|
Il-Ġurnal Uffiċjali |
MT Is-serje L |
|
2025/848 |
7.5.2025 |
REGOLAMENT TA’ IMPLIMENTAZZJONI TAL-KUMMISSJONI (UE) 2025/848
tas-6 ta’ Mejju 2025
li jistabbilixxi regoli għall-applikazzjoni tar-Regolament (UE) Nru 910/2014 tal-Parlament Ewropew u tal-Kunsill fir-rigward tar-reġistrazzjoni tal-partijiet dipendenti fuq kartiera
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 910/2014 tal-Parlament Ewropew u tal-Kunsill tat-23 ta’ Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (1), b’mod partikolari l-Artikolu 5b(11) tiegħu,
Billi:
|
(1) |
Għall-finijiet tar-reġistrazzjoni ta’ partijiet dipendenti li jkun beħsiebhom jistrieħu fuq il-Kartieri Ewropej tal-Identità Diġitali (“kartieri”) biex jipprovdu servizzi pubbliċi jew privati, kif jeżiġi r-Regolament (UE) Nru 910/2014, l-Istati Membri jenħtieġ li jistabbilixxu u jżommu reġistri nazzjonali tal-partijiet dipendenti fuq kartiera stabbiliti fit-territorju tagħhom. |
|
(2) |
Il-Kummissjoni tivvaluta teknoloġiji, prattiki, standards u speċifikazzjonijiet tekniċi ġodda b’mod regolari. Biex ikun żgurat l-ogħla livell ta’ armonizzazzjoni fost l-Istati Membri għall-iżvilupp u ċ-ċertifikazzjoni tal-kartieri, l-ispeċifikazzjonijiet tekniċi stabbiliti f’dan ir-Regolament jiddependu fuq il-ħidma mwettqa skont ir-Rakkomandazzjoni tal-Kummissjoni (UE) 2021/946 (2) u b’mod partikolari l-Arkitettura u l-Qafas ta’ Referenza li hu parti minnu. F’konformità mal-premessa 75 tar-Regolament (UE) 2024/1183 tal-Parlament Ewropew u tal-Kunsill (3), il-Kummissjoni jenħtieġ li tirrieżamina u, jekk ikun meħtieġ, taġġorna dan ir-Regolament biex iżżommu konformi mal-iżviluppi dinjin, mal-Arkitettura u mal-Qafas ta’ Referenza u biex timxi skont l-aqwa prattiki fis-suq intern. |
|
(3) |
Biex jiżguraw aċċess wiesa’ għar-reġistri u biex jiksbu l-interoperabbiltà, l-Istati Membri jenħtieġ li jistabbilixxu interfaċċi li jinqraw mill-bniedem kif ukoll mill-magni u li jissodisfaw l-ispeċifikazzjonijiet tekniċi stabbiliti f’dan ir-Regolament. Il-fornituri taċ-ċertifikati tal-aċċess għal parti dipendenti fuq kartiera u taċ-ċertifikati tar-reġistrazzjoni ta’ parti dipendenti fuq kartiera, meta disponibbli, jenħtieġ li għall-finijiet ta’ dawk iċ-ċertifikati jkunu jistgħu jistrieħu fuq dawk l-interfaċċi. |
|
(4) |
Peress li l-politiki tar-reġistrazzjoni jipprovdu gwida ċara lill-partijiet dipendenti fuq kartiera dwar il-proċess tar-reġistrazzjoni, l-Istati Membri jenħtieġ li jistabbilixxu u jippubblikaw il-politiki tar-reġistrazzjoni applikabbli għar-reġistri nazzjonali stabbiliti fit-territorju tagħhom. |
|
(5) |
Ir-reġistrazzjoni tal-partijiet dipendenti fuq kartiera għandha l-iskop li żżid it-trasparenza ħalli tibni l-fiduċja fl-użu tal-kartieri. Għalhekk, l-Istati Membri jenħtieġ li jagħmlu l-informazzjoni rilevanti disponibbli għall-pubbliku b’mod li jinqara mill-bniedem kif ukoll mill-magni. Għal dan il-għan, il-partijiet dipendenti fuq kartiera jenħtieġ li jipprovdu l-informazzjoni meħtieġa, inkluż l-intitolament(i) tagħhom, lir-reġistri nazzjonali. |
|
(6) |
Barra minn hekk, għall-fini tat-trasparenza, il-partijiet dipendenti fuq kartiera jenħtieġ li jiddikjaraw jekk ikunx beħsiebhom jiddependu fuq l-identifikazzjoni elettronika tal-persuni fiżiċi. |
|
(7) |
Biex ikun żgurat li l-proċess tar-reġistrazzjoni jkun kosteffettiv u proporzjonat għar-riskju, ir-reġistraturi jenħtieġ li jistabbilixxu proċessi tar-reġistrazzjoni online u, meta applikabbli, awtomatizzati għall-partijiet dipendenti fuq kartiera li jkunu faċli biex jintużaw. Ir-reġistraturi jenħtieġ li jivverifikaw l-applikazzjonijiet għar-reġistrazzjoni mingħajr dewmien żejjed. |
|
(8) |
L-Istati Membri jenħtieġ li jiżguraw li l-kartieri jkunu jistgħu jawtentikaw lill-partijiet dipendenti fuq kartiera, irrispettivament minn fejn ikunu stabbiliti fl-Unjoni. Għal dan il-għan, il-partijiet dipendenti fuq kartiera jenħtieġ li jużaw iċ-“ċertifikati tal-aċċess għal parti dipendenti fuq kartiera” meta jidentifikaw lilhom infushom mal-unitajiet tal-kartiera. Biex tiġi garantita l-interoperabbiltà ta’ dawk iċ-ċertifikati fost il-kartieri kollha pprovduti fl-Unjoni, iċ-ċertifikati tal-aċċess għal parti dipendenti fuq kartiera jenħtieġ li josservaw ir-rekwiżiti komuni stabbiliti fl-Anness. Il-Kummissjoni jenħtieġ li tiżviluppa politiki taċ-ċertifikati u dikjarazzjonijiet tal-prattika taċ-ċertifikati armonizzati li jenħtieġ li jiġu implimentati mill-Istati Membri. Il-Kummissjoni, b’kollaborazzjoni mal-Istati Membri, jenħtieġ li timmonitorja mill-qrib l-iżvilupp ta’ standards ġodda jew alternattivi li fuqhom jistgħu jiġu implimentati ċertifikati tal-aċċess għall-partijiet dipendenti. B’mod partikolari, jenħtieġ li jiġu vvalutati l-mudelli tal-fiduċja li wrew l-effikaċja u s-sigurtà tagħhom fl-Istati Membri. |
