|
20.1.2022 |
GA |
Iris Oifigiúil an Aontais Eorpaigh |
C 29/46 |
Réamhfhógra faoi chomhchruinniú
(Cás M.10564 — APOLLO / MISSGUIDED)
Cás a d’fhéadfaí a chur faoin nós imeachta simplithe
(Téacs atá ábhartha maidir le LEE)
(2022/C 29/08)
1.
An 13 Eanáir 2022 fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1) agus tar éis tarchur de bhun Airteagal 4(5) den Rialachán sin.Baineann an fógra seo leis na gnóthais seo a leanas:
|
— |
Alteri Investments II SC (“Alteri”) (Lucsamburg), faoi rialú Apollo Management L.P. (Stáit Aontaithe Mheiriceá), |
|
— |
Nakai Investments Limited, (“Nakai Investments”) (Ógh-Oileáin na Breataine), faoi rialú an Uasail Rajib Passi, |
|
— |
Missguided Limited (“Missguided”) (an Ríocht Aontaithe), faoi rialú an Uasail Rajib Passi. |
Faigheann Alteri agus Nakai Investments rialú comhpháirteach ar Missguided Limited de réir bhrí Airteagail 3(1)(b) agus 3(4) den Rialachán um Chumaisc.
Baintear an comhchruinniú amach trí bhíthin ceannach scaireanna i gcuideachta nuachruthaithe ar comhfhiontar í.
2.
Is iad seo a leanas gníomhaíochtaí gnó na ngnóthas lena mbaineann:|
— |
i gcás Alteri: Is fochuideachta de Apollo é Alteri. Déanann Apollo bainistíocht ar infheistíochtaí i gcuideachtaí ar fud an domhain atá gníomhach in earnálacha éagsúla, lena n-áirítear ola agus gás, miondíol, agus teicneolaíocht faisnéise. Rialaíonn sé freisin Walz Group agus CBR Group, atá gníomhach inter alia i ndearadh, mórdhíol agus miondíol éadaí na mban. |
|
— |
i gcás Nakai Investments: Is cuideachta é Nakai Investments atá i seilbh go hindíreach agus go hiomlán ag an Uasal Rajib Passi. Rialaíonn an tUasal Rajib Passi By Design LLC freisin, ar grúpa mórdhíola éadaí faisin é atá gníomhach sna Stáit Aontaithe. |
|
— |
i gcás Missguided: Is miondíoltóir ar líne (ríomhthráchtáil) é Missguided atá lonnaithe sa Ríocht Aontaithe agus atá gníomhach ar fud an domhain. Tá sé gníomhach i soláthar miondíola agus mórdhíola éadaí, coisbheart, agus táirgí “sláinte agus áilleachta”. Faoi láthair is faoi rialú an Uasail Rajib Passi amháin atá Missguided, agus is leis an Uasal Passi 100 % de Missguided trí bhíthin R Holding Company Limited (“R Holding”, Ógh-Oileáin na Breataine) agus Nakai Investments. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.De bhun an Fhógra ón gCoimisiún maidir le nós imeachta simplithe i dtaca le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2) ba cheart a thabhairt faoi deara go bhféadfaí an cás seo a chur faoin nós imeachta a leagtar amach san Fhógra.
4.
Iarrann an Coimisiún ar thríú páirtithe leasmhara aon bharúil a d’fhéadfadh a bheith acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta foilsithe an fhoilseacháin seo. Ba cheart an tagairt seo a leanas a lua i gcónaí:
M.10564 — APOLLO / MISSGUIDED
Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:
Ríomhphost: COMP-MERGER-REGISTRY@ec.europa.eu
Facs +32 22964301
Seoladh poist:
|
An Coimisiún Eorpach |
|
Ard-Stiúrthóireacht na hIomaíochta |
|
Clárlann na gCumasc |
|
1049 Bruxelles/Brussel |
|
BELGIQUE/BELGIË |
(1) IO L 24, 29.1.2004, lch. 1 (an “Rialachán um Chumaisc”).