|
10.2.2022 |
GA |
Iris Oifigiúil an Aontais Eorpaigh |
L 29/40 |
CINNEADH CUR CHUN FEIDHME (AE) 2022/181 ÓN gCOIMISIÚN
an 9 Feabhra 2022
lena leasaítear Cinneadh Cur Chun Feidhme (AE) 2021/260 ón gCoimisiún a mhéid a bhaineann le gluaiseachtaí áirithe d’ainmhithe uisceacha idir na Ballstáit nó idir codanna díobh faoi réir bearta náisiúnta agus Iarscríbhinn I a ghabhann leis a mhéid a bhaineann le stádas galair na hÉireann i ndáil le víreas heirpéis oisre-1μνar (OsHV-1μνar)
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (“Dlí maidir le Sláinte Ainmhithe”) (1), agus go háirithe Airteagal 226(3) de,
De bharr an mhéid seo a leanas:
|
(1) |
Is éard a bhunaítear le Cinneadh Cur Chun Feidhme (AE) 2021/260 ón gCoimisiún (2) liostaí na mBallstát agus na gcodanna díobh a mheastar a bheith saor ó ghalair áirithe ainmhithe uisceacha, nach liostaítear faoi Airteagal 9(1), pointe (d) de Rialachán (AE) 2016/429, nó atá faoi réir clár díothaithe maidir leis na galair sin. |
|
(2) |
Go háirithe, is éard a leagtar síos le hAirteagal 4 de Chinneadh Cur Chun Feidhme (AE) 2021/260 na coinníollacha faoinar féidir speicis ainmhithe uisceacha atá soghabhálach i leith na galar sin a aistriú idir na Ballstáit nó idir codanna díobh, lena n-áirítear an ceanglas go mbeidh na hainmhithe sin de thionscnamh Ballstáit nó cuid de a liostaítear a bheith saor ó na galair sin. |
|
(3) |
Mar sin féin, léiríonn caighdeáin na hEagraíochta Domhanda um Shláinte Ainmhithe (OIE) (3) agus an taithí phraiticiúil nach gá i gcónaí, ó thaobh sláinte ainmhithe de, d’ainmhithe uisceacha beo agus a ngaiméití a bheith de thionscnamh limistéar atá saor ó ghalar má tá siad le haistriú chuig limistéar atá saor ó ghalar cheana féin nó faoi réir clár díothaithe. I gcásanna áirithe agus maidir le galair áirithe, d’fhéadfaí gur leor ainmhithe uisceacha a chur ar coraintín i mbunaíocht dobharshaothraithe arna formheas i gcomhréir le Rialachán Tarmligthe (AE) 2020/691 ón gCoimisiún (4), uibheacha a dhíghalrú, nó ainmhithe uisceacha a choimeád in uisce le salandacht áirithe faoi dhálaí a leagtar síos, chun an riosca galair a mhaolú. |
|
(4) |
Dá bhrí sin, is iomchuí Cinneadh Cur Chun Feidhme (AE) 2021/260 a leasú, chun na bearta maolaithe riosca sin a chur san áireamh, chun trádáil shábháilte na dtráchtearraí sin a éascú. |
|
(5) |
Ina theannta sin, d’iarr Éire ar an gCoimisiún “Deighleog 5: Cuan na Beirtrí Buí agus Cuan na Gaillimhe”, a scriosadh ó liosta na ndeighleog atá saor ó Víreas heirpéis oisre-1μvar (OsHV-1μvar) in Éirínn, agus Iarscríbhinn I a ghabhann le Cinneadh Cur Chun feidhme (AE) 2021/260 a leasú dá réir sin. Rinneadh an iarraidh sin ar chúiseanna tráchtála seachas de dheasca ráig ghalair. |
|
(6) |
Dá bhrí sin, ba cheart Cinneadh Cur Chun Feidhme (AE) 2021/260 a leasú dá réir sin. |
|
(7) |
Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh Cur Chun Feidhme (AE) 2021/260 mar a leanas:
|
1. |