|
(9) |
Kif stabbilit fir-Regolament (UE) Nru 910/2014, il-partijiet dipendenti fuq kartiera jenħtieġ li ma jitolbux lill-utenti jipprovdu xi data għajr dik indikata għall-użu maħsub tal-kartieri waqt il-proċess tar-reġistrazzjoni. L-utenti tal-kartiera jenħtieġ li jkunu jistgħu jivverifikaw id-data tar-reġistrazzjoni tal-partijiet dipendenti fuq kartiera. Biex l-utenti tal-kartiera jkunu jistgħu jivverifikaw li l-attributi mitluba mill-parti dipendenti fuq kartiera huma fl-ambitu tal-attributi rreġistrati tagħhom, l-Istati Membri jistgħu jeżiġu l-ħruġ ta’ ċertifikati tar-reġistrazzjoni tal-partijiet dipendenti fuq kartiera lill-partijiet dipendenti fuq kartiera rreġistrati. Biex tkun żgurata l-interoperabbiltà taċ-ċertifikati tar-reġistrazzjoni tal-partijiet dipendenti fuq kartiera, l-Istati Membri jenħtieġ li jiżguraw li dawk iċ-ċertifikati jkunu jissodisfaw ir-rekwiżiti u l-istandards stabbiliti fl-Anness. B’mod partikolari, il-partijiet dipendenti fuq kartiera jenħtieġ li jiddikjaraw jekk ikunx beħsiebhom jiddependu fuq l-identifikazzjoni elettronika tal-persuni fiżiċi biex jissodisfaw wieħed mir-rekwiżiti stabbiliti fil-paragrafu 1 tal-Artikolu 6 tar-Regolament (UE) 2016/679 tal-Parlament Ewropew u tal-Kunsill (4) għall-fini tat-trasparenza. Il-partijiet dipendenti ma għandhomx jirrifjutaw l-użu ta’ psewdonimi, meta l-identifikazzjoni tal-utent ma tkunx meħtieġa bil-liġi tal-Unjoni jew nazzjonali. |
|
(10) |
Biex l-utenti jitħarsu mill-kondiviżjoni eċċessiva ta’ informazzjoni ma’ partijiet dipendenti fuq kartiera u jiġu mwissija f’każijiet bħal dawn, l-Istati Membri jenħtieġ li jinkludu politiki tal-aċċess komuni fil-politiki tagħhom dwar iċ-ċertifikati ħalli soluzzjoni tal-kartiera tkun tista’ tinforma lill-utent tal-kartiera kull meta parti dipendenti fuq kartiera titlob aktar informazzjoni minn dik li tkun irreġistrat jew ġiet awtorizzata taċċessa. |
|
(11) |
Biex jipproteġu lill-utenti tal-kartiera, ir-reġistraturi jenħtieġ li jkunu jistgħu jissospendu jew jikkanċellaw ir-reġistrazzjoni ta’ parti dipendenti fuq kartiera mingħajr avviż minn qabel, meta r-reġistraturi jkollhom raġuni biex jemmnu li r-reġistrazzjoni fiha informazzjoni li ma tkunx eżatta, ma tkunx aġġornata jew tkun qarrieqa; li l-parti dipendenti fuq kartiera mhix tikkonforma mal-politika tar-reġistrazzjoni; jew li l-parti dipendenti fuq kartiera qed taġixxi b’xi mod ieħor li jikser id-dritt tal-Unjoni jew nazzjonali jew id-Dikjarazzjoni Ewropea dwar id-Drittijiet u l-Prinċipji Diġitali għad-Deċennju Diġitali (5) b’mod li jkun relatat mar-rwol tagħha bħala parti dipendenti fuq kartiera, pereżempju jekk il-parti dipendenti fuq kartiera ma tkunx ġustament minimizzat is-sett ta’ attributi li titlob aċċess għalihom. Biex titħares l-istabbiltà tal-ekosistema tal-Kartieri Ewropej tal-Identità Diġitali (“l-ekosistema tal-kartieri”), id-deċiżjoni li tiġi sospiża jew ikkanċellata reġistrazzjoni jenħtieġ li tkun proporzjonata mat-interruzzjoni tas-servizz ikkaġunata bis-sospensjoni jew bil-kanċellazzjoni u l-kost u l-inkonvenjenza assoċjati għall-fornitur tas-servizzi u għall-utent. Skont l-Artikolu 46a(4), il-punt (f) tar-Regolament (UE) Nru 910/2014, il-korpi superviżorji għandu jkollhom ukoll is-setgħa li jissospendu u jikkanċellaw ir-reġistrazzjoni jekk ikun meħtieġ. |
|
(12) |
Għall-fini ta’ monitoraġġ ex post, ta’ investigazzjonijiet mill-korpi tal-infurzar tal-liġi, u ta’ trattament tat-tilwim, ir-reġistraturi jenħtieġ li jżommu rekords tal-informazzjoni kollha pprovduta mill-partijiet dipendenti fuq kartiera stabbiliti fir-reġistru nazzjonali tagħhom għal 10 snin. |
|
(13) |
Ir-Regolament (UE) 2016/679 u, meta rilevanti, id-Direttiva 2002/58/KE tal-Parlament Ewropew u tal-Kunsill (6) japplikaw għall-attivitajiet tal-ipproċessar tad-data personali skont dan ir-Regolament. |
|
(14) |
Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 tal-Parlament Ewropew u tal-Kunsill (7) u ta l-opinjoni tiegħu fil-31 ta’ Jannar 2025. |
|
(15) |
Il-miżuri previsti f’dan ir-Regolament huma konformi mal-opinjoni tal-kumitat stabbilit bl-Artikolu 48 tar-Regolament (UE) Nru 910/2014, |
ADOTTAT DAN IR-REGOLAMENT:
Artikolu 1
Suġġett u kamp ta’ applikazzjoni
Dan ir-Regolament jistabbilixxi regoli għar-reġistrazzjoni tal-partijiet dipendenti fuq kartiera.
