<!DOCTYPE html PUBLIC "yes" "xhtml1-strict.dtd">
<html xmlns="http://www.w3.org/1999/xhtml">
<!--GENDOC2XHTML # converter_version: 1.2.15-->
  <head>
    <title>2025-06-202506C105202306850-00-TRA-DOC-MT-ARRET-C-0685-23-202505438-07_00</title>
    <meta content="text/html; charset=utf-8" http-equiv="Content-Type"/>
    <meta content="" name="Gendoc_DGTGeneratedDate"/>
    <meta content="0" name="MSIP_Label_6bd9ddd1-4d20-43f6-abfa-fc3c07406f94_ContentBits"/>
    <meta content="Commission Use" name="MSIP_Label_6bd9ddd1-4d20-43f6-abfa-fc3c07406f94_Name"/>
    <meta content="mt-MT" name="Gendoc_Lang"/>
    <meta content="" name="Gendoc_GenerationDate"/>
    <meta content="" name="IsFlattened"/>
    <meta content="1" name="NumProc"/>
    <meta content="Final" name="Gendoc_EditionType"/>
    <meta content="0001" name="Gendoc_CaseNumberSuite"/>
    <meta content="6/08/2025 11:22:57" name="Gendoc_LastVerificationDate"/>
    <meta content="" name="Gendoc_ProcedureNumber"/>
    <meta content="mt" name="Gendoc_LangCode"/>
    <meta content="ARR" name="TypeDoc"/>
    <meta content="UpgnSeGU+qnJzU8X+AOvssWLs0zi3ni4vtHt2HNChUtr+/bWZw4lqFQPEA6jxWxoMe3RkO7ponK7FfWW64PtvY8Y21BkmFmrf4X85T1OgFge0p1wUezAE3CtR2SvREjFKKBX8PZBJelCXYgLogPro+uQLw6oshlxlKvjYiQdAQU=" name="GenDocUID"/>
    <meta content="P" name="TypeProc"/>
    <meta content="" name="CreateCustomParts"/>
    <meta content="OK" name="ReadyToPublish"/>
    <meta content="svc_wsgendoc" name="Gendoc_User"/>
    <meta content="" name="EP_Mode"/>
    <meta content="" name="Gendoc_DGTGenerated"/>
    <meta content="" name="Gendoc_Vademecum"/>
    <meta content="true" name="MSIP_Label_6bd9ddd1-4d20-43f6-abfa-fc3c07406f94_Enabled"/>
    <meta content="39516b82-3945-4519-b532-f3b87351d70c" name="MSIP_Label_6bd9ddd1-4d20-43f6-abfa-fc3c07406f94_ActionId"/>
    <meta content="0685" name="NumeroOrdre"/>
    <meta content="2023" name="Annee"/>
    <meta content="P" name="Gendoc_ProcedureType"/>
    <meta content="" name="EP_Version"/>
    <meta content="MT" name="Langue"/>
    <meta content="" name="Gendoc_DGTGeneratedUser"/>
    <meta content="b24c8b06-522c-46fe-9080-70926f8dddb1" name="MSIP_Label_6bd9ddd1-4d20-43f6-abfa-fc3c07406f94_SiteId"/>
    <meta content="FAST_document_go_ok" name="Gendoc_LastVerificationStatus"/>
    <meta content="ARR_C" name="Gendoc_GendocTemplateType"/>
    <meta content="TRUE" name="WithoutAuthorBlockFlatP"/>
    <meta content="GenDoc 21-05-25 13:17:36" name="Created"/>
    <meta content="" name="Canevas3_Vademecum"/>
    <meta content="2025-06-24T08:12:38Z" name="MSIP_Label_6bd9ddd1-4d20-43f6-abfa-fc3c07406f94_SetDate"/>
    <meta content="TRUE" name="WithoutAuthorBlock"/>
    <meta content="" name="Gendoc_CaseYear"/>
    <meta content="false" name="Generation_In_Progress"/>
    <meta content="C" name="Juridiction"/>
    <meta content="156e8f91b76c46bc8d00aadf291537ca" name="DocumentIdentifier"/>
    <meta content="0685" name="Gendoc_CaseNumber"/>
    <meta content="ImportedWithoutSource" name="SdlIdentifier"/>
    <meta content="RP" name="NatureAff"/>
    <meta content="RP" name="Gendoc_CaseNature"/>
    <meta content="0001" name="NumSuite"/>
    <meta content="C" name="Gendoc_Juridiction"/>
    <meta content="Standard" name="MSIP_Label_6bd9ddd1-4d20-43f6-abfa-fc3c07406f94_Method"/>
  </head>
  <body>
    <div style="header">
      <div id="rId24" style="first"/>
      <div id="rId20" style="even">Sentenza tal‑5.6.2025 – Kawża C‑685/23</div>
      <div id="rId21" style="default">Corner and Border</div>
    </div>
    <p class="C19Centre" id="para-1" title="page-1">
      SENTENZA TAL-QORTI TAL-ĠUSTIZZJA (Il-Ħames Awla)
    </p>
    <p class="C19Centre" id="para-2" title="page-1">
      5 ta’ Ġunju 2025  (<span class="note footnote notemarker">
<a id="c-1" href="#t-1">*</a>
</span>)
    </p>
    <p class="C71Indicateur" id="para-3" title="page-1">
      “Rinviju għal deċiżjoni preliminari – Direttiva 2008/7/KE – Artikolu 5(2)(b) – Artikolu 6(1)(d) – Taxxi indiretti fuq il-ġbir tal-kapital – Kunċett ta’ ‘privileġġi’ – Taxxa tal-boll fuq il-garanziji kkuntrattati għall-finijiet tal-eżekuzzjoni tajba ta’ self ta’ bonds”
    </p>
    <p class="C02AlineaAltA" id="para-4" title="page-1">
      Fil-Kawża C‑685/23,
    </p>
    <p class="C02AlineaAltA" id="para-5" title="page-1">
      li għandha bħala suġġett talba għal deċiżjoni preliminari skont l-Artikolu 267 TFUE, imressqa mit-Tribunal Arbitral Tributário (Centro de Arbitragem Administrativa – CAAD) (il-Qorti tal-Arbitraġġ Fiskali (Ċentru ta’ Arbitraġġ Amministrattiv – CAAD), il-Portugall), permezz ta’ deċiżjoni tal‑10 ta’ Novembru 2023, li waslet fil-Qorti tal-Ġustizzja fil‑15 ta’ Novembru 2023, fil-proċedura
    </p>
    <p class="C02AlineaAltA" id="para-6" title="page-1">
      Corner and Border S. A.
