(a)

Minkejja d-dispożizzjonijiet tal-Protokoll 1 ta’ dan il-Ftehim, u sakemm ma jkunx provdut mod ieħor f’dan il-Ftehim, it-termini Stat Membru(i) u awtoritajiet kompetenti għandhom jinftiehmu li jinkludu, apparti t-tifsira tagħhom fir-Regolament, l-Istati tal-EFTA u l-awtoritajiet kompetenti tagħhom, rispettivament.

(b)

Sakemm ma jkunx previst mod ieħor f’dan il-Ftehim, l-Awtoritajiet Superviżorji Ewropej (ASE) u l-Awtorità ta’ Sorveljanza tal-EFTA għandhom jikkooperaw, jiskambjaw informazzjoni u jikkonsultaw lil xulxin għall-finijiet tar-Regolament, b’mod partikolari qabel ma jieħdu kwalunkwe azzjoni.

(c)

Deċiżjonijiet, talbiet, rakkomandazzjonijiet, opinjonijiet, pjanijiet u miżuri oħra tal-Awtorità ta’ Sorveljanza tal-EFTA skont l-Artikoli 31, 33, 35-39, 42 u 43 għandhom, mingħajr dewmien żejjed, jiġu adottati abbażi ta’ abbozzi mħejjija mill-ASE kompetenti skont l-Artikolu 31(1) fuq inizjattiva tagħha stess jew fuq talba tal-Awtorità ta’ Sorveljanza tal-EFTA.

(d)

Meta r-Regolament jirreferi għall-banek ċentrali nazzjonali, għandu, fir-rigward tal-Liechtenstein, jirreferi għall-Ministeru tal-Finanzi fil-Liechtenstein.

(e)

Fil-punt (61) tal-Artikolu 3, il-kliem ‘jew l-Awtorità ta’ Sorveljanza tal-EFTA, skont il-każ’ għandu jiddaħħal wara l-kelma ‘Awtorità Superviżorja Ewropea’.

(f)

Fil-punt (30) tal-Artikolu 3 l-Artikolu 55(3), il-kliem ‘liġi tal-Unjoni jew nazzjonali’ għandhom jiġu sostitwiti bi ‘dispożizzjonijiet tal-Ftehim ŻEE jew tal-liġi nazzjonali’.

(g)

Fl-Artikoli 6(10) u 19(5), il-kliem ‘il-liġi settorjali tal-Unjoni u dik nazzjonali’ għandu jiġi sostitwit bi ‘il-Ftehim ŻEE u l-liġi settorjali nazzjonali’.

(h)

Fl-Artikolu 19(7), il-kliem ‘u l-banek ċentrali nazzjonali tal-Istati tal-EFTA’ għandhom jiddaħħlu wara l-kliem ‘membri tas-Sistema Ewropea ta’ Banek Ċentrali’.

(i)

Fl-Artikolu 31(1):

(j)

Fl-Artiklu 31(5), il-kliem ‘, jew l-Awtorità ta’ Sorveljanza tal-EFTA, skont il-każ’ għandhom jiddaħħlu wara l-kelma ‘L-Awtorità’.

(k)

Fl-Artikolu 31(8) (ii), il-kliem ‘jew, fir-rigward tal-Istati tal-EFTA, l-oqfsa għall-finijiet ta’ appoġġ għall-istess kompiti kif imsemmi fl-Artikolu 127(2) tat-Trattat dwar il-Funzjonament tal-Unjoni Ewropea’ għandu jiddaħħal wara l-kliem ‘it-Trattat dwar il-Funzjonament tal-Unjoni Ewropea’.

(l)

Fl-Artikolu 31(11), il-kliem ‘, jew l-Awtorità ta’ Sorveljanza tal-EFTA, skont il-każ’ għandu jiddaħħal wara l-kliem ‘Kumitat Konġunt’.

(m)

Fl-Artikolu 32(4), għandhom jiżdiedu s-subparagrafi li ġejjin:

‘L-awtoritajiet kompetenti tal-Istati tal-EFTA għandu jkollhom l-istess drittijiet u obbligi bħall-awtoritajiet kompetenti tal-Istati Membri tal-UE fil-ħidma tal-Forum ta’ Sorveljanza.

L-awtorità ta’ Sorveljanza tal-EFTA għandu jkollha d-dritt li taħtar żewġ rappreżentanti fil-Forum ta’ Sorveljanza, li wieħed minnhom għandu jkun rappreżentant ta’ livell għoli, bl-istess drittijiet u obbligi bħar-rappreżentanti tal-ASEs.’.

