2001R2065 — MT — 01.05.2004 — 001.001

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

Emendat bi:

Emendat bi:

▼B

IR-REGOLAMENT TAL-KUMMISSJONI (KE) Nru 2065/2001

tat-22 ta' Ottubru 2001

li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 104/2000 rigward it-tagħrif lill-konsumatur dwar prodotti tas-sajd u akwakultura

(Test b'rilevanza għaż-ŻEE)

KAPITOLU I

Ambitu

Artikolu 1

Mingħajr preġudizzju għad-disposizzjonijiet applikabbli skond id-Direttiva 2000/13/EC tal-Parlament Ewropew u tal-Kunsill ( 3 ), dan ir-Regolament għandu jkun jgħodd għall-prodotti tas-sajd u akwakultura nklużi fil-listi u koperti bil-preżentazzjonijiet li jaqgħu taħt il-Kapitolu 3 tan-Nomenklatura Magħquda li huma mqiegħeda fis-suq fil-Komunita, irrispettivament mill-oriġini tagħhom, inklużi prodotti li jiġu pakkeġġati minn qabel.

KAPITOLU II

Tibdil fil-listi tad-deskrizzjonijiet kummerċjali u l-ħtiġijiet li jirregolaw it-tagħrif lill-konsumatur

Artikolu 2

1.  Kull speċi li ma tkunx inkluża fil-lista tad-deskrizzjonijiet kummerċjali aċċettata minn Stat Membru tista' titqiegħed taħt deskrizzjoni kummerċjali provviżorja stabbilita mill-awtorità kompetenti ta' Stat Membru. Deskrizzjoni kummerċjali definittiva nkluża fil-lista ta' deskrizzjonijiet aċċettati għandha titniżżel mill-Istat Membru fi żmien ħames xhur mid-data li fiha l-ispeċi in kwistjoni jingħata d-deskrizzjoni kummerċjali provviżorja.

2.  Kull tibdil fil-lista tad-deskrizzjonijiet kummerċjali aċċettata minn Stat Membru għandu jiġi notifikat minnufih lill-Kummissjoni, li għandha tavża b'dan lill-Istati Membri l-oħra.

Artikolu 3

Għall-finijiet ta' l-applikazzjoni ta' l-Artikolu 4(1)(a) tar-Regolament (KE) Nru 104/2000, id-deskrizzjoni kummerċjali ta' speċje għandha tkun kif stabbilita f'kull Stat Membru skond l-Artikolu 4(2) ta' dak ir-Regolament.

L-operaturi jisgħu wkoll jindikaw l-isem xjentifiku ta' l-speċi konċernati mal-bejgħ lill-konsumatur finali.

Artikolu 4

1.  Ir-referenza għall-metodu ta' produzzjoni skond l-Artikolu 4(1)(b) tar-Regolament (KE) Nru 104/2000 għandha tkun tikkonsisti f'waħda mill-espressjonijiet li ġejjin, skond jekk il-prodott in kwistjoni jkunx inqabad, fil-baħar jew fl-ilma ħelu, jew li rriżulta minn akwakultura:

▼A1

▼B

2.  Fil-każ ta' speċi maqbuda fil-baħar, l-Istati Membri jistgħu jawtorizzaw l-ommissjoni tar-referenza għall-metodu ta' produzzjoni mal-bejgħ lill-konsumatur finali bil-kondizzjoni li jkun ovvju mid-deskrizzjoni kummerċjali u ż-żona tal-qbid li jkunu speċi maqbuda mill-baħar. Awtorizzazzjoni ta' dan it-tip tista' ma' tingħatax jekk ikun hemm dubbju dwar il-metodu ta' produzzjoni.

3.  Għall-finijiet ta' l-indikazzjoni tal-metodu ta' produzzjoni, il-prodotti mrobbija għandhom ikunu dawk li jirriżultaw mill-akwakultura kif deskritta fil-paragrafu 2.2(a) ta' l-Anness III għar-Regolament tal-Kunsill (KE) Nru 2792/1999 ( 4 ).