    </p>
    <p class="C02AlineaAltA" id="para-7" title="page-1">
      vs
    </p>
    <p class="C02AlineaAltA" id="para-8" title="page-1">
      Autoridade Tributária e Aduaneira,
    </p>
    <p class="C19Centre" id="para-9" title="page-1">
      IL-QORTI TAL-ĠUSTIZZJA (Il-Ħames Awla),
    </p>
    <p class="C02AlineaAltA" id="para-10" title="page-1">
      komposta minn M. L. Arastey Sahún, Presidenta tal-Awla, D. Gratsias (Relatur), E. Regan, J. Passer u B. Smulders, Imħallfin,
    </p>
    <p class="C02AlineaAltA" id="para-11" title="page-1">
      Avukat Ġenerali: A. Biondi,
    </p>
    <p class="C02AlineaAltA" id="para-12" title="page-1">
      Reġistratur: L. Carrasco Marco, Amministratriċi,
    </p>
    <p class="C02AlineaAltA" id="para-13" title="page-1">
      wara li rat il-proċedura bil-miktub u wara s-seduta tal‑14 ta’ Novembru 2024,
    </p>
    <p class="C02AlineaAltA" id="para-14" title="page-1">
      wara li kkunsidrat l-osservazzjonijiet ippreżentati:
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għal Corner and Border S. A., minn A. P. Braga u M. Moreira, advogados,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Gvern Portugiż, minn P. Barros da Costa, H. Magno u A. Rodrigues, bħala aġenti,</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">–</p>
</td>
<td valign="top">
<p class="normal">għall-Kummissjoni Ewropea, minn P. Caro de Sousa, A. Ferrand u W. Roels, bħala aġenti,</p>
</td>
</tr>
</table>
    <p class="C02AlineaAltA" id="para-18" title="page-1">
      wara li semgħet il-konklużjonijiet tal-Avukat Ġenerali, ippreżentati fis-seduta tat‑13 ta’ Frar 2025,
    </p>
    <p class="C02AlineaAltA" id="para-19" title="page-1">
      tagħti l-preżenti
    </p>
    <p class="C75Debutdesmotifs" id="para-20" title="page-1">
      Sentenza
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">1</p>
</td>
<td valign="top">
<p class="normal">It-talba għal deċiżjoni preliminari tirrigwarda l-interpretazzjoni tal-Artikoli 5(2) u 6(1)(d) tad-Direttiva tal-Kunsill 2008/7/KE tat‑12 ta’ Frar 2008 dwar it-taxxi indiretti fuq il-ġbir tal-kapital (ĠU 2008, L 46, p. 11).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">2</p>
</td>
<td valign="top">
<p class="normal">Din it-talba tressqet fil-kuntest ta’ tilwima bejn Corner and Border S. A. u l-Autoridade Tributária e Aduaneira (l-Awtorità Fiskali u Doganali, il-Portugall) dwar l-impożizzjoni ta’ taxxa tal-boll fuq il-garanziji kkuntrattati għall-finijiet tal-eżekuzzjoni tajba ta’ self ta’ bonds.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kuntest ġuridiku</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt tal-Unjoni</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">3</p>
</td>
<td valign="top">
<p class="normal">Il-premessi 2, 3 u 9 tad-Direttiva 2008/7 huma fformulati kif ġej:</p>
</td>
</tr>
</table>
    <p class="C09Marge0avecretrait" id="para-26" title="page-1">
      “(2) It-taxxi indiretti fuq il-ġbir tal-kapital, jiġifieri d-dazju dovut fuq kontributi ta’ kapital lil kumpaniji u ditti, minn hawn ‘il quddiem ‘dazju fuq il-kapital’, it-taxxa tal-boll fuq titoli, u dazju fuq operazzjonijiet ta’ ristrutturazzjoni, irrispettivament minn jekk dawk l-operazzjonijet jinvolvux żieda fil-kapital, joħolqux diskriminazzjoni, taxxa doppja jew inugwaljanzi li jinterferixxu fil-moviment liberu tal-kapital. L-istess japplika fir-rigward ta’ taxxi indiretti oħrajn bl-istess karatteristiċi bħal dazju fuq il-kapital u taxxa tal-boll fuq it-titoli.
    </p>
    <p class="C09Marge0avecretrait" id="para-27" title="page-1">
      (3) Konsegwentement, huwa fl-interessi tas-suq intern li tiġi armonizzata l-leġislazzjoni dwar it-taxxi indiretti dwar il-ġbir tal-kapital sabiex kemm jista’ jkun jiġu eliminati fatturi li jistgħu jgħawwġu l-kondizzjonijiet tal-kompetizzjoni jew ixekklu l-moviment liberu tal-kapital.
    </p>
    <p class="C09Marge0avecretrait" id="para-28" title="page-1">
      […]
    </p>
    <p class="C09Marge0avecretrait" id="para-29" title="page-2">
      (9) Minbarra d-dazju fuq il-kapital, l-ebda taxxa indiretta fuq il-ġbir tal-kapital m’għandha tiġi imposta. B’mod partikolari, l-ebda taxxa tal-boll m’għandha tiġi imposta fuq titoli, irrispettivament mill-oriġini ta’ tali titoli, u irrispettivament minn jekk jirrappreżentawx il-kapital proprju tal-kumpanija jew il-kapital ta’ self tagħha.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">4</p>
</td>
<td valign="top">
<p class="normal">L-Artikolu 2 ta’ din id-direttiva, intitolat “kumpanija ta’ kapital”, jiddisponi, fil-punt (a) tal-paragrafu 1 tiegħu:</p>
</td>
</tr>
</table>
    <p class="C02AlineaAltA" id="para-31" title="page-2">
      “Għall-finijiet ta’ din id-Direttiva, ‘kumpanija ta’ kapital’ tfisser:
    </p>
    <p class="C09Marge0avecretrait" id="para-32" title="page-2">
      (a) kwalunkwe kumpanija li jkollha waħda mill-forom elenkati fl-Anness I”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">5</p>
</td>
<td valign="top">
<p class="normal">Il-punti 16 u 22 tal-Anness I tal-imsemmija direttiva jirreferu, b’mod partikolari u rispettivament, għall-kumpannija b’responsabbiltà limitata rregolata mid-dritt Lussemburgiż u għall-kumpannija pubblika b’responsabbiltà limitata (sociedade anónima) rregolata mid-dritt Portugiż.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">6</p>
</td>