Artikolu 2
Definizzjonijiet
Għall-finijiet ta’ dan ir-Regolament, japplikaw id-definizzjonijiet li ġejjin:
|
(1) |
“parti dipendenti fuq kartiera” tfisser parti dipendenti li jkun beħsiebha tiddependi fuq unitajiet tal-kartiera biex tipprovdi servizzi pubbliċi jew privati b’interazzjoni diġitali; |
|
(2) |
“unità tal-kartiera” tfisser konfigurazzjoni unika ta’ soluzzjoni tal-kartiera li tinkludi istanzi tal-kartiera, applikazzjonijiet kriptografiċi siguri tal-kartieri u apparati kriptografiċi siguri tal-kartieri pprovduti minn fornitur tal-kartieri lil utent individwali tal-kartiera; |
|
(3) |
“soluzzjoni tal-kartiera” tfisser kombinament ta’ software, hardware, servizzi, u konfigurazzjonijiet, inkluż istanzi tal-kartiera, applikazzjoni kriptografika sigura tal-kartieri waħda jew aktar, u apparat kriptografiku sigur tal-kartieri wieħed jew aktar; |
|
(4) |
“istanza tal-kartiera” tfisser l-applikazzjoni installata u konfigurata fuq apparat jew ambjent ta’ utent tal-kartiera, li hu parti minn unità tal-kartiera, u li l-utent tal-kartiera juża biex jinteraġixxi mal-unità tal-kartiera; |
|
(5) |
“applikazzjoni kriptografika sigura tal-kartieri” tfisser applikazzjoni li timmaniġġja assi kritiċi billi tkun konnessa ma’ u tuża l-funzjonijiet kriptografiċi u mhux kriptografiċi pprovduti mill-apparat kriptografiku sigur tal-kartieri; |
|
(6) |
“apparat kriptografiku sigur tal-kartieri” tfisser apparat reżistenti għat-tbagħbis li jipprovdi ambjent konness ma’ u juża l-applikazzjoni kriptografika sigura tal-kartieri biex jipproteġi l-assi kritiċi u jipprovdi funzjonijiet kriptografiċi għall-eżekuzzjoni sigura ta’ operazzjonijiet kritiċi; |
|
(7) |
“assi kritiċi” tfisser assi fi ħdan jew b’rabta ma’ unità tal-kartiera ta’ tali importanza straordinarja li meta d-disponibbiltà, il-kunfidenzjalità jew l-integrità tagħhom jiġu kompromessi, dan iħalli effett debilitanti serju ħafna fuq l-abbiltà li tiddependi fuq l-unità tal-kartiera; |
|
(8) |
“fornitur tal-kartieri” tfisser persuna fiżika jew ġuridika li tipprovdi soluzzjonijiet tal-kartiera; |
|
(9) |
“utent tal-kartiera” tfisser utent li jkollu l-kontroll tal-unità tal-kartiera; |
|
(10) |
“reġistru nazzjonali tal-partijiet dipendenti fuq kartiera” tfisser reġistru elettroniku nazzjonali użat minn Stat Membru biex jagħmel l-informazzjoni dwar il-partijiet dipendenti fuq kartiera rreġistrati f’dak l-Istat Membru disponibbli għall-pubbliku kif stabbilit fl-Artikolu 5b(5) tar-Regolament (UE) Nru 910/2014; |
|
(11) |
“fornitur ta’ ċertifikati tal-aċċess għal parti dipendenti fuq kartiera” tfisser persuna fiżika jew ġuridika li jkollha mandat minn Stat Membru biex toħroġ ċertifikati tal-aċċess għal parti dipendenti fuq kartiera għal partijiet dipendenti fuq kartiera rreġistrati f’dak l-Istat Membru; |
|
(12) |
“ċertifikat tal-aċċess għal parti dipendenti fuq kartiera” tfisser ċertifikat għas-siġilli jew firem elettroniċi li jawtentikaw u jivvalidaw il-parti dipendenti fuq kartiera maħruġ minn fornitur taċ-ċertifikati tal-aċċess għal parti dipendenti fuq kartiera; |
|
(13) |
“fornitur ta’ data tal-identifikazzjoni personali” tfisser persuna fiżika jew ġuridika responsabbli biex toħroġ u tirrevoka d-data tal-identifikazzjoni personali u biex tiżgura li d-data tal-identifikazzjoni personali ta’ utent tkun marbuta b’mod kriptografiku ma’ unità tal-kartiera; |
|
(14) |
“reġistratur tal-partijiet dipendenti fuq kartiera” tfisser il-korp maħtur minn Stat Membru li jkun responsabbli biex jistabbilixxi u jżomm il-lista tal-partijiet dipendenti fuq kartiera li jkunu rreġistrati u stabbiliti fit-territorju ta’ dak l-Istat Membru; |
|
(15) |
“ċertifikat tar-reġistrazzjoni ta’ parti dipendenti fuq kartiera” tfisser oġġett tad-data li jiddeskrivi l-użu maħsub tal-parti dipendenti u jindika l-attributi li l-parti dipendenti rreġistrat li beħsiebha titlob mingħand l-utenti; |
|
(16) |
“fornitur ta’ ċertifikati tar-reġistrazzjoni ta’ parti dipendenti fuq kartiera” tfisser persuna fiżika jew ġuridika li jkollha mandat mingħand Stat Membru biex toħroġ ċertifikati ta’ reġistrazzjoni tal-parti dipendenti fuq kartiera lil partijiet dipendenti fuq kartiera rreġistrati f’dak l-Istat Membru. |
Artikolu 3
Reġistri nazzjonali
1. L-Istati Membri għandhom jistabbilixxu u jżommu mqar reġistru nazzjonali wieħed tal-partijiet dipendenti fuq kartiera bl-informazzjoni rigward il-partijiet dipendenti fuq kartiera rreġistrati stabbiliti f’dak l-Istat Membru.
2. Ir-reġistru għandu jinkludi mqar l-informazzjoni stabbilita fl-Anness I.
3. L-Istati Membri għandhom jaħtru mqar reġistratur wieħed biex jimmaniġġja u jopera mqar reġistru nazzjonali wieħed tal-partijiet dipendenti fuq kartiera.
4. L-Istati Membri għandhom jagħmlu l-informazzjoni stabbilita fl-Anness I dwar il-partijiet dipendenti fuq kartiera rreġistrati disponibbli online għall-pubbliku, kemm f’forma li tista’ tinqara mill-bniedem kif ukoll f’forma xierqa għall-ipproċessar awtomatizzat.
5. L-informazzjoni msemmija fil-paragrafu 2 għandha tkun disponibbli fuq interfaċċa tal-ipprogrammar tal-applikazzjonijiet (API) komuni unika u fuq sit web nazzjonali. Din għandha tiġi ffirmata jew issiġillata b’mod elettroniku minn jew f’isem ir-reġistratur, f’konformità mar-rekwiżiti komuni għal API unika stabbiliti fit-Taqsima 1 tal-Anness II.
