L_202402617GA.000101.fmx.xml

RIALACHÁN CUR CHUN FEIDHME (AE) 2024/2617 ÓN gCOIMISIÚN

an 1 Deireadh Fómhair 2024

maidir le haicmiú earraí áirithe san Ainmníocht Chomhcheangailte

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (1), agus go háirithe Airteagal 57(4) agus Airteagal 58(2) de,

De bharr an mhéid seo a leanas:

(1)	Chun a áirithiú go gcuirtear an Ainmníocht Chomhcheangailte atá i gceangal le Rialachán (CEE) Uimh. 2658/87 ón gComhairle (2) i bhfeidhm go haonfhoirmeach, is gá bearta a ghlacadh maidir le haicmiú na n-earraí dá dtagraítear san Iarscríbhinn a ghabhann leis an Rialachán seo.

(2)

Le Rialachán (CEE) Uimh. 2658/87, leagadh síos na rialacha ginearálta maidir le léirmhíniú na hAinmníochta Comhcheangailte. Tá feidhm ag na rialacha sin freisin maidir le haon ainmníocht eile atá bunaithe go hiomlán uirthi nó a bhfuil cuid di bunaithe uirthi nó a chuireann aon fhoroinn bhreise léi agus a bhunaítear le forálacha sonracha de chuid an Aontais, d’fhonn bearta taraife agus bearta eile i ndáil le trádáil in earraí a chur i bhfeidhm.

(3)	De bhun na rialacha ginearálta sin, na hearraí a bhfuil tuairisc orthu i gcolún (1) den tábla a leagtar amach san Iarscríbhinn, is earraí iad ba cheart a aicmiú faoin gcód AC a luaitear i gcolún (2), de bhua na gcúiseanna a leagtar amach i gcolún (3) den tábla sin.

(4)

Maidir le faisnéis taraife cheangailteach arna heisiúint i leith na n-earraí a bhaineann leis an Rialachán seo, ar faisnéis í nach bhfuil i gcomhréir leis an Rialachán seo, is iomchuí a fhoráil go bhféadfaidh an sealbhóir an fhaisnéis sin a agairt fós, go ceann tréimhse áirithe, i gcomhréir le hAirteagal 34(9) de Rialachán (AE) Uimh. 952/2013. Is tréimhse trí mhí ba cheart a bheith sa tréimhse sin.

(5)	Na bearta dá bhforáiltear sa Rialachán seo, is bearta iad atá i gcomhréir leis an tuairim ón gCoiste um an gCód Custaim,

TAR ÉIS AN RIALACHÁN SEO A GHLACADH:

Airteagal 1

Na hearraí a bhfuil tuairisc orthu i gcolún (1) den tábla a leagtar amach san Iarscríbhinn, aicmeofar iad faoi chuimsiú na hAinmníochta Comhcheangailte faoin gcód AC a luaitear i gcolún (2) den tábla sin.

Airteagal 2

Faisnéis taraife cheangailteach nach bhfuil i gcomhréir leis an Rialachán seo, féadfar í a agairt fós i gcomhréir le hAirteagal 34(9) de Rialachán (AE) Uimh. 952/2013 go ceann tréimhse trí mhí ó dháta theacht i bhfeidhm an Rialacháin seo.

Airteagal 3

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an 1 Deireadh Fómhair 2024.

Thar ceann an Choimisiúin

Gerassimos THOMAS

An tArd-Stiúrthóir

Ard-Stiúrthóireacht an Chánachais agus an Aontais Custaim

(1) IO L 269, 10.10.2013, lch. 1, ELI: http://data.europa.eu/eli/reg/2013/952/oj.

(2) Rialachán (CEE) ón gComhairle Uimh. 2658/87 an 23 Iúil 1987 maidir leis an ainmníocht taraife agus staidrimh agus leis an gComhtharaif Chustaim (IO L 256, 7.9.1987, lch. 1, ELI: http://data.europa.eu/eli/reg/1987/2658/oj).

IARSCRÍBHINN

Tuairisc ar na hearraí

Aicmiú

(Cód AC)

Cúiseanna

(1)

(2)

(3)

Teilgeoir mar a thugtar air le tiúnóir i bhfeireadh aonair le tomhas thart ar 53 × 13 × 34 cm, ina bhfuil teilgeoir teicneolaíochta léasair le haghaidh próiseáil solais dhigiteach (DLP) agus tiúnóir teilifíse ionsuite.

Tá na príomhghnéithe agus na comhéadain seo a leanas ag an táirge:

—	nascacht gan sreang trí Bluetooth agus Wi-Fi,

—	teilifís chliste agus cúntóirí cliste ionsuite (mar shampla, Google Assistant, Bixby, Alexa),

—	comhoiriúnacht maidir le hIdirlíon na Rudaí Nithiúla,

—	tiúnóirí teilifíse digiteacha agus analógacha,

—	taifeach 4K (3840 × 2160 picteilín),

—	callairí ionsuite le himfhuaim cainéil 2.2,

—	3 phort HDMI,

—

port USB,

—	aschur fuaime digiteach,

—	port Ethernet (LAN) RJ-45,

—

aeróg.

Tá an táirge in ann comharthaí teilifíse a fháil tríd an tiúnóir teilifíse ionsuite agus comharthaí físe a fháil trí ríomhaire nó trí fhón cliste. Is féidir leis, ina dhiaidh sin, comharthaí den sórt sin a atáirgeadh mar íomhánna teilgin.

Deartar é chun físeáin agus íomhánna socra a thaispeáint ar scáileán teilgin seachtrach (nach bhfuil ionchorpraithe agus nach gcuirtear i láthair leis an teilgeoir) nó ar bhalla.

(Féach na híomhánna) (*1)

8528 72 10

Cinntear an t-aicmiú le rialacha ginearálta 1 agus 6 maidir le léirmhíniú na hAinmníochta Comhcheangailte agus le foclaíocht chóid AC 8528 , 8528 72 agus 8528 72 10 .

Tá tiúnóir teilifíse mar chuid den teilgeoir; dá bhrí sin, meastar gur gaireas glactha le haghaidh teilifíse é. (Féach freisin Nóta Míniúcháin an Chórais Chomhchuibhithe (NMCC) a ghabhann le ceannteideal 8528 , an tríú mír).

Cé nach n-ionchorpraíonn an teilgeoir monatóir nó scáileán, meastar gur gléas taispeána físe é, ós rud é go bhfuil an teicneolaíocht taispeána DLP ann a ligeann don ghaireas físeáin nó íomhánna socra a thaispeáint go díreach trína dteilgean ar scáileán teilgean seachtrach nó ar bhalla. Dá bhrí sin, eisiatar aicmiú faoi fho-cheannteideal 8528 71 . (Féach freisin NMCC a ghabhann le ceannteideal 8528 , pointe (D)).

Mar gheall ar a shaintréithe oibiachtúla, meastar gur trealamh teilgin é an táirge lena gcuimsítear gaireas glactha le haghaidh teilifíse. (Féach freisin Nótaí míniúcháin a ghabhann leis an Ainmníocht Chomhcheangailte a ghabhann le fo-cheannteideal 8528 72 10 )

Dá bhrí sin, is faoi chód AC 8528 72 10 , mar threalamh teilgthe teilifíse, atá an teilgeoir le tiúnóir le haicmiú.

(*1) Is le faisnéis a thabhairt, agus lena aghaidh sin amháin, atá na híomhánna ann.