<td valign="top">
<p class="normal">L-Artikolu 3 tal-imsemmija direttiva, intitolat “Kontributi ta’ kapital”, jipprovdi:</p>
</td>
</tr>
</table>
    <p class="C02AlineaAltA" id="para-35" title="page-2">
      “Għall-finijiet ta’ din id-Direttiva u suġġetti għall-Artikolu 4, it-transazzjonijiet li ġejjin għandhom jiġu kkunsidrati bħala ‘kontributi ta’ kapital’:
    </p>
    <p class="C02AlineaAltA" id="para-36" title="page-2">
      […]
    </p>
    <p class="C09Marge0avecretrait" id="para-37" title="page-2">
      (i) self assunt minn kumpanija kapitali, jekk il-kreditur ikun ntitolat għal sehem mill-profitti tal-kumpanija;
    </p>
    <p class="C09Marge0avecretrait" id="para-38" title="page-2">
      (j) self assunt minn kumpanija ta’ kapital ma’ membru jew konjugi jew wild ta’ membru, jew self assunt ma’ parti terza, jekk ikun garantit minn membru, bil-kondizzjoni li dan is-self ikollu l-istess funzjoni bħal żieda fil-kapital tal-kumpanija.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">7</p>
</td>
<td valign="top">
<p class="normal">L-Artikolu 5 tad-Direttiva 2008/7, intitolat “Transazzjonijiet mhux suġġetti għal taxxa indiretta”, huwa fformulat kif ġej:</p>
</td>
</tr>
</table>
    <p class="C02AlineaAltA" id="para-40" title="page-2">
      “1. L-Istati Membri m’għandhomx jissuġġettaw lill-kumpaniji ta’ kapital għal kwalunkwe forma ta’ taxxa indiretta fir-rigward ta’ dan li ġej:
    </p>
    <p class="C09Marge0avecretrait" id="para-41" title="page-2">
      (a) kontributi ta’ kapital;
    </p>
    <p class="C02AlineaAltA" id="para-42" title="page-2">
      […]
    </p>
    <p class="C02AlineaAltA" id="para-43" title="page-2">
      2. L-Istati Membri m’għandhomx jissuġġettaw lil dawn li ġejjin għal kwalunkwe forma ta’ taxxa indiretta:
    </p>
    <p class="C09Marge0avecretrait" id="para-44" title="page-3">
      (a) il-ħolqien, il-ħruġ, l-ammissjoni għall-kwotazzjoni fil-borża, it-tqegħid fis-suq jew in-negozju ta’ stocks, ishma jew titoli oħrajn ta’ l-istess tip, jew taċ-ċertifikati li jirrappreżentaw dawn it-titoli, irrispettivament minn min ikunu maħruġa;
    </p>
    <p class="C09Marge0avecretrait" id="para-45" title="page-3">
      (b) ammonti ta’ self, inklużi bonds tal-gvern, miġbura bil-ħruġ ta’ obbligazzjonijiet jew titoli negozjabbli oħrajn, irrispettivament minn min ikunu maħruġa, jew kwalunkwe formalità relatata magħhom, jew il-ħolqien, il-ħruġ, l-ammissjoni għal kwotazzjoni fil-borża, it-tqegħid fis-suq jew in-negozju ta’ dawn l-obbligazzjonijiet jew titoli negozjabbli oħrajn.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">8</p>
</td>
<td valign="top">
<p class="normal">Skont l-Artikolu 6 ta’ din id-direttiva, intitolat “Dazji u Taxxa fuq il-Valur Miżjud”:</p>
</td>
</tr>
</table>
    <p class="C02AlineaAltA" id="para-47" title="page-3">
      “1. Minkejja l-Artikolu 5, l-Istati Membri jistgħu jimponu d-dazji u t-taxxi li ġejjin:
    </p>
    <p class="C02AlineaAltA" id="para-48" title="page-3">
      […]
    </p>
    <p class="C09Marge0avecretrait" id="para-49" title="page-3">
      (d) dazji fuq il-ħolqien, reġistrazzjoni jew ħlas ta’ ipoteki jew piżijiet oħrajn fuq l-art jew proprjetà oħra [privileġġi];
    </p>
    <p class="C02AlineaAltA" id="para-50" title="page-3">
      […]”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">9</p>
</td>
<td valign="top">
<p class="normal">L-Artikolu 7(1) tal-imsemmija direttiva jipprovdi:</p>
</td>
</tr>
</table>
    <p class="C02AlineaAltA" id="para-52" title="page-3">
      “Minkejja l-Artikolu 5(1)(a), Stat Membru li fl‑1 ta’ Jannar 2006 impona dazju fuq il-kontributi ta’ kapital fuq kumpaniji ta’ kapital, minn hawn ‘il quddiem ‘dazju fuq il-kapital’, jista’ jkompli jagħmel dan sakemm jikkonforma ma’ l-Artikoli 8 sa 14.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Id-dritt Portugiż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">10</p>
</td>
<td valign="top">
<p class="normal">Il-punt 1 tal-Artikolu 1 tal-Código do Imposto do Selo (il-Kodiċi tat-Taxxa tal-Boll) jipprevedi:</p>
</td>
</tr>
</table>
    <p class="C02AlineaAltA" id="para-55" title="page-3">
      “It-taxxa tal-boll tinġabar fuq l-atti kollha, kuntratti, dokumenti, titoli, karti u fatti jew sitwazzjonijiet ġuridiċi oħra previsti fit-Tabela Geral do Imposto do Selo [(it-Tariffa Ġenerali dwar it-Taxxa tal-Boll)], inklużi trasferimenti ta’ oġġetti mingħajr ħlas.”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">11</p>
</td>
<td valign="top">
<p class="normal">It-Tariffa Ġenerali dwar it-Taxxa tal-Boll tinkludi t-Taqsima 10, dwar il-garanziji għall-obbligazzjonijiet, li hija fformulata kif ġej:</p>
</td>
</tr>
</table>
    <p class="C02AlineaAltA" id="para-57" title="page-4">
      “Il-garanziji għall-obbligazzjonijiet, tkun xi tkun in-natura jew il-forma tagħhom, jiġifieri garanziji, depożiti, garanziji bankarji awtonomi, garanziji awtonomi, ipoteki, rahan u assigurazzjonijiet ta’ garanzija, sakemm ma jkunux materjalment anċillari għal kuntratti speċifikament intaxxati b’din it-tariffa u kkostitwiti flimkien mal-obbligazzjoni iggarantita, anki jekk ikunu kkostitwiti fi strument jew titolu differenti – fuq il-valur rispettiv tagħhom, skont it-tul tagħhom, fejn l-estensjoni tat-tul tal-kuntratt titqies dejjem bħala tranżazzjoni ġdida:
    </p>
    <p class="C02AlineaAltA" id="para-58" title="page-4">
      […]