6. L-Istati Membri għandhom jiżguraw li l-API imsemmija fil-paragrafu 5 tkun konformi mar-rekwiżiti komuni stabbiliti fit-Taqsima 2 tal-Anness II.
7. L-Istati Membri għandhom jiżguraw li r-reġistri jkunu konformi mal-politiki tar-reġistrazzjoni komuni rilevanti stabbiliti fl-Artikolu 4.
Artikolu 4
Politiki tar-reġistrazzjoni
1. L-Istati Membri għandhom jistabbilixxu u jippubblikaw politika tar-reġistrazzjoni nazzjonali waħda jew aktar applikabbli għar-reġistri nazzjonali stabbiliti fit-territorju tagħhom.
2. L-Istati Membri jistgħu jinkludu jew jerġgħu jużaw politiki tar-reġistrazzjoni settorjali jew nazzjonali eżistenti.
3. Il-politika tar-reġistrazzjoni nazzjonali għandha tinkludi mqar informazzjoni dwar:
|
(a) |
il-proċeduri tal-identifikazzjoni u tal-awtentikazzjoni applikabbli għall-partijiet dipendenti fuq kartiera waqt il-proċess tar-reġistrazzjoni; |
|
(b) |
id-dokumentazzjoni ta’ sostenn meħtieġa, rigward l-identità, ir-reġistrazzjoni tan-negozju, l-intitolament(i) applikabbli, u informazzjoni rilevanti oħra dwar il-parti dipendenti fuq kartiera; |
|
(c) |
is-sorsi awtentiċi jew rekords elettroniċi uffiċjali oħra, u meta wieħed ikun jista’ jistrieħ fuq dawk is-sorsi jew ir-rekords biex tingħata data preċiża; |
|
(d) |
kwalunkwe informazzjoni oħra jew evidenza oħra meħtieġa bħala parti mill-proċess tar-reġistrazzjoni; |
|
(e) |
meta applikabbli, il-mezzi awtomatizzati li jippermettu lill-partijiet dipendenti fuq kartiera jirreġistraw jew jaġġornaw reġistrazzjoni eżistenti; |
|
(f) |
il-mekkaniżmu ta’ rimedju disponibbli għall-partijiet dipendenti fuq kartiera skont il-liġijiet u l-proċeduri tal-Istat Membru fejn hu stabbilit ir-reġistru nazzjonali; |
|
(g) |
ir-regoli u l-proċeduri għall-verifika tal-identità tal-partijiet dipendenti fuq kartiera rreġistrati u ta’ kull informazzjoni rilevanti oħra pprovduta minn dik il-parti. |
4. Il-proċeduri u d-dokumentazzjoni msemmija fil-paragrafu 3, il-punti (a) u (b), għandhom jippermettu lill-partijiet dipendenti fuq kartiera jindikaw skont liema intitolament(i) speċifiċi qed jaġixxu, kif stabbilit fl-Anness I.
5. Meta xieraq, ir-rekwiżiti stabbiliti fil-politika tar-reġistrazzjoni nazzjonali ma għandhomx ixekklu proċess awtomatizzat tar-reġistrazzjoni.
Artikolu 5
Informazzjoni li jridu jagħtu r-reġistri nazzjonali
1. Il-partijiet dipendenti fuq kartiera għandhom imqar jipprovdu l-informazzjoni stabbilita fl-Anness I lir-reġistri nazzjonali.
2. Il-partijiet dipendenti fuq kartiera għandhom jiżguraw li l-informazzjoni mogħtija tkun preċiża fil-mument tar-reġistrazzjoni.
3. Il-partijiet dipendenti fuq kartiera għandhom jaġġornaw kull informazzjoni rreġistrata qabel fir-reġistru nazzjonali tal-partijiet dipendenti fuq kartiera mingħajr dewmien żejjed.
Artikolu 6
Proċessi tar-reġistrazzjoni
1. Ir-reġistraturi għandhom jistabbilixxu proċessi awtomatizzati tar-reġistrazzjoni elettroniċi u faċli biex jintużaw għall-partijiet dipendenti fuq kartiera.
2. Ir-reġistraturi għandhom jipproċessaw l-applikazzjonijiet għar-reġistrazzjoni mingħajr dewmien żejjedu jipprovdu tweġiba lill-applikant tat-talba għar-reġistrazzjoni tul il-perjodu definit fil-politika tar-reġistrazzjoni applikabbli, bil-mezzi xierqa u f’konformità mal-liġijiet u l-proċeduri tal-Istat Membru fejn ikun stabbilit ir-reġistru nazzjonali.
3. Meta possibbli, ir-reġistraturi għandhom jivverifikaw b’mod awtomatizzat:
|
(a) |
l-eżattezza, il-validità, l-awtentiċità u l-integrità tal-informazzjoni meħtieġa skont l-Artikolu 5; |
|
(b) |
meta applikabbli, il-prokura ta’ rappreżentantu tal-partijiet dipendenti fuq kartiera mfassla u ppreżentata f’konformità mal-liġijiet u l-proċeduri tal-Istat Membru fejn ikun stabbilit ir-reġistru nazzjonali; |
|
(c) |
it-tip ta’ intitolament(i) tal-partijiet dipendenti fuq kartiera kif stabbilit fl-Anness I; |
|
(d) |
in-nuqqas ta’ reġistrazzjoni eżistenti f’reġistru nazzjonali ieħor. |
4. Ir-reġistraturi għandhom jivverifikaw l-informazzjoni stabbilita fil-paragrafu 3 mad-dokumentazzjoni ta’ sostenn ipprovduta mill-partijiet dipendenti fuq kartiera jew ma’ sorsi awtentiċi xierqa jew rekords elettroniċi uffiċjali oħra fl-Istat Membru fejn ikun stabbilit ir-reġistru nazzjonali u li r-reġistraturi jkollhom aċċess għaliha f’konformità mal-liġijiet u l-proċeduri nazzjonali applikabbli.
5. Il-verifika tal-intitolamenti tal-partijiet dipendenti fuq kartiera msemmija fil-paragrafu 3, il-punt (c) għandha ssir f’konformità mal-Anness III.
6. Meta r-reġistratur ma jkunx jista’ jivverifika l-informazzjoni f’konformità mal-paragrafi 3 sa 5, ir-reġistratur għandu jirrifjuta r-reġistrazzjoni.
