IL-KUMMISSJONI EWROPEA

Brussell, 8.7.2021

COM(2021) 377 final

2021/0188(NLE)

Proposta għal

REGOLAMENT TAL-KUNSILL

li jemenda r-Regolament tal-Kunsill (UE) 2019/440 dwar l-allokazzjoni ta’ opportunitajiet tas-sajd skont il-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk u tal-Protokoll ta’ Implimentazzjoni tiegħu

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

•Konsistenza mad-dispożizzjonijiet ta’ politika eżistenti fil-qasam ta’ politika

•Konsistenza ma’ politiki oħra tal-Unjoni

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

Il-bażi ġuridika hija l-Artikolu 43(3) tat-Trattat dwar il-Funzjonament tal-Unjoni Ewropea, li jipprevedi li l-Kunsill, fuq proposta tal-Kummissjoni, għandu jadotta l-miżuri dwar l-allokazzjoni tal-opportunitajiet tas-sajd.

Din l-emenda tikkonċerna l-leġiżlazzjoni eżistenti u tikkonforma mal-istess prinċipji ġuridiċi bħar-Regolament inkwistjoni.

•Is-sussidjarjetà (għall-kompetenza mhux esklużiva)

Il-qasam ta’ politika huwa qasam li jaqa’ taħt il-kompetenza esklużiva tal-Unjoni.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

4.IMPLIKAZZJONIJIET BAĠITARJI

L-abbozz tar-Regolament ma għandu l-ebda impatt fuq il-baġit tal-Unjoni.

5.ELEMENTI OĦRA

2021/0188 (NLE)

Proposta għal

REGOLAMENT TAL-KUNSILL

li jemenda r-Regolament tal-Kunsill (UE) 2019/440 dwar l-allokazzjoni ta’ opportunitajiet tas-sajd skont il-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk u tal-Protokoll ta’ Implimentazzjoni tiegħu

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,

Wara li kkunsidra l-proposta tal-Kummissjoni Ewropea,

Billi:

(1)Fl-4 ta’ Marzu 2019, il-Kunsill adotta d-Deċiżjoni (UE) 2019/441 dwar il-konklużjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk (“Il-Ftehim dwar is-Sajd”) u tal-Protokoll ta’ Implimentazzjoni tiegħu (“Il-Protokoll”) 4 ,

(2)Fid-29 ta’ Novembru 2018, il-Kunsill adotta r-Regolament (UE) Nru 2019/440 dwar l-allokazzjoni ta’ opportunitajiet tas-sajd skont il-Ftehim dwar is-Sajd (minn hawn ’il quddiem “ir-Regolament tal-Kunsill (UE) 2019/440”) 5 ,

(3)L-Artikolu 1 tar-Regolament tal-Kunsill (UE) 2019/440 jalloka opportunitajiet tas-sajd lill-Istati Membri, fost l-oħrajn fil-kategorija 6 — Is-sajd industrijali għall-ispeċijiet pelaġiċi, inkluż ir-Renju Unit tal-Gran Brittanja u l-Irlanda ta’ Fuq.

(4)Skont il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika, mill-1 ta’ Frar 2020, ir-Renju Unit m’għadux Stat Membru tal-Unjoni u l-perjodu ta’ tranżizzjoni previst f’dak il-Ftehim intemm fil-31 ta’ Diċembru 2020. Għalhekk, jenħtieġ li l-opportunitajiet tas-sajd allokati lir-Renju Unit jiġu riallokati lill-Istati Membri mill-1 ta’ Jannar 2021.

(5)Jenħtieġ li din ir-riallokazzjoni tkun trasparenti u proporzjonali għall-allokazzjoni tal-kwota oriġinali.

(6)Għalhekk, jenħtieġ li r-Regolament tal-Kunsill (UE) Nru 2019/440 jiġi emendat skont dan.

(7)Minħabba l-impatt tiegħu fuq l-attivitajiet tas-sajd fl-2021, jenħtieġ li dan ir-Regolament japplika mill-1 ta’ Jannar 2021.