    </p>
    <p class="C09Marge0avecretrait" id="para-59" title="page-4">
      10.3 Garanziji mingħajr indikazzjoni tat-tul jew b’tul ta’ ħames snin jew iktar – 0.6 %”.
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Il-kawża prinċipali u d-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">12</p>
</td>
<td valign="top">
<p class="normal">Corner and Border hija kumpannija pubblika b’responsabbiltà limitata rregolata mid-dritt Portugiż li l-kapital azzjonarju tagħha huwa kompletament miżmum minn Onex Renewables Sàrl (iktar ’il quddiem “Onex”), kumpannija b’responsabbiltà limitata rregolata mid-dritt Lussemburgiż. Fil‑21 ta’ Lulju 2021, Onex akkwistat, mingħand EDP Renewables SGPS S. A., li hija kumpannija pubblika b’responsabbiltà limitata rregolata mid-dritt Portugiż, il-kapital azzjonarju kollu ta’ Éolica Do Sincelo S. A. (iktar ’il quddiem “ES”) u ta’ Éolica da Linha S. A. (iktar ’il quddiem “EL”), żewġ kumpanniji pubbliċi oħra b’responsabbiltà limitata rregolati mid-dritt Portugiż. Fid‑29 ta’ Lulju 2021, Onex ittrasferixxiet lil Corner and Border il-pożizzjoni kuntrattwali tagħha fil-kuntratt ta’ xiri tal-azzjonijiet ta’ dawn iż-żewġ kumpanniji.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">13</p>
</td>
<td valign="top">
<p class="normal">Fis‑27 ta’ Jannar 2022, Corner and Border ikkonkludiet ftehim ta’ finanzjament (iktar ’il quddiem il-“ftehim ta’ finanzjament”) li permezz tiegħu hija ħarġet self bi ħruġ ta’ bonds irreġistrati għal ammont totali ta’ EUR 348 900 000 sottoskritt kompletament minn Banco Santander Totta S. A. (iktar ’il quddiem is-“self ta’ bonds”). Dan il-ftehim ta’ finanzjament ġie konkluż bl-għan li jiffinanzja l-ħlas tal-prezz tax-xiri tal-azzjonijiet ta’ ES u ta’ EL kif ukoll sabiex jirrifinanzja d-dejn eżistenti ta’ dawn il-kumpanniji. Skont il-ftehim ta’ finanzjament, Corner and Border setgħet tittrasferixxi l-pożizzjoni kuntrattwali ta’ sottoskrittur assunt minn Banco Santander Totta permezz tal-ħlas ta’ penalitajiet jew ta’ kummissjonijiet.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">14</p>
</td>
<td valign="top">
<p class="normal">Sabiex tiġi żgurata l-eżekuzzjoni tajba tal-ftehim ta’ finanzjament, Onex, Corner and Border, ES u EL ipprovdew diversi garanziji ta’ natura reali u personali. Dawn il-garanziji ġew ipprovduti skont kuntratt konkluż bejn dawn il-kumpanniji, bħala garanti, u Banco Santander Totta, bħala benefiċjarju u “aġent tal-garanziji” (iktar ’il quddiem il-“kuntratt ta’ għoti ta’ garanziji”).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">15</p>
</td>
<td valign="top">
<p class="normal">Fil-kuntest tal-kuntratt ta’ għoti ta’ garanziji, Onex ipprovdiet sensiela ta’ garanziji fil-forma, l-ewwel, ta’ rahan fuq l-azzjonijiet ta’ Corner and Border u fuq id-djun ta’ Onex bħala self minn azzjonisti mogħti lil Corner and Border u, it-tieni, ta’ wegħdiet ta’ rahan fuq l-azzjonijiet ta’ Corner and Border li jistgħu jinħarġu fil-futur kif ukoll fuq id-djun futuri ta’ Onex bħala self mill-azzjonisti mogħti lil Corner and Border.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">16</p>
</td>
<td valign="top">
<p class="normal">Skont dan il-kuntratt, Corner and Border ipprovdiet ukoll sensiela ta’ garanziji, u dan fi tliet forom. Dawn huma, l-ewwel nett, rahan fuq l-azzjonijiet ta’ ES u ta’ EL, fuq id-djun ta’ Corner and Border bħala, b’mod partikolari, self minn azzjonisti mogħti lil dawn il-kumpanniji u fuq il-bilanċ tal-kontijiet bankarji ta’ Corner and Border, it-tieni nett, fuq wegħdiet ta’ rahan fuq l-azzjonijiet ta’ ES u ta’ EL li jistgħu jinħarġu fil-futur, fuq djun futuri miżmuma minn Corner and Border fuq dawn il-kumpanniji u fuq il-bilanċ tal-kontijiet bankarji futuri ta’ Corner and Border u, fl-aħħar nett, it-tielet nett, fuq it-trasferiment tad-dejn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">17</p>
</td>
<td valign="top">
<p class="normal">Skont l-imsemmi kuntratt, ES u EL, huma wkoll, ipprovdew sensiela ta’ garanziji u ta’ wegħdiet ta’ garanziji fil-forma, l-ewwel nett, ta’ rahan fuq il-bilanċ tal-kontijiet bankarji eżistenti tagħhom u fuq id-djun li għandhom, it-tieni nett, ta’ wegħdiet ta’ rahan fuq il-bilanċ tal-kontijiet bankarji futuri tagħhom u, it-tielet nett, ta’ trasferiment tad-dejn.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">18</p>
</td>
<td valign="top">
<p class="normal">Il-qorti tar-rinviju tippreċiża li l-għoti ta’ dawn il-garanziji kien neċessarju u essenzjali għall-konklużjoni tal-ftehim ta’ finanzjament u għall-ħruġ tas-self ta’ bonds.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">19</p>
</td>
<td valign="top">
<p class="normal">Fis‑27 ta’ Jannar 2022, in-nutar li fassal u awtentika l-ftehim ta’ finanzjament u l-kuntratt ta’ għoti ta’ garanziji stabbilixxa t-taxxa tal-boll, konformement mal-Artikolu 10.3 tat-Tariffa Ġenerali dwar it-Taxxa tal-Boll, bir-rata ta’ 0.6 % applikata fuq l-ammont ta’ EUR 348 900 000, li b’hekk tat lok għal taxxa stmata għal EUR 2 093 400.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">20</p>
</td>
<td valign="top">
<p class="normal">Corner and Border ippreżentat appell amministrattiv kontra l-impożizzjoni tat-taxxa tal-boll fuq il-garanziji mogħtija. Peress li dan l-appell ġie miċħud, Corner and Border ressqet talba għal arbitraġġ quddiem it-Tribunal Arbitral Tributário (Centro de Arbitragem Administrativa – CAAD) (il-Qorti tal-Arbitraġġ Fiskali (Ċentru ta’ Arbitraġġ Amministrattiv – CAAD), il-Portugall), li hija l-qorti tar-rinviju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">21</p>
