Ainm

Faisnéis aitheantais

Cúiseanna

Dáta an liostaithe

‘2.

Gustavo Enrique GONZÁLEZ LÓPEZ

Dáta breithe: 2.11.1960

Inscne: fireann

Uachtarán Petróleos de Venezuela (PDVSA). Ard Stiúrthóir ar an tSeirbhís Bholavarach um Fhaisnéis Náisiúnta (SEBIN) idir mí Aibreáin 2019 agus mí Dheireadh Fómhair 2024. Comhairleoir slándála agus faisnéise don Uachtarán Maduro ó mhí Eanáir 2019, agus Ard-Stiúrthóir SEBIN ó mhí Feabhra 2014 go dtí mí Dheireadh Fómhair 2018. Le linn dó a bheith ina stiúrthóir ar SEBIN, rinne oifigigh faoina údarás deiridh gníomhaíochtaí coinneála treallacha, céastóireachta agus íde atá cruálach agus mídhaonna, lena n-áirítear foréigean gnéasach, in ionad coinneála El Helicoide. Agus é ina Ard-Stiúrthóir SEBIN, tá sé freagrach as sáruithe tromchúiseacha ar chearta an duine, lena n-áirítear coinneáil threallach, íde atá mídhaonna agus táireach, agus céastóireacht agus as cos ar bolg a imirt ar an tsochaí shibhialta agus ar an bhfreasúra daonlathach i Veiniséala.

22.1.2018

11.

Iván HERNÁNDEZ DALA

Data breithe: 18.5.1966

Inscne: fireann

Uachtarán Chuideachta Náisiúnta Teileafóin Veiniséala (National Telephone Company of Venezuela) (Cantv). Maor-Ghinearál in Arm Náisiúnta Bolavarach Veiniséala. Ard-Stiúrthóir Ard-Stiúrthóireacht na Frithaisnéise Míleata idir mí Eanáir 2014 agus mí Dheireadh Fómhair 2024 agus Ceann ar Gharda an Uachtaráin idir mí Mheán Fómhair 2015 agus mí Dheireadh Fómhair 2024. Agus é ina cheann ar an bhFrithaisnéis Mhíleata, tá Iván Hernández Dala freagrach as an gcos ar bolg a imirt ar an tsochaí shibhialta agus ar an bhfreasúra daonlathach agus as sáruithe tromchúiseacha ar chearta an duine a d’imir baill na Frithaisnéise Míleata faoina cheannas, lena n-áirítear céastóireacht, úsáid fornirt iomarcaigh agus drochíde a thabhairt do dhaoine faoi choinneáil.

25.6.2018

31.

Jorge Elieser MÁRQUEZ MONSALVE

Dáta breithe: 20.2.1971

Áit bhreithe: Caracas, Veiniséala

Uimhir aitheantais: V-8714253

Inscne: fireann

An tAire Leictreachais agus Leas-Uachtarán Oibreacha Poiblí agus Fóntas ón 23 Aibreán 2024 i leith. Aire in Oifig na hUachtaránachta agus Ard Stiúrthóir an Choimisiúin Náisiúnta Teileachumarsáide (CONATEL) ón 7 Lúnasa 2017. Bhain a chuid gníomhaíochtaí an bonn den daonlathas nó den smacht reachta i Veiniséala, lena n-áirítear trí shrian ollmhór a chur le cearta mhuintir Veiniséala maidir le saoirse an phreasa, saoirse cainte agus saoirse chun faisnéis a fháil. Bhain sé úsáid as cumhachtaí speisialta CONATEL chun lucht cáinte agus daoine nár aontaigh leis an réimeas a chur ina dtost trína suíomhanna gréasáin a bhlocáil, scagadh a dhéanamh orthu agus bac a chur orthu, agus trí cheadúnais atá ann cheana do stáisiúin raidió agus teilifíse a chúlghairm agus trí dhiúltú chinn nua a dheonú.

29.6.2020

37.

Remigio CEBALLOS ICHASO

Dáta breithe: 1.5.1963

Uimhir aitheantais: V-6557495

Inscne: fireann

Ambasadóir Veiniséala chun na Síne. Iar-Aire Gnóthaí Baile agus Ceartais Veiniséala (Lúnasa 2021- Lúnasa 2024) agus Leas-Uachtarán an Rialtais um Shlándáil na Saoránach. Iarcheannasaí ar Cheannas Oibríochtúil agus Straitéiseach Fhórsaí Armtha Bolavaracha Veiniséala (Comando Estratégico Operacional Fuerzas Armadas Nacionales Bolivarianas (CEOFANB)), an t-orgán is airde i bhFórsaí Armtha Veiniséala, (Meitheamh 2017 — Iúil 2021). Rialaíonn CEOFANB Fórsaí Armtha Náisiúnta Bolavaracha Veiniséala (FANB) agus an Garda Náisiúnta Bolavarach. Tá CEOFANB freagrach freisin as gníomhartha FANB a chomhordú i léirsithe. Agus é ina Cheannasaí ar CEOFANB, bhí sé freagrach as sáruithe tromchúiseacha ar chearta an duine, lena n-áirítear forneart iomarcach a bheith á úsáid agus íde mhídhaonna tháireach á tabhairt ag oifigigh FANB agus ag fo-fhórsaí faoina cheannas, lena n-áirítear an Garda Náisiúnta Bolavarach. Dar le foinsí éagsúla, an Misean Neamhspleách Idirnáisiúnta Aimsithe Fíricí faoi Phoblacht Bholavarach Veiniséala ina measc, tá sáruithe ar chearta an duine déanta ag FANB agus ag an nGarda Náisiúnta Bolavarach.

22.2.2021’.