|
Iris Oifigiúil |
GA Sraith L |
|
2025/2144 |
22.10.2025 |
RIALACHÁN CUR CHUN FEIDHME (AE) 2025/2144 ÓN gCOIMISIÚN
an 21 Deireadh Fómhair 2025
lena gcuirtear allmhairí próitéine pise de thionscnamh Dhaon-Phoblacht na Síne faoi réir a gcláraithe
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí dumpáilte ó thíortha nach baill den Aontas Eorpach iad (1) (‘an bun-Rialachán’), agus go háirithe Airteagal 14(5) de,
Tar éis na Ballstáit a chur ar an eolas,
De bharr an mhéid seo a leanas:
|
(1) |
An 29 Lúnasa 2025, d’fhógair an Coimisiún Eorpach (‘an Coimisiún’), trí fhógra a foilsíodh in Iris Oifigiúil an Aontais Eorpaigh (2), gur tionscnaíodh imeachtaí frithdhumpála maidir le hallmhairí próitéine pise isteach san Aontas de thionscnamh Dhaon-Phoblacht na Síne. |
|
(2) |
Tionscnaíodh na himeachtaí seo tar éis don Chomhlachas Ad Hoc de Tháirgeoirí Próitéine Pise de chuid an Aontais gearán a chur isteach an 15 Iúil 2025 thar ceann táirgeoirí a tháirgeann mó ná 25 % de tháirgeacht iomlán próitéine pise san Aontas. |
1. AN TÁIRGE ATÁ FAOI RÉIR A CHLÁRAITHE
|
(3) |
Is é atá sa táirge atá faoi réir a chláraithe (‘an táirge lena mbaineann’) próitéin phise ina bhfuil cion ard próitéine, ina bhfuil níos mó ná 65 % de phróitéin ar bhonn an mheáchain thirim, lena gcuimsítear gach cineál próitéine pise a dhíorthaítear ó phiseanna (lena n-áirítear piseanna machaire buí agus piseanna machaire glasa, ach gan a bheith teoranta dóibh sin), i ngach foirm fhisiceach (lena n-áirítear foirmeacha soladacha (e.g. púdar) agus leachtacha (tuaslagán)), bídís uigeach nó ná bídís (‘an táirge faoi imscrúdú’). |
|
(4) |
Aicmítear an táirge faoi láthair faoi chóid AC ex 3504 00 90 (cód TARIC 3504 00 90 91), ex 2106 10 20 (cód TARIC 2106 10 20 40), ex 2106 10 80 (cóid TARIC 2106 10 80 31, 2106 10 80 39 agus 2106 10 80 71) agus ex 2303 10 90 (cód TARIC 2303 10 90 10). Is ar mhaithe le faisnéis amháin a thugtar na cóid AC agus TARIC sin agus gan dochar d’aon athrú a dhéanfaí ar an aicmiú taraife ina dhiaidh sin. |
2. CLÁRÚ
|
(5) |
Faoi Airteagal 14(5) den bhun-Rialachán, féadfar allmhairí an táirge lena mbaineann a chur faoi réir a gcláraithe chun a áirithiú go bhféadfar na dleachtanna sin a thobhach go cúlghabhálach, má chomhlíontar na coinníollacha is gá, ar na hallmhairí cláraithe i gcomhréir leis na forálacha dlí is infheidhme, i gcás ina mbeadh torthaí ar na himscrúduithe as a dtiocfadh forchur dleachtanna frithdhumpála. |
|
(6) |
Chinn an Coimisiún, ar a thionscnamh féin, allmhairí an táirge lena mbaineann a chur faoi réir a gcláraithe faoi Airteagal 14(5) den bhun-Rialachán. Na coinníollacha le haghaidh bhailiú cúlghabhálach na ndleachtanna, más ann dóibh, déanfar measúnú orthu sa Rialachán lena bhforchuirfear dleachtanna cinntitheacha. |
|
(7) |
Aon dliteanas a bheadh ann amach anseo, is as torthaí an imscrúdaithe a thiocfadh sé. |
|
(8) |
De réir na ríomhanna arna soláthar sa ghearán inar iarradh imscrúdú frithdhumpála a thionscnamh, meastar corrlaigh dhumpála idir 41 % agus 123 % agus leibhéal díothaithe díobhála idir 60 % agus 118 % a bheith ann le haghaidh an táirge lena mbaineann sa tréimhse ón 1 Eanáir 2024 go dtí an 31 Nollaig 2024. De ghnáth, dhéanfaí an méid dliteanais a d’fhéadfadh a bheith ann amach anseo a shocrú ar an leibhéal is ísle den dá leibhéal sin de réir Airteagal 7(2) den bhun-Rialachán. |
|
(9) |
Mar sin féin, ag an gcéim seo ní féidir leis an gCoimisiún an méid dliteanais a d’fhéadfaí a bheith ann amach anseo a mheas. Dá bhrí sin, is ar mhaithe le faisnéis amháin atá na méideanna a luaitear sa ghearán agus ní féidir a bheith ag súil leis an leibhéal iarbhír dliteanais a bhunófar mar thoradh ar an imscrúdú a bheith bunaithe orthu. |
3. PRÓISEÁIL SONRAÍ PEARSANTA
|
(10) |
Aon sonraí pearsanta a bhailítear i gcomhthéacs an chlárúcháin seo, déanfar iad a láimhseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle (3), |
TAR ÉIS AN RIALACHÁN SEO A GHLACADH:
Airteagal 1
1. Ordaítear leis seo do na húdaráis chustaim, faoi Airteagal 14(5) de Rialachán (AE) 2016/1036, na céimeanna iomchuí a ghlacadh chun allmhairí isteach san Aontas a chlárú i gcás allmhairí próitéine pise ina bhfuil cion ard próitéine, ina bhfuil níos mó ná 65 % de phróitéin ar bhonn an mheáchain thirim, lena gcuimsítear gach cineál próitéine pise a dhíorthaítear ó phiseanna (lena n-áirítear piseanna machaire buí agus piseanna machaire glasa, ach gan a bheith teoranta dóibh sin), i ngach foirm fhisiceach (lena n-áirítear foirmeacha soladacha (e.g. púdar) agus leachtacha (tuaslagán)), bídís uigeach nó ná bídís, atá faoi láthair faoi chóid AC ex 3504 00 90 (cód TARIC 3504 00 90 91), ex 2106 10 20 (cód TARIC 2106 10 20 40), ex 2106 10 80 (cóid TARIC 2106 10 80 31, 2106 10 80 39 agus 2106 10 80 71) agus ex 2303 10 90 (cód TARIC 2303 10 90 10), de thionscnamh Dhaon-Phoblacht na Síne.
2. Rachaidh an clárú in éag 9 mí tar éis dháta theacht i bhfeidhm an Rialacháin seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 21 Deireadh Fómhair 2025.
Thar ceann an Choimisiúin
An tUachtarán
Ursula VON DER LEYEN
(1) IO L 176, 30.6.2016, lch. 21, ELI: http://data.europa.eu/eli/reg/2016/1036/oj..
(2) IO C, C/2025/4850, 29.8.2025, ELI: https://data.europa.eu/eli/C/2025/4850/oj.
(3) Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39, ELI: http://data.europa.eu/eli/reg/2018/1725/oj).
ELI: http://data.europa.eu/eli/reg_impl/2025/2144/oj
ISSN 1977-0839 (electronic edition)