(a)

D’ainneoin fhorálacha Phrótacal 1 a ghabhann leis an gComhaontú seo, agus mura bhforáiltear a mhalairt sa Chomhaontú seo, maidir leis na téarmaí Ballstát nó Ballstáit agus údaráis inniúla, tuigfear go bhfuil Stáit CSTE agus a n-údaráis inniúla ar áireamh iontu faoi seach, sa bhreis ar bhrí na dtéarmaí sin sa Rialachán.

(b)

Mura bhforáiltear a mhalairt sa Chomhaontú seo, comhoibreoidh na hÚdaráis Maoirseachta Eorpacha (ÚMEnna) agus Údarás Faireacháin CSTE, malartóidh siad faisnéis agus rachaidh siad i gcomhairle le chéile chun críocha an Rialacháin, go háirithe sula ndéanfaidh siad aon ghníomhaíocht.

(c)

Maidir le cinntí, iarrataí, moltaí, tuairimí, pleananna agus bearta eile de chuid Údarás Faireacháin CSTE faoi Airteagail 31, 33, 35-39, 42 agus 43, glacfar iad gan moill mhíchuí, ar bhonn dréachtaí arna n-ullmhú ag an ÚME inniúil de bhun Airteagal 31(1) ar a thionscnamh féin nó arna iarraidh sin d’Údarás Faireacháin CSTE.

(d)

Nuair a dhéantar tagairt sa Rialachán do bhainc cheannais náisiúnta, déanfar tagairt, a mhéid a bhaineann le Lichtinstéin, don Aireacht Airgeadais i Lichtinstéin.

(e)

I bpointe (61) d’Airteagal 3, cuirfear isteach na focail “nó Údarás Faireacháin CSTE, de réir mar a bheidh,” i ndiaidh na bhfocal “an tÚdarás Maoirseachta Eorpach”.

(f)

I bpointe (30) d’Airteagal 3 agus in Airteagal 55(3), cuirfear na focail “forálacha Chomhaontú LEE nó forálacha an dlí náisiúnta” in ionad na bhfocal “dlí an Aontais nó an dlí náisiúnta”.

(g)

In Airteagal 6(10) agus Airteagal 19(5), cuirfear na focail “dlí earnála Chomhaontú LEE agus an dlí earnála náisiúnta” in ionad na bhfocal “dlí an Aontais agus an dlí earnála náisiúnta”.

(h)

In Airteagal 19(7), cuirfear isteach na focail “agus bainc cheannais náisiúnta Stáit CSTE” i ndiaidh na bhfocal “baill an Chórais Eorpaigh Banc Ceannais”.

(i)

In Airteagal 31(1):

(j)

In Airteagal 31(5), cuirfear isteach na focail “, nó Údarás Faireacháin CSTE, de réir mar a bheidh” i ndiaidh an fhocail “gComhchoiste”.

(k)

In Airteagal 31(8) (ii), cuirfear isteach na focail “nó, a mhéid a bhaineann le Stáit CSTE, le creataí chun tacú leis na cúramaí céanna dá dtagraítear in Airteagal 127(2) den Chonradh ar Fheidhmiú an Aontais Eorpaigh” i ndiaidh na bhfocal “Chonradh ar Fheidhmiú an Aontais Eorpaigh”.

(l)

In Airteagal 31(11), cuirfear isteach na focail “, nó Údarás Faireacháin CSTE, de réir mar a bheidh,” i ndiaidh an fhocail “gComhchoiste”.

(m)

In Airteagal 32(4), cuirfear na fomhíreanna seo a leanas leis:

“Údaráis inniúla Stáit CSTE, beidh na cearta agus na hoibleagáidí céanna acu agus a bheidh ag údaráis inniúla Bhallstáit an Aontais in obair an Fhóraim Formhaoirseachta.

Beidh sé de cheart ag Údarás Faireacháin CSTE beirt ionadaithe a cheapadh ar an bhFóram Formhaoirseachta, a mbeidh duine acu ina ionadaí ardleibhéal, agus a mbeidh na cearta agus na oibleagáidí céanna aige agus a bheidh ag ionadaithe na ÚMEnna.”.

