European flag

Il-Ġurnal Uffiċjali
ta'l-Unjoni Ewropea

MT

Is-serje L


2025/668

2.4.2025

REGOLAMENT DELEGAT TAL-KUMMISSJONI (UE) 2025/668

tal-15 ta’ Novembru 2024

li jissupplimenta lir-Regolament (UE) 2019/1700 tal-Parlament Ewropew u tal-Kunsill billi jispeċifika l-għadd u t-titoli tal-varjabbli fid-dominju tal-forza tax-xogħol għas-suġġett ad hoc tal-2026 tal-Impjiegi tal-Pjattaformi Diġitali

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2019/1700 tal-Parlament Ewropew u tal-Kunsill tal-10 ta’ Ottubru 2019 li jistabbilixxi qafas komuni għall-istatistika Ewropea relatata ma’ persuni u unitajiet domestiċi, abbażi ta’ data fuq livell individwali miġbura minn kampjuni, li jemenda r-Regolamenti (KE) Nru 808/2004, (KE) Nru 452/2008 u (KE) Nru 1338/2008 tal-Parlament Ewropew u tal-Kunsill, u li jħassar ir-Regolament (KE) Nru 1177/2003 tal-Parlament Ewropew u tal-Kunsill u r-Regolament tal-Kunsill (KE) Nru 577/982 (1), u b’mod partikolari l-Artikolu 6(1) tiegħu,

Billi:

(1)

Biex jiġu koperti l-ħtiġijiet identifikati fis-suġġetti dettaljati rilevanti, jeħtieġ jiġu speċifikati l-għadd u t-titolu tal-varjabbli fid-dominju tal-forza tax-xogħol għas-suġġett ad hoc tal-2026 tal-Impjiegi tal-Pjattaformi Diġitali.

(2)

L-għadd tal-varjabbli li jridu jinġabru ma għandux jaqbeż b’aktar minn 5% lill-għadd tal-varjabbli miġbura għad-dominju tal-forza tax-xogħol fil-mument meta daħal fis-seħħ ir-Regolament (UE) 2019/1700.

(3)

Il-Kummissjoni wettqet konsultazzjonijiet xierqa ma’ esperti nazzjonali bħala parti mit-tħejjija ta’ dan ir-Regolament Delegat,

ADOTTAT DAN IR-REGOLAMENT:

Artikolu 1

L-għadd u t-titoli tal-varjabbli fid-dominju tal-forza tax-xogħol għas-suġġett ad hoc tal-2026 tal-Impjiegi tal-Pjattaformi Diġitali għandhom ikunu kif stabbilit fl-Anness.

Article 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-15 ta’ Novembru 2024.

Għall-Kummissjoni

Il-President

Ursula VON DER LEYEN


(1)   ĠU L 261 I, 14.10.2019, p. 1.


ANNESS

L-għadd u t-titolu tal-varjabbli fid-dominju tal-forza tax-xogħol fir-rigward tas-sett tal-varjabbli għas-suġġett ad hoc tal-2026 tal-Impjiegi tal-Pjattaformi Diġitali.

Suġġett

Suġġett dettaljat

Identifikatur tal-varjabbli

Isem il-varjabbli

3d.

Parteċipazzjoni fis-suq tax-xogħol – 11-il varjabbli miġbura (11 relatati ma’ suġġett ad hoc)

Impjieg tal-pjattaformi diġitali

DPWORK

Qasam tal-attività tax-xogħol ewlieni bi ħlas fuq il-pjattaformi diġitali fl-aħħar 12-il xahar

DPINTENS

Intensità tax-xogħol bi ħlas fuq il-pjattaformi diġitali fl-aħħar 12-il xahar

DPHRSW

Għadd medju ta’ sigħat bi ħlas maħdumin fix-xahar fl-aħħar 12-il xahar fuq il-pjattaformi diġitali

DPINC

Sehem tal-introjtu totali mix-xogħol fuq il-pjattaformi diġitali meta mqabbel mal-introjtu personali totali fl-aħħar 12-il xahar

DPMR

Raġuni ewlenija għax-xogħol bi ħlas fuq il-pjattaformi diġitali fl-aħħar 12-il xahar

DPASG

Kompiti assenjati fix-xogħol ewlieni bi ħlas fuq il-pjattaformi diġitali mwettqa fl-aħħar 12-il xahar

DPREJ

Possibbiltà ta’ rifjut ta’ kompiti fix-xogħol ewlieni bi ħlas fuq il-pjattaformi diġitali fl-aħħar 12-il xahar

DPHSET

Awtorità li tiddeċiedi meta s-sigħat tax-xogħol isiru fix-xogħol ewlieni bi ħlas fuq il-pjattaformi diġitali fl-aħħar 12-il xahar

DPPSET

Awtorità għall-iffissar tal-prezzijiet fix-xogħol ewlieni bi ħlas fuq il-pjattaformi diġitali fl-aħħar 12-il xahar

DPINSCOV

Aċċess għal-liv bi ħlas jew għal benefiċċji tal-liv f’każ ta’ mard

DPMAIN

Xogħol bi ħlas fuq il-pjattaformi diġitali bħala impjieg ewlieni, it-tieni impjieg jew impjieg ieħor fil-ġimgħa ta’ referenza


ELI: http://data.europa.eu/eli/reg_del/2025/668/oj

ISSN 1977-074X (electronic edition)