(1)

Il-linji gwida li jinsabu fl-Arranġament dwar Krediti ta’ Esportazzjoni Uffiċjalment Esportati (l-“Arranġament”) japplikaw fl-Unjoni permezz tar-Regolament (UE) Nru 1233/2011 tal-Parlament Ewropew u tal-Kunsill (1).

(2)

Il-145 sessjoni tal-Laqgħa tal-Parteċipanti fl-Arranġament, li saret fis-17 ta’ Novembru 2020, qablet li tadotta permezz ta’ proċedura bil-miktub deċiżjoni li temenda l-Arranġament biex jiżdied l-appoġġ uffiċjali għall-krediti tal-esportazzjoni fil-forma ta’ spejjeż lokali.

(3)

Id-deċiżjoni prevista biex jiżdied l-appoġġ uffiċjali għall-ispejjeż lokali hija maħsuba li tadatta d-dispożizzjonijiet dwar l-appoġġ għall-ispejjeż lokali fl-Arranġament għax-xejriet prevalenti tal-kummerċ u l-produzzjoni. Il-ktajjen tal-valur globali biddlu d-deċiżjonijiet tal-esportaturi dwar minn fejn jakkwistaw provvisti u l-biċċa l-kbira tal-esportaturi issa qed jiksbu provvisti minn diversi pajjiżi u qed tiżdied il-prattika li dan ikun minn fejn jinsab ix-xerrej. Sabiex l-esportaturi tal-Unjoni jingħataw aktar flessibbiltà u biex ikun hemm strateġiji ottimali dwar minn fejn isiru l-akkwisti, jenħtieġ li l-limitu fuq l-appoġġ uffiċjali għall-ispejjeż lokali jiżdied minn 30 % għal 40 % tal-valur tal-kuntratt ta’ esportazzjoni f’pajjiżi bi dħul għoli u minn 30 % għal 50 % tal-valur tal-kuntratt ta’ esportazzjoni f’pajjiżi bi dħul medju u baxx.

(4)

Jixraq li tiġi stabbilita l-pożizzjoni li trid tittieħed f’isem l-Unjoni dwar id-deċiżjoni li għandha tiġi adottata mill-Parteċipanti fl-Arranġament fil-proċedura bil-miktub, peress li d-deċiżjoni prevista tkun tista’ tinfluwenza b’mod deċiżiv il-kontenut tad-dritt tal-Unjoni, permezz tal-Artikolu 2 tar-Regolament (UE) Nru 1233/2011,