1.   Gearrfar táille mhaoirseachta bhliantúil ar DRSP atá faoi réir mhaoirseacht ESMA.

2.   Déanfar an táille mhaoirseachta bhliantúil iomlán agus an táille mhaoirseachta bhliantúil ar DRSP áirithe a ríomh mar a leanas:

3.   I gcás ar bith, ní íocfaidh APA nó ARM arna údarú ag ESMA táille mhaoirseachta is lú ná EUR 30 000.

I gcás ina bhfuil eintiteas faoi réir táillí maoirseachta íosta maidir le níos mó na seirbhís tuairiscithe sonraí amháin, íocfaidh sé an táille mhaoirseachta íosta as gach seirbhís a chuirtear ar fáil.

4.   De mhaolú ar mhír 2 agus mír 3 déanfar an táille chéad bhliana a ríomh tríd an táille údarúcháin dá dtagraítear in Airteagal 2(1), pointe (b), a laghdú le fachtóir arb ionann é agus na laethanta idir an t-údarú agus deireadh na bliana arna roinnt ar líon iomlán na laethanta sa bhliain sin. As sin amach déanfar é a ríomh mar a leanas:

Táille chéad bhliana soláthraí seirbhísí tuairiscithe sonraí = Íosmhéid (Táille údarúcháin, Táille údarúcháin * Comhéifeacht)

I gcás ina n-údaraítear DRSP le linn mhí na Nollag ní íocfaidh sé an táille mhaoirseachta chéad bhliana.

5.   De mhaolú ar mhír 2 agus ar mhír 3, i gcás inarb é a thagann as an athmheasúnú dá dtagraítear in Airteagal 1(3) de Rialachán Tarmligthe (AE) 2022/466 maolú ar mhaoirseacht ESMA ar DRSP, déanfar an táille bhliantúil mhaoirseachta le haghaidh na bliana ina mbeidh feidhm ag an maolú, déanfar í a ríomh le haghaidh na 5 mhí sa bhliain sin agus le haghaidh na 5 mhí sin amháin sa bhliain sin ar lena linn a leanfaidh ESMA de bheith ina mhaoirseoir ar DRSP i gcomhréir le hAirteagal 1(4), de Rialachán Tarmligthe (AE) 2022/466.

1.   Coinneoidh DRSPanna cuntais iniúchta chun críocha an Rialacháin seo ina ndéanfar idirdhealú idir na nithe seo a leanas:

2.   Is é a bheidh i láimhdeachas is infheidhme DRSP le haghaidh bliain áirithe (n) suim na nithe seo a leanas:

3.   I gcás nach n-oibríonn soláthraí seirbhísí tuairiscithe sonraí ar feadh na bliana iomláine (n-2), déanfar a láimhdeachas is infheidhme a mheas de réir na foirmle a leagtar amach i mír 2 trí eachtarshuí i leith an tsoláthraí seirbhísí tuairiscithe sonraí a dhéanamh ar na luachanna arna ríomh i leith líon na míonna ar lena linn a d’oibrigh an soláthraí seirbhísí tuairiscithe sonraí sa bhliain (n-2) ar bhonn na bliana iomláine (n-2).

4.   Déanfaidh DRSPanna, ar bhonn bliantúil, cuntais iniúchta dá dtagraítear i mír 1 a chur ar fáil do ESMA. Déanfar na doiciméid sin a thíolacadh chuig ESMA trí mheán leictreonach tráth nach déanaí ná an 30 Meán Fómhair gach bliain (n-1). Má dhéantar DRSP a údarú tar éis an 30 Meán Fómhair cuirfidh sé na figiúirí láithreach tar éis údarú a fháil agus faoi dheireadh bhliain an údaraithe.

1.   Is in euro a bheidh na táillí uile iníoctha. Íocfar iad mar a shonraítear in Airteagal 6 agus Airteagal 7.

2.   Tabhófar le haon íocaíochtaí déanacha an t-ús mainneachtana a leagtar síos in Airteagal 99 de Rialachán (AE, Euratom) 2018/1046 ó Pharlaimint na hEorpa agus ón gComhairle (4).

1.   Beidh na táillí ar iarratas, údarú nó síneadh a chur le húdarú iníoctha tráth a dhéanfaidh DRSP iarratas agus íocfar iad ina n-iomláine laistigh de 30 lá ón dáta a eiseofar sonrasc ESMA.

2.   Nuair a chinnfidh DRSP a iarratas ar údarú a tharraingt siar sula nglacfaidh ESMA a chinneadh réasúnaithe údarú a dhéanamh nó a dhiúltú, ní dhéanfar na táillí iarratais nó na táillí údaraithe a aisíoc.

