11.4.2023   

MT

Il-Ġurnal Uffiċjali tal-Unjoni Ewropea

C 126/5


Avviż minn qabel ta’ konċentrazzjoni

(Kawża M.11068 – RLBNW / ASM / BETA PURA)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2023/C 126/04)

1.   

Fit-28 ta’ Marzu 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—

Raiffeisenlandesbank Niederösterreich-Wien AG (“RLBNW”) (l-Awstrija), ikkontrollata minn Raiffeisen-Holding Niederösterreich-Wien reg.Gen.m.b.H. (l-Awstrija),

—

AGRANA Sales &Marketing GmbH (“ASM”) (l-Awstrija), ikkontrollata minn AGRANA Beteiligungs-Aktiengesellschaft (l-Awstrija),

—

Beta Pura GmbH (“Beta Pura”) (l-Awstrija), ikkontrollata minn ASM u Amalgamated Sugar Company (l-Istati Uniti tal-Amerka).

RLBNW u ASM jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll konġunt ta’ Beta Pura GmbH.

Il-konċentrazzjoni titwettaq permezz ta’ xiri ta’ ishma.

2.   

L-attivitajiet kummerċjali tal-impriżi kkonċernati huma dawn li ġejjin:

—

RLBNW huwa bank universali Awstrijak li huwa membru tal-Grupp Bankarju Awstrijak Raiffeisen,

—

ASM hija sussidjarja ta’ AGRANA Beteiligungs-Aktiengesellschaft, li n-negozju tagħha huwa maqsum fi tliet segmenti: zokkor, lamtu u frott. Il-firxa taz-zokkor tinkludi firxa wiesgħa ta’ zokkor u prodotti inċidentali, bħall-melassa, il-polpa tal-pitravi u komponenti oħra tal-għalf,

—

Beta Pura topera impjant tal-kristallizzazzjoni tal-betaina li tipproċessa l-betaina likwida naturali f’betaina kristallina naturali u prodotti inċidentali.

3.   

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita f’dan l-Avviż.

4.   

Il-Kummissjoni tistieden lil partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn 10 ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:

M.11068 – RLBNW / ASM / BETA PURA

Il-kummenti jistgħu jintbagħtu lill-Kummissjoni permezz tal-posta elettronika jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.