</td>
<td valign="top">
<p class="normal">Insostenn tat-talba tagħha, Corner and Border issostni, b’mod partikolari, li l-att ta’ tassazzjoni tat-taxxa tal-boll jikser l-Artikolu 5(2)(b) tad-Direttiva 2008/7, peress li l-garanziji li kienu s-suġġett ta’ din it-taxxa kienu strettament essenzjali għall-konklużjoni tas-self ta’ bonds, b’tali mod li t-taxxa inkwistjoni twassal sabiex tiġi imposta t-tranżazzjoni ta’ ġbir tal-kapital inkwistjoni fil-kawża prinċipali fl-intier tagħha. Barra minn hekk, l-eċċezzjoni stabbilita fl-Artikolu 6(1)(d) ta’ din id-direttiva tikkonċerna biss il-garanziji imposti fuq proprjetajiet immobbli.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">22</p>
</td>
<td valign="top">
<p class="normal">Il-qorti tar-rinviju tesprimi dubji dwar il-kwistjoni jekk il-kostituzzjoni ta’ garanziji fil-kuntest tat-twettiq ta’ tranżazzjonijiet ta’ ġbir ta’ kapital għandhiex tiġi kkunsidrata li tifforma parti integrali minn dawn it-tranżazzjonijiet jew inkella li tikkostitwixxi formalità relatata magħhom u jekk il-projbizzjoni li l-imsemmija tranżazzjonijiet jiġu suġġetti għal taxxi indiretti prevista fl-Artikolu 5(2)(b) tad-Direttiva 2008/7 testendix, konsegwentement, għal dawn il-garanziji. Il-qorti tar-rinviju tistaqsi wkoll dwar il-kwistjoni jekk l-imsemmija garanziji jaqgħux taħt il-kunċett ta’ “privileġġi”, fis-sens tal-Artikolu 6(1)(d) ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">23</p>
</td>
<td valign="top">
<p class="normal">F’dawn iċ-ċirkustanzi, it-Tribunal Arbitral Tributário (Centro de Arbitragem Administrativa – CAAD) (il-Qorti tal-Arbitraġġ Fiskali (Ċentru ta’ Arbitraġġ Amministrattiv – CAAD)) iddeċidiet li tissospendi l-proċeduri quddiemha u li tagħmel lill-Qorti tal-Ġustizzja d-domandi preliminari li ġejjin:</p>
</td>
</tr>
</table>
    <p class="C09Marge0avecretrait" id="para-73" title="page-6">
      “1) L-Arti[k]olu 5(2)(b) tad-Direttiva [2008/7] għandu jiġi interpretat fis-sens li jipprekludi t-tassazzjoni permezz tal-Imposto do Selo (it-Taxxa tal-Boll) ta’ garanziji li jikkonsistu f’rahan bħala kollaterali finanzjarju ta’ azzjonijiet, ta’ bilanċi ta’ kontijiet bankarji, ta’ self ta’ azzjonisti u t-trasferiment ta’ krediti għall-finijiet ta’ garanzija, ipprovduti b’rabta ma’ tranżazzjoni ta’ ħruġ ta’ obbligazzjonijiet?
    </p>
    <p class="C09Marge0avecretrait" id="para-74" title="page-6">
      2) Ir-risposta għall-ewwel domanda tkun differenti skont jekk il-provvista ta’ garanziji tkun legalment rikjesta jew jekk tkun fakultattiva u mogħtija b’mod volontarju?
    </p>
    <p class="C09Marge0avecretrait" id="para-75" title="page-6">
      3) Ir-risposta għall-ewwel domanda tkun differenti fil-każ li l-garanziji jkunu ġew ipprovduti fl-ambitu ta’ tranżazzjoni ta’ ħruġ ta’ obbligazzjonijiet suġġetta għas-sottoskrizzjoni privata minn bank li l-pożizzjoni tiegħu ta’ sottoskrivent tista’ tiġi trażmessa bil-volontà tal-entità emittenti, anki jekk din tkun suġġetta għal kundizzjonijiet u għal penalitajiet/kummissjonijiet?
    </p>
    <p class="C09Marge0avecretrait" id="para-76" title="page-6">
      4) L-Artikolu 6(1)(d) tad-Direttiva 2008/7 għandu jiġi interpretat fis-sens li jinkludi l-garanziji li jikkonsistu f’rahan bħala kollaterali finanzjarju ta’ azzjonijiet, ta’ bilanċi ta’ kontijiet bankarji, ta’ self ta’ azzjonisti u t-trasferiment ta’ krediti għall-finijiet ta’ garanzija, ipprovduti fl-ambitu ta’ tranżazzjoni ta’ ħruġ ta’ obbligazzjonijiet li jaqgħu taħt l-Artikolu 5(2)(b) tal-istess direttiva?”
    </p>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq id-domandi preliminari</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">24</p>
</td>
<td valign="top">
<p class="normal">Permezz tal-erba’ domandi tagħha, li għandhom jiġu eżaminati flimkien, il-qorti tar-rinviju tistaqsi, essenzjalment, jekk l-Artikolu 5(2)(b) u l-Artikolu 6(1)(d) tad-Direttiva 2008/7 għandhomx jiġu interpretati fis-sens li jipprekludu leġiżlazzjoni nazzjonali li tipprevedi l-impożizzjoni ta’ taxxa tal-boll fuq il-garanziji mogħtija fil-forma ta’ rahan ta’ azzjonijiet, ta’ bilanċi ta’ kontijiet bankarji jew ta’ djun li jirriżultaw minn self ta’ azzjonisti kif ukoll fil-forma ta’ trasferimenti tad-dejn, għall-finijiet tal-eżekuzzjoni tajba tal-obbligi li jirriżultaw minn self ta’ bonds maħruġ minn kumpannija b’kapital azzjonarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">25</p>
</td>
<td valign="top">
<p class="normal">Preliminarjament, għandu jiġi osservat li Onex, ix-xerrejja inizjali tal-azzjonijiet li x-xiri tagħhom ġiet iffinanzjata bil-ħruġ tas-self ta’ bonds, u Corner and Border, kumpannija li ħarġet il-bonds inkwistjoni fil-kawża prinċipali, huma, rispettivament, bħala kumpannija b’responsabbiltà limitata u bħala kumpannija pubblika b’responsabbiltà limitata, “kumpannija b’kapital azzjonarju” fis-sens tal-Artikolu 2(1)(a) tad-Direttiva 2008/7, moqri flimkien mal-punti 16 u 22 tal-Anness I tagħha. Konsegwentement, huma jaqgħu fil-kamp ta’ applikazzjoni ta’ din id-direttiva.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">26</p>
</td>
<td valign="top">