Artikolu 5

1.  L-indikazzjoni taż-żona tal-qbid skond l-Artikolu 4(1)(c) tar-Regolament (KE) Nru 104/2000 għandha tkun tikkonsisti f'dan li ġej:

2.  L-operaturi jistgħu jindikaw iż-żona tal-qbid aktar preciża.

Artikolu 6

1.  Fejn tiġi offruta għal-bejgħ kombinazzjoni ta' speċi differenti, l-indikazzjonijiet li ssir riferenza għalihom fl-Artikolu 4(1) tar-Regolament (KE) Nru 104/2000 għandhom jiġu provduti għal kull speċje.

2.  Fejn tiġi offruta għall-bejgħ kombinazzjoni magħmula mill-istess speċje iżda li tkun ġejja minn metodi varji ta' produzzjoni, il-metodu ta' kull lott għandu jiġi ndikat. Fejn tiġi offruta għall-bejgħ kombinazzjoni li tkun tikkonsisti fl-istess speċje iżda li tkun ġejja minn varjetà ta' żoni ta' qbid jew pajjiżi ta' trobbija tal-ħut, għandha tiġi dikjarata ta' l-anqas iż-żona tal-grupp li jkun l-aktar rappreżentattiv f'termini ta' kwantità, flimkien ma' indikazzjoni li l-prodotti ġejjin ukoll minn żoni differenti ta' qbid u ta' trobbija tal-ħut.

Artikolu 7

Għall-finijiet ta' l-applikazzjoni ta' l-Artikolu 4(1) tar-Regolament (KE) Nru 104/2000, kull Stat Membru għandu jistabbilixxi il-kwantitajiet żgħar ta' prodotti li jinbiegħu dirett lill-konsumatur, bil-kondizzjoni li dawn ma jeċċedux il-valur ta' EUR 20 għal kull xirja. Dawn il-kwantitajiet żgħar jistgħu jigu biss min-negozju tal-bejjiegħ stess.

KAPITOLU III

Rintraċċabbiltà u kontroll

Artikolu 8

L-informazzjoni meħtieġa dwar id-deskrizzjoni kummerċjali, il-metodu ta' produzzjoni u żożna tal-qbid għandhom ikunu disponibbli f'kull stadju tat-tqegħid fis-suq ta' l-ispeċji konċernati. Din l-informazzjoni flimkien ma' l-isem xjentifiku ta' l-ispeċi konċernati għandhom jiġi provduti permezz ta' l-ittikkettjar jew l-ippakkeġġar tal-prodott, jew permezz ta' dokument kummerċjali li jakkumpanja l-oġġetti, nkluża l-fattura.

Artikolu 9

1.  l-Istati Membri għandhom jistabbilixxu l-arranġamenti għall-verifika ta' l-applikazzjoni ta' l-Artikolu 8.

2.  l-Istati Membri għandhom jinnotifikaw lill-Kummissjoni, malli dawn jiġu addottati u sal-31 ta' Marzu 2002 l-aktar tard, bil-miżuri meħuda taħt il-paragrafu 1. L-Istati Membri għandhom jinnotifikaw lill-Kummissjoni sal-31 ta' Marzu 2002 l-aktar tard bil-miżuri eżistenti li jikkonformaw mal-ħtiġijiet ta' l-Artikolu 8.

KAPITOLU IV

Disposizzjonijiet finali

Artikolu 10

Dan ir-Regolament għandu jidħol fis-seħħ fis-seba' jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej.

Għandu jkun jgħodd mill-1 ta' Jannar 2002. Iżda, prodotti mqiegħeda fis-suq jew tikkettjati qabel dik id-data u pakketti li ma jikkonformawx ma' dan ir-Regolament jistgħu jitqegħdu fis-suq sakemm il-ħażniet jintużaw kollha.

Dan ir-Regolament għandu jkun jorbot fl-intier tiegħu u japplika direttament fl-Istati Membri kollha.

ANNESS

( 1 ) ĠU L 17, tal-21.1.2000, p. 22.

( 2 ) ĠU L 132, tal-15.5.2001, p. 10.

( 3 ) ĠU L 109, tas-6.5.2000, p. 29.

( 4 ) ĠU L 337, tat-30.12.1999, p. 10.