7. Meta parti dipendenti fuq kartiera ma jkunx beħsiebha tibqa’ tiddependi fuq unitajiet tal-kartiera għall-forniment ta’ servizzi pubbliċi jew privati skont reġistrazzjoni speċifika, din għandha tinnotifika lir-reġistratur rilevanti mingħajr dewmien żejjed u titlob il-kanċellazzjoni ta’ dik ir-reġistrazzjoni.
Artikolu 7
Ċertifikati tal-aċċess għal parti dipendenti fuq kartiera
1. L-Istati Membri għandhom jawtorizzaw imqar awtorità waħda taċ-ċertifikati biex toħroġ ċertifikati tal-aċċess għal parti dipendenti fuq kartiera.
2. L-Istati Membri għandhom jiżguraw li l-fornituri taċ-ċertifikati tal-aċċess għal parti dipendenti fuq kartiera joħorġu ċertifikati tal-aċċess għal parti dipendenti fuq kartiera esklussivament lil partijiet dipendenti fuq kartiera rreġistrati.
3. Il-politiki taċ-ċertifikati u d-dikjarazzjonijiet tal-prattika taċ-ċertifikati apposta għaċ-ċertifikati tal-aċċess għal partijiet dipendenti fuq kartiera, l-Istati Membri għandhom jimplimentawhom b’mod li jkun armonizzati sintattikament u semantikament, f’konformità mar-rekwiżiti stabbiliti fl-Anness IV.
Artikolu 8
Ċertifikati tar-reġistrazzjoni ta’ parti dipendenti fuq kartiera
1. L-Istati Membri jistgħu jawtorizzaw imqar awtorità waħda taċ-ċertifikati biex toħroġ ċertifikati tar-reġistrazzjoni ta’ parti dipendenti fuq kartiera.
2. Meta Stat Membru jkun awtorizza l-ħtuġ ta’ ċertifikati tar-reġistrazzjoni ta’ parti dipendenti fuq kartiera, dak l-Istat Membru għandu:
|
(a) |
jeżiġi li l-fornituri taċ-ċertifikati tar-reġistrazzjoni ta’ parti dipendenti fuq kartiera joħorġu ċ-ċertifikati tar-reġistrazzjoni ta’ parti dipendenti fuq kartiera esklussivament lil partijiet dipendenti fuq kartiera rreġistrati; |
|
(b) |
jiżgura li kull użu maħsub jiġi espress fiċ-ċertifikati tar-reġistrazzjoni ta’ parti dipendenti fuq kartiera; |
|
(c) |
jiżgura li ċ-ċertifikati tar-reġistrazzjoni ta’ parti dipendenti fuq kartiera jkollhom politika ġenerali tal-aċċess, ikunu armonizzati sintattikament u semantikament madwar l-Unjoni Ewropea, ikunu jinformaw lill-utenti li l-parti dipendenti fuq kartiera tista’ biss titlob id-data speċifikata fiċ-ċertifikati tar-reġistrazzjoni għall-użu maħsub irreġistrat fiċ-ċertifikati tar-reġistrazzjoni; |
|
(d) |
jiżgura li l-fornituri tas-soluzzjonijiet tal-kartiera stabbiliti f’dak l-Istat Membru jkunu konformi mal-politika ġenerali tal-aċċess billi jinfurmaw lill-utenti meta parti dipendenti fuq kartiera titlob data li mhix speċifikata fiċ-ċertifikat tar-reġistrazzjoni; |
|
(e) |
jimplimenta ċertifikati tar-reġistrazzjoni ta’ parti dipendenti fuq kartiera b’mod li dawn ikunu armonizzati sintattikament u semantikament u jissodisfaw ir-rekwiżiti stabbiliti fl-Anness V; |
|
(f) |
jimplimenta politiki taċ-ċertifikati u dikjarazzjonijiet tal-prattika taċ-ċertifikati apposta għaċ-ċertifikati tar-reġistrazzjoni ta’ parti dipendenti fuq kartiera f’konformità mar-rekwiżiti stabbiliti fl-Anness V; |
|
(g) |
jiżgura li l-partijiet dipendenti fuq kartiera jipprovdu URL għall-politika tal-privatezza dwar l-użu maħsub. |
3. Il-politika msemmija fil-punt (g) għandha tiġi espressa fiċ-ċertifikat tar-reġistrazzjoni ta’ parti dipendenti fuq kartiera.
Artikolu 9
Sospensjoni u kanċellazzjoni ta’ reġistrazzjoni
1. Ir-reġistraturi għandhom jissospendu jew jikkanċellaw reġistrazzjoni ta’ parti dipendenti fuq kartiera meta sospensjoni jew kanċellazzjoni bħal din ikun talabha korp tas-sorveljanza skont l-Artikolu 46a(4), il-punt (f) tar-Regolament (UE) Nru 910/2014.
2. Ir-reġistraturi jistgħu jissospendu jew jikkanċellaw reġistrazzjoni ta’ parti dipendenti fuq kartiera meta r-reġistraturi jkollhom raġunijiet biex jemmnu xi waħda minn dawn:
|
(a) |
li r-reġistrazzjoni jkun fiha informazzjoni li ma tkunx preċiża, ma tkunx aġġornata jew tkun qarrieqa; |
|
(b) |
li l-parti dipendenti fuq kartiera ma tkunx konformi mal-politika tar-reġistrazzjoni; |
|
(c) |
li l-parti dipendenti fuq kartiera tkun qed titlob aktar attributi milli tkun irreġistrat f’konformità mal-Artikolu 5 u l-Artikolu 6; |
|
(d) |
li l-parti dipendenti fuq kartiera tkun qed taġixxi b’xi mod ieħor li jikser id-dritt tal-Unjoni jew tal-liġi nazzjonali b’mod relatat mar-rwol tagħha bħala p-arti dipendenti fuq kartiera. |
3. Ir-reġistraturi għandhom jissospendu jew jikkanċellaw reġistrazzjoni ta’ parti dipendenti fuq kartiera meta t-talba għal kanċellazzjoni jew sospensjoni tagħmilha l-istess parti dipendenti fuq kartiera.
4. Meta jikkunsidra s-sospensjoni jew il-kanċellazzjoni f’konformità mal-paragrafu 2, ir-reġistratur għandu jwettaq valutazzjoni tal-proporzjonalità u jqis l-impatt fuq il-privatezza, is-sigurtà u l-kunfidenzjalità tal-utenti fl-ekosistema, kif ukoll is-severità tat-tfixkil ikkawżat mis-sospensjoni jew il-kanċellazzjoni u l-kostijiet assoċjati għall-parti dipendenti fuq kartiera u għall-utent. Skont ir-riżultat ta’ din il-valutazzjoni, ir-reġistratur jista’ jissospendi jew jikkanċella r-reġistrazzjoni b’notifika bil-quddiem jew mingħajrha lill-parti dipendenti fuq kartiera affettwata.