<p class="normal">Kif tindika l-premessa 9 tagħha, l-imsemmija direttiva għandha l-għan li teskludi kull taxxa indiretta fuq il-ġbir tal-kapital barra mill-kontribuzzjonijiet lil kumpanniji b’kapital azzjonarju, li jistgħu jkunu suġġetti għal taxxa taħt il-kundizzjonijiet previsti fl-Artikolu 7(1) tal-istess direttiva. B’mod partikolari, mill-istess premessa jirriżulta li l-ebda taxxa tal-boll ma għandha tinġabar fuq it-titoli, kemm jekk dawn ikunu rappreżentattivi tal-kapital proprju ta’ kumpanniji jew ta’ kapital ta’ self, u tkun xi tkun l-oriġini tagħhom.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">27</p>
</td>
<td valign="top">
<p class="normal">F’dan il-kuntest, l-Artikolu 5(2)(b) tad-Direttiva 2008/7 jipprojbixxi t-tassazzjoni indiretta, taħt kwalunkwe forma, ta’ self ikkuntrattat fil-forma ta’ ħruġ ta’ bonds jew ta’ titoli negozjabbli oħra, irrispettivament minn min ikun ħariġhom, u mill-formalitajiet kollha relatati magħhom, kif ukoll mill-ħolqien, mill-ħruġ, mill-ammissjoni għall-kwotazzjoni fil-Borża, mit-tqegħid fis-suq jew min-negozju ta’ dawn il-bonds jew titoli negozjabbli oħra.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">28</p>
</td>
<td valign="top">
<p class="normal">F’dan ir-rigward, f’dak li jirrigwarda, l-ewwel nett, il-kunċett ta’ “formalitajiet” relatati ma’ self fil-forma ta’ ħruġ ta’ bonds, li għandhom jiġu eżentati minn kull taxxa indiretta, għandu jiġi rrilevat li dan il-kunċett ikopri l-azzjonijiet possibbli li kumpannija b’kapital azzjonarju hija, skont il-leġiżlazzjoni nazzjonali, obbligata li tieħu sabiex tistabbilixxi tali self kif ukoll għall-ħolqien, għall-ħruġ, għall-ammissjoni fil-Borża, għat-tqegħid fiċ-ċirkulazzjoni jew għan-negozjar tat-titoli negozjabbli kkonċernati (ara, f’dan is-sens, id-digriet tad‑19 ta’ Lulju 2023, EDP (Tassazzjoni fuq il-kummerċjalizzazzjoni ta’ titoli), C‑416/22, EU:C:2023:604, punt 28 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">29</p>
</td>
<td valign="top">
<p class="normal">F’dak li jirrigwarda, b’mod partikolari, il-garanziji bħal dawk inkwistjoni fil-kawża prinċipali, għandu jiġi osservat, minn naħa, li, skont l-indikazzjonijiet ipprovduti mill-qorti tar-rinviju, id-dritt Portugiż ma jissuġġettax il-konklużjoni ta’ self ta’ bonds għall-provvista ta’ tali garanziji u, min-naħa l-oħra, li dawn huma marbuta mas-sustanza tat-tranżazzjoni ta’ ġbir tal-kapital. Minn dan isegwi li, anki meta l-persuna li ssellef tistabbilixxi l-għoti ta’ garanziji bħala kundizzjoni sabiex tissottoskrivi s-self ta’ bonds, sitwazzjoni invokata mill-qorti tar-rinviju, dan l-għoti ma jaqax taħt il-“formalitajiet” imsemmija fl-Artikolu 5(2)(b) tad-Direttiva 2008/7.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">30</p>
</td>
<td valign="top">
<p class="normal">Fir-rigward, it-tieni nett, tal-projbizzjoni li jiġu ntaxxati t-tranżazzjonijiet ta’ ġbir tal-kapital bħala tali, għandu jiġi rrilevat li, fid-dawl tal-għan imfittex mid-Direttiva 2008/7, l-Artikolu 5 tagħha għandu jiġi interpretat b’mod wiesa’, sabiex jiġi evitat li din il-projbizzjoni tiġi mċaħħda mill-effett utli tagħha. Għalhekk, il-projbizzjoni ta’ tassazzjoni ta’ dawn it-tranżazzjonijiet tapplika wkoll għat-tranżazzjonijiet mhux espressament koperti minn din il-projbizzjoni meta tali tassazzjoni twassal sabiex tiġi ntaxxata tranżazzjoni li tagħmel parti integrali minn tranżazzjoni globali fir-rigward ta’ ġbir tal-kapital (sentenza tat‑22 ta’ Diċembru 2022, IM Gestão de Ativos et, C‑656/21, EU:C:2022:1024, punt 28 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">31</p>
</td>
<td valign="top">
<p class="normal">Mill-ġurisprudenza tal-Qorti tal-Ġustizzja jirriżulta wkoll li, meta ħruġ ta’ titoli negozjabbli jagħmel sens biss mill-mument li fih dawn it-titoli jsibu akkwirenti, taxxa imposta fuq l-ewwel akkwist ta’ titolu ġdid maħruġ fir-realtà tolqot il-ħruġ stess ta’ dan it-titolu sa fejn dan jagħmel parti integrali minn tranżazzjoni globali fir-rigward tal-ġbir tal-kapital. L-għan li jinżamm l-effett utli tal-Artikolu 5(2)(b) tad-Direttiva 2008/7 jimplika, għaldaqstant, li l-“ħruġ”, fis-sens ta’ din id-dispożizzjoni, għandu jinkludi l-ewwel akkwist ta’ titoli li jsir fil-kuntest tal-ħruġ tagħhom (sentenza tat‑22 ta’ Diċembru 2022, IM Gestão de Ativos et, C‑656/21, EU:C:2022:1024, punt 29 kif ukoll il-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">32</p>
</td>
<td valign="top">
<p class="normal">Bl-istess mod, peress li l-garanziji huma pprovduti għall-finijiet tal-eżekuzzjoni tajba tal-obbligi li jirriżultaw minn self ta’ bonds, dawn għandhom, minħabba f’hekk, rabta stretta mal-ħruġ tal-imsemmi self, fis-sens tal-Artikolu 5(2)(b) tad-Direttiva 2008/7, b’tali mod li għandhom jitqiesu bħala li jagħmlu parti integrali minn tranżazzjoni globali fir-rigward tal-ġbir tal-kapital, u dan indipendentement mill-kwistjoni dwar jekk dawn humiex ipprovduti b’eżekuzzjoni ta’ obbligu legali jew volontarju (ara, f’dan is-sens, is-sentenza tat‑22 ta’ Diċembru 2022, IM Gestão de Ativos et, C‑656/21, EU:C:2022:1024, punti 31 u 35). F’dan il-kuntest, il-possibbiltà li l-persuna li tissellef, li tissostitwixxi, fi stadju ulterjuri, lil persuna oħra li ssellef għall-pożizzjoni tal-persuna inizjali li ssellef, tista’ tgawdi minn sitwazzjoni invokata mill-qorti tar-rinviju ma taffettwax ir-rabta bejn dawn il-garanziji u s-self ta’ bonds, u għalhekk hija irrilevanti.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">33</p>
