|
25.11.2021 |
GA |
Iris Oifigiúil an Aontais Eorpaigh |
L 420/19 |
RIALACHÁN CUR CHUN FEIDHME (AE) 2021/2051 ÓN gCOIMISIÚN
an 24 Samhain 2021
maidir le hullmhóid de Bacillus velezensis PTA-6507, Bacillus velezensis NRRL B-50013 agus Bacillus velezensis NRRL B-50104 a údarú mar bhreiseán beathaithe do thurcaithe lena ramhrú (sealbhóir an údaraithe: Danisco Animal Nutrition arna ionadú ag Genencor International B.V.)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 1831/2003 ó Pharlaimint na hEorpa agus ón gComhairle an 22 Meán Fómhair 2003 maidir le breiseáin lena n-úsáid i gcothú ainmhithe (1), agus go háirithe Airteagal 9(2) de,
De bharr an mhéid seo a leanas:
|
(1) |
Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú agus a athnuachan. |
|
(2) |
I gcomhréir le hAirteagal 7 de Rialachán (CE) Uimh. 1831/2003 cuireadh isteach iarratas maidir le hullmhóid de Bacillus velezensis PTA-6507, Bacillus velezensis NRRL B-50013 agus Bacillus velezensis NRRL B-50104 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. |
|
(3) |
Baineann an t-iarratas le hullmhóid de Bacillus velezensis PTA-6507, Bacillus velezensis NRRL B-50013 agus Bacillus velezensis NRRL B-50104, rud a aithníodh roimhe seo mar Bacillus amyloliquefaciens PTA-6507, Bacillus amyloliquefaciens NRRL B-50013 agus Bacillus amyloliquefaciens NRRL B-50104, a údarú mar bhreiseán beathaithe do thurcaithe lena ramhrú, ullmhóid atá le haicmiú sa chatagóir “breiseáin zóiteicniúla”. |
|
(4) |
Chinn an tÚdarás Eorpach um Shábháilteacht Bia (“an tÚdarás”) ina thuairim an 17 Márta 2021 (2) nach bhfuil tionchar díobhálach ag an ullmhóid de Bacillus velezensis PTA-6507, Bacillus velezensis NRRL B-50013 agus Bacillus velezensis NRRL B-50104 ar shláinte ainmhithe, ar shábháilteacht an tomhaltóra ná ar an gcomhshaol, faoi na coinníollacha úsáide atá beartaithe. Chinn sé freisin nach greannaitheoir craicinn ná súl atá san ullmhóid sin agus nach íogróir deirmeach atá inti ach oiread, ach de bharr nádúr próitéineach na n-oibreán gníomhach, gur cheart a mheas gur íogróir riospráide í an ullmhóid. Dá bhrí sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin. Chinn an tÚdarás freisin go bhféadfadh an ullmhóid a bheith éifeachtúil mar bhreiseán zóiteicniúil i mbeatha ainmhithe. Ní mheasann an tÚdarás go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe i mbeatha ainmhithe arna cur isteach ag an Saotharlann Tagartha a bunaíodh le Rialachán (CE) Uimh. 1831/2003. |
|
(5) |
Léiríonn an measúnú ar an ullmhóid de Bacillus velezensis PTA-6507, Bacillus velezensis NRRL B-50013 agus Bacillus velezensis NRRL B-50104 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid an táirge a údarú mar a shonraítear san Iarscríbhinn a ghabhann leis an Rialachán seo. |
|
(6) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
An ullmhóid a shonraítear san Iarscríbhinn, ullmhóid a bhaineann leis an gcatagóir breiseán “breiseáin zóiteicniúla” agus leis an bhfeidhmghrúpa “cobhsaitheoirí fhlóra na stéige”, údaraítear í mar bhreiseán i gcothú ainmhithe, faoi réir na gcoinníollacha a leagtar síos san Iarscríbhinn sin.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 24 Samhain 2021.
Thar ceann an Choimisiúin
An tUachtarán
Ursula VON DER LEYEN
(1) IO L 268, 18.10.2003, lch. 29.
(2) EFSA Journal [Iris EFSA] 2021;19(4):6535.
IARSCRÍBHINN
|
Uimhir aitheantais an bhreiseáin |
Ainm shealbhóir an údaraithe |
Breiseán |
Comhdhéanamh, foirmle cheimiceach, tuairisc, modh anailíse |
Speiceas nó catagóir ainmhí |
Uasteorainn aoise |
Íoschion |
Uaschion |
Forálacha eile |
Deireadh na tréimhse údaraithe |
||||||
|
CFU/kg d’ábhar beatha iomlán ina bhfuil cion taise 12 % |
|||||||||||||||
|
Catagóir: breiseáin zóiteicniúla Feidhmghrúpa: cobhsaitheoirí fhlóra na stéige |
|||||||||||||||
|
4b1827i |
Danisco Animal Nutrition arna ionadú ag Genencor International B.V. |
Bacillus velezensis PTA-6507, Bacillus. velezensis NRRL B-50013 agus Bacillus. velezensis NRRL B-50104 |
Comhdhéanamh an bhreiseáin Ullmhóid de Bacillus velezensis PTA-6507, Bacillus. velezensis NRRL B-50013 agus Bacillus. velezensis NRRL B-50104 ina bhfuil íoschion 2,5 x 109 CFU/g de bhreiseán (iomlán) le híostiúchan bhaictéarach 8,3 x 108 de gach tréithchineál/g de bhreiseán. Foirm sholadach |
Turcaithe lena ramhrú |
- |
7,5 × 107 |
- |
|
15 Nollaig 2031 |
||||||
|
Tréithriú na substainte gníomhaí Spóir inmharthana Bacillus velezensis PTA-6507, Bacillus. velezensis NRRL B-50013 agus Bacillus. velezensis NRRL B-50104 |
|||||||||||||||
|
Modh anailíse (1) Bacillus velezensis PTA-6507, Bacillus. velezensis NRRL B-50013 agus Bacillus. velezensis NRRL B-50104 sa bhreiseán beathaithe, sna réamh-mheascáin agus sna hábhair bheathaa shainaithint agus a áireamh
|
|||||||||||||||
(1) Tá sonraí faoi na modhanna anailíse ar fáil ag an seoladh seo a leanas sa tSaotharlann Tagartha: https://ec.europa.eu/jrc/en/eurl/feed-additives/evaluation-reports