5. Meta r-reġistrazzjoni ta’ parti dipendenti fuq kartiera tiġi sospiża jew ikkanċellata, ir-reġistratur għandu jinforma lill-fornitur taċ-ċertifikati tal-aċċess rilevanti għal parti dipendenti fuq kartiera, lill-fornitur taċ-ċertifikati tar-reġistrazzjoni rilevanti ta’ parti dipendenti fuq kartiera, u lill-parti dipendenti fuq kartiera affettwata b’din l-azzjoni mingħajr dewmien żejjed u fi żmien 24 siegħa mis-sospensjoni jew mill-kanċellazzjoni. Din in-notifika għandha tinkludi informazzjoni dwar ir-raġunijiet għas-sospensjoni jew il-kanċellazzjoni u dwar il-mezzi disponibbli ta’ rimedju jew appell.
6. Il-fornitur taċ-ċertifikati tal-aċċess għal parti dipendenti fuq kartiera u l-fornitur taċ-ċertifikati tar-reġistrazzjoni ta’ parti dipendenti fuq kartiera, għandhom jirrevokaw, meta applikabbli u mingħajr dewmien żejjed, iċ-ċertifikati tal-aċċess għal parti dipendenti fuq kartiera, u ċ-ċertifikati tar-reġistrazzjoni ta’ parti dipendenti fuq kartiera, rispettivament, tal-parti dipendenti fuq kartiera li għaliha r-reġistrazzjoni tkun ġiet sospiża jew ikkanċellata.
Artikolu 10
Żamma tar-rekords
Ir-reġistraturi għandhom iżommu rekords tal-informazzjoni pprovduta mill-partijiet dipendenti fuq kartiera u rreġistrata f’konformità mal-Anness I għar-reġistrazzjoni ta’ parti dipendenti fuq kartiera u għall-ħruġ taċ-ċertifikati tal-aċċess għal parti dipendenti fuq kartiera u taċ-ċertifikati tar-reġistrazzjoni ta’ parti dipendenti fuq kartiera, u ta’ kull bidla sussegwenti f’din l-informazzjoni, għal 10 snin.
Artikolu 11
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-24 ta’ Diċembru 2026.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Mejju 2025.
Għall-Kummissjoni
Il-President
Ursula VON DER LEYEN
(1) ĠU L 257, 28.8.2014, p. 73, ELI: http://data.europa.eu/eli/reg/2014/910/oj.
(2) Ir-Rakkomandazzjoni tal-Kummissjoni (UE) 2021/946 tat-3 ta’ Ġunju 2021 dwar Sett ta’ Għodod komuni tal-Unjoni għal approċċ ikkoordinat lejn Qafas Ewropew għall-Identità Diġitali (ĠU L 210, 14.6.2021, p. 51, ELI: http://data.europa.eu/eli/reco/2021/946/oj).
(3) Ir-Regolament (UE) 2024/1183 tal-Parlament Ewropew u tal-Kunsill tal-11 ta’ April 2024 li jemenda r-Regolament (UE) Nru 910/2014 fir-rigward tal-istabbiliment tal-Qafas Ewropew għall-Identità Diġitali (ĠU L, 2024/1183, 30.4.2024, ELI: http://data.europa.eu/eli/reg/2024/1183/oj).
(4) Ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1, ELI: http://data.europa.eu/eli/reg/2016/679/oj).
(6) Id-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data personali u l-protezzjoni tal-privatezza fis-settur tal-komunikazzjoni elettronika (Direttiva dwar il-privatezza u l-komunikazzjoni elettronika) (ĠU L 201, 31.7.2002, p. 37, ELI: http://data.europa.eu/eli/dir/2002/58/oj).
(7) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni 1247/2002/KE (ĠU L 295, 21.11.2018, p. 39, ELI: http://data.europa.eu/eli/reg/2018/1725/oj).
ANNESS I
Informazzjoni dwar il-partijiet dipendenti fuq kartiera
|
1. |
Meta applikabbli, l-isem tal-parti dipendenti fuq kartiera, kif iddikjarat f’rekord uffiċjali flimkien mad-data tal-identifikazzjoni ta’ dak ir-rekord uffiċjali.
|
|
2. |
Meta applikabbli, isem faċli għall-utent tal-parti dipendenti fuq kartiera li jista’ jkun isem kummerċjali jew isem ta’ servizz li jista’ jingħaraf mill-utent. |
|
3. |
Meta applikabbli, identifikatur wieħed jew aktar tal-parti dipendenti fuq kartiera, kif dikjarat f-rekord uffiċjali flimkien mad-data tal-identifikazzjoni ta’ dak ir-rekord uffiċjali, espressi bħala:
|
|
4. |
L-indirizz fiżiku ta’ fejn tkun stabbilita l-parti dipendenti fuq kartiera. |
|
5. |
Meta applikabbli, lokalizzatur uniformi tar-riżorsi (“URL”) li jappartjeni għall-parti dipendenti fuq kartiera. |
|
6. |
Meta l-identifikatur jiġi espress f’konformità mal-punti 3 (a), (d), (f) jew (h), l-indikatur tal-pajjiż tal-Istat Membru fejn tkun stabbilita l-parti dipendenti fuq kartiera għandu jkollu prefiss bil-kodiċijiet ISO 3166-1 Alpha 2, ħlief l-indikatur tal-pajjiż għall-Greċja li għandu jkun “EL”. |
|
7. |
Informazzjoni tal-kuntatt tal-parti dipendenti fuq kartiera, bi mqar waħda minn dawn:
|
|
8. |
Deskrizzjoni tat-tip ta’ servizzi li tipprovdi l-parti dipendenti fuq kartiera. |
|
9. |
Għal kull użu maħsub, lista tad-data, inkluż l-attestazzjonijiet u l-attributi, li l-parti dipendenti beħsiebha titlob, espressa bħala isem faċli għall-utent u isem tekniku, it-tip ta’ attestazzjoni u kwalunkwe sintassi oħra li d-data fi grupp skontha, b’format li jinqara mill-magni għal ipproċessar awtomatizzat. |
|
10. |
Għal kull użu maħsub, deskrizzjoni tal-użu maħsub tad-data li l-parti dipendenti fuq kartiera jkun beħsiebha titlob mingħand l-unitajiet tal-kartiera. |
|
11. |
Indikazzjoni dwar jekk il-parti dipendenti fuq kartiera hix korp tas-settur pubbliku. |
|
12. |
L-intitolament jew l-intitolamenti tal-parti dipendenti fuq kartiera li jridu jiġu espressi kif ġej:
|
|
13. |
Fir-rigward tal-paragrafu 12, il-punt (c), l-Istati Membri jistgħu jipprovdu subintitolamenti addizzjonali biex jiddikjaraw liema attestazzjonijiet għandu joħroġ emittent speċifiku mhux kwalifikat ta’ attestazzjoni elettronika tal-attributi; |
|
14. |
Meta applikabbli, indikazzjoni li l-parti dipendenti fuq kartiera tiddependi fuq intermedjarju li jaġixxi f’isem il-parti dipendenti li jkun beħsiebha tiddependi fuq il-kartiera. |
|
15. |
Meta applikabbli, assoċjazzjoni mal-intermedjarju li l-parti dipendenti fuq kartiera tkun qed tiddependi fuqha u li tkun qed taġixxi f’isem il-parti dipendenti li jkun beħsiebha tiddependi fuq il-kartiera. |
(1) Ir-Regolament ta’ Implimentazzjoni tal-Kummissjoni (UE) Nru 1352/2013 tal-4 ta’ Diċembru 2013 li jistabbilixxi l-formoli previsti fir-Regolament (UE) Nru 608/2013 tal-Parlament Ewropew u tal-Kunsill dwar l-infurzar doganali tad-drittijiet tal-proprjetà intellettwali (ĠU L 341, 18.12.2013, p. 10, ELI: http://data.europa.eu/eli/reg_impl/2013/1352/oj).
