(1)

Na táirgí de bhunadh plandaí agus ainmhíoch a bhfuil feidhm ag na huasleibhéil iarmhar lotnaidicídí (‘MRLanna’) arna socrú i Rialachán (CE) Uimh. 396/2005 maidir leo, liostaítear iad in Iarscríbhinn I a ghabhann leis an Rialachán sin.

(2)

Le Rialachán (AE) 2018/62 ón gCoimisiún (2), tugadh isteach iontráil nua le haghaidh ‘duillí raidise’ i gCuid B d’Iarscríbhinn I a ghabhann le Rialachán (CE) Uimh. 396/2005, mar tháirge a raibh feidhm le bheith ag na MRLanna céanna le ‘cál’ maidir leis. Tar éis faisnéis a fháil lena dtugtar le fios go bhféadfadh sé nach mbeadh na MRLanna le haghaidh cál oiriúnach do dhuillí raidise i ngach cás agus go raibh gá le trialacha sonracha ar iarmhair ar dhuillí raidise chun na MRLanna iomchuí a dheimhniú, le Rialachán (AE) 2018/1049 ón gCoimisiún (3) foráladh maidir le hidirthréimhse sula mbeadh feidhm ag na MRLanna sin maidir le ‘duillí raidise’ chun é a chur ar a gcumas do na Ballstáit na sonraí ba ghá a bhailiú i dtaobh an iomchuí na MRLanna le haghaidh ‘cál’ a chur i bhfeidhm maidir le ‘duillí raidise’. Ansin cuireadh síneadh leis an tréimhse sin go dtí an 1 Eanáir 2025 le Rialachán (AE) 2021/1771 ón gCoimisiún (4).

(3)

Sholáthair na Ballstáit torthaí inar léiríodh, i gcás na gcineálacha raidisí a bhfuil duillí beaga orthu (Raphanus sativus var. radicula), gurbh iad na dea-chleachtais talmhaíochta is cosúla na dea-chleachtais a úsáideadh le haghaidh ruachán Rómhánach, ar leis an bhfine luibheolaíoch chéanna é (Brassicaceae) agus a bhfuil cosúlachtaí moirfeolaíocha aige leis, agus i gcás na gcineálacha raidisí a bhfuil duillí móra orthu (Raphanus sativus var. longipinnatus agus Raphanus sativus var. niger), gurbh iad na dea-chleachtais talmhaíochta is cosúla na dea-chleachtais a úsáideadh le haghaidh cáil.

(4)

Dá bhrí sin, is iomchuí dhá iontráil ar leith le haghaidh duillí raidise a áireamh i gCuid B d’Iarscríbhinn I a ghabhann le Rialachán (CE) Uimh. 396/2005, trí iontráil nua le haghaidh ‘duillí raidise beaga’ a bhfuil feidhm le bheith ag na MRLanna céanna le ‘Ruachán Rómhánach’ maidir leo, agus is iomchuí an iontráil atá ann cheana i gCuid B d’Iarscríbhinn I a ghabhann le Rialachán (CE) Uimh. 396/2005 a mhodhnú ó ‘dhuillí raidise’ go ‘duillí raidise móra’ a bhfuil feidhm le bheith ag na MRLanna céanna le ‘cáil’ i gCuid A den Iarscríbhinn sin maidir leo. Ba cheart ainmneacha eolaíocha na speiceas agus na gcineálacha lena mbaineann na táirgí a áireamh sna hiontrálacha sin freisin.

(5)

Ós rud é go bhfuil na sonraí is gá soláthraithe ag na Ballstáit anois, ba cheart an fonóta a bhaineann leis an idirthréimhse le haghaidh duillí raidise a scriosadh ó Iarscríbhinn I a ghabhann le Rialachán (CE) Uimh. 396/2005.

(6)

Dá bhrí sin, ba cheart Rialachán (CE) Uimh. 396/2005 a leasú dá réir sin.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,