(n)

Fl-Artikolu 32(8), il-kliem ‘regoli oħra tal-Unjoni’ għandhom jiġu sostitwiti bil-kliem ‘dispożizzjonijiet oħra tal-Ftehim ŻEE’.

(o)

Is-sentenza li ġejja għandha tiżdied fl-Artikolu 34(1):

‘L-awtorità ta’ Sorveljanza tal-EFTA, fir-rwol tagħha bħala Sorveljant Ewlieni, għandha tipparteċipa f’JON.’.

(p)

Fl-Artikoli 35(3), għandu jiżdied is-sottoparagrafu segwenti:

‘Qabel ma tħejji abbozz ta’ rakkomandazzjoni skont il-paragrafu 1, il-punt (d) għall-Awtorità ta’ Sorveljanza tal-EFTA, l-ESA responsabbli għandha tagħti lill-fornitur terz ta’ servizzi tal-ICT l-opportunità li jipprovdi, fi żmien 30 jum kalendarju, informazzjoni rilevanti li turi l-impatt mistenni fuq il-klijenti li huma entitajiet li jaqgħu barra mill-kamp ta’ applikazzjoni ta’ dan ir-Regolament u, fejn xieraq, jifformulaw soluzzjonijiet biex jimmitigaw ir-riskji.’.

(q)

Is-sentenza li ġejja għandha tiżdied fl-Artikolu 35(9):

‘Il-Kumitat Permanenti tal-Istati tal-EFTA għandu jiddetermina l-allokazzjoni tal-ammonti ta’ pagamenti perjodiċi ta’ penali miġbura mill-Awtorità ta’ Sorveljanza tal-EFTA, fir-rwol tagħha bħala Sorveljant Ewlieni.’.

(r)

Fl-Artikolu 35(11) is-subparagrafu li ġej għandu jiddaħħal qabel l-ewwel subparagrafu:

‘Qabel ma tħejji abbozz ta’ deċiżjoni dwar il-pagamenti perjodiċi ta’ penali skont il-paragrafu 6 għall-Awtorità ta’ Sorveljanza tal-EFTA, l-ESA responsabbli għandha tagħti lir-rappreżentanti tal-fornitur terz kritiku ta’ servizzi tal-ICT soġġett għall-proċedimenti l-opportunità li jinstemgħu dwar is-sejbiet u għandha tibbaża d-deċiżjonijiet tagħha biss fuq sejbiet li dwarhom il-fornitur terz kritiku ta’ servizzi tal-ICT soġġett għall-proċedimenti kellu l-opportunità li jikkummenta.’.

(s)

Fl-Artikolu 36(2), il-kliem ‘jew l-Awtorità ta’ Sorveljanza tal-EFTA’ għandu jiddaħħal wara l-kliem ‘l-EBA, l-ESMA jew l-EIOPA’.

(t)

Fl-Artikolu 37(3), fir-rigward tal-Istati tal-EFTA, il-punt (f) għandu jinqara kif ġej:

‘tindika d-dritt li d-deċiżjoni tiġi eżaminata mill-Qorti tal-EFTA skont l-Artikolu 36 tal-Ftehim bejn l-Istati tal-EFTA dwar it-Twaqqif ta’ Awtorità ta’ Sorveljanza u Qorti tal-Ġustizzja.’.

(u)

Fl-Artikolu 40(2):

(v)

Fl-Artikolu 49(1), il-kliem ‘u l-Awtorità ta’ Sorveljanza tal-EFTA’ għandu jiddaħħal wara l-kelma ‘il-Kummissjoni’.

(w)

Fl-Artikoli 49(2) u 56 (1), il-kliem ‘, l-Awtorità ta’ Sorveljanza tal-EFTA’ għandu jiddaħħal wara l-kelma ‘ESAs’.

(x)

Fl-Artikolu 64, fir-rigward tal-Istati tal-EFTA, il-kliem ‘17 ta’ Jannar 2025’ għandu jsir ‘data magħżula skont il-liġi nazzjonali mhux aktar tard minn 12-il xahar wara d-data tad-dħul fis-seħħ tad-Deċiżjoni tal-Kumitat Konġunt taż-ŻEE Nru [nn/ssss] tax-xahar/sena] (Din id-deċiżjoni).’.”