1.   An táille mhaoirseachta bhliantúil dá dtagraítear in Airteagal 3, beidh sé iníoctha ag tús gach bliana féilire agus íocfar í ina hiomláine le ESMA sna chéad 3 mhí den bhliain sin. Cuirfidh ESMA sonrasc isteach ina sonrófar méid iomlán na táille maoirseachta 30 lá ar a dhéanaí roimh an dáta íocaíochta deiridh. Déanfar na táillí a ríomh ar bhonn na faisnéise is déanaí atá ar fáil maidir le táillí bliantúla.

2.   Nuair a chinnfidh DRSP a údarú a tharraingt siar ní aisíocfar an táille mhaoirseachta bhliantúil.

1.   I gcás ina ndéanann ESMA cúraimí a tharmligean chuig údaráis inniúla náisiúnta, maidir le costais a thabhófar le linn dó cúraimí maoirseachta arna tharmligean ag ESMA a dhéanamh, ní dhéanfaidh an t-údarás inniúil náisiúnta na costais sin a aisghabháil go díreach ón DRSP.

2.   Maidir leis na costais iarbhír a thabhófar de thoradh obair a dhéantar de bhun Rialachán (AE) Uimh. 600/2014, go háirithe de thoradh aon chúram a tharmligtear de bhun Airteagal 38o de Rialachán (AE) Uimh. 600/2014, ní dhéanfaidh ESMA aisíocaíocht leis an údarás inniúil as na costais sin.

3.   Áiritheoidh ESMA go gcomhlíonfar leis na costais atá le haisíoc leis na húdaráis inniúla náisiúnta na coinníollacha seo a leanas:

4.   Déanfar aon tarmligean cúraimí ag ESMA chuig údaráis inniúla náisiúnta a chinneadh ar bhonn neamhspleách, féadfar é a chúlghairm tráth ar bith agus ní bheidh tionchar aige ar mhéid na dtáillí a ghearrfar ar DRSP ar leith.

1.   Chun an táille mhaoirseachta bhliantúil is infheidhme maidir le DRSPanna faoi mhaoirseacht ESMA le haghaidh na bliana 2022 a ríomh, baileoidh ESMA táille shocraithe, bunaithe ar na ríomhanna seo a leanas:

2.   Cuirfidh ESMA ar fáil do na APAnna agus na ARManna lena mbaineann sonrasc ina sonrófar méid iomlán na dtáillí le haghaidh 2022 a luaithe is féidir go praiticiúil tar éis don Rialachán seo teacht i bhfeidhm, agus 30 lá roimh an dáta íocaíochta deiridh ar a dhéanaí.

1.   Maidir le DRSPanna arna maoirsiú ag ESMA ón 1 Eanáir 2023 ar aghaidh, gearrfar táille bhliantúil mhaoirseachta le haghaidh 2023 arna ríomh i gcomhréir le hAirteagal 3. Mar sin féin, chun críocha Airteagal 4(2), déanfar an láimhdeachas is infheidhme le haghaidh DRSPanna a ríomh i gcomhréir le mír 2.

2.   Chun críocha mhír 1, is é a bheidh i láimhdeachas DRSP is infheidhme suim an mhéid seo a leanas:

Cuirfidh DRSPanna, faoin 30 Meán Fómhair 2022, ESMA ar an eolas faoi mhéid na n-ioncam a ghintear ó na príomhfheidhmeanna maidir le seirbhísí ARM nó APA a sholáthar sna chéad 6 mhí de 2022 agus faoi mhéid na n-ioncam a ghintear ó sheirbhísí coimhdeacha do ghníomhaíochtaí ARM nó APA sna chéad 6 mhí de 2022.

3.   A luaithe a bheidh na cuntais iniúchta don bhliain 2022 ar fáil, tuairisceoidh an DRSP dá dtagraítear i mír 1 na cuntais iniúchta sin a thuairisciú do ESMA i gcomhréir le hAirteagal 4(1).

4.   Déanfaidh ESMA a ríomh an bhfuil aon difríocht idir an táille mhaoirseachta bhliantúil le haghaidh na bliana 2023 a íocfaidh DRSP i gcomhréir le mír 2 agus an táille mhaoirseachta bhliantúil a bheidh dlite don bhliain 2023 a ríomhfar ar bhonn na gcuntas iniúchta a gheofar i gcomhréir le mír 3.

5.   Cuirfidh ESMA chéad sonrasc ina sonrófar méid na táille maoirseachta le haghaidh 2023 dá dtagraítear i mír 2 ar fáil do na DRSPanna 30 lá ar a dhéanaí roimh an dáta íocaíochta deiridh.

Nuair a bheidh an fhaisnéis dá dtagraítear i mír 3 ar fáil le haghaidh na DRSPanna uile, cuirfidh ESMA ar fáil do na DRSPanna an dara sonrasc ina sonrófar méid deiridh na táille maoirseachta le haghaidh 2023 bunaithe ar an ríomh dá dtagraítear i mír 4. Déanfaidh ESMA an sonrasc sin a sholáthar do na DRSPanna ar a dhéanaí 30 lá roimh dháta na híocaíochta deiridh.