</td>
<td valign="top">
<p class="normal">Minn dan isegwi li, bħala prinċipju, l-għoti tal-imsemmija garanziji għandu jkun suġġett għall-projbizzjoni ta’ tassazzjoni indiretta ta’ ġbir tal-kapital fis-sens tal-Artikolu 5 tad-Direttiva 2008/7.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">34</p>
</td>
<td valign="top">
<p class="normal">Madankollu, l-Artikolu 6(1)(d) tad-Direttiva 2008/7 jipprovdi li, minkejja l-projbizzjonijiet ta’ tassazzjoni previsti fl-Artikolu 5 tagħha, l-Istati Membri jistgħu jimponu dazji fuq “il-ħolqien, reġistrazzjoni jew ħlas ta’ ipoteki jew piżijiet oħrajn fuq l-art jew proprjetà oħra [privileġġi]”.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">35</p>
</td>
<td valign="top">
<p class="normal">Peress li d-Direttiva 2008/7 la tiddefinixxi t-terminu “privileġġi” u lanqas ma tirreferi għad-dritt tal-Istati Membri għal dan l-għan, mir-rekwiżiti tal-applikazzjoni uniformi tad-dritt tal-Unjoni u mill-prinċipju ta’ ugwaljanza jirriżulta li s-sens u l-portata tat-termini ta’ dispożizzjoni tad-dritt tal-Unjoni għandhom normalment jingħataw, fl-Unjoni Ewropea kollha, interpretazzjoni awtonoma u uniformi li għandha tiġi mfittxija billi jittieħdu inkunsiderazzjoni l-formulazzjoni ta’ din id-dispożizzjoni, il-kuntest tagħha u l-għanijiet imfittxija mil-leġiżlazzjoni li minnha tagħmel parti (sentenza tal‑20 ta’ Marzu 2025, Lindenbaumer, C‑61/24, EU:C:2025:197, punt 38 u l-ġurisprudenza ċċitata).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">36</p>
</td>
<td valign="top">
<p class="normal">F’dan ir-rigward, għandu jiġi osservat, fl-ewwel lok, li l-Artikolu 6(1)(d) tad-Direttiva 2008/7 juża, fil-maġġoranza l-kbira tal-verżjonijiet lingwistiċi, l-espressjoni “ipoteki jew piżijiet oħrajn fuq l-art [privileġġi]”. Issa, peress li l-leġiżlatur uża termini differenti sabiex jindika strumenti li joħolqu drittijiet preferenzjali kkostitwiti fuq il-patrimonju ta’ persuna, ma hemmx lok li jiġi kkunsidrat a priori li dawn it-termini jikkonċernaw biss tip ta’ dawn id-drittijiet, jiġifieri dawk ta’ natura immobiljari.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">37</p>
</td>
<td valign="top">
<p class="normal">Fit-tieni lok, għandu jitfakkar li l-Artikolu 6(1) tad-Direttiva 2008/7 jiddetermina d-dazji u t-taxxi li l-Istati Membri jistgħu jiġbru “[m]inkejja l-Artikolu 5” tagħha. Għalhekk, sabiex jiġu stabbiliti, f’dak li jirrigwarda b’mod partikolari l-konklużjoni ta’ self ta’ bonds, is-sens u l-portata tal-kunċett ta’ “privileġġi” imsemmi fl-Artikolu 6(1)(d) ta’ din id-direttiva, għandhom jittieħdu inkunsiderazzjoni, bħala elementi tal-kuntest, il-karatteristiċi tal-projbizzjoni stabbilita mill-Artikolu 5(2)(b) tagħha.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">38</p>
</td>
<td valign="top">
<p class="normal">B’mod partikolari, din l-aħħar dispożizzjoni ma tipprojbixxix lill-Istati Membri milli jissuġġettaw għal taxxa indiretta kull self meħud minn kumpannija b’kapital azzjonarju, iżda biss dawk l-ammonti “miġbura bil-ħruġ ta’ obbligazzjonijiet jew titoli negozjabbli oħrajn”, jiġifieri, kif tiddikjara l-premessa 9 ta’ din id-direttiva, fil-forma ta’ titoli li jirrappreżentaw il-kapital ta’ self.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">39</p>
</td>
<td valign="top">
<p class="normal">Issa, bħat-tranżazzjonijiet ta’ ġbir tal-kapital li jagħtu lok għall-ħruġ ta’ titoli li jirrappreżentaw il-kapital proprju ta’ kumpannija, li huma koperti mill-Artikolu 5(2)(a) tad-Direttiva 2008/7, it-tranżazzjonijiet ta’ ġbir tal-kapital fil-forma ta’ bonds, eżentati minn kull taxxa indiretta konformement mal-Artikolu 5(2)(b) ta’ din id-direttiva, huma ta’ natura li jinkoraġġixxu lill-persuna li ssellef sabiex tipprivileġġa, sabiex tevalwa l-affidabbiltà tal-wegħda ta’ ċertu redditu fuq l-investiment tagħha, il-prestazzjoni futura tal-entità emittenti iktar milli l-assi ta’ din l-entità bħala garanzija ta’ rimbors.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">40</p>
</td>
<td valign="top">
<p class="normal">Din l-analiżi hija kkonfermata mill-Artikolu 3(i) u (j) tad-Direttiva 2008/7, moqri flimkien mal-Artikolu 5(1)(a) ta’ din id-direttiva. Minn dawn id-dispożizzjonijiet jirriżulta li l-kontributi ta’ kapital fil-forma ta’ self huma eżentati minn kull forma ta’ tassazzjoni indiretta biss jekk il-kreditur ikollu dritt għal sehem mill-profitti tal-kumpannija jew jekk dan is-self ikollu l-istess funzjoni bħal żieda fil-kapital azzjonarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">41</p>
</td>
<td valign="top">
<p class="normal">Barra minn hekk, dawn il-kundizzjonijiet jirriflettu, fit-tielet lok, l-għan tad-Direttiva 2008/7 li huwa, kif jirriżulta mill-premessi 2 u 3 tagħha, li jiġu eliminati, sa fejn huwa possibbli, id-diskriminazzjonijiet, it-tassazzjoni doppja u d-differenzi li jistgħu joħolqu distorsjoni fil-kundizzjonijiet tal-kompetizzjoni jew jostakolaw il-moviment liberu tal-kapital, li jistgħu jirriżultaw minn taxxi indiretti li jolqtu speċifikament il-ġbir tal-kapital u mhux minn taxxi indiretti fuq kull forma ta’ self mogħti lil kumpannija b’kapital azzjonarju.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">42</p>
</td>
<td valign="top">