(2) Ir-Regolament ta’ Implimentazzjoni tal-Kummissjoni (UE) 2022/1860 tal-10 ta’ Ġunju 2022 li jistabbilixxi standards tekniċi ta’ implimentazzjoni għall-applikazzjoni tar-Regolament (UE) Nru 648/2012 tal-Parlament Ewropew u tal-Kunsill fir-rigward tal-istandards, il-formati, il-frekwenza u l-metodi u l-arranġamenti għar-rapportar (ĠU L 262, 7.10.2022, p. 68, ELI: http://data.europa.eu/eli/reg_impl/2022/1860/oj).
(3) Ir-Regolament tal-Kunsill (UE) Nru 389/2012 tat-2 ta’ Mejju 2012 dwar kooperazzjoni amministrattiva fil-qasam tad-dazji tas-sisa u li jħassar ir-Regolament (KE) Nru 2073/2004 (ĠU L 121, 8.5.2012, p. 1, ELI: http://data.europa.eu/eli/reg/2012/389/oj).
(4) Ir-Regolament ta’ Implimentazzjoni tal-Kummissjoni (UE) 2021/1042 tat-18 ta’ Ġunju 2021 li jistabbilixxi r-regoli għall-applikazzjoni tad-Direttiva (UE) 2017/1132 tal-Parlament Ewropew u tal-Kunsill fir-rigward tal-ispeċifikazzjonijiet tekniċi u l-proċeduri għas-sistema ta’ interkonnessjoni tar-reġistri u li jħassar ir-Regolament ta’ Implimentazzjoni tal-Kummissjoni (UE) 2020/2244 (ĠU L 225, 25.6.2021, p. 7 (ELI: http://data.europa.eu/eli/reg_impl/2021/1042/oj).
ANNESS II
1. REKWIŻITI GĦALL-FIREM JEW IS-SIĠILLI ELETTRONIĊI APPLIKATI GĦALL-INFORMAZZJONI DISPONIBBLI FUQ IL-PARTIJIET DIPENDENTI FUQ KARTIERA MSEMMIJA FL-ARTIKOLU 3
|
— |
JavaScript Object Notation (“JSON”); |
|
— |
IETF 7515 għall-JSON Web Signatures. |
2. REKWIŻITI GĦALL-API KOMUNI UNIKA MSEMMIJA FL-ARTIKOLU 3
|
(1) |
L-API komuni unika għandha:
|
|
(2) |
Id-dikjarazzjonijiet imsemmija fil-punt (c) għandhom jiġu espressi fil-forma ta’ fajls JSON iffirmati jew issiġillati elettronikament, b’format u struttura konformi mar-rekwiżiti dwar il-firem jew is-siġilli elettroniċi stabbiliti fit-Taqsima 1. |
ANNESS III
Sors ta’ prova dokumentarja għall-verifika tal-intitolamenti ta’ partijiet dipendenti fuq kartiera msemmija fl-Artikolu 6
|
1. |
Il-verifika li parti dipendenti fuq kartiera tkun fornitur ta’ attestazzjonijiet elettroniċi kwalifikati tal-attributi, fornitur ta’ ċertifikati kwalifikati għall-firem jew is-siġilli elettroniċi, jew fornitur ta’ servizzi fiduċjarji kwalifikati għall-ġestjoni ta’ apparati kwalifikati għall-ħolqien ta’ firem jew siġilli elettroniċi mill-bogħod, għandha tkun ibbażata fuq il-listi affidabbli nazzjonali ppubblikati f’konformità mal-Artikolu 22 tar-Regolament (UE) Nru 910/2014. |
|
2. |
Il-verifika li parti dipendenti fuq kartiera tkun fornitur ta’ attestazzjonijiet elettroniċi mhux kwalifikati tal-attributi jew fornitur ta’ ħolqien ta’ firem jew siġilli elettroniċi mill-bogħod bħala servizz fiduċjarju mhux kwalifikat għandha tkun ibbażata, meta applikabbli, fuq il-listi affidabbli nazzjonali ppubblikati f’konformità mal-Artikolu 22 tar-Regolament (UE) Nru 910/2014 jew, għall-fornituri tas-servizzi fiduċjarji mhux kwalifikati li mhumiex irreġistrati fil-listi affidabbli nazzjonali, fuq proċeduri ta’ verifika li l-Istati Membri jkunu stabbilew fil-politiki tar-reġistrazzjoni tagħhom kif stabbilit fl-Artikolu 4. |
|
3. |
Il-verifika li parti dipendenti fuq kartiera hija fornitur ta’ data tal-identifikazzjoni personali għandha tkun ibbażata fuq il-lista ta’ fornituri ta’ data tal-identifikazzjoni personali ppubblikata mill-Kummissjoni f’konformità mal-Artikolu 5a(18) tar-Regolament (UE) Nru 910/2014. |
|
4. |
Il-verifika li parti dipendenti fuq kartiera hija fornitur ta’ attestazzjonijiet elettroniċi tal-attributi maħruġa minn jew f’isem korp tas-settur pubbliku responsabbli minn sors awtentiku għandha tkun ibbażata fuq il-lista ppubblikata mill-Kummissjoni f’konformità mal-Artikolu 45f(3) tar-Regolament (UE) Nru 910/2014. |
ANNESS IV
Rekwiżiti għaċ-ċertifikati tal-aċċess għal parti dipendenti fuq kartiera msemmija fl-Artikolu 7
|
1. |
Il-politika taċ-ċertifikat tal-aċċess għal parti dipendenti fuq kartiera applikabbli għall-forniment taċ-ċertifikati tal-aċċess għal parti dipendenti fuq kartiera għandha tiddeskrivi r-rekwiżiti tas-sigurtà li japplikaw għal, u r-regoli li jindikaw l-applikabbiltà ta’, ċertifikat tal-aċċess għal parti dipendenti fuq kartiera biex il-partijiet dipendenti fuq kartiera jkunu jistgħu jinħarġulhom u jużaw dawk iċ-ċertifikati fl-interazzjonijiet tagħhom ma’ soluzzjonijiet tal-kartiera. |