(8)Filwaqt li titqies l-urġenza marbuta mal-applikazzjoni retroattiva ta’ dan ir-Regolament, jenħtieġ li dan jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

ADOTTA DAN IR-REGOLAMENT:

Artikolu 1

L-Artikolu 1, il-paragrafu 1 tar-Regolament tal-Kunsill (UE) 2019/440 huwa sostitwit b’dan li ġej:

1.   L-opportunitajiet tas-sajd stabbiliti bis-saħħa tal-Protokoll ta’ Implimentazzjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk (“il-Ftehim dwar is-Sajd”) għandhom jiġu allokati fost l-Istati Membri kif ġej:

Kategorija tas-sajd	Tip ta’ bastiment	Stat Membru	Liċenzji jew kwota
1/ Sajd fuq skala żgħira fit-Tramuntana, speċijiet pelaġiċi	Bastimenti tas-sajd bit-tartaruni < 150 tunnellaġġ gross (TG)	Spanja	22
2/ Sajd fuq skala żgħira fit-Tramuntana	Bastimenti tas-sajd bil-konz tal-qiegħ < 40 TG	Spanja	25
		Il-Portugall	7
	Bastimenti tas-sajd bil-konz tal-qiegħ ≥ 40 TG < 150 TG	Il-Portugall	3
3/ Sajd fuq skala żgħira fin-Nofsinhar	Qasba u xlief < 150 TG kull bastiment Total ≤ 800 TG	Spanja	10
4/ Sajd tal-qiegħ	Bastimenti tas-sajd bil-konz tal-qiegħ ≤ 150 TG	Spanja	7
		Il-Portugall	4
	Bastimenti tat-tkarkir ≤ 750 TG Total ≤ 3 000 TG	Spanja	5
		L-Italja	0
5/ Sajd għat-tonn	Bastimenti bil-qasab u x-xlief	Spanja	23
		Franza	4
6/ Sajd industrijali għall-ispeċijiet pelaġiċi	85 000 tunnellata (t) fl-2019 90 000 t fl-2020 100 000 t kull sena fl-2021 u fl-2022 Distribuzzjoni tal-bastimenti awtorizzati li jistadu:   10 bastimenti ≥ 3 000 TG u < 7 765 TG   4 bastimenti ≥ 150 u < 3 000 TG   4 bastimenti < 150 TG	2019: 85 000 t
		Il-Ġermanja	6 871.2 t
		Il-Litwanja	21 986.3 t
		Il-Latvja	12 367.5 t
		In-Netherlands	26 102.4 t
		L-Irlanda	3 099.3 t
		Il-Polonja	4 807.8 t
		Ir-Renju Unit	4 807.8 t
		Spanja	496.2 t
		Il-Portugall	1 652.2 t
		Franza	2 809.3 t
		2020: 90 000 t
		Il-Ġermanja	7 275.4 t
		Il-Litwanja	23 279.6 t
		Il-Latvja	13 095.0 t
		In-Netherlands	27 637.9 t
		L-Irlanda	3 281.6 t
		Il-Polonja	5 090.6 t
		Ir-Renju Unit	5 090, 6 t
		Spanja	525.4 t
		Il-Portugall	1 749.4 t
		Franza	2 974.5 t
		2021 u 2022: 100 000 t kull sena
		Il-Ġermanja	8 568.4 t
		Il-Litwanja	27 417 t
		Il-Latvja	15 422.3 t
		In-Netherlands	32 549.8 t
		L-Irlanda	3 864.9 t
		Il-Polonja	5 995.4 t
		Spanja	618.8 t
		Il-Portugall	2 060.3 t
		Franza	3 503.1 t

Artikolu 2

Dan ir-Regolament għandu jidħol fis-seħħ fl-ewwel jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu japplika mill-1 ta’ Jannar 2021.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

(1)    Il-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk (ĠU L 77, 20.3.2019, p. 8).

(2)    Ir-Regolament tal-Kunsill (UE) 2019/440 tad-29 ta’ Novembru 2018 dwar l-allokazzjoni ta’ opportunitajiet tas-sajd skont il-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk u tal-Protokoll ta’ Implimentazzjoni tiegħu (ĠU L 77, 20.3.2019, p. 1).

(3)    Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 7).

(4)    Id-Deċiżjoni tal-Kunsill (UE) 2019/441 tal-4 ta’ Marzu 2019 dwar il-konklużjoni tal-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk, tal-Protokoll ta’ Implimentazzjoni tiegħu u tal-iskambju ta’ ittri li jakkumpanja l-Ftehim. ĠU L 77, 20.3.2019, p. 4–7.

(5)    Ir-Regolament tal-Kunsill (UE) 2019/440 tad-29 ta’ Novembru 2018 dwar l-allokazzjoni ta’ opportunitajiet tas-sajd skont il-Ftehim ta’ Sħubija dwar is-Sajd Sostenibbli bejn l-Unjoni Ewropea u r-Renju tal-Marokk u tal-Protokoll ta’ Implimentazzjoni tiegħu. ĠU L 77, 20.3.2019, p. 1–3.