(n)

In Airteagal 32(8), cuirfear na focail “forálacha Chomhaontú LEE” in ionad na bhfocal “rialacha an Aontais”.

(o)

In Airteagal 34(1), cuirfear an abairt seo a leanas leis:

“Glacfaidh Údarás Faireacháin CSTE páirt sa Líonra Formhaoirseachta Comhpháirtí, mar chuid dá ról mar Phríomh-Fhormhaoirseoir.”.

(p)

In Airteagal 35(3), cuirfear an fhomhír seo a leanas leis:

“Sula n-ullmhaítear dréachtmholadh i gcomhréir le mír 1, pointe (d) le haghaidh Údarás Faireacháin CSTE, tabharfaidh an ÚME atá freagrach an deis don soláthraí seirbhísí TFC tríú páirtí faisnéis ábhartha a sholáthar, laistigh de 30 lá féilire, ina léirítear an tionchar ionchasach ar chustaiméirí ar eintitis iad nach dtagann faoi raon feidhme an Rialacháin seo agus, i gcás inarb iomchuí, ina gceaptar réitigh chun rioscaí a mhaolú.”.

(q)

In Airteagal 35(9), cuirfear an abairt seo a leanas leis:

“Cinnfidh Buanchoiste na Stát CSTE leithdháileadh méideanna na n-íocaíochtaí pionósacha tréimhsiúla a bhailíonn Údarás Faireacháin CSTE, ina ról mar Phríomh-Fhormhaoirseoir.”.

(r)

In Airteagal 35(11), cuirfear isteach an fhomhír seo a leanas i ndiaidh na chéad fhomhíre:

“Sula n-ullmhaítear dréachtchinneadh maidir le híocaíochtaí pionósacha tréimhsiúla faoi mhír 6 le haghaidh Údarás Faireacháin CSTE, tabharfaidh an ÚME atá freagrach deis d’ionadaithe an tsoláthraí seirbhísí TFC tríú páirtí chriticiúil atá faoi réir na n-imeachtaí go n-éistfear leis maidir leis na torthaí agus bunóidh sé a chinntí ar thorthaí a raibh deis ag an soláthraí seirbhísí TFC tríú páirtí criticiúil atá faoi réir na n-imeachtaí a bharúil a thabhairt ina dtaobh agus ar na torthaí sin amháin.”.

(s)

In Airteagal 36(2), cuirfear isteach na focail “nó Údarás Faireacháin CSTE” i ndiaidh na bhfocal “ÚBE, ÚEUM nó ÚEÁPC”.

(t)

In Airteagal 37(3), a mhéid a bhaineann le Stáit CSTE, is é an méid seo a leanas a bheidh i bpointe (f):

“sonróidh sé an ceart chun an cinneadh a chur faoi bhráid Chúirt Bhreithiúnais Stáit CSTE lena athbhreithniú i gcomhréir le hAirteagal 36 den Chomhaontú idir Stáit CSTE maidir le hÚdarás Faireacháin agus Cúirt Bhreithiúnais a Bhunú.”.

(u)

In Airteagal 40(2):

(v)

In Airteagal 49(1), cuirfear isteach na focail “agus Údarás Faireacháin CSTE” i ndiaidh an fhocail “ÚMEnna”.

(w)

In Airteagail 49(2) agus 56(1), cuirfear isteach na focail “, Údarás Faireacháin CSTE” i ndiaidh an fhocail “ÚMEnna”.

(x)

In Airteagal 64, a mhéid a bhaineann le Stáit CSTE, in ionad na bhfocal “17 Eanáir 2025” is é “dáta a ainmneofar faoin dlí náisiúnta tráth nach déanaí ná 12 mhí tar éis dháta theacht i bhfeidhm Chinneadh Uimh. [uu/bbbb] an mí/bliain] ó Chomhchoiste LEE an (An cinneadh seo).” a bheidh ann.’