(1)

Skont l-Artikolu 5(1) tad-Deċiżjoni tal-Kunsill (PESK) 2016/610, il-Kumitat Politiku u ta’ Sigurtà (KPS) għandu jħaddem il-kontroll politiku u d-direzzjoni strateġika tal-Missjoni Militari tal-PSDK tal-Unjoni Ewropea fir-Repubblika Ċentru-Afrikana (EUTM RCA), u huwa awtorizzat li jieħu d-deċiżjonijiet rilevanti f’konformità mal-Artikolu 38 tat-Trattat, inkluż deċiżjonijiet dwar il-ħatra ta’ Kmandanti sussegwenti tal-Forza tal-Missjoni tal-UE.

(2)

Fis-27 ta’ Awwissu 2024, il-KPS adotta d-Deċiżjoni (PESK) 2024/2192 (2), li taħtar lill-Brigadier Ġeneral Nicolae-Gabriel OROS bħala l-Kmandant tal-Forza tal-Missjoni tal-UE ta’ EUTM RCA.

(3)

Fil-5 ta’ Awwissu 2025, l-awtoritajiet militari Rumeni pproponew il-ħatra tal-Brigadier Ġeneral Claudiu-Mădălin TAMAȘ biex jieħu post il-Brigadier Ġeneral Nicolae-Gabriel OROS bħala Kmandant tal-Forza tal-Missjoni tal-UE ta’ EUTM RCA.

(4)

Fit-8 ta’ Awwissu 2025, il-Kmandant tal-Missjoni tal-UE appoġġa l-proposta li saret mill-awtoritajiet militari Rumeni.

(5)

Fl-14 ta’ Awwissu 2025, il-Kumitat Militari tal-UE rrakkomanda li l-Brigadier Ġeneral Claudiu-Mădălin TAMAȘ jinħatar bħala Kmandant tal-Forza tal-Missjoni tal-UE ta’ EUTM RCA mit-30 ta’ Settembru 2025.

(6)

Jenħtieġ li tittieħed deċiżjoni dwar il-ħatra tal-Brigadier Ġeneral Claudiu-Mădălin TAMAȘ bħala l-Kmandant tal-Forza tal-Missjoni ta’ EUTM RCA u jenħtieġ li d-Deċiżjoni (PESK) 2024/2192 titħassar,