1.9.2020   

MT

Il-Ġurnal Uffiċjali tal-Unjoni Ewropea

C 289/2


Notifika minn qabel ta’ konċentrazzjoni

(Il-Każ M.9910 — Mapfre Group/Santander Group/Popular Seguros JV)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 289/02)

1.   

Fil-21 ta’ Awwissu 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—

Mapfre S.A., u s-sussidjarji tagħha (“Mapfre Group”, Spanja),

—

Banco Santander, S.A., u s-sussidjarji tagħha (“Santander Group”, Spanja),

—

Popular Seguros – Companhia de Seguros, S.A. (“Popular JV”, il-Portugall), ikkontrollata mis-Santander Group.

Mapfre Group u Santander Group jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Popular JV.

Il-konċentrazzjoni hija mwettqa permezz tax-xiri ta’ ishma.

2.   

L-attivitajiet kummerċjali tal-impriżi kkonċernati huma:

—

Mapfre Group: attivitajiet ta’ assikurazzjoni u riassikurazzjoni f’45 pajjiż, fosthom il-Portugall, Spanja u pajjiżi oħra fl-Ewropa u madwar id-dinja,

—

Santander Group: servizzi bankarji għall-konsumatur, servizzi bankarji korporattivi, servizzi bankarji ta’ investiment, ġestjoni tal-assi u tat-teżor madwar l-Ewropa, kif ukoll fl-Istati Uniti tal-Amerka, l-Amerka Latina u l-Asja,

—

Popular JV: il-provvista ta’ assikurazzjoni mhux fuq il-ħajja fil-Portugall.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9910 — Mapfre Group/Santander Group/Popular Seguros JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks: +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.