Cuirtear an méid seo a leanas in ionad Airteagal 4: “Airteagal 4 Gluaiseachtaí d’ainmhithe uisceacha de speicis shoghabhálacha idir na Ballstáit nó codanna díobh atá faoi réir beart náisiúnta lena n-áirítear cláir dhíothaithe 1. Ainmhithe uisceacha de speicis atá soghabhálach i leith galar faoi leith a liostaítear sa dara colún d’Iarscríbhinn III, ní aistreofar iad chuig na Ballstáit nó codanna díobh a liostaítear sa dara colún nó sa ceathrú colún de na táblaí in Iarscríbhinní I nó II ach amháin sna cásanna seo a leanas:
2. De mhaolú ar mhír 1, pointe (a), ainmhithe uisceacha de speicis shoghabhálacha i leith galar faoi leith a liostaítear sa dara colún d’Iarscríbhinn III, féadfar iad a aistriú chuig na Ballstáit nó codanna díobh a liostaítear sa dara colún nó sa cheathrú colún de na táblaí in Iarscríbhinní I nó II sna cásanna seo a leanas:
(*1) Rialachán Tarmligthe (AE) 2020/691 ón gCoimisiún an 30 Eanáir 2020 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha i dtaca le bunaíochtaí dobharshaothraithe agus iompróirí ainmhithe uisceacha (IO L 174, 3.6.2020, lch. 345)." (*2) OIE Aquatic Animal Health Code, 2021, an 23ú Eagrán.” " |
|
2. |
In Iarscríbhinn I, sa ró ina dtagraítear do Víreas heirpéis oisre-1μvar (OsHV-1μvar), cuirtear an téacs a leagtar amach san Iarscríbhinn a ghabhann leis an gCinneadh seo in ionad na hiontrála a bhaineann le hÉirinn. |
Airteagal 2
Tiocfaidh an Cinneadh seo i bhfeidhm an triú lá tar éis lá a fhoilsithe in Iris Oifigiúil an Aontais Eorpaigh.
Arna dhéanamh sa Bhruiséil, 9 Feabhra 2022.
Thar ceann an Choimisiúin
An tUachtarán
Ursula VON DER LEYEN
(1) IO L 84, 31.3.2016, lch. 1.
(2) Cinneadh Cur Chun Feidhme (AE) 2021/260 ón gCoimisiún an 11 Feabhra 2021 lena bhformheastar bearta náisiúnta arna gceapadh chun an tionchar a bhíonn ag galair áirithe ainmhithe uisceacha a theorannú i gcomhréir le hAirteagal 226(3) de Rialachán (AE) 2016/429 ó Pharlaimint na hEorpa agus ón gComhairle agus lena n-aisghairtear Cinneadh 2010/221/AE ón gCoimisiún (IO L 59, 19.2.2021, lch. 1).
(3) OIE Aquatic Animal Health Code, 2021, an 23ú Eagrán.
(4) Rialachán Tarmligthe (AE) 2020/691 ón gCoimisiún an 30 Eanáir 2020 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha i dtaca le bunaíochtaí dobharshaothraithe agus iompróirí ainmhithe uisceacha (IO L 174, 3.6.2020, lch. 345).
(5) Rialachán Cur Chun Feidhme (AE) 2020/2236 ón gCoimisiún an 16 Nollaig 2020 lena leagtar síos rialacha maidir le cur i bhfeidhm Rialacháin (AE) 2016/429 agus (AE) 2017/625 ó Pharlaimint na hEorpa agus ón gComhairle a mhéid a bhaineann le deimhnithe sláinte ainmhithe caighdeánacha i dtaca le teacht isteach coinsíneachtaí ainmhithe uisceacha agus le hearraí áirithe de bhunadh ainmhíoch ó ainmhithe uisceacha isteach san Aontas agus lena ngluaiseachtaí laistigh den Aontas, i dtaca le deimhniúchán oifigiúil a mhéid a bhaineann leis na deimhnithe sin agus lena n-aisghairtear Rialachán (CE) Uimh. 1251/2008, (IO L 442, 30.12.2020, lch. 410).
IARSCRÍBHINN
|
“Víreas heirpéis oisre -1μvar (OsHV-1 μvar) |
Éire |
IE |
Deighleog 1: Cuan na gCaorach Deighleog 3: Cuan Chill Ala, Bá Chnocán na Líne agus Cuan an Fhóid Duibh Deighleog 4: Cuan Bharr an tSrutha Deighleog A: Gorlann Bhá Thrá Lí” |