcarria”, it-talbiet tal-Italja għar-reġistrazzjoni tad-denominazzjonijiet “Radicchio di Verona” u “Zafferano di Sardegna”, kif ukoll it-talba ta’ Franza għar-reġistrazzjoni tad-denominazzjoni “Huîtres Marennes Oléron” ġew ippubblikati f’Il-Ġurnal Uffiċjali tal-Unjoni Ewropea (2). |
|
(2) |
Ġaladarba l-Kummissjoni ma rċeviet l-ebda dikjarazzjoni ta' oġġezzjoni skont l-Artikolu 7 tar-Regolament (KE) Nru 510/2006, dawn id-denominazzjonijiet għandhom ikunu rreġistrati, |
ADOTTAT DAN IR-REGOLAMENT:
Artikolu 1
Id-denominazzjonijiet li jidhru fl-Anness għal dan ir-Regolament huma b'dan irreġistrati.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 2 ta’ Frar 2009.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 93, 31.3.2006, p. 12.
(2) ĠU C 112, 7.5.2008, p. 39 (Aceite de La Alcarria), ĠU C 114, 9.5.2008, p. 11 (Radicchio di Verona), ĠU C 117, 14.5.2008, p. 39 (Zafferano di Sardegna), ĠU C 118, 15.5.2008, p. 35 (Huîtres Marennes Oléron).
ANNESS
Prodotti agrikoli għall-konsum mill-bniedem elenkati fl-Anness I tat-Trattat:
Klassi 1.5. Żjut u sustanzi xaħmin (butir, marġerina, żjut, eċċ.)
SPANJA
Aceite de La Alcarria (DPO)
Klassi 1.6. Frott, ħxejjex u ċereali pproċessati jew mhumiex
L-ITALJA
Radicchio di Verona (IĠP)
Klassi 1.7. Ħut, molluski, krustaċej friski u prodotti magħmulin minnhom
FRANZA
Huîtres Marennes Oléron (IĠP)
Klassi 1.8. Prodotti oħrajn tal-Anness I għat-Trattat (ħwawar, eċċ.)
L-ITALJA
Zafferano di Sardegna (DPO)