<p class="normal">Għalkemm huwa minnu li, bl-adozzjoni tad-Direttiva 2008/7, il-leġiżlatur tal-Unjoni bl-ebda mod ma affettwa l-possibbiltà tal-partijiet kontraenti li jikkostitwixxu drittijiet preferenzjali fuq beni mobbli jew immobbli sabiex jiggarantixxu r-rimbors ta’ self li jaqa’ taħt id-dispożizzjonijiet tagħha, xorta jibqa’ l-fatt li l-Artikolu 6(1)(d) ta’ din id-direttiva żamm il-kompetenza fiskali tal-Istati Membri fir-rigward tal-istrumenti kuntrattwali li jikkostitwixxu l-privileġġi u l-ipoteki stabbiliti fil-kuntest ta’ tranżazzjoni ta’ ġbir tal-kapital ta’ self.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">43</p>
</td>
<td valign="top">
<p class="normal">Fil-fatt, kif tfakkar fil-punt 37 ta’ din is-sentenza, il-kamp ta’ applikazzjoni tal-Artikolu 6(1)(d) tad-Direttiva 2008/7, li japplika “minkejja” l-projbizzjonijiet ta’ tassazzjoni previsti fl-Artikolu 5 tagħha, huwa marbut mill-qrib mal-kamp ta’ applikazzjoni tal-Artikolu 5(2)(b) ta’ din id-direttiva, u jixhed li l-leġiżlatur tal-Unjoni ma kellux l-intenzjoni li jeskludi mill-kompetenza fiskali tal-Istati Membri kategorija ta’ drittijiet, ta’ natura immobiljari jew mobbli, li huma intiżi li jiggarantixxu r-rimbors ta’ self ta’ bonds. F’dawn iċ-ċirkustanzi, kif qies, essenzjalment, l-Avukat Ġenerali fil-punt 50 tal-konklużjonijiet tiegħu, l-espressjoni “ipoteki jew piżijiet oħrajn fuq l-art jew proprjetà oħra [privileġġi]”, imsemmija f’dan l-Artikolu 6(1)(d), tinkludi l-istrumenti kuntrattwali kollha li jagħmlu parti integrali minn tranżazzjoni ta’ ġbir tal-kapital ta’ self li jippermettu lill-kreditur jikseb il-ħlas preferenzjali jew prijoritarju tiegħu fil-każ fejn id-debitur ma jonorax l-obbligi tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">44</p>
</td>
<td valign="top">
<p class="normal">Hija l-qorti tar-rinviju li għandha teżamina, fid-dawl tal-kunsiderazzjonijiet esposti fil-punt 43 ta’ din is-sentenza, jekk ir-rahan, il-wegħdiet ta’ rahan u t-trasferimenti tad-dejn inkwistjoni fil-kawża prinċipali, peress li ma jikkostitwixxux ipoteki, jistgħux jiġu kklassifikati bħala “privileġġi” fis-sens tal-imsemmi Artikolu 6(1)(d).</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">45</p>
</td>
<td valign="top">
<p class="normal">Mill-kunsiderazzjonijiet preċedenti kollha jirriżulta li l-Artikolu 5(2)(b) u l-Artikolu 6(1)(d) tad-Direttiva 2008/7 għandhom jiġu interpretati fis-sens li ma jipprekludux leġiżlazzjoni nazzjonali li tipprevedi l-impożizzjoni ta’ taxxa tal-boll fuq il-garanziji mogħtija fil-forma ta’ rahan ta’ azzjonijiet, ta’ bilanċi ta’ kontijiet bankarji jew ta’ djun li jirriżultaw minn self ta’ azzjonisti kif ukoll fil-forma ta’ trasferimenti tad-dejn, għall-finijiet tal-eżekuzzjoni tajba tal-obbligi li jirriżultaw minn self ta’ bonds maħruġ minn kumpannija b’kapital azzjonarju, sakemm dawn il-garanziji, anki jekk jagħmlu parti integrali minn tali self ta’ bonds, jikkostitwixxu privileġġi, fis-sens ta’ dan l-Artikolu 6(1)(d), sa fejn dawn jippermettu lill-kreditur jikseb il-ħlas preferenzjali jew prijoritarju tiegħu fil-każ fejn id-debitur ma jonorax l-obbligi tiegħu.</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count"/>
</td>
<td valign="top">
<p class="normal">Fuq l-ispejjeż</p>
</td>
</tr>
</table>
    <table cellpadding="0" cellspacing="0" border="0" width="100%">
<col width="5%"/>
<col width="95%"/>
<tr>
<td valign="top">
<p class="count">46</p>
</td>
<td valign="top">
<p class="normal">Peress li l-proċedura għandha, fir-rigward tal-partijiet fil-kawża prinċipali, in-natura ta’ kwistjoni mqajma quddiem il-qorti tar-rinviju, hija dik il-qorti li għandha tiddeċiedi fuq l-ispejjeż. L-ispejjeż sostnuti għas-sottomissjoni tal-osservazzjonijiet lill-Qorti tal-Ġustizzja, minbarra dawk tal-imsemmija partijiet, ma jistgħux jitħallsu lura.</p>
</td>
</tr>
</table>
    <p class="C41DispositifIntroduction" id="para-102" title="page-11">
      Għal dawn il-motivi, Il-Qorti tal-Ġustizzja (Il-Ħames Awla) taqta’ u tiddeċiedi:
    </p>
    <p class="C30Dispositifalinea" id="para-103" title="page-11">
      L-Artikolu 5(2)(b) u l-Artikolu 6(1)(d) tad-Direttiva tal-Kunsill 2008/7/KE tat‑12 ta’ Frar 2008 dwar it-taxxi indiretti fuq il-ġbir tal-kapital,
    </p>
    <p class="C30Dispositifalinea" id="para-104" title="page-11">
      għandhom jiġu interpretati fis-sens li:
    </p>
    <p class="C30Dispositifalinea" id="para-105" title="page-11">
      ma jipprekludux leġiżlazzjoni nazzjonali li tipprevedi l-impożizzjoni ta’ taxxa tal-boll fuq il-garanziji mogħtija fil-forma ta’ rahan ta’ azzjonijiet, ta’ bilanċi ta’ kontijiet bankarji jew ta’ djun li jirriżultaw minn self ta’ azzjonisti kif ukoll fil-forma ta’ trasferimenti tad-dejn, għall-finijiet tal-eżekuzzjoni tajba tal-obbligi li jirriżultaw minn self ta’ bonds maħruġ minn kumpannija b’kapital azzjonarju, sakemm dawn il-garanziji, anki jekk jagħmlu parti integrali minn tali self ta’ bonds, jikkostitwixxu privileġġi, fis-sens ta’ dan l-Artikolu 6(1)(d), sa fejn dawn jippermettu lill-kreditur jikseb il-ħlas preferenzjali jew prijoritarju tiegħu fil-każ fejn id-debitur ma jonorax l-obbligi tiegħu.
    </p>
    <div class="signatures">
<p class="C77Signatures" id="para-106" title="page-11">
<span class="signatory">Firem</span>
</p>
</div>
    <div/>
  <hr class="note"/>
<p class="note footnote">(<span class="note footnote notemarker">
<a id="t-1" href="#c-1">*</a>
</span>) Lingwa tal-kawża: il-Portugiż.</p>
</body>
</html>
