(1)

Glacadh Rialachán (AE) 2018/1727 ó Pharlaimint na hEorpa agus ón gComhairle (1) an 14 Samhain 2018 agus tá feidhm aige ón 12 Nollaig 2019.

(2)

De bhun Airteagal 52 de Rialachán (AE) 2018/1727, féadfaidh Gníomhaireacht an Aontais Eorpaigh um Cheartais Coiriúil (Eurojust) comhar a bhunú agus a choinneáil ar bun le húdaráis de chuid tríú tíortha agus eagraíochtaí idirnáisiúnta. Chun na críche sin, tá Eurojust le straitéis um chomhar a ullmhú gach 4 bliana, i gcomhairle leis an gCoimisiún, ar straitéis í a léireoidh go beacht na tríú tíortha agus na heagraíochtaí idirnáisiúnta a bhfuil gá oibríochtúil ann oibriú i gcomhar leo. Dá réir sin, i gcomhairle leis an gCoimisiún, ghlac Eurojust, i mí an Mhárta 2024, Straitéis Eurojust maidir le Comhar le Comhpháirtithe Idirnáisiúnta 2024-2027 (‘Straitéis Eurojust don tréimhse 2024-2027’).

(3)

Leagtar amach i Rialachán (AE) 2018/1727, go háirithe Airteagal 56 de, na prionsabail ghinearálta maidir le sonraí pearsanta a aistriú ó Eurojust chuig tríú tíortha agus chuig eagraíochtaí idirnáisiúnta. Féadfaidh Eurojust sonraí pearsanta a aistriú chuig tríú tír, bunaithe ar chomhaontú idirnáisiúnta, tugtha i gcrích idir an tAontas agus an tríú tír sin de bhun Airteagal 218 den Chonradh ar Fheidhmiú an Aontais Eorpaigh (CFAE), lena ndéantar foráil maidir le coimircí leormhaithe i dtaobh príobháideachas agus cearta agus saoirsí bunúsacha daoine aonair a chosaint.

(4)

Ba cheart tús a chur leis an gcaibidlíocht d’fhonn comhaontuithe a thabhairt i gcrích idir an tAontas Eorpach agus an Bholaiv, Ceanada, an tSile, Cósta Ríce, Eacuadór, Panama, Peiriú agus Aontas na nÉimíríochtaí Arabacha maidir le comhar idir Gníomhaireacht an Aontais Eorpaigh um Chomhar Ceartais Choiriúil (Eurojust) agus na húdaráis inniúla maidir le comhar idir Gníomhaireacht an Aontais Eorpaigh um Chomhar Ceartais Choiriúil (Eurojust) agus údaráis inniúla na dtríú Stát sin in ábhair choiriúla (‘na Comhaontuithe’). Roghnaíodh na tíortha sin ar bhonn measúnú ar riachtanais oibríochtúla a sainaithníodh i Straitéis Eurojust don tréimhse 2024-2027, an gá atá le comhsheasmhacht a áirithiú sa chaidreamh idir gníomhaireachtaí agus comhlachtaí Ceartais agus Gnóthaí Baile de chuid an Aontais leis na tíortha sin, agus na leasanna straitéiseacha a bhaineann le slándáil an Aontais, go háirithe i réimsí na coireachta eagraithe agus na gáinneála ar dhrugaí.

(5)

Leis na Comhaontuithe, ba cheart bunúis dlí a sholáthar chun sonraí pearsanta a mhalartú go córasach leis na tríú tíortha comhpháirtíochta lena mbaineann agus chun ionchúisitheoirí idirchaidrimh ó na tíortha sin a thabhairt ar iasacht do Eurojust, ós rud é nach bhfuil uirlisí den sórt sin ar fáil trí shocruithe oibre Eurojust féin.

(6)

Ba cheart don Choimisiún, i gcás inar gá, dul i gcomhairle leis an Maoirseoir Eorpach ar Chosaint Sonraí (MECS), lena n-áirítear le linn chaibidlíocht na gComhaontuithe, agus, in aon chás, ba cheart dó dul i gcomhairle le MECS sula dtabharfar na Comhaontuithe i gcrích.

(7)

Leis na Comhaontuithe, ba cheart na cearta agus na saoirsí bunúsacha a urramú, agus na prionsabail a aithnítear i gCairt um Chearta Bunúsacha an Aontais Eorpaigh a chomhlíonadh, go háirithe an ceart go n-urramófaí an saol príobháideach agus saol an teaghlaigh, ceart a aithnítear in Airteagal 7 de, an ceart go ndéanfar sonraí pearsanta a chosaint, ceart a aithnítear in Airteagal 8 de, agus an ceart chun leighis éifeachtaigh agus chun trialach cothroime, ceart a aithnítear in Airteagal 47 de. Ina theannta sin, toirmisctear aon mhalartú faisnéise as a n-eascraíonn íde nó pionós atá mídhaonna nó táireach, nó a bhaineann le pionós an bháis a fhorchur. Ba cheart feidhm a bheith ag na Comhaontuithe i gcomhréir leis na cearta agus na prionsabail sin.

(8)

Leis na Comhaontuithe, níor cheart difear a dhéanamh d’aistriú sonraí pearsanta ná do chineálacha eile comhair idir na húdaráis atá freagrach as an tslándáil náisiúnta a chosaint, agus níor cheart dochar a dhéanamh d‘aistriú ná comhar den sórt sin.

(9)

Tá Éire faoi cheangal ag Rialachán (AE) 2018/1727 agus, dá bhrí sin, tá sí rannpháirteach i nglacadh an Chinnidh seo.

(10)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, atá i gceangal leis an gConradh ar an Aontas Eorpach agus le CFAE, níl an Danmhairg rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm.

(11)

Chuathas i gcomhairle le MECS maidir leis an gCinneadh seo agus maidir leis an aguisín a ghabhann leis agus d’eisigh MECS tuairim an 20 Deireadh Fómhair 2026,