|
2. |
Id-dikjarazzjoni tal-prattika taċ-ċertifikat tal-aċċess għal parti dipendenti fuq kartiera applikabbli għall-forniment ta’ ċertifikati tal-aċċess għal parti dipendenti fuq kartiera għandha tiddeskrivi l-prattiki li fornitur taċ-ċertifikati tal-aċċess għal parti dipendenti fuq kartiera juża biex joħroġ, imexxi, jirrevoka jew joħroġ kjavi ġdid għaċ-ċertifikati tal-aċċess għal parti dipendenti fuq kartiera. |
|
3. |
Il-politika taċ-ċertifikati u d-dikjarazzjoni tal-prattika taċ-ċertifikati applikabbli għall-forniment taċ-ċertifikati tal-aċċess għal parti dipendenti fuq kartiera għandhom ikunu armonizzati sintattikament u semantikament mal-Unjoni kollha u għandhom, kif applikabbli, ikunu konformi mqar mar-rekwiżiti tal-politika taċ-ċertifikati normalizzata (“NCP”) kif speċifikat fl-istandard ETSI EN 319411-1 il-verżjoni 1.4.1 (2023-10), u għandhom jinkludu:
|
|
4. |
Ir-revoka stabbilita fil-punt 3(g) għandha ssir effettiva minnufih malli tiġi ppubblikata. |
|
5. |
L-informazzjoni stabbilita fil-punt 3(h) għandha tkun disponibbli mqar abbażi ta’ ċertifikat fi kwalunkwe ħin u mqar wara l-perjodu tal-validità taċ-ċertifikat b’mod awtomatizzat li jkun affidabbli, bla ħlas u b’mod effettiv f’konformità mal-politika taċ-ċertifikat. |
ANNESS V
Rekwiżiti għaċ-ċertifikati tar-reġistrazzjoni ta’ parti dipendenti fuq kartiera msemmija fl-Artikolu 8
|
1. |
Il-politika taċ-ċertifikati tar-reġistrazzjoni ta’ parti dipendenti fuq kartiera applikabbli għall-forniment ta’ ċertifikati tar-reġistrazzjoni ta’ parti dipendenti fuq kartiera għandha tiddeskrivi r-rekwiżiti tas-sigurtà li japplikaw għal ċertifikat tar-reġistrazzjoni ta’ parti dipendenti fuq kartiera, u r-regoli li jindikaw l-applikabbiltà tiegħu, għall-ħruġ u l-użu tiegħu minn partijiet dipendenti fuq kartiera fl-interazzjonijiet tagħhom ma’ soluzzjonijiet tal-kartiera. Il-politika taċ-ċertifikati tar-reġistrazzjoni ta’ parti dipendenti fuq kartiera għandha tiġi ppubblikata b’mod li jinqara mill-bniedem. |
|
2. |
Id-dikjarazzjoni tal-prattika taċ-ċertifikati tar-reġistrazzjoni ta’ parti dipendenti fuq kartiera applikabbli għall-forniment ta’ ċertifikati tar-reġistrazzjoni ta’ parti dipendenti fuq kartiera għandha tiddeskrivi l-prattiki li fornitur ta’ ċertifikati tar-reġistrazzjoni ta’ parti dipendenti fuq kartiera juża biex joħroġ, imexxi, jirrevoka u jagħti klavi ġodda għaċ-ċertifikati tar-reġistrazzjoni ta’ parti dipendenti fuq kartiera u, meta applikabbli, kif dawn jirrelataw maċ-ċertifikati tal-aċċess għal parti dipendenti fuq kartiera maħruġa għall-partijiet dipendenti fuq kartiera. Id-dikjarazzjoni tal-prattika taċ-ċertifikati tar-reġistrazzjoni ta’ parti dipendenti fuq kartiera għandha tiġi ppubblikata b’mod li jinqara mill-bniedem. |
|
3. |
Il-politika taċ-ċertifikati u d-dikjarazzjoni tal-prattika taċ-ċertifikati tar-reġistrazzjoni ta’ parti dipendenti fuq kartiera applikabbli għall-forniment taċ-ċertifikati tar-reġistrazzjoni ta’ parti dipendenti fuq kartiera għandhom ikunu armonizzati sintattikament u semantikament mal-Unjoni kollha u għandhom ikunu konformi mqar mar-rekwiżiti NCP applikabbli kif speċifikat fl-istandard ETSI EN 319411-1 il-verżjoni 1.4.1 (2023-10), u għandhom jinkludu:
|
|
4. |
Il-format għall-iskambju tad-data għaċ-ċertifikat tar-reġistrazzjoni ta’ parti dipendenti għandu jkun JSON Web Tokens (IETF RFC 7519) u CBOR Web Tokens (IETF RFC 8392) iffirmati. |
|
5. |
Ir-revoka msemmija fil-punt 3(g) għandha ssir effettiva minnufih malli tiġi ppubblikata. |
|
6. |
L-informazzjoni msemmija fil-punt 3(h) għandha tkun disponibbli mqar abbażi ta’ ċertifikat fi kwalunkwe ħin u mqar wara l-perjodu tal-validità taċ-ċertifikat b’mod awtomatizzat li jkun affidabbli, bla ħlas u b’mod effettiv f’konformità mal-politika taċ-ċertifikati. |
ELI: http://data.europa.eu/eli/reg_impl/2025/848/oj
ISSN 1977-074X (electronic edition)