(1)

Coinbhinsiún an 20 Bealtaine 1987 maidir le foirmiúlachtaí i leith trádáil earraí a shimpliú (1) agus Coinbhinsiún an 20 Bealtaine 1987 maidir le nós imeachta comhchoiteann um earraí faoi bhealach (2) (‘na Coinbhinsiúin’ le chéile), a tugadh i gcrích idir Comhphobal Eacnamaíochta na hEorpa, Poblacht na hOstaire, Poblacht na Fionlainne, Poblacht na hÍoslainne, Ríocht na hIorua, Ríocht na Sualainne agus Cónaidhm na hEilvéise, tháinig siad i bhfeidhm an 1 Eanáir 1988.

(2)

Chuir Poblacht na Moldóive agus Montainéagró in iúl gur mian leo aontú do na Coinbhinsiúin a luaithe a bheidh na ceanglais le haghaidh a n-aontachais comhlíonta acu.

(3)

De bhun Airteagal 11(3) den Choinbhinsiún maidir le foirmiúlachtaí i leith trádáil earraí a shimpliú, féadfaidh an Comhchoiste AE-TCI a bunaíodh leis an gCoinbhinsiún sin iarrataí ar thríú tíortha aontú don Choinbhinsiún sin a ghlacadh trí bhíthin cinnidh.

(4)

De bhun Airteagal 15(3), pointe (e), den Choinbhinsiún maidir le nós imeachta comhchoiteann um earraí faoi bhealach, féadfaidh an Comhchoiste AE-TCI a bunaíodh leis an gCoinbhinsiún sin iarrataí ar thríú tíortha aontú don Choinbhinsiún sin a ghlacadh trí chinneadh.

(5)

De bhun Airteagal 15(3), pointe (a), den Choinbhinsiún maidir le nós imeachta comhchoiteann um earraí faoi bhealach, féadfaidh an Comhchoiste AE-TCI, a bunaíodh leis an gCoinbhinsiún sin, leasuithe ar na Foscríbhinní a ghabhann leis an gCoinbhinsiún sin a ghlacadh trí bhíthin cinneadh. Tráth aontachas Phoblacht na Moldóive agus aontachas Mhontainéagró don Choinbhinsiún maidir le nós imeachta comhchoiteann um earraí faoi bhealach, beidh gá leis na doiciméid ráthaíochta faoi seach a oiriúnú, agus a mhéid a bhaineann le Montainéagró, beidh gá le téarmaí teicniúla áirithe Montainéigrise a chur isteach.

(6)

I gcomhréir le hAirteagal 11a(2) agus (3) den Choinbhinsiún maidir le foirmiúlachtaí i dtrádáil earraí a shimpliú agus Airteagal 15a(2) agus (3) den Choinbhinsiún maidir le nós imeachta comhchoiteann um earraí faoi bhealach, déanfar páirtí conarthach de thríú tír, ar a n-iarrtar amhlaidh, trí ionstraim aontachais a thaisceadh agus tiocfaidh an t-aontachas sin i bhfeidhm ar an gcéad lá den dara mí tar éis don tríú tír an ionstraim aontachais a thaisceadh.

(7)

Is iomchuí an seasamh atá le glacadh thar ceann an Aontais sna Comhchoistí AE-TCI, a bunaíodh leis na Coinbhinsiúin (‘an Comhchoiste’), a bhunú, mar go bhfuil éifeachtaí dlíthiúla ag na cinntí i dtaca le hiarraidh ar Phoblacht na Moldóive agus ar Mhontainéagró aontú do na Coinbhinsiúin agus i dtaca leis an gCoinbhinsiún maidir le nós imeachta um earraí faoi bhealach a leasú.

(8)

Leis na Coinbhinsiúin, áiritheofar nósanna imeachta éifeachtúla um thrasnú teorann idir Poblacht na Moldóive agus Montainéagró agus na páirtithe sna Coinbhinsiúin.

(9)

Ba cheart seasamh an Aontais sa Chomhchoiste, a mhéid a bhaineann le glacadh na gcinntí lena n-iarrtar ar Phoblacht na Moldóive agus ar Mhontainéagró aontú do na Coinbhinsiúin agus chun an Coinbhinsiún maidir le nós imeachta comhchoiteann um earraí faoi bhealach a leasú, a bheith bunaithe ar na dréachtchinntí atá i gceangal leis seo.

(10)

Ós rud é go leasófar an Coinbhinsiún maidir le nós imeachta comhchoiteann um earraí faoi bhealach le cinntí an Chomhchoiste, is iomchuí iad a fhoilsiú in Iris Oifigiúil an Aontais Eorpaigh tar éis a nglactha.

(11)

Déanfaidh an Coimisiún ionadaíocht thar ceann an Aontais ar an gComhchoiste, i gcomhréir le hAirteagal 17(1) den Chonradh ar an Aontas Eorpach (CAE).

(12)

Chun aontachas tráthúil Phoblacht na Moldóive agus Mhontainéagró leis na Coinbhinsiúin a éascú, is gá an Cinneadh seo a ghlacadh gan mhoill,